புக்கிட் ஜாலில் நெடுஞ்சாலை

கூட்டரசு சாலை 217
புக்கிட் ஜாலில் நெடுஞ்சாலை Bukit Jalil Highway பூச்சோங் சுங்கை பீசி நெடுஞ்சாலை (Puchong–Sungai Besi Highway)
வழித்தடத் தகவல்கள்
நீளம்:	4.30 km (2.67 mi)
பயன்பாட்டு காலம்:	1995 –
வரலாறு:	1997
முக்கிய சந்திப்புகள்
மேற்கு முடிவு:	பூச்சோங்
	டாமன்சாரா-பூச்சோங் விரைவுச்சாலை JKR(B) 11 பூச்சோங்-பெட்டாலிங் ஜெயா சாலை கோலாலம்பூர்-சிரம்பான் விரைவுச்சாலை சுங்கை பீசி விரைவுச்சாலை
கிழக்கு முடிவு:	சுங்கை பீசி
அமைவிடம்
முதன்மை இலக்குகள்:	கின்ராரா தேசிய விளையாட்டு வளாகம் தொழில்நுட்ப பூங்கா மலேசியா புக்கிட் ஜாலில் புஞ்சாக் சாலில்
நெடுஞ்சாலை அமைப்பு
மலேசிய நெடுஞ்சாலைகள் விரைவுச் சாலை கூட்டரசு மாநிலம்

புக்கிட் ஜாலில் நெடுஞ்சாலை அல்லது பூச்சோங் சுங்கை பீசி நெடுஞ்சாலை அல்லது கூட்டரசு சாலை 217 (மலேசியா) (ஆங்கிலம்: Bukit Jalil Highway அல்லது Federal Route 217; மலாய்: Lebuhraya Bukit Jalil) என்பது மலேசியா, கிள்ளான் பள்ளத்தாக்கு பகுதியில் ஒரு முக்கியமான நெடுஞ்சாலை ஆகும்.

கட்டணமில்லா நெடுஞ்சாலையான இந்தச் சாலை சா ஆலாம் விரைவுச்சாலைக்கு அடுத்த இரண்டாவது பெரிய நெடுஞ்சாலையாகும். இது கிழக்கில் சுங்கை பீசி விரைவுச்சாலையை இணைக்கிறது; மேற்கில் பூச்சோங் ஜெயா அருகே டாமன்சாரா–பூச்சோங் விரைவுச்சாலையை இணைக்கிறது.

பொது

இந்த நெடுஞ்சாலை கின்ராரா மற்றும் புக்கிட் ஜாலில் நகரங்களைக் கடந்து செல்கிறது.

புக்கிட் ஜாலில் நெடுஞ்சாலையின் ‘0’ கிலோமீட்டர் (Kilometre Zero), சிலாங்கூர், பூச்சோங் அருகே பூச்சோங் ஜெயா சாலைச் சந்திப்பில் தொடங்குகிறது. பூச்சோங்கில் உள்ள பூச்சோங் நகர மையத்தில் ‘0’ கிலோமீட்டர் நினைவுச்சின்னம் அமைக்கப்பட்டுள்ளது.

வரலாறு

இந்தப் புக்கிட் ஜாலில் நெடுஞ்சாலை, 1998-ஆம் ஆண்டு கோலாலம்பூரில் நடைபெற்ற காமன்வெல்த் விளையாட்டுப் போட்டிகளின் போது (1998 Commonwealth Games), சா ஆலாம் விரைவுச் சாலைக்கு அடுத்த நிலையில், புக்கிட் ஜாலில் தேசிய விளையாட்டு வளாகத்திற்குச் செல்லும் இரண்டாவது முக்கிய நெடுஞ்சாலையாக மாறியது.

2004-ஆம் ஆண்டில், இந்த நெடுஞ்சாலை கூட்டரசு சாலை 217 (மலேசியா) என்று மலேசிய அரசிதழில் பதிவு செய்யப்பட்டது. வேக வரம்பு 90 கி.மீ. வரை அனுமதிக்கப் படுகிறது.

மேலும் காண்க

• கூட்டரசு சாலை 1 (மலேசியா)
• கூட்டரசு சாலை 3 (மலேசியா)
• கூட்டரசு சாலை 5 (மலேசியா)