பாலூட்டி

பாலூட்டி புதைப்படிவ காலம்: 220–0 Ma PreЄ Є O S D C P T J K Pg N திராசிக் முதல் தற்போது வரை
மேல் இடது மூலையிலிருந்து வலஞ்சுழியாக:ஒட்டகச் சிவிங்கி, பொன்னிறப்பழ வௌவால், சிங்கம், முள்ளெலி
உயிரியல் வகைப்பாடு
உலகம்: Eukarya திணை: (இராச்சியம்) விலங்குகள் தொகுதி: முதுகுநாணி துணைத்தொகுதி: முதுகெலும்பி உட்தொகுதி: தாடையுள்ளவை பெருவகுப்பு: நான்கு காலிகள் (unranked) பனிக்குடமுடையன வகுப்பு பாலூட்டி (Mammalia) லின்னேயஸ், 1758
Clades
Subclass †Allotheria* Clade Australosphenida Subclass Theria Infraclass †Trituberculata Infraclass Metatheria Infraclass Eutheria

மான் ஒரு பாலூட்டி விலங்காகும்.

பாலூட்டி (இலங்கை வழக்கு: முலையூட்டி) என்பது தமது குட்டிக்கு பால் கொடுக்கின்ற வெப்ப இரத்த விலங்குகள் அனைத்தையும் குறிக்கும். இவை உயிர் வாழ்வதற்குத் தேவையான வெப்பம் இவற்றின் உடலின் இயக்கத்தில் இருந்தே உருவாக்கப்படுகிறது. பாலூட்டிகள் தங்களின் தோலினுள் பால் சுரப்பிகளைக் கொண்டுள்ளன.

பெரும்பாலான பாலூட்டிகள் உயிருள்ள குட்டிகளை ஈனுகின்றன. மிகச்சில முட்டையிட்டு குஞ்சு பொறிக்கின்றன. பெரும்பாலான பாலூட்டிகள் நான்கு கால்களையும் தோலின் மீது முடியையும் கொண்டிருக்கின்றன.

பாலூட்டிகள் என்னும் வகுப்பில் இன்று உலகில் ஏறத்தாழ 5400 உயிரினங்கள், 1,200 பேரினங்களில், 153 குடும்பங்களாக தொகுக்கப்பெற்று அவை 29 வரிசைகளில் அடங்குவதாக அமைந்துள்ளன .

புற அமைப்பியல்

பாலூட்டிகள் தாம் வாழும் சூழலுக்கேற்பத் தம்மைத் தகவமைத்துக்கொண்டு வெவ்வேறு தோற்ற இயல்புகளுடன் உள்ளன. எடுத்துக்காட்டாக கடலில் வாழும் பாலாட்டியான நீலத் திமிங்கலம் மீனின் உடலமைப்பை ஒத்துள்ளது. உடம்பில் உள்ள மயிர்த் தொகுதியும் பால் சுரப்பியும் பாலூட்டிகளை மற்ற விலங்குகளிடமிருந்து வேறுபடுத்திக் காட்டுகின்றன. பாலூட்டிகளின் உரோமமானது அவற்றின் உடலில் இருந்து வெப்பம் வெளியேறாமல் இருக்க உதவுகிறது. பால் சுரப்பிகள் என்பன மாறுபாடு அடைந்து வியர்வைச் சுரப்பிகளாகும். பாலுட்டிகளின் குட்டிகள் பிறந்து சில காலம் தாயின் பாலையே குடித்து வளர்கிறது.

வாழிடம்

பாலூட்டிகள் பலவேறுபட்ட வாழிடங்களில் வாழ்கின்றன. உயர்ந்த மலைகள், காடுகள், பனிப் பகுதிகள், வறண்ட பாலைவனங்கள், கடல், ஆறு போன்ற நீர்நிலைகள் முதலியவற்றில் பாலூட்டிகள் வாழ்கின்றன. வாழிடத்திற்கு ஏற்றவாறு தம்மைத் தகவமைத்துக் கொண்டும் உள்ளன. உயர்ந்த மலைகளில் வரையாடுகள் போன்ற ஆடுகளும் பனிப் பகுதிகளில் பனிக் கரடி, பாலைவனங்களில் ஒட்டகம் கடலில் ஓங்கில், திமிங்கலம், ஆறுகளில் நீர்நாய் காடுகள் சமவெளிகளில் மான்கள், புலி, சிங்கம் போன்ற விலங்குகளும் வாழ்கின்றன.

உசாத்துணை

• பத்தாம் வகுப்பு அறிவியல் நூல், தமிழ்நாடு அரசு, முதல் பதிப்பு 2011

இவற்றையும் பார்க்கவும்

• சீம்பால்