இனிய இரு மலர்கள்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
இனிய இரு மலர்கள்
இனிய இரு மலர்கள்.jpg
வகை மெகாதொடர்
காதல்
தயாரிப்பு ஏக்தா கபூர்
உருவாக்கம் ஏக்தா கபூர்
எழுத்து கதை
அனில் நாக்பால்
திரைக்கதை
அனில் நாக்பால்
விகாஸ் திவாரி
வசனம்
தீரஜ் சர்னா
இயக்கம் ரவீந்திர கௌதம் சமீர் குல்கர்னி
ஷரத் பாண்டே
படைப்பாக்கம் தயாரிப்பாளர்
தனுஸ்ரி தாஸ்குப்தா
ஷாலு
நிதின் தால்
அன்ஷுமன் ஷர்மா
நடிப்பு
  • ஸ்ரிதி ஜா
  • ஷப்பிர் அலுவாலியா
முகப்பிசைஞர் லலித் சென்
நவாப் ஆர்சூ
நாடு இந்தியா
மொழி தமிழ்
பருவங்கள் 1
இயல்கள் 1000+[1]
தயாரிப்பு
தயாரிப்பு ஏக்தா கபூர்
ஷோபா கபூர்
நிகழ்விடங்கள் மும்பை
ஒளிப்பதிவு சஞ்சய் மெமன்
அனில் கத்கே
ஓட்டம்  தோராயமாக 21 நிமிடங்கள்
தயாரிப்பு
நிறுவனங்கள்
பாலாஜி டெலிபிலிம்ஸ்
ஒளிபரப்பு
அலைவரிசை பாலிமர் தொலைக்காட்சி (2014-2015)
ஜீ தமிழ் (2015-தற்போது வரை)
பட வடிவம் 480i(SDTV)
1080i(HDTV)
முதல் ஒளிபரப்பு 17 நவம்பர் 2015 (2015-11-17)
இறுதி ஒளிபரப்பு ஒளிபரப்பில்

இனிய இரு மலர்கள் என்பது ஜீ தமிழ் தொலைக்காட்சியில் திங்கள் முதல் வெள்ளி வரை மாலை 6 மணிக்கு ஒளிபரப்பாகும் மெகாத்தொடர் ஆகும். இது ஜீ டிவியில் ஒளிபரப்பாகி வரும் குங்கும் பாக்யா என்ற புகழ்பெற்ற இந்தி தொடரின் தமிழாக்கம் ஆகும். இத்தொடர் அபி மற்றும் பிரக்யா ஆகிய இரு தம்பதியின் காதல் கதையை மையமாகக் கொண்டது.

கதை[தொகு]

சரளா என்ற பெண் திருமண மண்டபம் ஒன்றை நடத்தி வருகிறார். அவர் பிரக்யா மற்றும் அம்மு என்ற இரு மகள்களுடன் வாழ்ந்து வருகிறார். அபி என்ற பாடகரை தனு என்ற மாடல் பெண் பணத்திற்காக மணந்து கொள்ள நினைத்தார். அபியின் நண்பரான பிரபாவின் அலுவலகத்தில் அம்மு பணி சேருகிறார். அவர்கள் இருவரும் கருத்து வேறுபாடுகளைக் கடந்து நாளடைவில் காதலிக்கத் தொடங்கினர். ஆனால் அபியோ, தன் தங்கை ஆலியாவை பிரபாவுக்கு திருமணம் செய்து வைக்க எண்ணினார். இதற்கிடையில் பிரபாவை பிரக்யா காதலிக்கிறார் என்று ஆலியா தவறாகப் புரிந்து கொள்கிறார். இதை அபியும் உண்மை என்று நம்பிவிடுகிறார். இதனால் பிரக்யாவை பழிவாங்க ஆலியா, தனு மற்றும் அபி ஆகிய மூவரும் இணைந்து திட்டம் தீட்டினர். இதற்கிடையில் பிரக்யாவை சந்தித்த அபியின் பாட்டிக்கு அவரை பிடித்துப்போனது. எனவே பிரக்யாவை அபிக்கு திருமணம் செய்து வைக்க முடிவெடுத்தார். அபியும் பிரக்யாவை பழிவாங்குவதற்காக அவரை திருமணம் செய்து கொண்டார்.

ஆலியாவுடனான திருமண நாளன்று பிரபா, அம்முவுடன் தப்பிச்சென்று கோவிலில் திருமணம் செய்துகொள்கிறார். தற்போது உண்மையை அறிந்து கொண்ட ஆலியா, பிரக்யா தன் தங்கையை பிரபாவுடன் சேர்த்து வைக்க திட்டம் போட்டு தன்னை ஏமாற்றி விட்டதாக நினைத்தார். ஆகவே அவர் பிரக்யாவைப் பழிவாங்க நினைத்தார். ஆனால் அபியும் பிரக்யாவும் நாளடைவில் காதலிக்கத் தொடங்கினர். இதனால் தனுவும் பிரக்யாவை வெறுக்கத் தொடங்கினார்.

