பாரதி கண்ணம்மா (தொலைக்காட்சித் தொடர்)

பாரதி கண்ணம்மா
வகை	குடும்பம் காதல் நாடகத் தொடர்
இயக்கம்	பிரவீன் பென்னெட்
நடிப்பு	அருண் பிரசாத் ரோஷினி ஹரிப்ரியன் சுவீட்டி (கண்மணி மனோகரன்) அகிலன்
முகப்பு இசை	இளையவன்
நாடு	இந்தியா
மொழி	தமிழ்மொழி
பருவங்கள்	1
அத்தியாயங்கள்	433
தயாரிப்பு
படப்பிடிப்பு தளங்கள்	தமிழ் நாடு
ஓட்டம்	தோராயமாக அங்கம் ஒன்று 22–24 நிமிடங்கள்
ஒளிபரப்பு
அலைவரிசை	விஜய் தொலைக்காட்சி
ஒளிபரப்பான காலம்	25 பெப்ரவரி 2019 (2019-02-25) – ஒளிபரப்பில்
Chronology
தொடர்புடைய தொடர்கள்	கருத்தமுத்து (மலையாளம்) கார்த்திகை தீபம் (தெலுங்கு) முத்துலட்சுமி (கன்னடம்)

பாரதி கண்ணம்மா என்பது விஜய் தொலைக்காட்சியில் பெப்ரவரி 25, 2019 முதல் திங்கள் முதல் சனி வரை இரவு 9 மணிக்கு ஒளிபரப்பாகும் தொலைக்காட்சி நாடகத் தொடர் ஆகும். இந்த தொடர் மலையாளம் மொழித் தொடரான 'கருத்தமுத்து' என்ற தொடரின் மறு ஆக்கம் ஆகும்.

இந்த தொடரில் பாரதியாக மேயாத மான் என்ற படத்தில் நடித்த அருண் பிரசாத் நடிக்கிறார். ரோஷினி ஹரிப்ரியன் கண்ணம்மாவாகவும், நடிகை சுவீட்டி அஞ்சலியாகவும் நடிக்கின்றனர்.

கதைச்சுருக்கம்

கண்ணம்மாவும் அஞ்சலியும் இருவரும் மாற்றாந்தாய் சகோதரிகள். கண்ணம்மா கருத்த நிறம் கொண்டவள். அஞ்சலி வெள்ளை நிறம் கொண்டவள்.

கண்ணம்மாவுக்கு நல்ல உள்ளம் கொண்ட பாரதி என்ற கணவன் அமைகிறான். அதன் பின் அவள் வாழ்க்கையும் பாரதி என்ற கணவனின் வாழ்க்கையும் எவ்வாறு பயணிக்கிறது இவர்களின் வாழ்வில் அஞ்சலி, வெண்பா ஆகியோரால் வரவிருக்கும் பிரச்சனைகளை மையமாக வைத்து, இந்த கதை நகர்கின்றது.

நடிகர்கள்

முதன்மை கதாபாத்திரம்

• அருண் பிரசாத் - பாரதி
  • நல்ல உள்ளம் கொண்டவன் இவனுக்கு அழகை விட பாசம் தான் பெரியது என நினைப்பவன். கண்ணம்மாவின் கணவன்.
• ரோஷினி ஹரிப்ரியன் - கண்ணம்மா பாரதி
  • பாரதியின் மனைவி. அனைவருக்கும் உதவும் நல்ல குணம் கொண்டவள். சற்று கருத்த நிறம் உள்ளவள் என்பதால் சமுதாயத்தில் சில விமர்சனங்களை சந்திக்கிறாள்.
• ஃபரினா ஆசாத் - வெண்பா
  • பாரதியை கல்லூரிக் காலம் முதல் காதலிப்பவள், பாரதியையும் கண்ணம்மாவையும் பிரித்து பாரதியை மறுமணம் செய்ய சதி செய்பவள்.
• சுவீட்டி - அஞ்சலி
  • வெள்ளை நிறம் உடையவள், கண்ணம்மாவின் மாற்றான் தாய் சகோதரி. புறத்தோற்றம் தான் ஒரு பெண்ணுக்கு அழகு என்ற எண்ணம் கொண்டவள்.
• அகிலன் - அகிலன்
  • அஞ்சலியின் கணவன், சௌந்தர்யாவின் இளைய மகன்.

