நானா படேகர்

கட்டற்ற கலைக்களஞ்சியமான விக்கிப்பீடியாவில் இருந்து.
நானா படேகர்
Nana patekar.jpg
இயற் பெயர் விசுவநாத் படேகர்
பிறப்பு சனவரி 1, 1951 (1951-01-01) (அகவை 71)
முருத், ராய்காட் மாவட்டம், மகாராட்டிரம், இந்தியா
தொழில் திரைப்பட இயக்குனர் & நடிகர்
நடிப்புக் காலம் 1978 முதல் – தற்பொழுது வரை
துணைவர் நீலகண்டி படேகர்
பெற்றோர் தங்கர் படேகர்
சங்கனா படேகர்

நானா படேகர் ( Nana Patekar ) என்று அழைக்கப்படும் விசுவநாத் படேகர் (Vishwanath Patekar) (பிறப்பு 1சனவரி 1951), ஓர் இந்திய நடிகரும், திரைக்கதை ஆசிரியரும், முன்னாள் இந்திய பிராந்திய இராணுவ அதிகாரியுமாவார். முக்கியமாக இந்தி மற்றும் மராத்தித் திரைப்படங்களில் பணிபுரிகிறார். இந்தியத் திரைப்படங்களில் சிறந்த நடிகர்களில் ஒருவராகக் கருதப்படுகிறார்.

1988 ஆம் ஆண்டில் அகாதமி விருதுக்கு பரிந்துரைக்கப்பட்ட சலாம் பாம்பே படத்தில் நடித்த பிறகு, இவர் அங்கார் (1992) என்ற படத்தில் மற்றொரு எதிர்மறை பாத்திரத்தை நடித்ததைத் தொடர்ந்து பரிந்தா (1989) படத்தில் நடித்ததற்காக சிறந்த துணை நடிகருக்கான தேசிய திரைப்பட விருதையும் சிறந்த துணை நடிகருக்கான பிலிம்பேர் விருதையும் வென்றார். 1995 ஆம் ஆண்டில், கிராந்திவீர் (1994) திரைப்படத்தில் நடித்ததற்காக சிறந்த நடிகருக்கான தேசிய திரைப்பட விருதையும், சிறந்த நடிகருக்கான பிலிம்பேர் மற்றும் திரை விருதையும் வென்றார். அக்னி சாக்சி, அபஹரன் (2005) போன்ற படங்களுக்கு மேலும் பாராட்டுகள் கிடைத்தன. இப்படங்களுக்காக இவர் சிறந்த துணை நடிகருக்கான தேசிய திரைப்பட விருதையும் வென்றார். 2017 இல், நட்சம்ராட் (2016) திரைப்படத்தில் நடித்ததற்காக சிறந்த நடிகருக்கான (மராத்தி) பிலிம்பேர் விருதை வென்றார்.[1]

இர்பான் கானுடன் இணைந்து சிறந்த நடிகர், சிறந்த துணை நடிகர் மற்றும் சிறந்த வில்லன் பிரிவுகளில் பிலிம்பேர் விருதுகளை வென்ற ஒரே நடிகர் ஆவார். திரைப்படம் மற்றும் கலைத் துறையில் இவரது அர்ப்பணிப்புக்காக இந்தியாவின் நான்காவது உயரிய குடிமக்களின் விருதான (பத்மசிறீ விருது வழங்கப்பட்டது.

