நாவலப்பிட்டி

நாவலப்பிட்டி Nawalapitiya නාවලපිටිය
நகரம்
நாவலப்பிட்டி தொடருந்து நிலையம்
நாவலப்பிட்டி நாவலப்பிட்டி
ஆள்கூறுகள்: 7°03′N 80°32′E
நாடு	இலங்கை
மாகாணம்	மத்திய மாகாணம்
மாவட்டம்	கண்டி மாவட்டம்
பிரதேச செயலகம்	பசுபாகே கோரளை
அரசு
• வகை	நகரசபை
• நிர்வாகம்	நாவலப்பிட்டி நகரசபை
• தலைவர்	அமல் பிரியங்கரா (சுயேச்சைக்குழு)
• துணைத்தலைவர்	கே. சுரேசுவரன் (சுயேச்சைக்குழு)
பரப்பளவு
• நகரம்	122.0 km2 (47.1 sq mi)
• நகர்ப்புறம்	4.30 km2 (1.66 sq mi)
மக்கள்தொகை  (2012)
• நகரம்	59,917 (பசுபாகே கோரளை)
• அடர்த்தி	491.1/km2 (1,272/sq mi)
• நகர்ப்புறம்	13,338 (நகரசபை)
• நகர்ப்புற அடர்த்தி	3,102/km2 (8,030/sq mi)
நேர வலயம்	ஒசநே+5:30 (இலங்கை சீர் நேரம்)

நாவலப்பிட்டி (Nawalapitiya) இலங்கையின் மத்திய மாகாணத்திலுள்ள கண்டி மாவட்டத்தில் அமைந்துள்ள ஒரு நகரமாகும். நாவப்பிட்டி நகரம் நகரசபையாளும் நகரைச் சூழவுள்ள பகுதிகள் பஸ்பாகே கோரளை பிரதேச சபையால் ஆட்சி செய்யப்படுகிறது. நகரசபையும் பிரதேச சபையும் கூட்டாக பஸ்பாகே கோரளை பிரதேச செயளர் நிர்வாகப் பிரிவில் அடங்குகின்றன. நாவலப்பிட்டி மாவட்ட தலைநகரான கண்டியிலிருந்து 38 கி.மீ. தெற்கே அமைந்துள்ளது. பாரிய தேயிலைத் தோட்டங்கள் இந்நகரைச் சூழ காணப்படுகின்றது. இலங்கையின் நீளமான ஆறான மகாவலி கங்கை இந்நகரின் ஊடாகப் பாய்கிறது. மகாவலியின் பிரதான கிளையாறான கொத்மலை ஓயா நகருக்கு தெற்கில் பிரதான ஆற்றோடு சங்கமிக்கிறது.

புவியியலும் காலநிலையும்

நகரம் இலங்கையின் மத்திய மலைநாட்டின் தென் மேல் சாய்வில் அமைந்துள்ளது. சராசரி உயரம் கடல் மட்டத்திலிருந்து 602 மீற்றர்களாகும். இப்பகுதி மிக சாய்வான மலைகளைக் கொண்டுள்ளது குறைந்த தூரத்தில் பாரிய உயர வேற்றுமகளைக் காணலாம். 930 மீற்றர் உயரமான தொலொஸ்பாகை மலைத்தொடர்கள் நகருக்கு அண்மையில் காணப்படுகின்றன. இலங்கையின் மிக நீளமான நதியான மகாவலி கங்கை இந்நகரின் ஊடாகப் பாய்கிறது. நகரின் வருடாந்த மழைவீழ்ச்சி சுமார் 2500 மி.மீ. ஆகும். இது மே மாதம் தொடங்கி ஆகஸ்டு மாதம் வரையான காலப்பகுதியில் வீசும் தென்மேற்கு பருவக் காற்றினால் கிடைக்கிறது. சராசரி வெப்பநிலை 28 பாகை செல்சியஸ் ஆகும். மிகக் குறைந்த வெப்பநிலையான 15 பாகை செல்சியஸ் ஜனவரி மாதத்தில் உணரப்படும்.

