ராஜ்கோட்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
குசராத்து மாநிலம்
—  மாநிலம்  —
15-08-2013-இல் புதிதாக துவக்கப்பட்ட ஏழு மாவட்டங்களுடன் குசராத்து மாநிலத்தின் புதிய வரைபடம்
அமைவிடம் 22°18′00″N 70°47′00″E / 22.3000°N 70.7833°E / 22.3000; 70.7833ஆள்கூறுகள்: 22°18′00″N 70°47′00″E / 22.3000°N 70.7833°E / 22.3000; 70.7833
நாடு  இந்தியா
பகுதி சௌராட்டிரா பகுதி
மாநிலம் குசராத்து
மாவட்டம் ராஜ்கோட்
ராஜ்கோட்மாநகராட்சி 1973
அருகாமை நகரம் அகமதாபாத்
[[குசராத்து ஆளுநர்களின் பட்டியல்|ஆளுநர்]]
[[குசராத்து முதலமைச்சர்களின் பட்டியல்|முதலமைச்சர்]]
மேயர் செல்வி. சந்திரா வியாஸ்
[[குசராத்து சட்டமன்றம்|சட்டமன்றம்]] (தொகுதிகள்) மாநகராட்சி (72)
மக்களவைத் தொகுதி 1[1]
திட்டமிடல் முகமை 1 (RUDA)
Zone 3 (Central, East & West)[3]
Ward 24[3][4]
மக்கள் தொகை

அடர்த்தி

13,35,397 (25) (2008)

12,735/km2 (32,983/sq mi)

கல்வியறிவு 80.6 (2001)% 
மொழிகள் குஜராத்தி,இந்தி
நேர வலயம் இந்திய சீர் நேரம் (ஒ.ச.நே + 05:30)
பரப்பளவு

உயரம்

104.86 சதுர கிலோமீட்டர்கள் (40.49 sq mi)[3]

134 மீட்டர்கள் (440 ft)

தட்பவெப்பம்

மழைவீழ்ச்சி
வெப்பநிலை
• கோடை
• குளிர்

Semi-Arid (Köppen)

     500 mm (20 in)
     26 °C (79 °F)
     43–33 °C (109–91 °F)
     22–19 °C (72–66 °F)

இணையதளம் Rajkot Municipal Corporation


ராஜ்கோட் (இந்தி: राजकोट ராஜ்கோட் (About this soundRajkot.ogg ) இந்தியாவின் குஜராத் மாநிலத்தின் 4 வது மிகப் பெரிய நகரமாகும். 2008 ஆம் ஆண்டு கணக்கெடுப்பின் படி 1.43 மில்லியனுக்கு அதிகமான மக்கள் தொகை கொண்ட இந்தியாவின் 28 வது நகர்புற மாநகரமாகும்.[5][6] 2006 முதல் 2020 ஆம் ஆண்டு வரையிலான கணக்கெடுப்பில் உலகில் வேகமாக வளரக்கூடிய நகரம் மற்றும் நகர்புறம் சார்ந்த பகுதிகளில் ராஜ்கோட் 22 ஆம் இடத்தில் உள்ளது.[7]

அஜி ஆறு மற்றும் நியாரி ஆற்றின் படுகையில் அமைந்து, ராஜ்கோட் மாவட்டத்தை நிருவாகத் தலைமையிடமாக கொணடு இந்தியாவின் குஜராத் மாநிலத்தில் ஒரு நகரமாக ராஜ்கோட் உள்ளது. நவம்பர் 1, 1956 ஆம் ஆண்டில் பம்பாய் மாநிலம் இரு மொழி நகரமாக இணைப்பதற்கு முன்பு வரை அதாவது 15 ஏப்ரல் 1948 முதல் 31 அக்டோபர் 1956 ஆண்டு வரை சௌராஷ்டிரா சமஸ்தானத்தின் (Princely State) தலைநகரமாக ராஜ்கோட் இருந்தது. இரு மொழி நகரமான பம்பாயிலிருந்து மே 1, 1960 ஆம் ஆண்டு குஜராத் மாநிலத்தில் ராஜ்கோட் இணைக்கப்பட்டது.

பொருளடக்கம்

வரலாறு[தொகு]

ராஜ்கோட் நிறுவப்பட்ட காலத்திலிருந்து பல அரசர் ஆட்சியின் கீழ் இயங்கியுள்ளது. இந்திய விடுதலை இயக்கத்தில் நீண்ட வரலாறு கொண்ட குறிப்பிடத்தக்க பகுதியாகவும் இருந்துள்ளது.

ஆதாரம்[தொகு]

சௌராஷ்டிராவின் மத்தியில் 1612 ஆம் ஆண்டு சன்னி இசுலாமிய ராஜு சாந்தி மற்றும் ஜடேஜா குழுவின் தாகூர் சாஹிப் விபாஜி அஜோஜி ஜடேஜா என்பவர்களால் ராஜ்கோட் நிறுவப்பட்டது. தற்போதைய ஜாம்நகர், நவாநகர் ஜாம் சதாஜியின் பேரன் விபாஜி அஜோஜி ஆவார். ராஜ்கோட் என்ற பெயர் இதன் இணை-நிறுவனரான சன்னி இசுலாம் ராஜு சாந்தியை கவுரவிக்கும் விதத்தில் வைக்கப்பட்டது.

நவாப் ஆட்சி[தொகு]

ஜுனாகாத் நவாப்பின் துணை ஃபாஜ்தார் பிரதிநிதியான மாஸும் கான் 1720 ஆம் ஆண்டு ராஜ்கோட்டை வெற்றி கண்டு அதன் பெயரை ராஜ்கோட்டிலிருந்து மாசஸுமாபாத் என மாற்றினார். 1722 ஆம் ஆண்டில் மிகப்பெரிய அகலமான 8 அடிகள் (2.4 m) சுவர்கள் மற்றும் 4 முதல் 5 சுற்றளவு கொண்ட கோட்டைகளும் கட்டப்பட்டன. கோத்தாரியா நாகா, நவ நாகா, ரையா நாகா, பேடி நாகா, பிச்சாரி நாகா, சர்தார் நாகா மற்றும் பால் நோ தர்வாஜோ என்ற எட்டு வாயில்கள் இருந்தன, ஒவ்வொரு வாயிலிலும் இரண்டு முனைகளும் கூர்மையாக்கப்பட்ட ஈட்டிகள் வெளிப்புறத்தில் பாதுகாப்பு மாசஸும்பாத்திற்கு அளிக்க: நாகலாங் கோவிலுக்கு அருகில் ஹடக்கி நாகா என்ற அழைக்கப்படும் ஈட்டிகள் இல்லாத வாயில்களும் உள்ளன. கோட்டையின் சிதையல்களை ராம்நாத் பாரா பகுதிகளை பாதுகாக்கும் அரணங்களாக காணலாம். குடியேற்ற காலங்களில் பேடி நாகா மற்றும் ரையா நாகா வாயில்கள் மாற்றியமைக்கப்பட்டன. பிரிட்டிஷ் முகைமையின் தலைமைப் பொறியாளர், சர் ராபர்ட் பெல் பூத், பேடி கேட் மற்றும் ரையா கேட்டை மேம்படுத்தி தற்போது உள்ள மூன்று மாடி மணிக்கூடு கோபுரங்களை 1892 ஆம் ஆண்டில் கட்டினார். தினேஷ் தில்வா

ஜடேஜா ஆட்சி[தொகு]

1948 ஆம் ஆண்டு வரை ராஜ்கோட்டின் முதன்மைக் கொடி

மாஸுமாபாத் பிறகு ஜடேஜா குழுவால் வெற்றி காணப்பட்டு அதன் பெயர் ராஜ்கோட் என்று மாற்றப்பட்டது. இந்த அழகிய நகரத்தில் பாவாஜிராஜ் ஜடேஜா தர்பார்காத் என்ற அரண்மனையை முதலில் கட்டினார். பாவாஜிராஜை பின் தொடர்ந்து அவரது மகன், சர் லாஹஜிராஜ் ஜடேஜா, அந்த காலங்களில் மிகவும் பிரபலமான ஆட்சியாளராக இருந்தவர், லால்பாரி மற்றும் ரந்தர்தா ஏரிகளை உருவாக்கினார். லாஹாஜிராஜை பின் தொடர்ந்த அவருடைய மகன் தர்மேந்திரசின்ஹ்ஜி, சாசன் கிர் காடுகளில் சிங்கத்தை வேட்டையாடும் போது இறந்தார், இவரை தொடர்ந்து லாஹ்ஜிராஜின் இரண்டாவது மகனும் தர்மேந்திரசின்ஹ்ஜியின் சகோதரனுமான ப்ராடியுமான்சின்ஹ்ஜி ஆட்சி செய்தார். ப்ரதுமன்சின்ஹ் ஜடேஜாவின் ஆட்சிக்காலத்தில் ராஜ்கோட் இந்தியக் குடியரசுடன் இணைக்கப்பட்டது.