வாழ்க்கை வரலாறு[தொகு]

மகாராஷ்டிராவில் உள்ள முருத்-ஜாஞ்ஜிராவில், தினகர் படேகர் (ஓவியர்) மற்றும் அவரது மனைவி சஞ்சனா பாய் படேகருக்கு விசுவநாத் படேகர் என்ற பெயரில் பிறந்தார்.[2][3] ஜேஜே பயன்பாட்டுக் கலை கல்லூரியின் முன்னாள் மாணவர் ஆவார்.[4][5] கல்லூரி நாட்களின் போது தனது கல்லூரிகளுக்குள் நடைபெறும் நாடகங்களில் பங்கு பெற்றார். பட்டம் முடித்த பிறகு பல பாலிவுட் திரைப்படங்களில் நடிக்கத் தொடங்கினார். அவற்றில் சில பாலிவுட்டில் மிகவும் பிரபலமான திரைப்பட இயக்குநர்களின் படங்கள் ஆகும். படேகர் 27 வயதில் நீலகந்தி என்பவரை மணந்தார். இவர்களுக்கு மல்ஹர் என்ற மகன் இருக்கிறார். இவருக்கு 28 வயதாக இருந்தபோது இவரது தந்தை மாரடைப்பால் இறந்தார். பின்னர் படேகரும் தனது முதல் மகனை இழந்தார். தீவிர புகைப்பிடிப்பவராக இருந்த படேகர் 56 வயதில் அப்பழக்கத்தை நிறுத்தினார். ஒரு நேர்காணலில், தனது தந்தை நாடகங்களை விரும்புவதாகவும், அவற்றைப் பார்க்க ஊக்குவிப்பதாகவும் கூறினார். இப்படித்தான் நடிப்பின் மீதுள்ள தனது ஆர்வத்தை வளர்த்துக் கொண்டார். விஜயா மேத்தா இவரது முதல் நாடகத்தை இயக்கினார்.[2] படேகர் மும்பையின் அந்தேரியில் அடுக்குமாடி குடியிருப்பில் வசித்து வருகிறார்.

தொழில் வாழ்க்கை[தொகு]

படேகர் யஷ்வந்த் (1997), வஜூத் (1998) மற்றும் ஆஞ்ச் (2003) ஆகிய படங்களில் பின்னணிப் பாடலைப் பாடியுள்ளார். மேலும் நானா படேகர் தனித்த நடிப்புப் பாணியை கொண்டிருப்பதாகக் கூறப்படுகிறது. அவர் மாதிரிச் சித்திர ஓவியராகவும் இருக்கிறார். சில நேரங்களில் இவரது ஓவியங்கள் மும்பைக் காவல் துறைக்கு குற்றவாளிகளைக் கண்டறிவதற்கும் உதவியாய் இருக்கின்றன.

இவர் மொஹ்ரே (1987) மற்றும் சலாம் பாம்பே! (1988) போன்ற திரைப்படங்களில் நடித்தார். மேலும் அவர் 1989 ஆம் ஆண்டு பாரிண்டா திரைப்படத்தில் எதிர்மறைப் பாத்திரமேற்றிருந்ததில் பாலிவுட் துறையின் முக்கியமானவர்களால் கவனிக்கப்பட்டார். இவர் அந்த பாத்திரத்திற்காக சிறந்த துணை நடிகருக்கான ஃபிலிம்ஃபேர் விருது கொடுத்து கெளரவிக்கப்பட்டார். அவர் 1992 ஆம் ஆண்டில் ஆங்கார் திரைப்படத்துக்காகவும் பிலிம்ஃபேர் சிறந்த வில்லன் விருது பெற்றார்.

ஆல் தக் சாப்பான் (2005) திரைப்படத்தில் நிழலுலக தாதாக்களை ஒழிப்பதை முக்கியப் பணியாகக் கொண்ட காவல்துறை அதிகாரியாக நடித்திருந்தார். 1994 ஆம் ஆண்டில் கிராந்திவீர் (1994) படத்தில் இவரது நடிப்புக்காக சிறந்த நடிகருக்கான தேசியத் திரைப்பட விருதுகளை வென்றார். மேலும் சிறந்த நடிகர் பிரிவில் பிலிம்ஃபேர் விருது மற்றும் ஸ்டார் ஸ்கிரீன் விருதுகள் ஆகியவற்றையும் வென்றார்.

