குருங் மக்கள்
குருங் மக்கள் அல்லது தமு (Gurung people) நேபாளத்தின் கண்டகி மாகாணத்தின் குன்றுகள் மற்றும் மலைகளை பூர்வீகமாகக் கொண்ட ஒரு இனக்குழு ஆவார்கள். [1] நேபாளத்தின் மனாங், முஸ்டாங், டோல்போ, காஸ்கி, லாம்ஜங், கோர்கா, பர்பத் மற்றும் சியாங்ஜா மாவட்டங்கள் மற்றும் இந்தியாவின் சில பகுதிகளில் உள்ள அன்னபூர்ணா பகுதியைச் சுற்றி குருங் மக்கள் அதிகமாக வாழ்கின்றனர். மேலும், இவர்கள் முக்கிய கூர்க்கா பழங்குடியினரில் ஒருவராக அறியப்படுகின்றனர்.
இவர்கள் இந்தியா முழுவதும் சிக்கிம், அசாம், டெல்லி, மேற்கு வங்காளம் ( டார்ஜிலிங் பகுதி ) மற்றும் நேபாளி புலம்பெயர்ந்த மக்கள்தொகையுடன் கூடிய பிற பகுதிகளிலும் சிதறிக்கிடக்கின்றனர். [2] இவர்கள் சீன-திபெத்திய குருங் மொழியைப் பேசுகிறார்கள். இவர்கள் திபெத்திய பௌத்தம் மற்றும் இந்து மதத்துடன் பான் மதத்தைப் பின்பற்றுகிறார்கள்.
குருங் சாதி[தொகு]
குருங் மக்கள் வந்த திபெத்திய சமூகங்களில் சாதி அமைப்பு இல்லை அல்லது அவர்களுக்குள் இருந்தது என்கிற கருத்து நிலவுகிறது. இன்னும் பல நூற்றாண்டுகளாக குருங் மக்களும் பிற மலைவாழ் மக்களும் ஆரியர்களின் சாதியப் பண்பாடுகளுடன் கலந்து பல்வேறு வழிகளில் அவர்களால் தாக்கத்திற்கு ஆளாகியுள்ளனர். இதன் விளைவாக, குருங் சாதி அமைப்பு இரண்டு பகுதிகளாகப் பிரிக்கப்பட்டுள்ளது. அவை, முறையே நான்கு-சாதி அமைப்பு சோங்கி/சார்-ஜாட் என்றும், பதினாறு-சாதி அமைப்பு குஹ்கி/சோரா-ஜாட் என்றும் கூறப்படுகிறது. இந்த பிரிவிற்குள் முப்பதுக்கும் மேற்பட்ட பெயர் கொண்ட குலங்கள் உள்ளன. [3]
புவியியல் பரவல்[தொகு]
.jpg)
2011 நேபாள மக்கள்தொகை கணக்கெடுப்பின் போது, 522,641 பேர் (நேபாள மக்கள் தொகையில் 2.0%) குருங் மக்கள் என அடையாளம் காணப்பட்டனர். மாகாண வாரியாக குருங் மக்களின் எண்ணிக்கை பின்வருமாறு:
- கண்டகி மாகாணம் (11.4%)
- பாக்மதி மாகாணம் (2.2%)
- கோஷி மாகாணம் (1.4%)
- லும்பினி மாகாணம் (0.9%)
- கர்னாலி மாகாணம் (0.7%)
- சுதுர்பஷ்சிம் மாகாணம் (0.2%)
- மாதேஷ் மாகாணம் (0.2%)
பின்வரும் மாவட்டங்களில் தேசிய சராசரியை விட குருங் மக்களின் அதிர்வெண் அதிகமாக இருந்தது:
- மனங் (57.1%)
- லாம்ஜங் (31.4%)
- முஸ்டாங் (20.1%)
- கோர்கா (19.8%)
- காஸ்கி (16.7%)
- தனாஹுன் (11.6%)
- சியாங்ஜா (9.0%)
- டோல்பா (7.1%)
- சித்வான் (6.8%)
- தாடிங் (5.6%)
- சங்குவாசபா (5.4%)
- டேப்லெஜங் (4.6%)
- பர்பத் (3.7%)
- ரசுவா (3.1%)
- தெஹ்ராதும் (2.9%)
- இலம் (2.9%)
- நவல்பூர் (2.9%)
- காத்மாண்டு (2.6%)
- ரூபாண்டேஹி (2.0%). [4]
மதம்[தொகு]
குருங் தர்மத்தில், பன் லாம் (லாமா), கியாப்ரி (கியாப்ரிங்) மற்றும் பச்யு (பஜு) ஆகியோர் அடங்குவர். [5] இவர்கள், பிறப்பு, இறுதிச் சடங்குகள், பிற குடும்பச் சடங்குகள் (டோமாங், தார்ச்சாங் போன்றவை) மற்றும் லோசரில் லாமாக்கள் தேவைக்கேற்ப புத்த சடங்குகளைச் செய்கிறார்கள். லாமாக்கள் பௌத்த விழாக்களை முதன்மையாக மனங், முஸ்டாங் மற்றும் பிற இடங்களில் நடத்துகின்றனர். சில குருங் கிராமங்கள், திபெத் மற்றும் மேற்கு சீனாவின் பெரும்பகுதி முழுவதும் இரண்டாயிரம் ஆண்டுகளுக்கு முன்பு செழித்தோங்கிய 'பான்' மதத்தின் பௌத்தத்திற்கு முந்தைய வடிவத்தின் எச்சங்களை வைத்துள்ளன. அவர்கள் பான் மதத்திற்கு எதிரான ஒரு பழைய ஷாமனிக் நம்பிக்கை அமைப்பின் அம்சங்களையும் வைத்திருக்கிறார்கள். [6]
சான்றுகள்[தொகு]
- ↑ Ragsdale, T.A. (1990). "Gurungs, Goorkhalis, Gurkhas: speculations on a Nepalese ethno-history" (PDF). Contributions to Nepalese Studies. 17 (1): 1–24.
- ↑ Central Bureau of Statistics (2012). National Population and Housing Census 2011 (PDF). Kathmandu: Government of Nepal
- ↑ Macfarlane, Resources and Population. A Study of the Gurungs of Nepal (1976, 2nd edn., 2003, Ratna Pustak, Kathmandu).
- ↑ "2011 Nepal Census, Social Characteristics Tables" (PDF). Archived from the original (PDF) on 2023-03-14. பார்க்கப்பட்ட நாள் 2023-03-27.
- ↑ Tribal populations and cultures of the Christianity from Thai. https://books.google.com/books?id=aRSOnRfPAq0C&pg=PA137.
- ↑ Macfarlane, A. 1976. Resources and Population: A Study of the Gurungs of Nepa1. New York, and Melbourne: Cambridge University Press Cambridge, London.