பயனர்:Ravidreams/முதற் பக்கம்

முதற்பக்கக் கட்டுரைகள் தாய்ப்பாலூட்டல் என்பது பிறந்த குழந்தைக்கு நேரடியாக தாயின் முலையிலிருந்து பால் கொடுக்கப்படும் முறையாகும். குழந்தைகளில் காணப்படும் உறிஞ்சி உண்ணும் தொழிற்பாடு இந்த தாய்ப்பலூட்டலுக்கு உறுதுணையாக உள்ளது. பொதுவாக குழந்தைக்கான வேறு மேலதிக உணவுகளை வழங்காமல் தாய்ப்பாலூட்டல் முறையால் மட்டுமே கிட்டத்தட்ட 6 மாதங்கள் உணவூட்டல் குழந்தைக்குத் தேவையான ஊட்டச்சத்தைப் பெற போதுமானதாக இருக்கும். குழந்தைக்கு ஆபத்தான மருந்துகள் உட்கொள்ளும் தாய், எய்ட்சு நோயுள்ள தாய், காசநோய் உள்ள தாய் போன்றோர் தாய்ப்பாலூட்டாமல் இருப்பது நல்லது. துறைசார் வல்லுனர்கள் அனைவரும் தாய்ப்பாலூட்டல் மிகவும் நிச்சயமாக நலம் தருவதுதான் என்பதை ஒத்துக் கொள்கின்றனர். ஆனால் எவ்வளவு காலம் தாய்ப்பாலூட்டுவது சிறந்தது, பிறந்த குழந்தைக்கு செயற்கை முறை உணவூட்டல் எபப்டியான இடர்களைத் தரக் கூடியது போன்ற விடயங்களில் வேறுபட்ட அபிப்பிராயம் கொண்டுள்ளனர். உலக சுகாதார அமைப்பு குழந்தை பிறந்து 6 மாதங்களுக்கு தனித் தாய்ப்பாலூட்டல் சிறந்தது என்பதை வலியுறுத்துவதுடன், அதன் பின்னர் மேலதிகமாக செயற்கை உணவூட்டலுடன் சேர்த்து தாய்ப்பாலூட்டலையும் செய்வதற்கு அறிவுறுத்துகின்றன. மேலும்... ஆப்பிரிக்காவின் கொம்பு எனப்படும் பகுதி கிழக்கு ஆப்பிரிக்காவில் அமைந்துள்ள தீபகற்பமாகும். இதன் கடற்கரை அரபிக்கடல் மற்றும் ஏமன் குடாவை எல்லைகளாக கொண்டுள்ளது. சோமாலியா, எரித்திரியா, சிபூட்டி, எத்தியோப்பியா ஆகியவை இப்பகுதியில் உள்ள நாடுகள் ஆகும். இப்பகுதி நிலநடுக் கோடுக்கும் கடக ரேகைக்கும் சம தொலைவில் அமைந்துள்ளது. இப்பகுதியில் உள்ள மலைகள் பெரும் பிளவுப் பள்ளத்தாக்கு அமைந்ததால் ஏற்பட்ட நில உயர்வு காரணமாக உருவானதாகும். இப்பகுதிக்கும் உலகின் மற்ற பகுதிகளுக்குமான வணிகத்தில் வடக்கு சோமாலியா சிறப்பு இடத்தை பிடித்திருந்தது. எகிப்தியர்கள், ரோமர்கள், கிரேக்கர்கள், மெசபடோமியர்கள் ஆகியோர் மதிப்பு மிக்க பொருளாக கருதும் சாம்பிராணி, குங்குமதூபம் மற்றும் மசாலா பொருட்களுக்களை வழங்குபவர்களாக சோமாலிய கடலோடிகளும் வணிகர்களும் திகழ்ந்தனர். இடைக்காலத்தில் இப்பகுதியின் வணிகத்தை பல்வேறு அரசுகள் ஆதிக்கம் செலுத்தி கட்டுப்படுத்தின. இப்பகுதியை ஆண்ட அடல் சூல்தானகம் பல இனக்குழுக்கள் கொண்ட முசுலிம் அரசாக திகழ்ந்தது. இது புகழின் உச்சியில் இருந்த போது எத்தியோப்பியா, எரித்திரியா, சிபூட்டி மற்றும் சோமாலியாவின் பெரும் பகுதிகள் இதன் கட்டுப்பாட்டில் இருந்தன. மேலும்... மேலும் கட்டுரைகள்... உங்களுக்குத் தெரியுமா? ஜாக்கி சான் புரூஸ் லீயின் ஃபிஸ்ட் ஆஃப் ஃபியூரி படத்தில் சண்டைக் கலைஞராகப் பணிபுரிந்து (படம்) அவரது திரைப்பட வாழ்க்கையைத் தொடங்கினார். தமிழகத்தில் விஜயநகர அரசின் கீழ் மதுரை மண்டலம் 72 பாளையங்களாக பிரிக்கப்பட்ட போது, அக்குறுநிலங்களை ஆண்டவர்கள் பாளையக்காரர்கள் எனப்பட்டனர். வில் பொறி தன் இலைகளைக் கொண்டு பூச்சிகளைப் பிடித்துத் தின்னும் ஒரு ஊனுண்ணித் தாவரம். அணுவின் அடிப்படைத் துகள்களுள் ஒன்றான நியூட்ரினோக்கள் மின்மத்தன்மை அற்றவை. "தென்னிந்தியாவின் சாதிகளும் பழங்குடிகளும்" என்னும் ஏழு தொகுதிகளைக் கொண்ட பெரு நூலை எழுதியவர் எட்கர் தர்ஸ்டன். தொகுப்பு