பிரிட்டிஷ் ஆட்சி[தொகு]

ராஜ்கோட்டில் காந்தி உண்ணா விரதம் இருக்கிறார்.

அனைத்து அழகிய நகரங்களையும் நடுநிலையாக்க பிரிட்டிஷ் கிழக்கு இந்திய நிறுவனம் செளராஷ்டிரா முகமையை ராஜ்கோட்டில் நிறுவியது. இந்த முகைமையின் வட்டார தலைமையகம் மற்றும் குடியிருப்பு கோதி என்ற மையத்தில் அமைக்கப்பட்டது. கோனாஹ்ட் ஹால் மற்றும் ராஜ்குமார் கல்லூரி போன்ற காலணி கட்டிடங்கள் மற்றும் கல்வி நிலையங்களை பிரிட்டிஷார் உருவாக்கினர்.

ராஜ்கோட் மன்னருக்கு திவானாக அவருடைய தந்தை பணியாற்றிய காலங்களில், மஹாத்மா காந்தி என்று அறியப்படக் கூடிய மோகன்தாஸ் கரம்சந்த் காந்தி, தனது இளம் வயதை ராஜ்கோட்டில் கழித்தார். ராஸ்டிரியா சாலாவில் மார்ச் 1939 ஆம் ஆண்டு மக்கள் மன்றம் மற்றும் ராஜ்கோட் மக்களுக்கு விடுதலை அளிக்க வலியுறுத்தி காந்தி உண்ணாவிரதம் மேற்கொண்டார்.

சுதந்திரம் பெற்றபிறகு[தொகு]

U. N. தேபர் என்பவரை முதல் மந்திரியாக கொண்டு செளராஷ்டிராவின் தலைநகரமாக ராஜ்கோட் சுதந்திரத்திற்கு பிறகு இருந்தது. இரு மொழி நகரமான பாம்பே நகரத்திலிருந்து ராஜ்கோட் மே 1, 1960 ஆம் ஆண்டு பிரிக்கப்பட்ட பின்னர் புதிதாக உருவாக்கப்பட்ட குஜராத் மாநிலத்தில் இணைக்கப்பட்டது. தாஹூர் சாஹிப் ப்ரத்யுமன்சின்ஹ்க்ஜி 1973 ஆம் ஆண்டு இறந்தார். இவருடைய மகன் தாஹூர் சாஹிப் மனோகர்சின்ஹிக்ஜி ப்ரத்யுமன்சின்ஹ்க்ஜி, மாநில மட்டத்திலிருந்து அரசியல் வாழ்க்கையை ஆரம்பித்து வெற்றியும் கண்டார். குஜராத் சட்டப் பேரவையின் உறுப்பினராக பல ஆண்டுகள் மற்றும் மாநிலத்தின் உடல்நலம் மற்றும் நிதித்துறை அமைச்சராகவும் பணியாற்றியுள்ளார். தொழில் வாழ்க்கை மற்றும் சூழ்நிலைக் கொள்கையை இவருடைய வாரிசான யுவராஜ் சாஹிப் மேண்டட்டாசின்ஹ்க்ஜி தொடங்கினார்.

புவியியல் மற்றும் வானிலை[தொகு]

தட்பவெப்பநிலை வரைபடம்
Rajkot
பெமாமேஜூஜூ்செடி
 
 
0
 
28
10
 
 
0
 
30
12
 
 
0
 
35
16
 
 
0
 
38
21
 
 
10
 
40
23
 
 
100
 
37
25
 
 
270
 
32
25
 
 
120
 
31
23
 
 
80
 
33
22
 
 
10
 
35
20
 
 
0
 
32
16
 
 
0
 
29
12
வெப்பநிலை (°C)
மொத்த மழை/பனி பொழிவு (மிமீ)
source: Weatherbase
Imperial conversion
JFMAMJJASOND
 
 
0
 
82
50
 
 
0
 
86
54
 
 
0
 
95
61
 
 
0
 
100
70
 
 
0.4
 
104
73
 
 
3.9
 
99
77
 
 
11
 
90
77
 
 
4.7
 
88
73
 
 
3.1
 
91
72
 
 
0.4
 
95
68
 
 
0
 
90
61
 
 
0
 
84
54
வெப்பநிலை ( °F)
மொத்த மழை/பனி பொழிவு (அங்குலங்களில்)

புவியியல்[தொகு]

ராஜ்கோட் 22°18′N 70°47′E / 22.3°N 70.78°E / 22.3; 70.78.[8] இல் அமைந்துள்ளது. இது சராசரியாக கடல் மட்டத்திலிருந்து 134 மீட்டர்கள் உயரம் உள்ளது (439 அடி).பருவமழை காலங்களைத் தவிர எப்போதும் வறண்ட நிலையில் காணப்படும் அஜி ஆறு மற்றும் நியாரி ஆற்றின் படுகையில் ராஜ்கோட் நகரம் அமைந்துள்ளது. நகரம் 104.86 கி.மீ அளவிற்கு பரந்துள்ளது.[9]

காலநிலை[தொகு]

ராஜ்கோட் வெப்ப மண்டலம் சார்ந்த ஈரம் மற்றும் வறண்ட காலநிலையைக் கொண்டுள்ளது,, வறண்ட மார்ச்-பகுதி முதல் ஜூன்-பகுதி வரையிலான கோடைகாலத்தில் சூடாகவும், ஜூன்-பகுதி முதல் அக்டோபர் வரையிலான பருவமழைக் காலங்களில் சாராசரியாக 620 மிமி மழைப் பொழிவையும் ராஜ்காட் நகரம் பெறுகிறது. நவம்பர் முதல் பிப்ரவரி வரையிலான மாதங்களில் மிதமாகவும், சராசரி வெப்பநிலை 20 °C ஒட்டியும், குறைந்த ஈரப்பதத்துடனும் இருக்கும்.