படேகர் பலவகையான பாத்திரங்களில் நடிக்கிறார். இவர் எப்போதாவது எதிமறையாக நடித்தாலும் பெரும்பாலான இவரது திரைப்படங்களில் கதாநாயகனாகவே நடித்திருக்கிறார். இவர் கிராந்திவீர் (1994) படத்தில் ஒரு சோம்பேறியான சூதாடி மகனாகவும், அக்னி சாக்சி (1996) படத்தில் மனைவியை அடித்துத் துன்புறுத்துபவராகவும், கமோஷி: த மியூசிக்கல் (1996) படத்தில் மனிஷா கொய்ராலாவின் காது கேட்காத மற்றும் வாய்ப் பேச முடியாத தகப்பனாராகவும், வாஜூத் (1998) படத்தில் புத்தி பேதலித்தவராகவும் நடித்திருந்தார்.

இராணுவப் பணி[தொகு]

படேகர் 1990 இல் இந்திய பிராந்திய இராணுவத்தில் கௌரவத் தளபதியாக நியமிக்கப்பட்டார், பிரஹார் படத்திற்காக மூன்று வருட பயிற்சிக்குப் பிறகு, அந்த நேரத்தில் கர்னல் பதவியில் இருந்த இராணுவ ஜெனரல் விகே சிங்குடன் பணியாற்றினார். 1999 ஆம் ஆண்டு கார்கில் போரின் போது, படேகர் மராட்டிய லைட் காலாட்படை படைப்பிரிவில் கெளரவ மேஜராகவும் தனது சேவைகளை வழங்கினார்.[6]

சார்ச்சை[தொகு]

2008 ஆம் ஆண்டில், ஹார்ன் 'ஓகே' ப்ளீஸ் படத்தின் படப்பிடிப்பு தளத்தில் படேகர் தன்னை பாலியல் ரீதியாக துன்புறுத்தியதாக நடிகை தனுஸ்ரீ தத்தா குற்றம் சாட்டினார். மார்ச் 2008 இல், அவர் திரைப்பட மற்றும் தொலைக்காட்சி நடிகர்கள் சங்கத்தில் ('CINTAA' ) புகார் அளித்தார். ஆனால் எந்த நடவடிக்கையும் எடுக்கப்படவில்லை. இந்த குற்றச்சாட்டு 2013 இல் ஒரு நேர்காணலில் மீண்டும் மீண்டும் கூறப்பட்டது.[7] 2018 இல் மீண்டும் கூறப்பட்டது.[8][9] 2018 இன் பிற்பகுதியில், சங்கம் தத்தாவிடம் மன்னிப்புக் கேட்டது, "பாலியல் துன்புறுத்தலின் முதன்மைக் குறை தீர்க்கப்படவில்லை (2008 இல்)" ஆனால் வழக்கு மூன்று ஆண்டுகளுக்கும் மேலாக இருந்ததால், அவர்களால் அதை மீண்டும் விசாரிக்க முடியவில்லை என்று கூறினர். [10][11] [12]

ஜூன் 2019 இல், படேகர் பாலியல் துன்புறுத்தல் குற்றச்சாட்டுகளில் இருந்து விடுவிக்கப்பட்டார்.[13][14] வழக்கை மீண்டும் விசாரிக்க தனது வழக்கறிஞர்கள் பம்பாய் உயர் நீதிமன்றத்தை அணுக உள்ளனர் என்று தத்தா கூறினார்.[15][16]

தொண்டு நடவடிக்கை[தொகு]