நீங்களும் கட்டுரை எழுதலாம் தமிழ் விக்கிப்பீடியா கட்டுரைகளை அரசுப் பள்ளி மாணவர்கள் உட்பட பலரும் பயன்படுத்தி வருகின்றனர். இங்கு மாதம் தோறும் 40 இலட்சம் பக்கங்கள் பார்வையிடப்படுகின்றன. இத்தகைய சிறப்புடைய, தமிழ் விக்கிப்பீடியாவில் நீங்களும் கட்டுரை எழுதலாம் என்பதை அறிவீர்களா? இன்றே உங்கள் முதல் கட்டுரையைத் தொடங்குங்கள்! கீழே உள்ள பெட்டியில் தலைப்பை இட்டு கட்டுரையைத் தொடங்கவும் பொத்தானை அழுத்தவும். அடுத்து வரும் பெட்டியில் கட்டுரையை எழுதிய பிறகு, பக்கத்தைச் சேமிக்கவும் பொத்தானை அழுத்துங்கள். அடுத்த நொடியே உங்கள் கட்டுரை தமிழ் விக்கிப்பீடியாவில் இடம் பெற்றுவிடும். செய்திகளில் நமது பால்வழியும் அந்திரொமேடா பேரடையும் இன்னும் 4 பில்லியன் ஆண்டுகளில் ஒன்றோடொன்று மோதி இணையும் என வானியலாளர்கள் கணித்துள்ளனர். விசுவநாதன் ஆனந்த் (படம்) மாசுகோவில் நடைபெற்ற உலக சதுரங்க வாகையாளர் போட்டியில் இசுரேலின் போரிசு கெல்பண்டை சமன்முறி ஆட்டத்தில் வீழ்த்தி ஐந்தாவது முறையாகப் பட்டத்தை வென்றார். இரு மாதங்களுக்கு முன்னர் மாலியின் அசவாத் பகுதியைக் கைப்பற்றிய அசவாத் விடுதலைக்கான தேசிய இயக்கம் அன்சார் டைன் போராளிக் குழுவுடன் இணைந்து தமது பிராந்தியத்தை இசுலாமிய நாடாக்க முடிவு செய்துள்ளது. சிரியாவில் இடம்பெற்ற அரசுப் படைகளின் தாக்குதல்களில் 32 சிறுவர்கள் உட்படக் குறைந்தது 90 பேர் வரை கொல்லப்பட்டதை ஐக்கிய நாடுகள் உறுதிப்படுத்தியது. இன்றைய நாளில்... சூன் 3: 1924 - தமிழ்நாடு முன்னாள் முதலமைச்சர், திராவிட முன்னேற்றக் கழகத் தலைவர் கலைஞர் மு. கருணாநிதி பிறப்பு. 1965 - எட்வேர்ட் வைட் (படம்) 21 நிமிடங்கள் விண்ணில் நடந்து சாதனை படைத்தார். இவரே விண்ணில் நடந்த முதலாவது அமெரிக்கர் ஆவார். 1984 - அம்ரித்சரில் சீக்கியர்களின் புனிதப் பொற்கோயிலுள் இந்திய இராணுவத்தினர் புகுந்தனர். அண்மைய நாட்கள்: சூன் 4 – சூன் 2 – சூன் 1

சிறப்புப் படம் ஆஃப்னியம் - சாம்பல் நிறம் கொண்ட தனிமமமான இது கோப்பன்ஹேகனில் கண்டுபிடிக்கப்பட்டதால் இப்பெயர் பெற்றது. நியூட்ரான்களை அதிகமாக உட்கவரும் பண்பைப் பெற்றிருப்பதால் அணு உலைகளில் கட்டுப்படுத்தும் கழிகளில் இது பயன்படுத்தப்படுகிறது. இது இயற்கையில் தனியாகக் கிடைக்காமல் சிர்க்கோனியத்துடன் சேர்ந்தே கிடைக்கிறது. உலகில் மலாவி, பிரேசில், தெற்கு ஆஸ்திரேலியாவிலும் அதிகமாக இது கிடைக்கிறது. மக்கள்தொகை கூடக்கூட இதன் தேவை பெருகினால் இன்னும் 10 ஆண்டுகள் வரை மட்டுமே இது கிடைக்கும் என்று கணித்துள்ளனர். படத்தில் ஆஃப்னியம் துண்டுகள் குவித்துவைக்கப்பட்டுள்ளன. தொகுப்பு