வடக்கு கலிமந்தான் கம்யூனிச கட்சி

வடக்கு கலிமந்தான் கம்யூனிச கட்சி North Kalimantan Communist Party
Parti Komunis Kalimantan Utara
சுருக்கக்குறி	NKCP
தலைவர்	வென் மிங் சுயான்
தொடக்கம்	19 செப்டம்பர் 1965 (நடைமுறையில்) 19 செப்டம்பர் 1971 (de jure)
கலைப்பு	17 அக்டோபர் 1990
இளைஞர் அமைப்பு	சரவாக் முற்போக்கு இளைஞர்கள் சங்கம் (SAYA)
துணை இராணுவப் பிரிவு	சரவாக் மக்கள் கெரில்லா படை (SPGF) வடக்கு கலிமந்தான் மக்கள் இராணுவம் (NKPA/Paraku)
கொள்கை	கம்யூனிசம் மாவோவியம் ஏகாதிபத்திய எதிர்ப்பு
அரசியல் நிலைப்பாடு	இடது சாரி
நிறங்கள்	Red

வடக்கு கலிமந்தான் கம்யூனிச கட்சி (ஆங்கிலம்: North Kalimantan Communist Party (NKCP); மலாய்: Parti Komunis Kalimantan Utara (PKKU); சீனம்: 北加里曼丹共產黨;) என்பது 1971-ஆம் ஆண்டில், மலேசியா, வடக்கு போர்னியோ (சரவாக்) மாநிலத்தில் இயங்கிய ஒரு கம்யூனிச அரசியல் கூட்டணியாகும்.

இந்தக் கட்சி, 19 செப்டம்பர் 1971-இல் நிறுவப்பட்டது. அதற்கு முன், சரவாக் மக்கள் கெரில்லா படை (Sarawak People's Guerilla Force) என்ற பெயரில் இயங்கி வந்தது. வடக்கு கலிமந்தான் கம்யூனிச கட்சியின் தலைவர் வென் மிங் சியுவான் (Wen Ming Chyuan); மற்றும் இந்தக் கட்சி மக்கள் சீனக் குடியரசு நாட்டுடன் நெருங்கிய தொடர்புகளைக் கொண்டிருந்தது.

பொது

சரவாக்கின் கம்யூனிச கிளர்ச்சியின் போது, வடக்கு கலிமந்தான் கம்யூனிச கட்சியில் இரண்டு முக்கிய இராணுவப் படைகள் உருவாக்கப்பட்டன:

• சரவாக் மக்கள் கெரில்லா படை (ஆங்கிலம்: Sarawak People's Guerilla Force (SPGF); மலாய்: Pasukan Gerilya Rakyat Sarawak (PGRS)
• வடக்கு கலிமந்தான் மக்கள் இராணுவம் (ஆங்கிலம்: North Kalimantan People's Army (NKPA); மலாய்: Pasukan Rakyat Kalimantan Utara (PARAKU)

சரவாக்கில் முன்பு சரவாக் விடுதலை இயக்கம் (Sarawak Liberation League) (SLL); சரவாக் முற்போக்கு இளைஞர்கள் சங்கம் (Sarawak Advanced Youths' Association) (SAYA) உட்பட பல கம்யூனிச மற்றும் இடதுசாரி குழுக்கள் இருந்தன. ஒரு கட்டத்தில் அவை ஒருங்கிணைக்கப்பட்டன. அதன் மூலம், 1970 மார்ச் மாதம் வடக்கு கலிமந்தான் கம்யூனிச கட்சி நிறுவப்பட்டது.

சரவாக் விடுதலை இயக்கம்

1949-இல் மக்கள் சீனக் குடியரசு (People's Republic of China) நிறுவப்பட்ட பிறகு, சரவாக் வெளிநாட்டுச் சீன சனநாயக இளைஞர் கழகம் (Sarawak Overseas Chinese Democratic Youth League) உருவாக்கப்பட்டது. 1956-ஆம் ஆண்டில், சரவாக் விடுதலை இயக்கம் (Sarawak Liberation League) (SLL) போன்ற பல சிறிய கம்யூனிச குழுக்களை உள்வாங்கி, சரவாக் முற்போக்கு இளைஞர்கள் சங்கம் (Sarawak Advanced Youths' Association) உருவாக்கப்பட்டது. அதன் பின்னர் 1971-இல் வடக்கு கலிமந்தான் கம்யூனிச கட்சி (North Kalimantan Communist Party) நிறுவப்பட்டது.

வடக்கு கலிமந்தான் கம்யூனிச கட்சியில், நன்கு பயிற்சி பெற்ற கம்யூனிச பங்கேற்பாளர்கள் 800 - 1,000 பேர் இருந்ததாக அரசாங்க சான்றுகள் மதிப்பிட்டுள்ளன. தவிர சரவாக் கம்யூனிச இயக்கங்களில் ஒட்டு மொத்தமாக 24,000 பங்கேற்பாளர்கள் இருந்ததாகவும் மதிப்பிட்டுள்ளது.

1990 அக்டோபர் 17-ஆம் தேதி, வடக்கு கலிமந்தன் கம்யூனிச கட்சி, சரவாக் மாநில அரசாங்கத்துடன் ஒரு சமாதான ஒப்பந்தத்தில் கையெழுத்திட்டது. அதன் பின்னர் சர்வாக்கில் நடைமுறையில் இருந்த சரவாக் கம்யூனிச கிளர்ச்சி முறையாக ஒரு முடிவுக்கு வந்தது.

மேலும் காண்க

• சுகர்ணோ
• மலாயா அவசரகாலம்
• மலேசியாவில் கம்யூனிச கிளர்ச்சி (1968 - 1989)
• இந்தோனேசியா - மலேசியா மோதல்‎

சான்றுகள்

• Chan, Francis; Wong, Phyllis (16 September 2011). "Saga of communist insurgency in Sarawak". The Borneo Post. http://www.theborneopost.com/2011/09/16/saga-of-communist-insurgency-in-sarawak/. 

• Cheah Boon Kheng (2009). "The Communist Insurgency in Malaysia, 1948–90: Contesting the Nation-State and Social Change". New Zealand Journal of Asian Studies 11 (1): 132–52. http://www.nzasia.org.nz/downloads/NZJAS-June09/14_Cheah_3.pdf. பார்த்த நாள்: 5 January 2013. 

• Hara, Fujiol (December 2005). "The North Kalimantan Communist Party and the People's Republic of China". The Developing Economies 43 (4): 489–513. doi:10.1111/j.1746-1049.2005.tb00956.x. 

• Fong, Hon-Kah (2005). "Book Review: Vernon L. Porritt "The Rise and Fall of Communism in Sarawak 1940–1990"". Taiwan Journal of Southeast Asian Studies 2 (1): 183–192. http://www.cseas.ncnu.edu.tw/journal/v02_no1/5.pp183-192%E6%9B%B8%E8%A9%95new.pdf. பார்த்த நாள்: 31 August 2013.