ராஜ்கோட் நகரத்துடன் சேர்ந்த சூறாவளி காலநிலை சார்ந்த முக்கியமான குறிப்பிடத்தக்க கூறுகளில் ஒன்றாகும். மழைக் காலங்களை தொடர்ந்து வரும் மாதங்களில் அரேபிய கடலில் சூறாவளிகள் பொதுவாக உருவாகும். பருவ மழைக் காலங்கள் முடிவுற்ற வருடங்கள் மற்றும் மே மற்றும் ஜூன் மாதங்களில் இந்த பகுதிகள் அதிகப்படியான மழைப் பொழிவு மற்றும் மிக அதிகமான காற்று நிலைகளை அனுபவிக்கும். எனினும், ஜூன் மாதத்தில் குறைந்த அளவு மழைப் பொழிவே இருக்கும் மற்றும் பருவ மழை காலங்களுக்கு பிறகு காற்று வீச தொடங்கும். ஜூன் மற்றும் ஜூலை மாதங்களில் ஏற்படும் இடிமின்னற்புயல்கள் ராஜ்கோட் காலநிலையில் முக்கிய பகுதியாகும். வெயில் காலங்களில், வெப்பநிலை 24 °C மற்றும் 42 °C என்ற அளவிலே இருக்கும். குளிர்கால மாதங்களில் 10 °C மற்றும் 22 °C என்ற அளவுகளில் வெப்பநிலை மாறுபடும் இருப்பினும் குளிர்காலங்கள் சிறப்பாக இருக்கும்.[10]

மக்கள் தொகையியல்[தொகு]

10,03,015 மக்கள் தொகை ராஜ்கோட்டில் உள்ளது. ஆண்கள் 5,25,898 பேரும் பெண்கள் 5,25,898 பேரும் உள்ளனர், மன்ஹார்புர், மதாபர், ஆனந்த்பர், முன்ஞ்கா, மோடா மோவா, வாவடி, பேடி மற்றும் கோதாரியா போன்ற புறநகர்களை உள்ளடக்கிய ராஜ்கோட் பகுதியில் 52.43% ஆண்களும் 47.57% பெண்களும் உள்ளனர். 2006 ஆம் ஆண்டு கணக்கெடுப்பின் படி.[11]

ராஜ்கோட் நகரம் சராசரியாக 80.6% கல்வியறிவை கொண்டுள்ளது இது தேசிய கல்வியறிவு அளவை விட அதிகம். இங்குள்ள அதிகப்படியான மக்கள் இந்துக்கள். 90% அதிகமான மக்கள் இந்துக்கள். பனியா இனத்தை சேர்ந்த ஜெயின்களும் பெரிய குழுக்களை உருவாக்கியுள்ளனர். இசுலாமிய மக்கள் தொகை 10%க்கு அதிகமாக உள்ளது. இசுலாமிய மக்கள் தொகையில் 90% பேர் சன்னி இசுலாமியர். இந்து மற்றும் ஜெயின் சமூகத்தினர் இடையே அடிக்கடி கலப்பு திருமணங்கள் நடைபெறுவது வாடிக்கையான நிகழ்வு.

கலாச்சாரம்[தொகு]

ராஜ்கோட்டில் உள்ள மக்கள் மேம்பட்ட சைவ உணவர்கள் மற்றும் வேட்டையாடும் முறையை கடுமையாக எதிர்ப்பவர்கள். இவைகள் தான் இந்த நகரங்களில் விலங்குகளின் வளம் அதிகமாக இருக்க முக்கிய காரணம். ராஜ்கோட்டில் உள்ள பெண்கள் நகைகள் அணிவதில் ஆர்வம் உள்ளவர்கள். பெரிய சங்கிலிகள், பதக்கங்கள் மற்றும் எடை கூடுதலான தங்க நகைகளை திருமண நிகழ்ச்சிகள் மற்றும் திருவிழாக்களில் பொதுவாக காணலாம். ராஜ்கோட் ஆண்கள் கனமான தங்க சங்கிலிகள் மற்றும் எண்ணற்ற மோதிரங்களை விரல்களில் அணிய விரும்புவர். ஆடைகள் காலநிலை மற்றும் திருவிழாக்களுக்கு ஏற்றவாறு மாறுபடும். பெண்கள் பெரும்பாலும் குஜராத்தி வகையை சார்ந்த சேலைகளையும் ஆண்கள் குர்தா மற்றும் சாதாரண ஆடைகளையும் (சட்டைகள் மற்றும் கால்சட்டைகள்) அணிவர்.

ராஜ்கோட் பல கலாச்சாரங்களை கொண்ட நகரம். குஜராத்தி, ஹிந்தி, உருது, ஆங்கிலம், சிந்தி, பெங்காலி, தமிழ் மற்றும் மாராத்தி போன்ற மொழிகளை பேசுவர்களை காணலாம். எனினும், குஜராத்தி, ஹிந்தி, உருது மற்றும் ஆங்கிலம் போன்றவை மட்டும் புரியும் விதத்தில் இருக்கும்.

ராஜ்கோட் எப்போதும் "ரங்கிலு ராஜ்கோட் " வண்ணமயமான ராஜ்கோட் என்ற அர்த்தத்தில் சுட்டப்படும். ராஜ்கோட்டின் மக்கள் நாளின் காலநிலை அல்லது நேரம் என்பதை பொருட்படுத்தாமல் மகிழ்ச்சியாய் இருப்பவர்கள். இரவு 1 மணி நேரத்தில் உணவு உண்பவர்களை காண இயலும்.

சுற்றுலா[தொகு]

அதிகபடியான தேசிய சுவடுகள் மற்றும் இந்தியாவின் புகழ்பெற்ற சுற்றுலா தளங்களில் ராஜ்கோட் முக்கியமானது. இங்குள்ள ஜூப்லி பூங்கா மிகப் பெரியது, நகரின் மையத்தில் உள்ள பூங்காக்கள் குடியேற்ற காலங்களின் நினைவுச் சின்னங்களை பிரதிபலிக்கும். பூங்காவின் முக்கியமான மத்திய பகுதியில் கொனவுட் ஹால் அமைந்துள்ளது. ஆல்ஃப்ரெட் உயர்நிலைப் பள்ளி, வாட்சன் அருங்காட்சியகம், லாங் நூலகம் மற்றும் ரோட்டரி மிட்டவுன் நூலகம் போன்றவை பூங்காக்களை சுற்றி அமைந்துள்ள காண வேண்டிய இடங்களாகும்.

ரோட்டரி பொம்மைகள் அருங்காட்சியகம் உலகம் முழுவதும் உள்ள 1,400 பொம்மைகளைக் கொண்டுள்ளது.[12]

லாங் நூலகம் மற்றும் G.T. செத் நூலகங்கள் ராஜ்கோட்டின் பகுதிகள் மற்றும் சௌராஷ்டிரா (பகுதி) வரலாறு பற்றிய ஆயிரகணக்கான ஆவணங்கள் மற்றும் புத்தகங்களை கொண்டுள்ளது. நகரம் முழுவதும் கிளைகளைக் கொண்ட மற்ற பொது நூலகங்கள் ராஜ்கோட்டில் உள்ளன. இவைகளில் ரோட்டரி மிட்டவுனின் ராஜ்கோட் சிட்டி நூலகம் போன்றவையும் மற்ற நூலகங்களும் அடங்கும்.

ஸ்வாமிநாராயன் குருகுலம், மசோனிக் ஹால், ஜாம் டவர், ரேஸ் கோர்ஸ், அஜி டேம், ராமகிருஷ்ணா ஆஸ்ரமம், ஸ்ரீ ரான்சோத்தாஸ் ஆஸ்ரமம், ஸ்வாமிநாரயன் கோவில், கிமன்சா பிர் தர்கா, நாகேஸ்வர் பர்ஸ்வந்த் ஜெயின் கோவில், பால்கிருஷ்ணா ஹவேலி, ஐஸ்வர்யா கோவில் மற்றும் பூங்கா, முக்தி தாமா, லால் பாரி ஏரி, ரான்தேர்தா ஏரி, கபா காந்தி நோ டீலோ போன்றவை ராஜ்கோட்டை சுற்றி பார்க்க ஆர்வத்தை தூண்டும் இடங்களாகும். நிரந்தர கண்காட்சி இடமாக உள்ள காந்தியடிகளின் மூதாதையர் இல்லம் காந்தி ஸ்மிரிதி. வாட்சன் அருங்காட்சியகம் மற்றும் நூலகம் மனித வரலாறு மற்றும் கலாச்சாரம் பற்றிய தொகுப்புகளை வாட்சன் அருங்காட்சியகம் தற்போது கொண்டுள்ளது. ராஜ்கோட்டின் வரலாறு மற்றும் குடியேற்ற காலங்களை பற்றிய தொகுப்புகளின் பொருடகளை கொண்டுள்ளது. சௌராஷ்டிராவின் கலாச்சார பாரம்பரியங்களை வெளிப்படுத்தும் விதமாக ஜூப்லி பூங்காவில் அமையப்பட்டள்ளது. 1947 ஆம் ஆண்டு முன்பு வரை அருங்காட்சியக செயல்பாடுகளுக்கு ராஜ்கோட் மேமன் போர்டிங் தலைமையகமாக இருந்தது. ராஜ்கோட் மேமன் போர்டிங் மைதானத்தில் சௌராஷ்டிரா இசுலாமிய கூட்டமைப்பு பல இஸ்லாமிய கருத்தரங்குகளை நடத்தியுள்ளது.

