ஐக்கிய நாடுகளின் சிறுவர் நிதியம்
கட்டற்ற கலைக்களஞ்சியமான விக்கிபீடியாவில் இருந்து.
 யுனிசெவ் இலச்சினை |
|
| அமைப்பின் வகை: | உதவிவழங்கும் அமைப்பு |
|---|---|
| சுருக்கம்: | UNICEF |
| தலைமை (Head): | ஆன் வெனீமன் Ann Veneman |
| நிலை: | இயங்குகின்றது. |
| ஆரம்பம்: | 1946 |
| இணையத்தளம்: | http://www.unicef.org |
| இதை உருவாக்கிய அமைப்பு (Parent org): | ECOSOC |
| விக்கிமீடியா பொது: |
 ஐக்கிய நாடுகள் |
ஐக்கிய நாடுகளின் சிறுவர் நிதியம் (United Nations Children's Fund or UNICEF) 11 டிசம்பர் 1946 இல் ஐக்கிய நாடுகளின் பொதுச்சபையினால் இரண்டால் உலகயுத்ததில் அழிவுற்ற நாடுகளில் உள்ள சிறார்களிற்கு உணவு மற்றும் சுகாதார வசதிகளை வழங்கும் நோக்குடன் ஆரம்பிக்கப்பட்டது. 1953இல் ஐக்கியநாடுகளின் நிதந்தர அமைப்பாகி இதன் முன்னைய பெயரான ஐக்கிய நாடுகளின் பன்னாட்டுச் சிறுவர்களிற்கான அவசரகால உதவி (United Nations International Children's Emergency Fund) என்னும் பெயரானது ஐக்கிய நாடுகளின் சிறுவர் நிதியம் என மாற்றப் பட்டது. எவ்வாறெனினும் இன்றும் இதன் முன்னைய பெயரில் இருந்து சுருக்கி அறியப்பட்ட யுனெவ் என்றே இன்னமும் அறியப்படுகின்றது. இதன் தலைமை அலுவலகமானது அமெரிக்காவின் நியூயோர்க் நகரில் அமைந்துள்ளது. ஐக்கிய நாடுகளின் சிறுவர் நிதியமானது வளர்ந்து வரும் நாடுகளின் தாய் சேய் தொடர்பான வசதிவாய்ப்புக்களை பெருக்கும் திட்டங்களை நடைமுறைப்படுத்தி வருகின்றது. 1965ஆம் ஆண்டின் அமைதிக்கான நோபல் பரிசு இவ்வமைப்பிற்கு வழங்கப்பட்டது. ஐக்கிய நாடுகளின் சிறுவர் நிதியமானது தனது திட்டங்களிற்கான நிதி வசதிக்கு உதவி வழங்கும் நாடுகள் மற்றும் தனியார் நிறுவனங்களையே சார்ந்துள்ளது.
[தொகு] முக்கிய இலக்குக்கள்
யுனிசெவ் அமைப்பானது 155 நாடுகளில் பணியாற்றி வருகின்றது. கீழ் வரும் ஐந்து முக்கிய இலக்குகளில் ஐக்கிய நாடுகளின் சிறுவர் நிதியம் ஈடுபட்டு வருகின்றது.
- பெண் பிள்ளைகளின் கல்வி
- ஏற்பூசி ஏற்றல் (Immunization )
- எச்.ஐ.வி/எய்ட்ஸ்
- சிறுவரின் பாதுகாப்பு
- சிறார் பருவம் (Early childhood)
இவை தவிர, குடும்ப அமைப்பில் குழந்தைகளை வளரச் செய்தல், குழந்தைகளின் உடல் மற்றும் மன வளர்ச்சிக்காக விளையாட்டுக்களை ஊக்குவிப்பது போன்ற நடவடிக்கைகளிலும் ஈடுபட்டு வருகின்றது.
[தொகு] வெளி இணைப்புகள்
- ஐக்கிய நாடுகளின் சிறுவர் நிதியம் அதிகாரப்பூர்வத்தளம் (ஆங்கிலத்தில்)