போக்குவரத்து

நாவலப்பிட்டியை பெருந்தெரு மற்றும் தொடருந்து வழியாக அணுகலாம். கண்டி நகரில் இருந்து ஏஏ-1 பெருந்தெருவில் பேராதனை வரை பயணம் செய்து அங்கிருந்து ஏஏ-5 பெருந்தெருவில் கம்பளை வரை சென்று அங்கிருந்து ஏபி-13 பெருந்தெருவூடாக நாவலப்பிட்டியை அடையலாம். மாற்றாக இலங்கை தொடருந்து திணைக்களத்தின் மலையக பாதையின் மூலமாகவும் அடையலாம். நாவப்பிட்டியை திம்புளைக்கு பி-317, தொலொஸ்பாகைக்கு பி-318, கினிகத்தனைக்கு பி-319 மற்றும் அரங்கலைக்கு பி-506 என்ற பி தர பெருந்தெருக்கள் இணைக்கின்றன.

மக்கள்

நாவலப்பிட்டி ஒரு பல்கலாச்சார பல்சமய நகரமாகும். இது சிங்களவரை பெரும்பான்மையாகக் கொண்ட ஒரு நகரசபை ஆகும். இங்குள்ள மக்களில் பெரும்பானமையினர் பௌத்த மதத்தைச் சேர்ந்தவராவர். 2001 இலங்கை அரசின் மக்கள் தொகை கணிப்பீட்டில மக்களின அடிப்படையிலான மக்கள் தொகைப் பரம்பல் பின்வருமாறு:

பிரிவு	மொத்தம்	சிங்களவர்	இலங்கைத் தமிழர்	இந்தியத் தமிழர்	முஸ்லிம்கள்	பரங்கியர்	ஏனைய
மொத்தம்	56934	26030	2358	20210	7807	169	360
நகரம்	13533	4627	1889	2198	4512	111	144
கிராமம்	26907	20000	300	3177	3230	54	155
தோட்டப்புறம்	16494	1403	169	14835	65	4	30

2001 இலங்கை அரசின் மக்கள் தொகை கணிப்பீட்டில் மத அடிப்படையிலான மக்கள் தொகைப் பரம்பல் வருமாறு:

பிரிவு	மொத்தம்	பௌத்தர்	இந்து	இஸ்லாம்	கத்தோலிக்கம்	ஏனைய கிறிஸ்தவம்	ஏனைய
மொத்தம்	56934	25550	19626	8158	2767	790	43
நகரம்	13533	4435	3524	4683	686	198	7
கிராமம்	26907	19740	2704	3380	825	234	24
தோட்டப்புறம்	16494	1375	13398	95	1256	358	12

வரலாறு

பிரித்தானியர் வருகையின் போது இந்நகர் ஒரு சிறிய கிராமமாகவே காணப்பட்டது. அவர்களின் ஆட்சியின் போது நகரைச் சூழவுள்ள பிரதேசத்தில் இரப்பர், கோப்பித் தோட்டங்கள் செய்யப்பட்டன. அவை ஒருவித நோயால் பாதிக்கப்பட்டதை தொடர்ந்து தேயிலை இப்பிரதேசத்தில் அறிமுகப்படுத்தப்பட்டது. இதற்காக இந்தியாவின் அப்போதைய மெட்றாஸ் மாவட்டத்திலிருந்து கொண்டுவரப்பட்ட தமிழர்கள் இப்பிரதேசத்தில் குடியேற்றப்பட்டனர். இன்றும் இவர்களது சந்ததியினர் குறிப்பிடத்தக்களவு பெரும்பான்மையுடன் நாவலப்பிட்டியில் வசிக்கின்றனர். 1874 ஆம் ஆண்டு தேயிலைத் தோட்டங்களிலிருந்து கொழும்புக்கு தேயிலையை கொண்டு செல்வதை இலகுவாக்கும் நோக்கில் நாவலப்பிட்டிக்கு தொடருந்து பாதையை அமைத்தார்கள். இந்நகரைச்சுற்றி வேறு இயற்கை வளங்கள் காணப்படாத நிலையில் நகரின் வளர்ச்சி இரயிலையும் அதனுடன் தொடர்புடைய சேவைகளையும் அண்டியே நடைபெற்றது. காலப்போக்கில் இரயிலின் முக்கியத்துவம் குன்றிப்போனாலும் நகரின் வளர்ச்சி பாரிய அளவில் பாதிக்கப்படவில்லை.

