பாதல் சௌத்ரி

பாதல் சவுத்ரி Badal Choudhury বাদল চৌধুরী
அமைச்சர், திரிபுரா
பதவியில் மார்ச்சு 2013 – 9 மார்ச்சு 2018
முதலமைச்சர்	மாணிக் சர்க்கார்
சட்டப் பேரவை உறுப்பினர், திரிபுரா
பதவியில் 1998–2023
முன்னையவர்	திலிப் சவுத்ரி
பின்னவர்	அசோக் சந்திர மித்ரா
தொகுதி	கிருஷ்யமுக்
நாடாளுமன்ற உறுப்பினர்-மக்களவை, இந்திய நாடாளுமன்றம் மேற்கு திரிபுரா
பதவியில் 1996–1998
முன்னையவர்	சந்தோசு மோகன் தேவ்
பின்னவர்	சமர் சவுத்ரி
தொகுதி	மேற்கு திரிபுரா
சட்டமன்ற உறுப்பினர், திரிபுரா
பதவியில் 1977–1993
முன்னையவர்	சந்திர சேகர் தத்தா
பின்னவர்	திலிப் சவுத்ரி
தொகுதி	கிருஷ்யமுக்
தனிப்பட்ட விவரங்கள்
பிறப்பு	1 நவம்பர் 1951 (1951-11-01) பெலோனியா
அரசியல் கட்சி	இந்தியப் பொதுவுடமைக் கட்சி (மார்க்சிஸ்ட்)
துணைவர்	நமிதா கோபி (சவுத்ரி)

பாதல் சவுத்ரி (Badal Choudhury) ஓர் இந்திய அரசியல்வாதியும் இந்திய பொதுவுடமைக் கட்சியின் (மார்க்சிஸ்ட்) உறுப்பினரும் ஆவார். சவுத்ரி தெற்கு திரிபுரா மாவட்டத்தில் உள்ள கிருஷ்யமுக் தொகுதியிலிருந்து திரிபுரா சட்டமன்ற உறுப்பினராகத் தேர்ந்தெடுக்கப்பட்டவர் ஆவார். இவர் 2013-18-ல் (மாணிக் சர்க்கார் அரசாங்கத்தில்) சுகாதாரம் மற்றும் குடும்ப நலன் மற்றும் வருவாய் மற்றும் பொதுப்பணித்துறை அமைச்சராக இருந்தார்.

அரசியல் வாழ்க்கை

பாதல் சவுத்ரி தனது மாணவப் பருவத்திலேயே மாணவர் இயக்கங்களில் மிகவும் தீவிரமாக இருந்தார். 1968ஆம் ஆண்டு தனது 17வது வயதில் இந்திய பொதுவுடமைக் கட்சியின் (மார்க்சிஸ்ட்) உறுப்பினரானார். 1972 முதல் 1981 வரை சவுத்ரி, பெலோனியா பிரதேசக் குழுவின் செயலாளராக இருந்தார். 1974-ல், இவர் பொதுவுடைமைக் கட்சியில் திரிபுரா மாநிலக் குழு உறுப்பினராகப் பதவி உயர்வு பெற்றார். 1977-ல் திரிபுரா சட்டமன்ற உறுப்பினராக முதல் முறையாகத் தேர்ந்தெடுக்கப்பட்டார். இவர் 1993 வரை இப்பதவியிலிருந்தார். 2008-ல், இந்திய பொதுவுடமைக் கட்சியின் (மார்க்சிஸ்ட்) மத்தியக் குழு உறுப்பினரானார்.