இதற்கிடையில் தனு, தான் அபியின் குழந்தைக்கு தாயாகப் போவாதாகக் கூறி பொய்யான மருத்துவ அறிக்கைகளைக் காண்பித்தார். இது அபி-பிரக்யா இடையே விரிசலை ஏற்படுத்தியது. பிறகு உண்மையை அறி்ந்து கொண்ட பிரக்யா, அதை அபியிடம் ஆதாரத்துயன் நிருபிக்க முயன்றார். ஆனால் எதிர்பாராத விதமாக ஒரு விபத்தில் சிக்கிய பிரக்யா இறந்துவிட்டதாக அனைவரும் நினைத்தனர்.

இரு மாதங்களுக்குப் பிறகு திரும்பி வந்த பிரக்யா, அபியின் சொத்துகளுக்கு சொந்தக்காரி என்று கூறிக்கொண்டு வீட்டில் இருப்பவர்களை அதிகாரம் செய்வது போல் நடித்தார். பிறகு அவர் தனு பற்றிய உண்மைகளை அனைவரின் முன்பும் நிரூபித்தார். இதனால் கோபமடைந்த அபி, தனுவை வீட்டை விட்டு வெளியேற்றினார். பிறகு அவர் பிரக்யாவை ஏற்றுக்கொண்டார். இதனால் மேலும் கோபமடைந்த தனு மற்றும் ஆலியா, பிரக்யாவைக் கொன்றுவிட திட்டம் தீட்டினர். ஆனால் அவர்களின் திட்டத்தில் சிக்கிக்கொண்ட அபிக்கு விபத்து நேர்கிறது. இதனால் அபிக்கு பழைய நினைவுகள் மறந்து விடுகின்றன. இதை பயன்படுத்திக் கொண்டு ஆலியா மற்றும் தனு ஆகிய இருவரும் மீண்டும் வீட்டில் நுழைந்தனர். அபிக்கு பழைய நினைவுகள் தானாக வர வேண்டும் என்றும் கட்டாயப்படுத்தி வரவழைத்தால் உடல்நிலை மோசமாகி விடும் என்று மருத்துவர் எச்சரித்தார். ஆகவே பிரக்யா அபியை விட்டுப் பிரிந்து செல்கிறார்.

ஆனால் விதி அவர்கள் இருவரையும் மீண்டும் சந்திக்க வைக்கிறது. அபியின் அலுவலகத்தில் பிரக்யா தற்செயலாக வேலைக்குச் சேர்கிறார். முதலில் பிரக்யாவுடன் சகஜமாகப் பழகிய அபி, அவரைக் காதலிக்கத் தொடங்கினார். ஆனால் பிரக்யா, அவரை விட்டு விலகிச் செல்ல முயன்றார். இதை அறிந்த ஆலியா, அபியை தனுவுடன் திருமணம் செய்து வைக்க திட்டம் தீட்டினார். அதன்படி திருமணமும் நிச்சயமானது. திருமண நாளன்று நிகில் பிரக்யாவை கடத்திவிட்டார். இதை அறிந்த அபி, உடனே மணமேடையை விட்டு ஓடிச்சென்று பிரக்யாவைத் தேடினார். பிறகு பிரக்யாவை ரவுடிகளிடம் இருந்து காப்பாற்றி தன் காரில் அழைத்து வந்து கொண்டிருந்தார். அப்போது ஏற்பட்ட ஒரு விபத்தில் அபிக்கு பழைய நினைவுகள் திரும்பி வருகிறது. ஆனால் நிகில் பிரக்யாவை துப்பாக்கியால் சுடுகிறார். இதனால் பிரக்யா நிலைதடுமாறி ஆற்றில் விழுந்து விடுகிறார். அபி எவ்வளவு முயன்றும் பிரக்யாவைக் கண்டுபிடிக்க முடியாமல் ஏமாற்றத்துடன் வீடு திரும்பினார். மேலும் அவர் கோபத்துடன் தனு மற்றும் ஆலியாவை வீட்டை விட்டு வெளியேற்றினார்.

சில வாரங்களுக்குப் பிறகு அபி பிரக்யா போன்ற உருவம் கொண்ட பொன்னி என்ற கிராமத்துப் பெண் ஒருவரைக் காண்கிறார். அவரை பிரக்யா என நினைத்த அபி தன் வீட்டிற்கு அழைத்து வந்தார். இதற்கிடையில் பொன்னியைப் பற்றி அறிந்துகொண்ட ஆலியா, அவரைப் பயன்படுத்தி அபியின் வீட்டில் நுழைய முயற்சித்தார். ஆகவே அவர் பொன்னியை மிரட்டத் தொடங்கினார். இதன்மூலம் ஆலியா மற்றும் தனு தாங்கள் திருந்திவிட்டதாக பொய் கூறி வீட்டிற்குள் நுழைகின்றனர். பிறகு பொன்னி மூலம் நடந்தவற்றை அறிந்துகொண்ட பிரக்யா பொன்னியாக அபி வீட்டிற்குள் நுழைகிறார். இதற்கிடையில் திஷா என்ற பெண்ணுக்கும் பிரபாவுக்கும் காதல் ஏற்படுகிறது. இருவரும் திருமணம் செய்து கொள்கின்றனர். பிறகு பிரக்யா என்ற பெயரில் பொன்னி ஏமாற்றி வருவதாக தனு அனைவரின் முன்பும் ஆதாரத்துடன் கூறுகிறார். இதனால் அதிர்ச்சி அடைந்த அபி பிரக்யாவை வீட்டை விட்டு வெளியேற்றினார்.