நிகழ் கலைகள்[தொகு]

நகரில் நிகழ்கலை நிகழ்ச்சிக்களை அறங்கேற்றும் அரங்குகளுடன் ராஜ்கோட் கலை நிகழ்ச்சிகளை அரங்கேற்றும் முக்கியமான பகுதியாக உள்ளது. இலாபத்திற்காக இயங்காத ஹெமு காத்வி நாட்டியகிரஹா என்ற வட்டார திரையரங்கு குஜராத்தி கலை நிகழ்ச்சி வரலாறு மற்றும் அந்த கலைகளுக்கு அர்பணிக்கப்பட்ட இடமாகும்.[13]

இசை[தொகு]

நாட்டுப்புற கதைகள் மற்றும் இவற்றை சொல்ல பயன்படும் டைய்ரோ[14] என்ற அழைக்கப்படும் வாழ்விட இசைப் பிரிவை ராஜ்கோட் கொண்டுள்ளது. கதியாவாடி நாட்டுப்புற இசையை ராஜ்கோட் மரபுரிமையாய் பெற்றுள்ளது.

விளையாட்டுகள்[தொகு]

கிரிக்கெட் நகரின் முக்கிய விளையாட்டாக உள்ளது. ஒரு-நாள் சர்வதேசப் போட்டிகள், உள்ளூர் போட்டித் தொடர்களான ராஞ்சி டிராபி, துலீப் டிராபி மற்றும் பல பள்ளிகள் மற்றும் கல்லூரிகளுக்கு இடையேயான கிரிக்கெட் போட்டித் தொடர்கள் மாதவ்ராவ் சிந்தியா கிரிக்கெட் மைதானத்தில் விளையாடப்படும் போட்டிகளாகும். இந்திய கிரிக்கெட் அணியில் உறுப்பினர்களாக இருந்த K S ரஞ்சித்சின்ஹிஜி மற்றும் கர்சன் கவ்ரி போன்றவர்கள் ராஜ்கோட்டால் உருவாக்கப்பட்ட கிரிக்கெட் வீரர்கள் ஆவர். இரயில்வே கிரிக்கெட் மைதானம் மற்றும் ராஜ்குமார் கல்லூரி தெற்கு மைதானம் போன்ற கிரிக்கெட் மைதானங்கள் ராஜ்கோட் நகரத்தை சுற்றி உள்ளன. கிரிக்கெட் விளையாட்டை தவிர்த்து ஹாக்கி, கால்பந்து, கைப்பந்து, பேட்மிட்டன், டென்னிஸ், டேபிள்-டென்னிஸ், சதுரங்கம், நீச்சல் விளையாட்டு, ஸ்குவாஷ் போன்ற விளையாட்டுகள் நகரத்தில் வேகமாக வளர்ந்து வருகின்றன. தனியார் விளையாட்டு சங்கங்கள், ஜிம்கான்ஸ் மற்றும் உடற்பயிற்சிக் கூடங்கள் அதிகமாக தற்போதைய ஆண்டுகளில் அதிகரித்து வருகின்றன. கதியவார் ஜிம்கானா உள்விளையாட்டு அரங்கம் மற்றும் ராஜ்கோட் மாநகராட்சி மன்றம் நீச்சல் குளங்கள் நகரத்தின் முக்கியமான விளையாட்டு சங்கங்கள் ஆகும். முழுமையாக ராஜ்கோட்டை சேர்ந்த 16 வீரர்களைக் கொண்ட குஜராத் ஹாக்கி அணி தற்போது உருவாக்கப்பட்டுள்ளது.[15]

ஊடகம்[தொகு]

செய்தித்தாள்கள்[தொகு]

த ஹிந்து, த டைம்ஸ் ஆப் இண்டியா, இண்டியன் எக்ஸ்பிரஸ், எக்னாமிக்ஸ் டைம்ஸ், பிஸ்னஸ் ஸ்டாண்டர்டு போன்றவைகள் காலையில் கிடைக்கும் ஆங்கில மொழி செய்தித்தாள்களாகும், புல்ச்சாப், ஜெய்ஹிந்த், ஜன்சட்டா, சந்தேஷ், குஜராத் சமாச்சார், திவ்ய பாஸ்கர், சம்பவ் போன்றவை குஜராத் மொழி செய்தித்தாள்களாகும். அகிலா, சன்ஞ் சமாச்சர், ஆஜ் கல், அஸ்-பாஸ் போன்ற அதிகமான வாசகர்களைக் கொண்ட மாலை நேர செய்தித்தாள்களையும் ராஜ்கோட் வெளிவிடுகிறது. "குலிஸ்டான்-இ-மேமன்" என்ற செய்தித்தாள் பசிர் மேமன் அவர்களால் வெளிவிடப்பட்டு மேமன் மற்றும் இசுலாமிய சமூகங்களின் செய்திகளை தருகிறது, அதிகபடியான செய்தி இதழ்கள், பருவ இதழ்கள் மற்றும் பதிவேடுகள் ஒழுங்காக வெளிவிடப்பட்டு நகரம் முழுவதும் விற்பனை செய்யப்படுகிறது.

வானொலி[தொகு]

ஆல் இந்தியா ரேடியோ (ஆகாசவானி), ராஜ்கோட் (102.4 FM), கயான் வானி, ராஜ்கோட் (107.8 FM), Big92.7FM (92.7FM), ரேடியோ மிர்ச்சி (98.3FM), ரெட் FM (93.5 FM) போன்ற ஐந்து FM நிலையங்களும் 33 அலைவரிசைகளைக் கொண்ட செயற்கைகோள் ரேடியோ வேர்ல்ட்ஸ்பேஸ் சேவையும் நகரம் முழுவதும் உள்ளது. எனினும் ஆல் இந்தியா ரேடியோ, ராஜ்கோட் நிலையங்கள் (1071 AM) லும் அலைபரப்புகின்றன.[16] தற்போதைய கருத்து கணிப்பின் படி FM அனைவராலும் கேட்கப்படுவதாகவும், RED FM ராஜ்கோட் மக்களால் அதிகமாக விரும்பி கேட்கப்படும் நிலையமாக உள்ளது.

தொலைக்காட்சி[தொகு]

தூர்தர்சன் கேந்திரா வழியாக பிரசார் பாரதி DD நேஷனல் (DD1), DD குஜராத்தி (DD11) போன்ற தொலைக்காட்சி ஒளிபரப்புகிறது. 94 சுழற்சிகளுடன் ராஜ்கோட் சேம்பர் ஆப் கேபிள் ஆப்ரேட்டர் (RCC), ஒரு நிறுவனத்தை அமைத்து ராஜ்கோட் நகரம் மற்றும் புறநகர் பகுதிகளில் கேபிள் இணைப்புகளை வழங்குகிறது. தற்போது RCC 90 அலைவரிசைகளை ஒளிபரப்புகிறது.[17] BSNL தொலைபேசி நிலையம் PSTN, அலைபேசி, கம்பியில்லா உள்ளூர் இணைப்பு மற்றும் அகலவரிசை சேவைகளை வழங்குகிறது. ஐடியா செல்லுலார், ரிலையன்ஸ் இன்ஃபோகாம், டாட்டா இண்டிகாம், பாரதி ஏர்டெல் மற்றும் வோடாஃபோன் இண்டியா போன்ற தனியார் நிறுவனங்களும் அலைபேசி மற்றும் அகலவரிசை சேவைகளை வழங்குகிறது.

