பொன். இராதாகிருஷ்ணன்

பொன். இராதாகிருஷ்ணன்
நிதித்துறை இணையமைச்சர்
பதவியில் 2 செப்டம்பர் 2018 – 24 மே 2019
பிரதமர்	நரேந்திர மோதி
அமைச்சர்	அருண் ஜெட்லி
முன்னையவர்	அர்ஜுன் ராம் மேக்வால்
பின்னவர்	அனுராக் தாகூர்
சாலைப் போக்குவரத்து மற்றும் நெடுஞ்சாலைத் துறை இணையமைச்சர்
பதவியில் 26 மே 2014 – 24 மே 2019
பிரதமர்	நரேந்திர மோதி
அமைச்சர்	நிதின் கட்காரி
பதவியில் 24 சனவரி 1999 – 24 மே 2004
பிரதமர்	அடல் பிகாரி வாஜ்பாய்
பின்னவர்	விஜய் குமார் சிங்
கப்பல் போக்குவரத்துத் துறை இணையமைச்சர்
பதவியில் 26 மே 2014 – 24 மே 2019
பிரதமர்	நரேந்திர மோதி
அமைச்சர்	நிதின் கட்காரி
முன்னையவர்	கிருசன் பால் குர்ஜார்
[[இந்தியர் நாடாளுமன்றம்]] கன்னியாகுமரி
பதவியில் 16 மே 2014 – 23 மே 2019
முன்னையவர்	ஜெ. ஹெலன் டேவிட்சன்
பின்னவர்	எச். வசந்தகுமார்
[[இந்தியர் நாடாளுமன்றம்]] நாகர்கோவில்
பதவியில் 1999–2004
முன்னையவர்	என். டென்னிஸ்
பின்னவர்	ஏ. வி. பெல்லார்மின்
தனிப்பட்ட விவரங்கள்
பிறப்பு	மார்ச்சு 1, 1952 (1952-03-01) நாகர்கோவில், திருவாங்கூர்-கொச்சி, இந்தியா (தற்போது தமிழ்நாடு, இந்தியா)
தேசியம்	இந்தியர்
அரசியல் கட்சி	பாரதிய ஜனதா கட்சி
பெற்றோர்	பொன்னையா ஐயப்பன், தங்ககனி
வாழிடம்	நாகர்கோவில், கன்னியாகுமரி, தமிழ்நாடு, இந்தியா
முன்னாள் மாணவர்	டாக்டர் அம்பேத்கர் அரசு சட்டக் கல்லூரி, சென்னை
தொழில்	வழக்கறிஞர், அரசியல்வாதி

பொன். இராதாகிருஷ்ணன் (Pon Radhakrishnan, பிறப்பு: மார்ச் 1, 1952) என்பவர் ஒரு தமிழக அரசியல்வாதியும், முன்னாள் நாடாளுமன்ற உறுப்பினரும் ஆவார்.

இளமைக் காலம்

இவர் கன்னியாகுமரி மாவட்டம் அளந்தங்கரை கிராமத்தில் மார்ச் 01, 1952 ஆம் ஆண்டு பொன்னையா ஐயப்பன் மற்றும் தங்ககனி ஆகியோருக்கு பிறந்தார். நாகர்கோவில் கோட்டாரில் பள்ளிப் படிப்பை முடித்த இவர் கல்லூரி படிப்பை விருதுநகரிலும், சட்டப் படிப்பை சென்னை சட்டக்கல்லூரியில் படித்தார். இவர் திருமணம் செய்து கொள்ளவில்லை.

அரசியல் வாழ்க்கை

ஒன்பதாவது மக்களவைக்கு 1999ல் நாகர்கோவில் மக்களவைத் தொகுதியிலிருந்து வெற்றி பெற்றார். பின்னர் 2004 ஆம் ஆண்டு நடந்த மக்களவைத் தேர்தலில், நாகர்கோவில் தொகுதியில் பாரதிய சனதா கட்சி சார்பில் (அ.தி.மு.க. கூட்டணி) போட்டியிட்டு தோல்வியடைந்தார். 2009 ஆம் ஆண்டு தேர்தலில், திருத்தி அமைக்கப்பட்ட கன்னியாகுமரி தொகுதியில் போட்டியிட்டு தோல்வியடைந்தார். பின்னர் 2014 ஆம் ஆண்டு நடந்த தேர்தலில், கன்னியாகுமரி மக்களவைத் தொகுதியிலிருந்து, பாரதிய ஜனதா கட்சி வேட்பாளராகப் போட்டியிட்டு, இந்திய நாடாளுமன்றத்திற்குத் தேர்ந்தெடுக்கப்பட்டார். பின்னர் 2019 ஆம் ஆண்டு நடந்த மக்களவை தேர்தலும், 2021இல் நடந்த இடைத்தேர்தலிலும் கன்னியாகுமரி மக்களவை தொகுதியில் போட்டிட்டு தோல்வி அடைந்தார்.

இணை அமைச்சர்

வாஜ்பாய் தலைமையிலான அமைச்சரவையில் 30–9–2000 முதல் 30–1–2003 வரை இளைஞர் நலம் மற்றும் விளையாட்டு மேம்பாட்டுத் துறை இணை அமைச்சராக இருந்தார். தொடர்ந்து, 30–1–2003 முதல் 7–9–2003 வரை நகர்ப்புற மேம்பாடு மற்றும் வறுமை ஒழிப்புத் துறை இணை மந்திரியாக பதவி வகித்தார். பின்னர், 8–9–2003 முதல் 2004–ம் ஆண்டு மாதம் வரை தரைவழிப் போக்குவரத்து மற்றும் நெடுஞ்சாலைத்துறை இணை அமைச்சராக இருந்தார்.

நரேந்திர மோதி அமைச்சரவையில் கனரக தொழில் மற்றும் பொதுத்துறை தொழிற்துறை இணை அமைச்சராக பணியாற்றினார். மத்திய நிதி மற்றும் சாலை மற்றும் கப்பல் போக்குவரத்துத்துறை இணையமைச்சராக பணியாற்றினார்.

கட்சிப்பணி

2006 ஆம் ஆண்டு முதல் 2009 ஆம் ஆண்டு வரை தமிழக பாசகவின் துணை தலைவராகவும், 2003 ஆம் ஆண்டு முதல் 2006 ஆம் ஆண்டு வரை மாநில பொதுச் செயலாளராகவும் பதவி வகித்தார். 2009 ஆம் ஆண்டு முதல் 2014 ஆகஸ்ட் 16 வரை தமிழக பாசகவின் தலைவராக இருந்தார்.

வெளியிணைப்புகள்

• தமிழகத்தில் புதிய தொழிற்சாலைகள்: முதல்வருடன் விரைவில் ஆலோசனை: மத்திய இணை அமைச்சர் பொன். ராதாகிருஷ்ணன் தகவல்