அபியின் செயலாளரான சிமோனிகா என்ற பெண் தன் கணவனின் இறப்புக்காக அபியை பழிவாங்க நினைத்தார். ஆனால் தனு அவரிடம் பிரக்யாவை கொல்லும்படி கூறுகிறார். அதன்படி ஒரு தொழிற்சாலையில் வைத்து பிரக்யாவைக் கொல்ல திட்டம் தீட்டினார். இதையறிந்த அபியின் பாட்டி பிரக்யாவை காப்பாற்ற தனியாகச் சென்றார். அங்கு அவர் சிமோனிகாவால் சுடப்பட்டு இறந்தார்.

அபியின் பாட்டி இறப்பிற்கு பிரக்யா தான் காரணம் என்று அபியும் ஆலியாவும் கோபப்பட்டனர். பாட்டியின் இறப்பு மற்றும் அபியின் வார்த்தைகளால் மனமுடைந்து போன பிரக்யா ஒரு மாடியில் இருந்து விழுந்து தற்கொலை செய்து கொள்வது போல் காண்பிக்கப்படுகிறது.

ஏழு வருடங்களுக்குப் பிறகு[தொகு]

ஏழு வருடங்களுக்குப் பிறகு அபி மற்றும் பிரக்யாவின் வாழ்க்கை முற்றிலும் மாறிப்போய் இருந்தது. அபி, தனுவை விருப்பமின்றி மணந்து கொண்டு வாழ்ந்து வந்தார். ஆனால் அவர் பிரக்யாவை மறக்கவில்லை. லண்டனில் இருக்கும் பிரக்யா அபியின் மூலம் பிறந்த தன் மகள் கியாராவிற்கு ஒரு பாதுகாவலர் வேண்டும் என்பதற்காக கிங் என்ற பாடகருடன் வாழ்ந்து வந்தார். அவரும் அபியை மறக்கவில்லை.

பிறகு விதி மீண்டும் அபி-பிரக்யாவை சந்திக்க வைக்கிறது. தன் பாடலுக்காக பிரக்யா மற்றும் கியாராவுடன் இந்தியா வரும் கிங் அங்கேயே தங்குகிறார். அங்கு அபி-கிங் இடையே மோதல் ஏற்பட்டு பகைமை உருவாகிறது. ஆனால் அபியின் மனைவி தான் பிரக்யா என்பதை கிங் அறியவில்லை. கியாரா படிக்கும் அதே பள்ளியில் பிரபா-திஷாவின் மகனும் படித்து வருகிறார். இதனால் அபி-கியாரா இருவரும் தற்செயலாக சந்தித்துக் கொள்கின்றனர். நாளடைவில் இருவரும் நல்ல நண்பர்களாயினர். பிறகு பிரக்யா கிங்கின் மனைவி என்று அறிந்துகொண்ட அபி அதிர்ச்சியும் வேதனையும் அடைந்தார். எனினும் பிரக்யா எங்கிருந்தாலும் மகிழ்வுடன் வாழ்ந்தால் தனக்கு போதும் என்று எண்ணினார். ஆனால் கியாராவின் பெற்றோர் பற்றி அபி அறியவில்லை.

கதாபாத்திரங்கள்[தொகு]

முக்கிய கதாபாத்திரங்கள்[தொகு]

  • ஸ்ரிதி ஜா- பிரக்யா அபிஷேக் மேஹ்ரா
  • ஷப்பிர் அலுவாலியா- அபிஷேக் மேஹ்ரா

துணை கதாபாத்திரங்கள்[தொகு]

  • வின் ரானா- பிரபா கண்ணா, அபியின் தோழன்
  • ருச்சி சவாம்- திஷா பிரபா கண்ணா, பிரக்யாவின் தோழி
  • மிஷல் ரஹேஜா- கிங் சிங், கியாராவின் வளர்ப்புத் தந்தை
  • கௌர்வகி வஷிஷ்டா- கியாரா மேஹ்ரா, அபி-பிரக்யா இணையின் மகள்
  • ஷிகா சிங்- ஆலியா மேஹ்ரா, அபியின் தங்கை
  • லீலா ஜுமானி- தனு மேஹ்தா, அபியின் இரண்டாம் மனைவி

இவற்றை பார்க்க[தொகு]

மேற்கோள்கள்[தொகு]

வெளி இணைப்புகள்[தொகு]

"https://ta.wikipedia.org/w/index.php?title=இனிய_இரு_மலர்கள்&oldid=2779749" இருந்து மீள்விக்கப்பட்டது