செயல்பாடுகள்[தொகு]

ஜூப்லி தோட்டத்திலுள்ள பட்டிநிறுத்தம்

ராஜ்கோட் மக்கள் பல்வேறு செயல்பாடுகளை தங்களது அன்றாட வாழ்வில் செய்கிறார்கள். இங்குள்ள 33 மசூதிகளில் ராஜ்கோட் இசுலாமியர்கள் ஐந்து முறை தொழுகை செய்கின்றனர். இந்துக்களும் இசுலாமிய தர்க்காக்களுக்கு செல்கின்றனர். சர்வேத கிரிக்கெட் மைதானத்திற்கு அருகில் உள்ள உள்ளூர் விளையாட்டு அரங்கத்தில் விளையாட்டு நிகழ்ச்சிகள் நடத்தப்படுகின்றன. இலவச யோகா வகுப்புகள் மற்றும் சிறிப்பு மன்றங்களும் காணப்படுகின்றன. நடைப்பயிற்சி செய்பவர்களுக்கு இலவச ஆயுர்வேத மருந்துகள் (கடவு கடியாட்டு) வழங்கப்படுகின்றன.

திருவிழா[தொகு]

ராஜ்கோட் திருவிழாக்களின் நகரம். நவராத்ரி திருவிழாவின் போது ஆடப்படும் நடன வடிவம் கார்பா பொதுவாக ஆண் மற்றும் பெண்கள் இடையே பிரபலமானது. நடுஇரவில் நடனம் தொடங்கி விடியற் காலை வரை நடைபெறும். மம்தா ஆம்பே, சிங்கத்தை இயக்குபவர்கள் குஜராத்திகளுடன் மரியாதை கலந்த நிலையில் இருப்பர். 'ஜன்மஷ்டமி மேலா' ஐந்து தினங்கள் கொண்டாட ரேஸ் கோர்ஸ் மைதானத்தில் ஜன்மஷ்டமி விழாவிற்காக ஒழுங்குபடுத்தப்படும். மா லக்ஷ்மி பூஜான் செய்வதன் மூலம் தீபாவளியை இந்துக்கள் பதுவருடமாக கொண்டாடுவர். மொகரம் இசுலாமியருக்கான புதுவருடம் ஆகும் ரம்சான் மற்றும் பக்ரீத் நாட்களையும் இசுலாமியர்கள் கொண்டாடுவர். ராஜ்கோட் மாநகராட்சி சார்பில் ராஜ்கோட் மக்களுக்காக வான்வேடிக்கை நிகழ்ச்சிகளை ஏற்பாடு செய்யப்படும். வீடுகளை சுத்தம் செய்து வண்ணம் பூசி புது ஆடைகளை மக்கள் புது வருட தினத்தன்று அணிவர். துலிட்டி என்பது வண்ண திருவிழா மற்றும் மஹாசிவராத்ரி என்பது கடவுள் சிவனின் நாள். பட்டங்களை மாடியிலிருந்து பறக்க விட்டு ஜனவரி 14 ஆம் தேதி மக்கள் உத்ராயன் (மகர சங்கராந்தி) கொண்டாடுவர். மற்ற விடுமுறை நாட்கள் கணேஷ் உத்சவம், ராம் நவமி, மஹாவீர் ஜெயந்தி போன்றவை. ராஜ்கோட்டில் பல்வேறு இனத்தைச் சேர்ந்த மக்கள் வாழ்வதால் வருடம் முழுவதும் கொண்டாட்டங்கள் நடைபெற்றுக் கொண்டே இருக்கும்.

பொருளாதாரம்[தொகு]

சிறு மற்றும் பெரிய நிறுவனங்களுடன் குஜராத் தொழில் வளர்ச்சி நிறுவனம் (GIDC) மற்றும் குஜராத் மாநில நிதி நிறுவனத்தின் (GSFC) ஆதரவுடன் மாநிலத்திற்கான வருவாயை நகரம் வழங்குகிறது. நகரத்தின் உள்கட்டமைப்பு வசதிகளை பெருக்க உலக வங்கி வழங்கிய 28 கோடி நிதியின் மூலம் நகரத்தின் பொருளாதாரம் மேம்பட்டுள்ளது. புகழ்பெற்ற வணிக நிறுவனங்களின் பொருட்கள் நகரத்தில் உள்ள பொருட்கள் சந்தைக்கு வந்த பிறகே வெளி சந்தைக்கு செல்கின்றன. சண்டிகரில் உள்ளது போல பாறைகள் பூங்காவை இந்த நகரத்திலும் அமைத்து நகரத்தை அழகாக மற்றும் புதுமையாக மாற்றும் திட்டங்கள் தற்போது நடைபெற்றுக் கொண்டிருக்கின்றன. மற்றொரு 25 கோடி மதிப்பிலான கைசர்-இ-ஹிந்த் பாலத்தை சீரமைக்கும் பணி முடியும் நிலையில் உள்ளது. பொருளாதார நிலை மற்றும் உள்ளூர் வணிக நிறுவனங்களை மேம்படுத்த அனைத்து உள்கட்டமைப்பு வசதிகளும் மேற்கொள்ளப்படுகிறது.

தொழில்துறை[தொகு]

ஆபரண சந்தை, பட்டு சித்திர வேலைப்பாடு மற்றும் கடிகார பாகங்கள் ஆகியவற்றால் ராஜ்கோட் பிரபலமானதாக உள்ளது. சிறு தொழில் உற்பத்தி தொழிற்சாலைகளையும் கொண்டுள்ளது. தாங்கு உருளைகள், டீசல் இயந்திரங்கள், சமையலறை கத்திகள் மற்றும் மற்ற வெட்டும் சாதனங்கள், கடிகார பாகங்கள் (இயக்கப் பாகம் & மணிகட்டு பாகம்), தானியங்கி பாகங்கள், அடித்து உருவேற்றும் தொழிற்சாலை, வார்ப்புரு தொழிற்சாலை, இயந்திர கருவிகள், பங்குச்சந்தை மற்றும் மென்பொருள் உருவாக்கம் போன்ற தொழிற்சாலை பொருட்களினால் ராஜ்கோட் அறியப்படுகிறது.

அடித்து உருவேற்றும் தொழிற்சாலை மற்றும் வார்ப்புரு தொழிற்சாலையினால் ராஜ்கோட் உலகம் முழுவதும் நன்கு அறியப்படுகிறது. மின்சார மோட்டார்கள், தானியங்கிகள், இயந்திர கருவிகள், உருவேற்றும் தொழிற்சாலை போன்றவற்றை தயாரிக்கும் உலக பொறியியல் நிறுவஙனங்களுடன் கடந்த சில வருடங்களாக ராஜ்கோட்டில் உள்ள நிறுவனங்கள் இணைந்து பொருட்களை தயாரிக்கின்றன. எஃக்ஜாய் நிறுவனம்[18], பிரசாந்த் காஸ்டிங் (பி) லிட்[19], டாக்டர் பம்ப்ஸ்[20] ரோலெக்ஸ் ரிங்க்ஸ், டாப்லாண்ட் எஞ்சின்ஸ் போன்ற நிறுவனங்கள் அரசாங்கம் மற்றும் தனியார் துறையினருடன் இணைந்து பெருவழிகள், துறைமுகங்கள், மின்சார தயாரிப்பு நிலையங்கள் போன்றவற்றில் அதிக முதலீடு செய்து வருகின்றன, பலவேறு நிறுவனங்களும் இதில் இணையும் என்று எதிர்பார்க்கப் படுகிறது.

