ஆங் துவா ஜெயா நகராட்சி

ஆங் துவா ஜெயா நகராட்சி Hang Tuah Jaya Municipal Council Majlis Perbandaran Hang Tuah Jaya
வகை
வகை	மாநகராட்சி of மலாக்கா மாநகரம்
வரலாறு
தோற்றுவிப்பு	1 சனவரி 2010
முன்பு	மலாக்கா வரலாற்று நகர நகராட்சி (Historical City of Malacca Municipal Council)
தலைமை
மாநகர முதல்வர்	சாபியா அருண் Sapiah Haron
மாநகரச் செயலாளர்	ரொகாயா அப்துல்லா Rohaya Abdullah
கூடும் இடம்
ஆங் துவா ஜெயா நகராட்சி தலைமையகம் SF-01, Aras 2, Kompleks Melaka Mall, துன் ரசாக் சாலை - லெபோ ஆயர் குரோ, ஆங் துவா ஜெயா, 75450, ஆயர் குரோ, மலாக்கா
வலைத்தளம்
www.mphtj.gov.my

ஆங் துவா ஜெயா நகராட்சி (மலாய்: Majlis Perbandaran Hang Tuah Jaya; ஆங்கிலம்: Hang Tuah Jaya Municipal Council); (சுருக்கம்: MPHTJ) என்பது மலேசியா, மலாக்கா மாநிலத்தில் ஆங் துவா ஜெயா நகரம்; மத்திய மலாக்கா மாவட்டத்தின் வடக்குப் பகுதி; ஜாசின் மாவட்டத்தின் மேற்குப் பகுதி; அலோர் காஜா மாவட்டத்தின் தென் மேற்குப் பகுதி; ஆகிய பகுதிகளை நிர்வகிக்கும் உள்ளூர் நகராட்சி ஆகும். மலாக்கா மாநில அரசாங்கத்தின் கீழ் இந்த நகராட்சி செயல்படுகிறது.

ஆங் துவா ஜெயா நகராட்சியின் பிரதான தலைமையகம், ஆங் துவா ஜெயா, ஆயர் குரோவில், கோத்தாமாஸ் என முன்னர் அறியப்பட்ட மலாக்கா மால் பேரங்காடியில், மலாக்கா மாநகராட்சி தலைமையகத்திற்கு எதிரே அமைந்துள்ளது.

உள்ளூராட்சிச் சட்டம் 1976, (சட்டம் 171)-இன் பிரிவு 3-இன் கீழ்; ஆங் துவா ஜெயா நகரின் உள்ளூர் நகராட்சியாக ஆங் துவா ஜெயா நகராட்சி நிறுவப்பட்டது; மற்றும் 1 ஜனவரி 2010-இல் ஆங் துவா ஜெயா நகராட்சி செயல்படத் தொடங்கியது.

செயல்பாடுகள்

ஆங் துவா ஜெயா நகராட்சியின் செயல்பாடுகள்:

• ஆங் துவா ஜெயாநகர மேலாண்மை;
• ஆங் துவா ஜெயாநகர நகரத் திட்டமிடல்;
• ஆங் துவா ஜெயாநகரத்தின் கட்டடங்கள் கட்டுப்பாடு;
• பொதுச் சுகாதாரம்; கழிவு மேலாண்மை;
• சுற்றுச்சூழல் பாதுகாப்பு;
• நகர்ப்புற உள்கட்டமைப்பின் பொது பராமரிப்பு;
• சமூகப் பொருளாதார மேம்பாடு.

ஆங் துவா ஜெயா நகராட்சி முதல்வர்கள்

#	முதல்வர்	பதவியில்
1	கமருதீன் சா	2010–2011
2	சாபியா அருண்	2011–2014
3	சாலி மாட் யாசின்	2014–2015
4	மன்சூர் சுடின்	2015–2017
5	மூராட் உசேன்	2017–2018
6	மகானி மசுபான்	2018–2019
7	முகமது ரபி இப்ராகிம்	2019 – 31 மார்ச் 2020
8	சாடான் ஒசுமான்	1 ஏப்ரல் 2020 - 31 சனவரி
9	சாபியா அருண்	பிப்ரவரி 1, 2023–தற்போது வரையில்

துறைகள் மற்றும் பிரிவுகள்

12 துறைகள் மற்றும் 5 பிரிவுகள்

• உள் தணிக்கை பிரிவு
• சட்ட பிரிவு
• ஒரு நிறுத்த மைய பிரிவு
• நிலுவைத் தொகை மேலாண்மை பிரிவு
• ஒருமைப்பாடு பிரிவு
• மேலாண்மை சேவை துறை
• நிதித்துறை
• அமலாக்கத் துறை
• சொத்து மதிப்பீடு மற்றும் மேலாண்மை துறை
• நகர்ப்புற திட்டமிடல் துறை
• பொறியியல் துறை
• உரிமத் துறை
• கார்ப்பரேட் மற்றும் சமூக சேவை துறை
• உயிரியல் பூங்கா துறை
• தகவல் தொழில்நுட்பத் துறை
• இயற்கை மற்றும் சுற்றுச்சூழல் சுகாதாரத் துறை
• கட்டிடக் கட்டுப்பாட்டுத் துறை

மேலும் காண்க

• மலேசியாவின் உள்ளாட்சி மன்றங்கள்
• மலேசிய உள்ளாட்சி மன்றங்களின் பட்டியல்

வெளி இணைப்புகள்

• பொதுவகத்தில் Hang Tuah Jaya தொடர்பாக ஊடகக் கோப்புகள் உள்ளன.
• அதிகாரப்பூர்வ இணையதளம்