டபிள்யூ. ஜி. ரொக்வூட்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
டபிள்யூ. ஜி. ரொக்வூட்
W. G. Rockwood

ச.உ.
W. G. Rockwood.jpg
அதிகாரபூர்வமற்ற உறுப்பினர் (தமிழ்)
இலங்கை சட்டவாக்கப் பேரவை
பதவியில்
1898–1906
முன்னவர் பொன்னம்பலம் குமாரசுவாமி
பின்வந்தவர் அம்பலவாணர் கனகசபை
தனிநபர் தகவல்
பிறப்பு மார்ச்சு 13, 1843(1843-03-13)
இறப்பு 29 மார்ச்சு 1909(1909-03-29) (அகவை 66)
படித்த கல்வி நிறுவனங்கள் மாநிலக் கல்லூரி, சென்னை
மதராசு மருத்துவக் கல்லூரி
தொழில் மருத்துவர்
இனம் இலங்கைத் தமிழர்

வில்லியம் கேப்ரியல் ரொக்வூட் (William Gabriel Rockwood, 13 மார்ச் 1843 - 29 மார்ச் 1909) இலங்கைத் தமிழ் அரசியல்வாதியும், மருத்துவரும், இலங்கை சட்டவாக்கப் பேரவை உறுப்பினரும் ஆவார்.

ஆரம்ப வாழ்க்கை[தொகு]

ரொக்வூட் 1843 மார்ச் 13 இல் இலங்கையின் வடக்கே அளவெட்டியில் சின்னத்தம்பி எலிசா ரொக்வூட் என்பவருக்குப் பிறந்தார்.[1][2][3] தந்தையார் வட்டுக்கோட்டை குருமடத்தில் பயின்று கிறித்தவராக மதம் மாறியவர். காங்கேசன்துறையிலும், பருத்தித்துறையிலும் சுங்க அதிகாரியாகப் பணியாற்றியவர்.[4] யாழ்ப்பாணம் வேம்படி ஆண்கள் பாடசாலையில் கல்வி பயின்ற வில்லியம் ரொக்வூட் சென்னை சென்று அங்குள்ள மாநிலக் கல்லூரியில் படித்து மெட்ரிக்குலேசன் தேர்வு பெற்றார்.[1][2] பின்னர் 1861 இல் மதராசு மருத்துவக் கல்லூரியில் புலமைப்பரிசில் பெற்று 1866 சூன் மாதத்தில் மருத்துவர் மற்றும் அறுவை மருத்துவராக முதல் வகுப்பில் தேறினார்.[1][2][5]

ரொக்வூட் 1871 இல் யாழ்ப்பாணம் மூளாயைச் சேர்ந்த சின்னமுதலியார் கதிரவேலுவின் மகள் முத்தம்மாவைத் திருமணம் புரிந்தார்.[1][2] இவர்களுக்கு மருத்துவர் டேவிட் ரொக்வூட் உட்பட நான்கு மகன்களும், நான்கு மகள்களும் இருந்தனர்.[4]

பணி[தொகு]

சென்னையில் இருந்து திரும்பி இரண்டு மாதங்களில் அரசு மருத்துவ சேவையில் சேர்ந்து புத்தளத்தில் மருத்துவராக 1875 வரை சேவையாற்றினார்.[1][2] 1866/67,[2] 1875[1] காலப்பகுதிகளில் யாழ்ப்பாணத்தில் வாந்திபேதி பரவிய போது அதைத் தடுப்பதில் பெரும் பங்காற்றினார். பின்னர் சென்னைப் பல்கலைக்கழகத்தில் மருத்துவத்தில் முனைவர் பட்டம் பெற்றார்.[2][5] பின்னர் அம்பாந்தோட்டை, கம்பளை ஆகிய இடங்களில் மருத்துவ அதிகாரியாகப் பணியாற்றினார்.[2] 1878 இல், கொழும்பு பொது மருத்துவமனைக்கு அறுவை-மருத்துவத் தலைமை அதிகாரியாக 1878 முதல் 1883 வரை பணியாற்றினார்.[1][2][5] இலங்கை மருத்துவக் கல்லூரியில் அறுவை மருத்துவம், மற்றும் பேற்றுத் துணைவியியல் ஆகிய துறைகளில் விரிவுரையாளராகவும் பணியாற்றினார்.[1][2][5] 1884 இங்கிலாந்து சென்று அங்கு படித்து MRCS, MRCP பட்டங்களையும் பெற்றார்.[2][5] அரசுப் பணியில் இருந்து இளைப்பாறிய பின்னர் 1898 இல் கொழும்பு மருத்துவமனையில் அறுவை-மருத்துவ அறிவுரைஞராகப் பணியாற்றினார்.[2][5] ரொக்வூட் பிரித்தானிய மருத்துவக் கழகத்தின் இலங்கைக் கிளைக்குத் தலைவராகவும் இருந்து செயல்பட்டார்.[1][2][5]