500 வார்ப்பக பிரிவுகள் ராஜ்கோட்டில் உள்ளன. உள்ளூர் டீசல் இயந்திர தொழிற்சாலைகளின் உருவேற்ற தேவைகளை நிறைவேற்ற கொத்துகள் பொதுவாக உபயோகிக்கப்படுகின்றன. இந்த கொத்துகள் அஜி வஸ்ஹாத், கொண்டால் சாலை மற்றும் பவன்நகர் சாலை பகுதிகளில் உள்ளன. உள்ளூர் சந்தைக்கான சாம்பல் நிற இரும்பு உருவேற்றங்களை அதிகப்படியான வார்ப்பக பிரிவுகள் தயாரிக்கின்றன. குறைந்த சதவீத அளவிற்கு (2%) மட்டுமே வார்ப்பக பிரிவுகள் மின்சார மோட்டார் பாகங்கள் மற்றும் தானியங்க பாகங்களை ஏற்றுமதி செய்கின்றன. ராஜ்கோட்டிற்கு அருகில் உள்ள ஸாப்பர் பகுதியில் உள்ள பொறியியல் தொழிற்சாலைகளினால் ராஜ்கோட் மிகவும் பிரபலமாக உள்ளது.

சுத்தமான தங்கத்திற்கும் ராஜ்கோட் புகழ்பெற்றது. இந்தியாவின் பெரிய தங்க சந்தை இங்குள்ளது. மென்பொருள் மற்றும் ITeS தொழிற்சாலைகளிலும் ராஜ்கோட் வேகமாக வளர்ந்து வருகிறது. இணையதள உருவாக்கம் செய்யும் SOHO நிறுவனங்கள் மற்றும் பல வெளிநாட்டு மென்பொருள் நிறுவனங்கள் மற்றும் கால் செண்டர்கள் தங்கள் சேவைகள் மற்றும் உருவாக்க பிரிவுகளை ராஜ்கோட்டில் அமைத்து வேலைகளை மேற்கொள்கின்றன.

மென்பொருள், ஊர்தித்துறை மற்றும் பல துறைகளின் முன்னேற்றத்திற்காக குஜ்ராத மாநில அரசு அதிகமான நிலங்களை ஒதுக்கி சிறப்பு பொருளாதார மண்டலங்களை[21] உருவாக்க வரும் ஆண்டுகளில் திட்டமிட்டுள்ளது. தற்போதைய சந்தை கணிப்புகளின் படி, ராஜ்கோட் ஆசியாவின் மிகப் பெரிய ஊர்தித்துறை சந்தை பகுதியாக உள்ளது.

ஆடைகளில் அச்சிடும் பிரிவுகளுக்கு ராஜ்கோட் மிகவும் பெயர்பெற்றதாகும், இந்த பிரிவுகள் காட்டன் சல்வார்-துணிகள் மற்றும் காட்டன் சேலைகளில் அச்சுகள் மற்றும் சுத்தமான பட்டு பட்டோடா போன்றவற்றை உருவாக்குகின்றன.

சட்டம் மற்றும் அரசாங்கம்[தொகு]

ஊராட்சி அரசு[தொகு]

ஜில்லா சேவா சதன் (ராஜ்கோட் மாவட்ட ஆட்சியர் அலுவலகங்கள்), ராஜ்கோட் மாநகராட்சி மன்றம், ராஜ்கோட் நகர வளர்ச்சி குழுமம், மற்றும் குஜராத் காவல்துறை மற்றும் ராஜ்கோட் நகர போக்குவரத்து காவல் துறைகள் போன்ற பல அரசாங்க அமைப்புகள் மூலம் ராஜ்கோட் நிருவகிக்கப்படுகிறது.

முன்னர்
Dhansukh Bhanderi
City Mayor
2008– Present
பின்னர்
Sandhya Vyas
முன்னர்
Ms. Arti Kanwar
City Municipal Commissioner
2007– Present
பின்னர்
Mr. Dinesh H. Brahmbhatt
முன்னர்
Sudhir Sinha
City Police Commissioner
2007– Present
பின்னர்
Gita Johri

குடிமை நல உணர்வு தேவைகளுக்காக நகரத்தில் 24x7 கால் செண்டர்கள், குஜராத்தில் முதன் முறையாகவும் நாட்டில் இரண்டாவது முறையாகவும் குடிமை மேலாண்மை சார்ந்த தீர்வுகளுக்காக இயக்கப்படுகிறது. ராஜ்கோட் மாநகராட்சி மன்றத்தில் பதிவு செய்த குறைகள் தீர்க்கப்படவில்லை என்றால் அவர்களுக்கு அளிக்கப்பட்ட எண்களுக்கு அழைத்தால் போதும் எந்த பிரச்சனையாக இருந்தாலும் 72 மணி நேரத்தில் விசாரிக்கப்படும்.[22]

கல்வி[தொகு]

கிரிஸ்ட் கல்லூரி

ராஜ்கோட் மாநகராட்சி மன்றத்தின் சார்பில் பல்வேறு கல்வி நிறுவனங்கள் இயக்கப்படுகின்றன.இவைகளில் 20 பள்ளிகள் மற்றும் கற்றல் நிலையங்கள்[23] உள்ளன, 3 தொடக்கப் பள்ளிகள், 7 நடுநிலை பள்ளிகள், 4 ஜூனியர் உயர்நிலை பள்ளிகள், 4 சீனியர் உயர்நிலை பள்ளிகள், 1 கல்வி நிலையங்கள், மற்றும் 1 சிறப்பு பள்ளி[24] போன்றவை அடங்கும். நன்கு அறியப்பட்ட சுயநிதிப் பொது பள்ளிகள் ராஜ்கோட்டில் கல்வி வழங்குவதில் சிறந்த பங்கு அளிக்கின்றன.

தற்போது ஜாம்நகர் நெடுஞ்சாலை பகுதிக்கு மாற்றப்பட்டுள்ள மத்திய அரசால் இயக்கப்படும் ஜவஹர் நவோதையா வித்யாலயா என்ற கல்வி நிறுவனம் ராஜ்கோட்டில் உள்ளது. லகாஜிராஜ் உயர்நிலை பள்ளியின் ஜூனி கடகி பள்ளி வளாகத்தின் முன்பு தொடங்கப்பட்ட இந்த நிறுவனம் பிறகு ஜாம்நக்ரில் உள்ள தனது சொந்த கட்டிடத்திற்கு மாற்றப்பட்டது. ஐந்தாம் வகுப்பு மட்டத்தில் நடைபெறும் அனைத்து இந்திய நுழைவு தேர்வில் தேர்ந்தெடுக்கப்படும் சிறுவர் மற்றும் சிறுவர்கள் CBSE அங்கீகாரத்துடன் தரமான கல்வியை வழங்குகிறது.[25][26]

உயர்நிலை பள்ளிகளின் பட்டியல்

  • A S சௌத்ரி உயர்நிலைப் பள்ளி
  • அக்ஸர் புருசோத்தம் ஸ்வாமிநாராயன் உயர்நிலைப் பள்ளி
  • மத்தியப் பள்ளி
  • தில்லி அரசுப் பள்ளி
  • G T உயர்நிலைப் பள்ளி
  • கடவிபாய் விரானி கன்யா வித்யாலயா
  • கேந்த்ர வித்யாலயா
  • மட்ரு மந்திர்
  • மோகன்தாஸ் கரம்சந்த் காந்தி உயர்நிலைப் பள்ளி
  • ராஜ்குமார் கல்லூரி
  • சௌராஷ்டிரா உயர்நிலைப் பள்ளி
  • SN கன்சாகராப் பள்ளி
  • செயிண்ட் மேரிஸ் உயர்நிலைப் பள்ளி
  • சாம்ஜி வெல்ஜி விரானி உயர்நிலைப் பள்ளி
  • ஸ்ரீ லால் பக்தூர் சாஸ்திரி வித்யாலயா
  • ஸ்ரீ P.V மோடி உயர்நிலைப் பள்ளி
  • சன் சைன் பள்ளி
  • ஸ்வாமிநாராயன் குருகுலம்
  • லால் பக்தூர் சாஸ்திரி உயர்நிலைப் பள்ளி

கல்லூரிகள் மற்றும் பல்கலைக்கழகங்கள்[தொகு]