படேகர் தனது எளிமையான வாழ்க்கை முறைக்காக அறியப்படுகிறார்.[17][18] மேலும், தொண்டு நிறுவனங்களுக்கு நன்கொடை அளித்து வருகிறார். பீகாரில் வெள்ளத்தால் பாதிக்கப்பட்ட கிராமங்களை மறுகட்டமைப்பதற்காக "அனுபூதி" என்ற தொண்டு நிறுவனம் மூலம் நிதி அளித்தார்.[19] பாத்ஷாலா திரைப்படத்தில் நடித்ததற்காக தான் பெற்ற பணம் அனைத்தும் ஐந்து வெவ்வேறு தொண்டு நிறுவனங்களுக்கு நன்கொடையாக வழங்கப்பட்டது.[20] 1,000,000 ரூபாய் ரொக்கப் பரிசுடன் கூடிய ராஜ் கபூர் விருது இவருக்கு வழங்கப்பட்டபோது, முழுத் தொகையையும் மகாராட்டிராவின் வறட்சி நிவாரண நடவடிக்கைகளுக்காக வழங்கினார்.[21] வறட்சியால் கடன் சுமையால் தற்கொலை செய்து கொண்ட விவசாயிகளின் குடும்பங்களுக்கு நிதியுதவி வழங்கினார். ஆகஸ்ட் 2015 இல் விதர்பா பகுதியைச் சேர்ந்த விவசாயிகளின் 62 குடும்பங்களுக்கும், செப்டம்பர் 2015 இல் மராத்வாடாவின் லத்தூர் மற்றும் உஸ்மானாபாத் மாவட்டத்தைச் சேர்ந்த 113 குடும்பங்களுக்கும் ரூபாய் 15,000 மதிப்புள்ள காசோலைகளை வழங்கினார்.[22][23]

செப்டம்பர் 2015 இல், படேகர் சக மராத்தி நடிகர் மகரந்த் அனஸ்புரேவுடன் இணைந்து நாம் அறக்கட்டளையை நிறுவினார். இது மகாராட்டிராவில் வறட்சியால் பாதிக்கப்பட்ட விவசாயிகளுக்கு உதவிகளை வழங்குவதற்காக செயல்படுகிறது.[24]

IcareIsupport என்ற ஹேஷ்டேக்குடன் கூடிய டுவிட்டர் பிரச்சாரத்தைப் பயன்படுத்தி, மகாராட்டிராவில் வறட்சியால் பாதிக்கப்பட்டவர்களுக்கு உதவ படேகர் நிதியைப் பெற முடிந்தது.[25]

விருதுகளும் அங்கீகாரமும்[தொகு]

20 ஏப்ரல் 2013 அன்று புதுதில்லியில் உள்ள குடியரசுத் தலைவர் இல்லத்தில் நடந்த விழாவில் குடியரசுத் தலைவர் பிரணாப் முகர்ஜி நானா படேகருக்கு பத்மசிறீ விருதை வழங்கினார்.
  • 1990: சிறந்த துணை நடிகருக்கான பிலிம்ஃபேர் விருது, பாரிண்டா
  • 1990: சிறந்த துணை நடிகருக்கான தேசியத் திரைப்பட விருது, பாரிண்டா
  • 1992: ஃபிலிம்ஃபேர் சிறந்த வில்லன் விருது, ஆங்கார்
  • 1995: ஃபிலிம்ஃபேர் சிறந்த நடிகர் விருது, கிராந்த்வீர்
  • 1995: சிறந்த நடிகருக்கான ஸ்டார் ஸ்கிரீன் விருது, கிராந்திவீர்
  • 1995: சிறந்த நடிகருக்கான தேசிய திரைப்பட விருது, கிராந்திவீர்
  • 2004: BFJA விருதுகள், சிறந்த நடிகர், ஆப் தக் சாப்பன் [26]
  • 2006: பிலிம்ஃபேர் சிறந்த வில்லன் விருது, அபாரன்
  • 2006: சிறந்த வில்லனுக்கான ஸ்டார் ஸ்கிரீன் விருது, அபாரன்

இதுவரை சிறந்த நடிகர், சிறந்த துணை நடிகர் மற்றும் சிறந்த வில்லன் ஆகிய பிரிவுகளின் கீழ் பிலிம்ஃபேர் விருதுகள் வாங்கிய ஒரே நடிகர் படேகர் மட்டுமே ஆவார்.[27]