அரசியலில்[தொகு]

1898 மார்ச் 14 இல் ரொக்வூட் இலங்கை சட்டவாக்கப் பேரவையில் இலங்கைத் தமிழர்களைப் பிரதிநிதித்துவப் படுத்தும் அதிகாரபூர்வமற்ற உறுப்பினராக பி. குமாரசாமிக்குப் பதிலாக நியமிக்கப்பட்டார்.[3][1][2][6][7] 1903 இல் மீண்டும் நியமிக்கப்பட்டார்.[2][8] இலங்கையில் வடக்கிற்கும், சிலாபத்திற்கும் தொடருந்துப் பாதைகள் அமைப்பதில் இவர் பெரும் ஆதரவு அளித்திருந்தார்.[1] 1906 சனவரியில் சுகவீனம் காரணமாக[3] சட்டவாக்கப் பேரவையில் இருந்து இவர் இளைப்பாறினார்.[2][4]

ரொக்வூட் 1909 மார்ச் 29 இல் காலமானார்.[1][4]

மேற்கோள்கள்[தொகு]

  1. 1.00 1.01 1.02 1.03 1.04 1.05 1.06 1.07 1.08 1.09 1.10 1.11 Arumugam, S. (1997). Dictionary of Biography of the Tamils of Ceylon. பக். 165-166. http://www.noolaham.org/wiki/index.php?title=Dictionary_of_Biography_of_the_Tamils_of_Ceylon. 
  2. 2.00 2.01 2.02 2.03 2.04 2.05 2.06 2.07 2.08 2.09 2.10 2.11 2.12 2.13 2.14 2.15 Wright, Arnold, தொகுப்பாசிரியர் (1907). Twentieth Century Impressions of Ceylon. Lloyd's Great Britain Publishing Company. பக். 555-557. http://www.noolaham.org/wiki/index.php/Twentieth_Century_Impressions_of_Ceylon. 
  3. 3.0 3.1 3.2 Martyn, John H. (1923). Notes on Jaffna - Chronological, Historical, Biographical. தெல்லிப்பழை: American Ceylon Mission Press. பக். 291. ISBN 81-206-1670-7. http://www.noolaham.org/wiki/index.php?title=Notes_on_Jaffna_-_Chronological%2C_Historical%2C_Biographical. 
  4. 4.0 4.1 4.2 4.3 "Dr. W. G. Rockwood". Jaffna College Miscellany (தெல்லிப்பழை: American Ceylon Mission) XIX (3): 1-4. July 1909. http://findit.library.yale.edu/catalog/digcoll:202584. 
  5. 5.0 5.1 5.2 5.3 5.4 5.5 5.6 "Obituaries". British Medical Journal 1 (2521): 1034. 24 ஏப்ரல் 1909. http://www.bmj.com/content/1/2521/1034.2. 
  6. "The London Gazette". லண்டன் கசெட் (26981): 3858. 24 சூன் 1898. https://www.thegazette.co.uk/London/issue/26981/page/3858. 
  7. டி சில்வா, கே. எம். (1981). A History of Sri Lanka. கலிபோர்னியா பல்கலைக்கழகம். பக். 368. ISBN 9780520043206. http://books.google.com/books?id=dByI_qil26YC. 
  8. "The London Gazette". லண்டன் கசெட் (27578): 4589. 21 சூலை 1903. https://www.thegazette.co.uk/London/issue/27578/page/4589. 
"https://ta.wikipedia.org/w/index.php?title=டபிள்யூ._ஜி._ரொக்வூட்&oldid=2127546" இருந்து மீள்விக்கப்பட்டது