சௌராஷ்டிரா பல்கலைக்கழகம், பல கல்லூரிகள், மற்றும் பல தனியார் மற்றும் அரசு உயர் கல்வி நிலையங்களுக்கு ராஜ்கோட் நகரம் இல்லமாக உள்ளது. MEFGI - மார்வாடி கல்வி நிலையங்கள்' என்ற நிறுவனங்களின் குழுவில் ஆறு பொறியியல் கல்லூரிகள் நகரத்தில் உள்ளன, V.V.P. பொறியியல் கல்லூரி (இந்தியாவின் சிறந்த 50 கல்லூரிகளில் ஒன்று), அட்மியா நிறுவனம், அரசு பொறியியல் கல்லூரி (GEC), R.K. பொறியியல் கல்லூரி., கார்டி பொறியியல் கல்லூரி & மற்றும் இரண்டு கல்லூரிகள் கட்டுமானத்தில் உள்ளன. தர்சன் பொறியியல் கல்லூரி & ஓம் சாந்தி பொறியியல் கல்லூரி என்பவை கட்டுமானத்தில் உள்ள கல்லூரிகள் ஆகும்.ஹெமு காத்வி நாட்யா குருக் எதிரில் குறிப்பிட்ட (வாய்பாட்டு, நடனம், தபளா வதான் மற்றும் பல) நிகழ் கலை கல்லூரி உள்ளது. சௌராஷ்டிரா பல்கலைக்கழகம் நகரத்தின் அரசு பல்கலைக்கழகமாகும்; உயர்நிலை கல்விக்கு தேவையான அதிநவீன கட்டமைப்பு மற்றும் புதிய யுக்திகளை வழங்குகிறது. 28 முதுகலை பட்டப்படிப்பு துறைகளுடன் 410 ஏக்கர்கள் (1.7 km2)வளமையான பச்சை நிற நிலத்தில் பரந்து விரிந்துள்ளது.[27]

கல்லூரிகள்/பல்கலைக்கழகங்களின் பட்டியல்

  • திருமிகு. M. T. தாம்சானியா வணிகவியல் கல்லூரி
  • கிரிஸ்ட் கல்லூரி
  • AV பாரிக் தொழில்நுட்ப நிறுவனம்
  • BK மோடி அரசு மருத்துவக் கல்லூரி
  • அரசு மருத்துவக் கல்லூரி
  • அரசு தொழில்நுட்பப்பயிலகம்
  • H மற்றும் HB கோடாக் அறிவியல் கல்வி நிறுவனம்
  • குந்தல்யா கல்லூரி
  • லுக்திர்ஜி பொறியியல் கல்லூரி
  • M மற்றும் N விரானி அறிவியல் கல்லூரி
  • மட்டுஸ்ரீ விர்பாமியா மஹிலா கல்லூரி
  • PD மாலாவியா கல்லூரி
  • சௌராஷ்டிரா பல்கலைக்கழகம்
  • VVP பொறியியல் கல்லூரி[28]
  • R.P. பலோதியா கல்லூரி
  • J.H. பலோதியா கல்லூரி
  • தக்சாசிலா பொறியியல் மற்றும் தொழில்நுட்பக் கல்லூரி[29]
  • T.N.ராவ் கல்லூரி
  • R.K. வணிக மேலாண்மைக் கல்லூரி[30]
  • மோகன்தாஸ் காந்தி வித்யாலயா ஜூப்லி பாஹ்
  • சௌராஷ்டிரா பல்கலைக்கழகத்தின் கணிப்பொறியியல் துறை
  • ஹரிவந்தனா கல்லூரி

போக்குவரத்து[தொகு]

வான்வழி, இரயில்வே, சாலை வழியில் ராஜ்கோட் இந்தியாவின் பல நகரங்களுடன் இணைக்கப்பட்டுள்ளது.

சாலைகளும் நெடுஞ்சாலைகளும்[தொகு]

குஜராத்தின் பிற ஊர்களில் இருந்து ராஜ்கோட்டிற்கு வந்து செல்வதற்காக, குஜராத் மாநில சாலைப் போக்குவரத்து கழகம் (GSRTC) பல பேருந்துகளை இயக்குகிறது. இப்பேருந்துகளில் நாள்தோறும் 81000 அதிகமான மக்கள் பயணிக்கின்றனர். குஜ்ராத் மாநில நெடுஞ்சாலைகள், தேசிய நெடுஞ்சாலை 8 மற்றும் கிழக்கு-மேற்கு தாழ்வாரத்துடன் ராஜ்கோட் நகரம் இணைக்கப்பட்டுள்ளது. RTO (சாலை மற்றும் போக்குவரத்து அலுவலகம்) என்ற அரசுத் துறை மூலம் ராஜ்கோட்டிற்கு GJ-3 என்ற வாகனப் பதிவு எண் ஒதுக்கப்பட்டுள்ளது. மகாராஷ்டிரா, ராஜஸ்தான், தில்லி, மத்திய பிரதேசம், இன்ன பிற மாநிலங்களை இணைக்க தனியார் பேருந்துகள் இயக்கப்படுகின்றன.

தொடர்வண்டிகளும் பேருந்துகளும்[தொகு]

ராஜ்கோட் இரயில்வே நிலையம் சௌராஷ்டிரா மண்டலத்திற்கு முக்கியமான இரயில்வே சந்திப்பாகும், இங்கிருந்து இந்தியாவின் அனைத்து நகரங்களுக்கு இரயில்வே சேவை உள்ளது.

அரசு மற்றும் தனியார் கூட்டமைப்புடன் ராஜ்கோட் மாநகராட்சி மன்றம், நகரப் பேருந்துகளை 2007 ஆம் ஆண்டு முதல் இயக்கி வருகிறது. இதனால் 80 CNG பேருந்துகளை நகரத்துக்குள்ளும், புறநகர் பகுதிகளின் 15 முதல் 20 வழித்தடங்களிலும் இயக்குகிறது. ராஜ்கோட் அதிவிரைவுப் பேருந்துகளும்[31] இயக்கப்பட்டு, நகரத்தில் சிறந்த போக்குவரத்து சேவையை வழங்குகிறது.[32] தானியங்கி மூவுருளி உந்து வண்டிகள் ராஜ்கோட்டின் அனைத்து பகுதிகளிலும் காலம் நேரம் இல்லாமல் இயங்கிக் கொண்டிருக்கின்றன, இவைகளின் அதிகமானவை CNGயை பெட்ரோல் அல்லது டீசலுக்கு மாற்றுகின்றன.

விண்வழிப் போக்குவரத்து[தொகு]

ஜெட் ஏர்வேஸ் விமானம்.

விண்வழிப் போக்குவரத்து நகரத்தில் மெதுவாக முன்னேறி வருகிறது. இந்தியன் ஏர்லைன்ஸ், ஜெட் ஏர்வேஸ் மற்றும் பல நிறுவனங்கள் மூலம் தினமும் மும்பைக்கு அதிகமான விமானங்கள் இயக்கப்படுகின்றன. மும்பை செல்லும் வழியில் பவநகர், அஹமதாபாத் பகுதி நேர சேவைகள் குறிப்பிட்ட கால அளவில் மேற்கொள்ளப்படுகின்றன. தற்போது இந்தியன் ஏர்லைன்ஸ் மற்றும் ஜெட் ஏர்வேஸ் ராஜ்கோட் மற்றும் மும்பை விமான நிலையத்திற்கு தினமும் விமானங்களை இயக்குகின்றன. ராஜ்கோட்-பாவ்நகர்-சூரத் வழியாகப் புதிய சேவை தொடங்க திட்டமிடப்பட்டுள்ளது.[33] மும்பை மற்றும் பெங்களுருக்கு புதிய சேவையைத் ஜெட் ஏர்வேஸ் நிறுவனம் தொடங்க உள்ளது.[34]

ராஜ்கோட்டிலிருந்து 216 கி.மீட்டரில் உள்ள குஜராத்தின் தலைநகரான அஹமதாபாத்தின் சர்வதேச விமான நிலையத்திற்கு வெளி நாடுகளிலிருந்து தினசரி நேரடி விமானங்கள்[35] வருகின்றன.