குறிப்புகள்[தொகு]

  1. Rohan Valecha, Vaibhavi V Risbood (28 October 2017). "Jio Filmfare Awards Marathi 2017: Complete winners' list". The Times of India. 25 July 2018 அன்று மூலதளத்திலிருந்து பரணிடப்பட்டது எடுக்கப்பட்டது. 29 September 2018 அன்று பார்க்கப்பட்டது.
  2. 2.0 2.1 "Nana Patekar: I learnt acting from the hunger and humiliation I faced at 13 – The Times of India". The Times of India. 26 August 2015. 28 August 2015 அன்று மூலதளத்திலிருந்து பரணிடப்பட்டது எடுக்கப்பட்டது. 3 September 2015 அன்று பார்க்கப்பட்டது.
  3. "Nana Patekar breaks his khamoshi". The Times of India (The Times Group). http://timesofindia.indiatimes.com/entertainment/hindi/bollywood/news/Nana-Patekar-breaks-his-khamoshi/articleshow/25392.cms. 
  4. "Riveting persona". India Today. http://indiatoday.intoday.in/story/after-successful-directorial-debut-nana-patekar-looks-to-broaden-his-cinematic-repertoire/1/306084.html. 
  5. "About Nana Patekar". Konkan World. 13 July 2011 அன்று மூலம் பரணிடப்பட்டது. 6 October 2010 அன்று பார்க்கப்பட்டது.
  6. "Nana Patekar — the new `shooting' star". 2008-01-22 அன்று மூலம் பரணிடப்பட்டது. 2010-02-23 அன்று பார்க்கப்பட்டது.
  7. "Moksha is all bullshit – Tanushree Dutta". 6 October 2018 அன்று மூலதளத்திலிருந்து பரணிடப்பட்டது எடுக்கப்பட்டது. 7 October 2018 அன்று பார்க்கப்பட்டது.
  8. "Nana Patekar Has A History of Assaulting Women: Tanushree Dutta". Headlines Today. Archived from the original on 26 செப்டம்பர் 2018. https://web.archive.org/web/20180926031120/https://headlinestoday.org/entertainment/3185/nana-patekar-has-a-history-of-assaulting-women-tanushree-dutta/. 
  9. "Tanushree Dutta's Bollywood sexual harassment case back in spotlight!". The Guardian. October 2018. 7 October 2018 அன்று மூலதளத்திலிருந்து பரணிடப்பட்டது எடுக்கப்பட்டது. 7 October 2018 அன்று பார்க்கப்பட்டது.
  10. "CINTAA Apologises to Tanushree for Not Addressing Her Grievance, Says Can't Reopen Case Now". 3 October 2018. 7 October 2018 அன்று மூலதளத்திலிருந்து பரணிடப்பட்டது எடுக்கப்பட்டது. 7 October 2018 அன்று பார்க்கப்பட்டது.
  11. "Tanushree sexual harassment sad but we cannot reopen case now: CINTAA". 7 October 2018 அன்று மூலதளத்திலிருந்து பரணிடப்பட்டது எடுக்கப்பட்டது. 7 October 2018 அன்று பார்க்கப்பட்டது.
  12. {{cite web|url=https://www.ndtv.com/entertainment/tanushree-dutta-who-accuses-nana-patekar-of-harassment-says-she-was-threatened-car-was-attacked-1922865%7Ctitle=Tanushree Dutta, Who Accuses Nana Patekar of Harassment, Says She Was Threatened, Car Was Attacked|access-date=7 October 2018|archive-url=https://web.archive.org/web/20181004083005/https://www.ndtv.com/entertainment/tanushree-dutta-w
  13. "Bollywood actor Nana Patekar cleared of sexual harassment charges". 14 June 2019. https://www.bbc.com/news/world-asia-india-48593301. 
