கை கொடுக்கும் கை

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
கை கொடுக்கும் கை
இயக்குனர் மகேந்திரன்
தயாரிப்பாளர் ஆர், விஜயகுமார்
ஸ்ரீ ராகவேந்திரா ஆர்ட்ஸ்
இசையமைப்பு இளையராஜா
நடிப்பு ரஜினிகாந்த்
ரேவதி
வெளியீடு சூன் 15, 1984
நீளம் 3775 மீட்டர்
நாடு இந்தியா
மொழி தமிழ்

கை கொடுக்கும் கை1984 ஆம் ஆண்டு வெளிவந்த தமிழ்த் திரைப்படமாகும். மகேந்திரன் இயக்கத்தில்[1][2][3] வெளிவந்த இத்திரைப்படத்தில் ரஜினிகாந்த், ரேவதி மற்றும் பலரும் நடித்திருந்தனர்.

கதாபாத்திரங்கள்[தொகு]

  • காளிமுத்துவாக ரஜினிகாந்த்
  • சீதாவாக ரேவதி
  • மங்கம்மாவாக ராஜலட்சுமி
  • பெரிய பண்ணையாக ரங்கநாத் (குரல் சண்முகசுந்தரம்)
  • காளிமுத்துவின் சகோதரராக வி. எஸ். ராகவன்
  • காளிமுத்துவின் மைத்துனியாக சௌகார் ஜானகி
  • ஒய். ஜி. மகேந்திரன்
  • பூர்ணம் விஸ்வநாதன்
  • தேங்காய் சீனிவாசன்
  • சின்னி ஜெயந்த்

பின்புலம்[தொகு]

ரஜினிகாந்தை கதாநாயகனாக வைத்து ஒரு படத்தை தயாரிக்க நடிகர் விஜயகுமார் முடிவு செய்தார். இப்படத்திற்கு இயக்குனராக மகேந்திரன் பெயரை ரஜினிகாந்த் பரிந்துரைத்தார்.[4] இப்படம் 1975 இல் புட்டன கனகல் இயக்கிய தொகுப்பு படமான கதா சங்கமாவின் மூன்றாவது பகுதியான முனிதாயி என்பதன் நீட்டிக்கப்பட்ட ஆக்கமாகும். கன்னடத்தில் வில்லனாக நடித்த ரஜினிகாந்த் தமிழ் படத்தில் கதாநாயகனாக நடித்தார்.[4] கதையில் சிறு மாற்றங்களுடன் இப்படத்திற்கு மகேந்திரன் திரைக்கதையை எழுதினார். மகேந்திரனின் ஆஸ்தான குழுவான இளையராஜா, அசோக் குமார் மற்றும் எடிட்டிங் கலைஞர்களான பி. லெனின் - வி. டி. விஜயன் ஆகியோர் ஒப்பந்தம் செய்யப்பட்டனர்.[சான்று தேவை] மாலைமலர் நாளிதழுக்கு கொடுத்த பேட்டியில் ரஜினிகாந்தின் ஜோடி மானபங்கப்படுத்தப்படுவதை ரசிகர்கள் ஏற்றுக் கொள்ள மாட்டார்கள் என்பதால் படத்தின் கிளைமாக்ஸ் தனக்கு பிடிக்கவில்லை என்று விஜயகுமார் கூறியிருந்தார். ஆனால் கிளைமாக்ஸை மாற்ற மகேந்திரன் விரும்பவில்லை.[5]

பாடல்கள்[தொகு]

இப்படத்திற்கு இளையராஜா இசையமைத்திருந்தார். பாடல்களை வாலி, புலமைப்பித்தன், நா. காமராசன் மற்றும் கங்கை அமரன் ஆகியோர் எழுதினர்.[4][6]

எண் பாடல் பாடியவர்கள் வரிகள் நீளம்
1 "ஆத்தா பெத்தாலே" மலேசியா வாசுதேவன் வாலி 04:28
2 "கண்ணுக்குள்ளே யாரோ" எஸ். பி. ஷைலஜா, பி. சுசிலா நா. காமராசன் 04:20
3 "தாழம் பூவே வாசம்" எஸ். பி. பாலசுப்ரமணியம், எஸ். ஜானகி புலமைப்பித்தன் 04:13
4 "பாத்தா படிச்சபுள்ள" எஸ். ஜானகி, சாய்பாபா கங்கை அமரன் 04:08

ஆதாரங்கள்[தொகு]

  1. திரைப்பட இயக்குநர் மகேந்திரன் நேர்காணல் -நக்கீரன் 01-07-2010
  2. மகேந்திரன் 25-சினிமா விகடன்-25/07/2014
  3. மகேந்திரன் இயக்கிய படங்கள் - தினமணி 31 மே 2011
  4. 4.0 4.1 4.2 "கன்னடத்தில் இருந்து தமிழுக்கு வந்த கை கொடுக்கும் கை" (in Tamil). Maalai Malar. 29 November 2007. http://cinema.maalaimalar.com/2012/11/29234855/actor-rajini--act-in-kai-koduk.html. பார்த்த நாள்: 4 March 2014. 
  5. "கை கொடுக்கும் கை பட கிளைமாக்ஸ்" (in Tamil). Maalai malar. 10 June 2007. http://cinema.maalaimalar.com/2013/06/10213203/maalaimalarcom-cinema-history.html. பார்த்த நாள்: 4 March 2014. 
  6. "Kai Kodukkum Kai". raaga. பார்த்த நாள் 2013-11-23.
"https://ta.wikipedia.org/w/index.php?title=கை_கொடுக்கும்_கை&oldid=2704613" இருந்து மீள்விக்கப்பட்டது