நகரத்தின் மையப் பகுதியிலிருந்து ராஜ்கோட் விமான நிலையம்[36] குறைந்த தூரத்தில் அமைந்துள்ளது. 1,841 மீட்டர் ஓடுப்பாதையுடன் இந்த விமான நிலையமானது ஏர்போர்ட் அத்தாரிட்டி ஆப் இந்தியாவினால் இயக்கப்படுகிறது.

ராஜ்கோட்டின் புறநகரங்கள்[தொகு]

உடன்பிறந்த நகரங்கள்[தொகு]

ராஜ்கோட்டிற்கு உடன்பிறந்த நகரம் ஒன்று உள்ளது.[37] லெய்செஸ்டர் ராஜ்கோட் RMC கூட்டணியுடன் இரட்டையர் சங்கம் என்ற லெய்செஸ்டர் இல்லம் ராஜ்கோட்டில் கட்டப்பட உள்ளது.[38][39]

மேலும் காண்க[தொகு]

ராஜ்கோட் நகராட்சி மன்றம் ராஜ்கோட் நகர வளர்ச்சிக் குழுமம் ராஜ்கோட் இரயில்வே நிலையம்
ராஜ்கோட் விமானநிலையம் இந்தியாவின் மிகப் பிரபலமான நகரங்களின் பட்டியல் இந்தியாவின் மிகப் பிரபலமான தலைநகர் பகுதிகளின் பட்டியல்
இந்திய நகரங்களின் நிலைமை இந்திய நகரங்களின் பட்டியல் மில்லியனுக்கு அதிகமான இந்திய நகரங்களின் பட்டியல்

குறிப்புதவிகள்[தொகு]

  1. "List of Lok Sabha Members from Gujarat". Lok Sabha. பார்த்த நாள் 2007-12-19.
  2. "List of MLAs from Rajkot District". Gujarat Vidhan Sabha. பார்த்த நாள் 2007-12-19.
  3. 3.0 3.1 3.2 "Statistics". Rajkot Municipal Corporation. பார்த்த நாள் 2007-12-19. பிழை காட்டு: Invalid <ref> tag; name "zone" defined multiple times with different content
  4. "Ward details". Rajkot Municipal Corporation. பார்த்த நாள் 2007-12-19.
  5. "India: metropolitan areas". World Gazetteer. மூல முகவரியிலிருந்து 2012-12-10 அன்று பரணிடப்பட்டது.
  6. வேர்ல்ட் கெஸட்டர்ஸ்: லார்ஜஸ்ட் சிட்டீஸ் இன் இந்தியா, ஜனவரி 4, 2008 ஆம் ஆண்டு பெறப்பட்டது
  7. சிட்டி மேயர்ஸ் வேர்ல்ட்ஸ் ஃபாஸ்டஸ்ட் அர்பன் ஏரியாஸ் (1), டிசம்பர் 13, 2007 ஆம் ஆண்டு பெறப்பட்டது
  8. ஃபாலிங் ரெயின் ஜெனோமிக்ஸ், இன்க் - ராஜ்கோட், 2007 ஆம் ஆண்டு பெறப்பட்டது
  9. ராஜ்கோட் ஜியோகிராஃபி, ஜனவரி 3, 2008 ஆம் ஆண்டு பெறப்பட்டது
  10. வெதர்பேஸ் ஆப் ராஜ்கோட் (60 ஆண்டு கால பதிவு), பிப்ரவரி 1, 2008 ஆம் ஆண்டு பெறப்பட்டது
  11. சென்செஸ் ஆப் இந்தியா டிசம்பர் 13, 2007 ஆம் ஆண்டு பெறப்பட்டது
  12. ரோட்டரி டோல்ஸ் மியூசியம், ராஜ்கோட், மே 21, 2008
  13. சர்கம் க்ளப் - ஹெமு காத்வி நாட்டியக்ரகா, ஜனவரி 13, 2008 ஆம் ஆண்டு பெறப்பட்டது
  14. குஜராத்தி டெய்ரோ, ஜனவரி 13, 2008 ஆம் ஆண்டு பெறப்பட்டது
  15. குஜராத் ஹாக்கி டீம் U14, ஜனவரி 28, 2008 ஆம் ஆண்டு பெறப்பட்டது
  16. ஃப்ரீகன்சி ஆப் ராஜ்கோட் ரேடியோ, ஜனவரி 13, 2007 ஆம் ஆண்டு பெறப்பட்டது
  17. BSNL
  18. எக்ஜே இண்டஸ்டிரிஸ்
  19. பிரஷாந்த் காஸ்டிங் (பி) லிட்
  20. டாக்டர் பம்ஸ்
  21. REA SEZ, ஜனவரி 13, 2008 ஆம் ஆண்டு பெறப்பட்டது
  22. சிவிக் கால் செண்டர், ஜனவரி 18, 2008 ஆம் ஆண்டு பெறப்பட்டது
  23. RMC ஸ்கூல் ஃபோர்ட் RTI, ஜனவரி 13, 2008 ஆம் ஆண்டு பெறப்பட்டது
  24. RMC ஹைஸ்கூல்ஸ், ஜனவரி 13, 2008 ஆம் ஆண்டு பெறப்பட்டது
  25. நவோதையா
  26. அப்ளிகேஷன் ஃபார்ம் ஃபார் நவோதையா
  27. சௌராஷ்டிரா யுனிவர்சிட்டியைப் பற்றி, ஜனவரி 13, 2008 ஆம் ஆண்டு பெறப்பட்டது
  28. www.vvpedulink.ac.in
  29. www.tcet.in
  30. www.rkcollege.ac.in
  31. ராஜ்கோட் BRTS, டிசம்பர் 6, 2008 ஆம் ஆண்டு முதல்
  32. ராஜ்கோட் BRTS, ஜனவரி 6, 2008 ஆம் ஆண்டு பெறப்பட்டது
  33. சூரட்-பாவ்நகர்-ராஜ்கோட் ப்ளைட் மே டேக் விங்ஸ் சூன்
  34. ராஜ்கோட்-மும்பை-பெங்களூர் சர்வீஸ் ப்ளாண்ட் பை ஜெட் ஏர்வேஸ்
  35. டைரக்ட் இண்டர்நேஷனல் ப்ளைட்ஸ் டு அகமதாபாத்
  36. AAI வெப்சைட்-இன்ஃபோ ஆன் ராஜ்கோட் ஏர்போர்ட்
  37. சிஸ்ட்டர் சிட்டீஸ் ஆப் லெசிஸ்டர், இங்கிலாந்து. டிசம்பர் 18, 2008 ஆம் ஆண்டு பெறப்பட்டது.
  38. சிஸ்ட்டர் (டிவின்) சிட்டீஸ் ஆப் ராஜ்கோட். டிசம்பர் 18, 2008 ஆம் ஆண்டு பெறப்பட்டது.
  39. லெசிஸ்டர் சிட்டி கவுன்சில். டிசம்பர் 18 இல் பெறப்பட்டது.

கூடுதல் வாசிப்பு[தொகு]

வெளிப்புற இணைப்புகள்[தொகு]

ராஜ்கோட் பற்றிய மேலதிக தகவல்களைப் பார்க்க தொடர்புடையத் திட்டங்கள்:

Wiktionary-logo-ta.png விக்சனரி விக்சனரி
Wikibooks-logo.svg நூல்கள் விக்கிநூல்
Wikiquote-logo.svg மேற்கோள் விக்கிமேற்கோள்
Wikisource-logo.svg மூலங்கள் விக்கிமூலம்
Commons-logo.svg விக்கிபொது
Wikinews-logo.png செய்திகள் விக்கிசெய்தி



"https://ta.wikipedia.org/w/index.php?title=ராஜ்கோட்&oldid=2798593" இருந்து மீள்விக்கப்பட்டது