  14. "Tanushree Dutta's complaint against Nana Patekar looks malicious and fake: Oshiwara police in report". 14 June 2019. https://www.indiatoday.in/movies/celebrities/story/tanushree-dutta-s-complaint-against-nana-patekar-looks-malicious-and-fake-oshiwara-police-in-report-1549127-2019-06-14. 
  15. "Bollywood actor Nana Patekar cleared of sexual harassment charges". BBC News. 14 June 2019. https://www.bbc.com/news/world-asia-india-48593301. 
  16. "Nana lives in 1BHK Apartment". housing.com. Housing.com. 29 March 2021 அன்று பார்க்கப்பட்டது.
  17. "Nana Patekar believes in simple living". 19 October 2010. 23 October 2016 அன்று மூலதளத்திலிருந்து பரணிடப்பட்டது எடுக்கப்பட்டது. 13 September 2015 அன்று பார்க்கப்பட்டது.
  18. "Nana Patekar's generosity reciprocated". Realbollywood.com. 13 October 2007. 18 February 2009 அன்று மூலம் பரணிடப்பட்டது. 6 October 2010 அன்று பார்க்கப்பட்டது.
  19. "Nana Patekar donates to flood relief". 28 November 2013. 23 October 2016 அன்று மூலதளத்திலிருந்து பரணிடப்பட்டது எடுக்கப்பட்டது. 13 September 2015 அன்று பார்க்கப்பட்டது.
  20. "Nana Patekar donates to charity". 2 February 2010. 19 November 2014 அன்று மூலதளத்திலிருந்து பரணிடப்பட்டது எடுக்கப்பட்டது. 13 September 2015 அன்று பார்க்கப்பட்டது.
  21. "Patekar donates Raj Kapoor award money for drought relief". 6 May 2013. 4 September 2016 அன்று மூலதளத்திலிருந்து பரணிடப்பட்டது எடுக்கப்பட்டது. 13 September 2015 அன்று பார்க்கப்பட்டது.
  22. "Nana Patekar gives aid to kin of farmers who committed suicide". 6 September 2015. 4 March 2016 அன்று மூலதளத்திலிருந்து பரணிடப்பட்டது எடுக்கப்பட்டது. 7 September 2015 அன்று பார்க்கப்பட்டது.
  23. "Nana Patekar donates to Widows of Farmers in Drought-Struck Maharashtra". 9 September 2015. 13 September 2015 அன்று மூலதளத்திலிருந்து பரணிடப்பட்டது எடுக்கப்பட்டது. 13 September 2015 அன்று பார்க்கப்பட்டது.
  24. "DNAIndia News – Nana Patekar sets up Naam Foundation to fund drought relief for farmers". 15 September 2015. 7 October 2015 அன்று மூலதளத்திலிருந்து பரணிடப்பட்டது எடுக்கப்பட்டது. 1 October 2015 அன்று பார்க்கப்பட்டது.
  25. "Here's How Twitter Helped Nana Patekar Raise Funds For Maharashtra Drought Victims". 14 July 2016. 15 July 2016 அன்று மூலதளத்திலிருந்து பரணிடப்பட்டது எடுக்கப்பட்டது. 17 July 2016 அன்று பார்க்கப்பட்டது.
  26. "www.bfjaawards.com/awards/winlist/winlist05.htm". 2009-01-13 அன்று மூலதளத்திலிருந்து பரணிடப்பட்டது எடுக்கப்பட்டது. 2010-02-23 அன்று பார்க்கப்பட்டது.
  27. "www.imdb.com/name/nm0007113/awards".

வெளி இணைப்புகள்[தொகு]

Commons-logo-2.svg
விக்கிமீடியா பொதுவகத்தில்,
நானா படேகர்
என்பதின் ஊடகங்கள் உள்ளன.

மேலும் படிக்க[தொகு]

"https://ta.wikipedia.org/w/index.php?title=நானா_படேகர்&oldid=3591638" இருந்து மீள்விக்கப்பட்டது