அரசியல்

நகரசபை 9 ஆசங்களையும் பிரதேச சபை 11 ஆசங்களையும் கொண்டதாகும். 2006　உள்ளூராட்சிசபைத்　தேர்தல்　முடிவுகள்:　நாவலப்பிட்டி நகரசபை

கட்சி	வாக்குகள்	சதவீதம்	ஆசனங்கள்
ஐக்கிய மக்கள் சுதந்திர முன்னணி	3,626	66.34	7
ஐக்கிய தேசியக் கட்சி	1,535	28.08	2
மக்கள் விடுதலை முன்னணி	305	5.58	-
செல்லுபடியான வாக்குக்கள்	5466	95.66%	-
நிராகரிக்கப்பட்டவை	248	4.34%	-
அளிக்கப்பட்ட வாக்குகள்	5714	66.33%	-
மொத்த வாக்காளர்கள்	8615	**	-

மூலம்:

2006　உள்ளூராட்சிசபைத்　தேர்தல்　முடிவுகள்:　பஸ்பாகே கோரளை பிரதேசசபை

கட்சி	வாக்குகள்	சதவீதம்	ஆசனங்கள்
ஐக்கிய மக்கள் சுதந்திர முன்னணி	10,525	64.31	8
ஐக்கிய தேசியக் கட்சி	4,164	25.44	2
மக்கள் விடுதலை முன்னணி	1,330	8.13	1
சுயேட்சை	348	2.13	-
செல்லுபடியான வாக்குக்கள்	16367	91.69%	-
நிராகரிக்கப்பட்டவை	1484	8.31%	-
அளிக்கப்பட்ட வாக்குகள்	17851	63.01%	-
மொத்த வாக்காளர்கள்	28332	**	-

மூலம்:

சுற்றுலாத் தளங்கள்/ பார்க்க வேண்டியவை

• கெட்டபுலா நீர்வீழ்ச்சி
• தொலொஸ்பாகே மலை
• கலபடை நீர்வீழ்ச்சிகள்

பிரபலமானவர்கள்

• எம். ஜி. இராமச்சந்திரன் (1917) - தமிழ்நாட்டின் முன்னாள் முதலமைச்சர், தமிழ்த் திரைப்பட நடிகர்
• ப. ஆப்டீன் (1937) - எழுத்தாளர்

பிரபல பாடசாலைகள்

• கதிரேசன் மத்திய கல்லூரி (தமிழ்)
• புனித அந்திரேயர் பெண்கள் கல்லூரி (தமிழ்/சிங்களம்)
• புனித மரியாள் முஸ்லிம் வித்தியாலயம் (தமிழ்/சிங்களம்)
• அனுருத்த மத்திய கல்லூரி (சிங்களம்)
• நாவலப்பிட்டி மத்திய கல்லூரி (சிங்களம்)
• கதிரேசன் கனிஷ்டக் கல்லூரி (தமிழ்)

சமயத்தளங்கள்

• புனித மரியாள் ஆலயம் (கத்தோலிக்கம்)
• ஜும்மா பள்ளிவாசல் (இஸ்லாம்)
• நாட்டுப் பள்ளி (இஸ்லாம்)
• மாரியம்மன் கோவில் (இந்து)
• கதிரேசன் கோவில் (இந்து)
• புனித அந்திரேயர் ஆலயம் (கிறிஸ்தவம்)
• அனுருத்த பௌத்த விகாரை (பௌத்தம்)

உசாத்துணை

• ஆசிய விபத்து தடுப்பு தகவல்கள், தொகுப்பு 7, இல. 4, ஒக்டோபர்-டிசம்பர் 2001

வெளியிணப்புகள்

• நாவலப்பிட்டி- கண் நோய் பரணிடப்பட்டது 2007-03-15 at the வந்தவழி இயந்திரம்