பிட்காயின்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

பிட்காயின் (Bitcoin), மெய்நிகர் நாணயம் அல்லது எண்மநாணயம் என்பது சத்தோசி நகமோட்டோவால் உருவாக்கப்பட்ட ஒரு எண்ணிம நாணயமுறை ஆகும். இப்பயன்பாட்டுக்காக அவர் உருவாக்கிய திறந்த மூல மென்பொருளும் இதே பெயராலேயே அழைக்கப்படுகிறது. சரியிணை வலைப்பின்னல் முறையில் இது இயங்குகிறது.[1]

பிட்காயின் கண்டுபிடித்தவர் சடோஷி நாகமோட்டோ என்பவர் ஆவார். இவர் “ஒருவருக்கொருவர் நேரடியாக கொடுத்து வாங்கக் கூடிய மின்னணு பணம்” என்று இதை வர்ணிக்கிறார். (தனது பிட்காயின் கண்டுபிடிப்பு பற்றிய அவரது 2009ஆம் ஆண்டு குறிப்பில் இவ்வாறு கூறியுள்ளார்.) இன்றுவரை அது மிகச் சரியான கூற்றாகவே உள்ளது.

பணத்தை ஒருவர் நேரடியாக மற்றவருக்கு அனுப்பமுடியும். பயன்படுத்துபவரைப் பொறுத்த அளவில் இதை “இணையப் பயன்பாட்டிற்கான பணம்” என்று கூறலாம். அதேநேரத்தில் மூன்றடுக்கு பதிவேட்டுப் பராமரிப்பு (Triple-entry book keeping system) கொண்ட ஒரு நாணயமும் ஆகும்.

பெரும்பாலான நாணயமுறைகளைப் போலன்றி, பிட்காயின் நாணயத்தைக் கட்டுப்படுத்தும் நடுவண் அமைப்பு ஏதும் இல்லை. இரகசியக் குறியீட்டு முறையைப் பயன்படுத்துவது மூலம் இதில் அடிப்படை பாதுகாப்பு வசதிகள் செய்யப்பட்டுள்ளன. மோசடிகளைத் தவிர்க்க ஒரு பிட்காயினை அதன் உரிமையாளர் ஒரு முறை மட்டுமே செலவழிக்க முடியும். ஒரே பிட்காயினை மீண்டும் மீண்டும் பயன்படுத்த முடியாது.

அடையாளம் காட்டாதவர் கூட பிட்காயினைப் பயன்படுத்த முடியும். பிட்காயின்களை தனிப்பட்ட கணிணிகளிலோ அல்லது மூன்றாம் தரப்பு வலைத்தளங்களிலோ சேமிக்க முடியும். எப்படியாக இருந்தாலும் பிட்காயின் முகவரி உள்ள யாருக்கு வேண்டுமானாலும் இணையம் மூலம் பணத்தை அனுப்பலாம். எந்த அரசாங்கமும் பிட்காயினின் மதிப்பை மாற்ற முடியாது. அதிக பிட்காயின்களை உருவாக்கி யாரும் பணவீக்கத்தையும் உருவாக்க முடியாது.

பிளாக்செயின் (BlockChain)[தொகு]

அனைத்து பிட்காயின் பரிமாற்றங்களும் “பிளாக்செயின் (BlockChain)” என்ற நிரந்தர பதிவேட்டில் பதியப்படும். இப்பதிவேட்டை “மைனர்கள்” (கவனிக்கவும் miners.. அதாவது சுரங்கம் தோண்டுபவர்கள்.) மற்றும் “நோடுகள்” (Nodes) ஆகியோர் மட்டும் பதிவுகள் செய்யக்கூடிய வகையில் உருவாக்கப்பட்டது. (பிட்காயின் மைனிங் என்பது சுரங்கம் தோண்டுதல் போன்றது, ஆனால் டிஜிட்டல் முறையில். சில பார்முலாக்கள் மற்றும் கணக்கீடுகள் கொண்டது. இந்த கணக்கீடுகளை செய்ய பல இடங்களில் உள்ள கணினிகள்தான் “நோடுகள்”. பார்முலாவின் உரிமையாளர்களாகிய தோண்டுபவர்களுக்கு மற்றும் அந்த நோடுகளின் உரிமையாளர்களுக்கு மட்டுமே கூலியாக பிட்காயின் புதிதாக கிடைக்கும். தற்போது 10 நிமிடத்திற்கு 12.5 பிட்காயின் என்ற விகிதத்தில் வழங்கப்படுகிறது. இதை அவர்கள் நோடுகளின் உரிமையாளர்களுக்கு விகிதப்படி பிரித்து அளிப்பார்கள். மற்ற பயனாளிகள் அதை பெற்று, அதன்பின் பயன்படுத்த உரிமை உள்ளது. மற்றபடி கரன்சி அச்சடிப்பதுபோல் புதிதாகவோ அல்லது போலியாகவோ பிட்காயின் உருவாக்க முடியாது.)