பாரதி குடும்பத்தினர்

• ரூபா ஸ்ரீ - சௌந்தர்யா
  • அகிலனுக்கும் பாரதிக்கும் தாய், தனக்கு ஒரு அழகனா மருமகள் தான் வேண்டும் என்று நினைப்பவர்.
• ரிஷி - வேணு கோபாலகிருஷ்ணன்
  • அகிலன், பாரதி, சுருதியின் தந்தை.
• காவியா - அறிவுமணி
  • பாரதி, அகிலன், சுருதி ஆகியோர்க்கு சிற்றப்பன் மகள், தங்கை.
• ஸ்ருதி சண்முக பிரியன் - சுருதி
  • சௌந்தர்யாவின் மகள், பாரதிக்கும் அகிலனுக்கும் சகோதரி.
• தனுஸ்ரீ - யாழினி
  • ஸ்ருதியின் மகள் .

கண்ணம்மா/அஞ்சலி குடும்பத்தினர்

• வெங்கட் - சண்முகம்
  • கண்ணம்மாவுக்கும் அஞ்சலிக்கும் தந்தை.
• செந்தில்குமாரி - பாக்யலட்சுமி
  • அஞ்சலியின் தாய், கண்ணம்மாவின் மாற்றான் தாய்.
• ராஜ்குமார் மனோகரன் - செல்வ கணபதி
  • பாக்யலட்சுமியின் சகோதரன்.
• விஜயலக்ஷ்மி - அன்புக்கரசி
  • பாக்கியலட்சுமிக்கும் செல்வகணபதிக்கும் தாய்.

துணை கதாபாத்திரங்கள்

• உமா ராணி - செண்பகவல்லி
• ராஜா ஜெகன்மோகன் - வருண்
• கண்ணம்மாவுடன் பள்ளியில் படித்தவன்
• ரேவதி சங்கர் - காயத்ரி
• யோகி - மாயாண்டி
• சுபகீதா - நிர்மலா
• ஷெரின் ஜானு - துளசி
• ஸ்ரீமான் -
• பாலாஜி - பாபு

சிறப்பு தோற்றம்

• சினேகன் (அத்தியாயம்: 1)
• தீபா சங்கர் -
  • கண்ணம்மாவின் தாய் (அத்தியாயம்: 1)
• சாந்தி மணி (அத்தியாயம்: 3)

மதிப்பீடுகள்

கீழேயுள்ள அட்டவணையில் நீல எண்கள் மிகக் குறைந்த மதிப்பீடுகளையும் சிவப்பு எண்கள் மிக உயர்ந்த மதிப்பீடுகளைக் குறிக்கும்.

ஆண்டு	மிகக் குறைந்த மதிப்பீடுகள்	மிக உயர்ந்த மதிப்பீடுகள்
2019	4.7%	6.9%
2020	4.4%	7.5%
	6.4%	9.3%

சர்வதேச ஒளிபரப்பு

• இந்த தொடர் விஜய் தொலைக்காட்சி மற்றும் விஜய் தொலைக்காட்சி எச்டி (உயர் வரையறு தொலைக்காட்சி) மூலம் உலகம் முழுதுவதும் ((ஆசியா: இலங்கை, தென்கிழக்காசியா), ஐரோப்பா, அமெரிக்காக்கள், மத்திய கிழக்கு நாடுகள்) போன்ற நாடுகளில் பார்க்க முடியும்.
• இந்த தொடரின் பகுதிகள் ஹாட் ஸ்டார் என்ற இணைய மூலமாகவும் பார்க்க முடியும்.

சிறப்புத் தொடர்

இந்த தொடரின் கதைமாந்தர்கள் ஐந்து நாட்கள் பாண்டியன் ஸ்டோர்ஸ் நாடகத்தில் தோன்றும்படி கதை அமைக்கப்பட்டது. பாரதி, கண்ணம்மா, அகிலன், அஞ்சலி ஆகிய கதாப்பாத்திரங்கள் பாண்டியன் ஸ்டோர்ஸ் குடும்பத்தினருடன் இக்காட்சிகளில் இடம்பெற்றனர்.

வெளி இணைப்புகள்

• இணையதள திரைப்பட தரவுத்தளத்தில் பாரதி கண்ணம்மா

விஜய் தொலைக்காட்சி : திங்கள்-சனி இரவு 9 மணி தொடர்கள்
முன்னைய நிகழ்ச்சி	பாரதி கண்ணம்மா	அடுத்த நிகழ்ச்சி
செந்தூரப் பூவே

விஜய் தொலைக்காட்சி : திங்கள்-வெள்ளி இரவு 8:30 மணி தொடர்கள்
முன்னைய நிகழ்ச்சி	பாரதி கண்ணம்மா (25 பிப்ரவரி 2019 – 27 மார்ச்சு 2020)	அடுத்த நிகழ்ச்சி
நெஞ்சம் மறப்பதில்லை (20 ஆகஸ்ட் 2018 - 22 பிப்ரவரி 2019)		செந்தூரப் பூவே