கரன்சியின் டிஜிட்டல் வடிவம்[தொகு]

1995 சமயத்தில் இணையத்தின் பயன்பாடு குறித்து பெரிய விழிப்புணர்வு இல்லை. ஆனால், அதன்பின் அதன் நுகர்வு மற்றும் வீச்சு பெரிய அளவில் உள்ளது. அதேபோல் இப்போது பிட்காயின் பற்றிய விழிப்புணர்வு பெரிய அளவில் இல்லை. ஆனாலும் அதன் பயன் தெரிந்தவர்கள் அனுபவித்து வருகின்றனர். (சில ஆண்டுகளுக்கு முன் 1 டாலருக்கும் கீழே இருந்த பிட்காயின் இன்று 2700 டாலருக்கு நிகராக உள்ளது.)

பொருளாதர நிபுணர்கள் மற்றும் தொழில் நுட்ப வல்லுநர்களைப் பொறுத்தவரையில் இன்னும் பிடிபடாத விஷயமாக இருக்கும் இந்த பிட்காயினின் பயன் வரும்காலத்தில் எவ்வாறு இருக்கும்? இது வெறும் கரன்சியின் டிஜிட்டல் வடிவம் மட்டும்தானா அல்லது பெரிய புத்திசாலித்தனமான வர்த்தகத்திற்கான அடித்தளமா? இது பணப் பரிமாற்றத்தை கட்டுப்படுத்தும் அரசுகளுக்கே சவால் விடும் அளவுக்கு வளருமா அல்லது கவனிக்கப்படாமல் போய்விடுமா? இந்தக் கேள்விகளுக்கு பதில் உங்களுக்கு தெரியுமானால் அல்லது உங்களால் ஊகிக்க முடிந்தால் ஒரு பெரிய வாய்ப்பு உங்களுக்கு காத்திருக்கிறது.

ப்ளாக்செயின்[தொகு]

ப்ளாக்செயின் என்பது அடிப்படையில் ஒரு பதிவேடாகும். பிட்காயின் உலகின் முதுகெலும்பு போன்றது. பிட்காயின் உருவாக்கம், பரிமாற்றம் ஆகிய அனைத்து பிட்காயின் நடவடிக்கைகளும் இந்தப் பதிவேட்டில் ஏற்றப்படுகின்றன. பிட்காயின் மைனர்கள், நோடுகள், பயனாளர்கள் அனைவரையும் ஒன்றிணைக்கும் ஒரு சிஸ்டமாகும். ஒவ்வொரு பரிமாற்றத்தையும் மைனர்கள் (miners) சரிபார்த்து, நேரவரிசைப்படி இப்பதிவேட்டில் பதிவு செய்வார்கள்.

இது வேலை செய்யும் விதம்: மைனர்கள் தங்களிடமுள்ள சிறப்புக் கணினி மற்றும் இதர பயனர்களின் கணினி மூலம் ஒரு புதிருக்கான தீர்வைக் கண்டுபிடிப்பார்கள். அவ்வாறு ஒரு புதிர் தீர்க்கப்பட்டதும் அவர்களுக்கு ஒரு குறிப்பிட்ட அளவு பிட்காயின் கிடைக்கும். அத்துடன் ப்ளாக்செயின் எனப்படும் பரிமாற்றச் சங்கிலியில் ஒரு வளையம் சேர்க்கப்படும். ஒரு வளையம் சேர்க்கப்பட்ட தும் சங்கிலி மீண்டும் சுழலத் தொடங்கும், புதிய புதிர்கள் உருவாகும், மைனர்கள் (miners) மீண்டும் அவற்றுக்கான தீர்வுகளை கண்டறியத் தொடங்குவார்கள்.

மேற்கோள்கள்[தொகு]

  1. உலகின் முதல் 'பிட்காயின்'- டிஜிட்டல் பணம் வழங்கும் ஏடிஎம் திறப்பு

https://tamilbitcoinguide.com/what-is-bitcoin-double-spend/பிட்காயின் இரட்டை செலவாக்கம் என்றால் என்ன?

"https://ta.wikipedia.org/w/index.php?title=பிட்காயின்&oldid=2487315" இருந்து மீள்விக்கப்பட்டது