மலேசிய மக்களவைத் தலைவர்

மக்களவை தலைவர் Speaker of the Dewan Rakyat Yang di-Pertua Dewan Rakyat
தற்போது ஜொகாரி அப்துல் 19 திசம்பர் 2022 முதல்
உறுப்பினர்	தேர்வுக் குழு நிலையியல் கட்டளைக் குழு மக்களவை செயற்குழு சலுகைகள் குழு
அறிக்கைகள்	மக்களவை
நியமிப்பவர்	மக்களவை உறுப்பினர்கள்
பதவிக் காலம்	5 ஆண்டுகள்
அரசமைப்புக் கருவி	மலேசிய அரசியலமைப்பு
முதலாவதாக பதவியேற்றவர்	முகமட் நோவா ஒமார்
உருவாக்கம்	11 செப்டம்பர் 1959 (1959-09-11)
ஊதியம்	MYR 372,000 (ஆண்டு ஊதியம்)
இணையதளம்	Parliament of Malaysia

மலேசிய மக்களவைத் தலைவர் (மலாய்: Yang di-Pertua Dewan Rakyat; ஆங்கிலம்: Speaker of the Dewan Rakyat என்பவர் மலேசிய நாடாளுமன்றத்தின் கீழ் அவையான மக்களவையை வழிநடத்தும் தலைவராகும். மலேசிய மக்களவையின் மிக உயர்ந்த பதவியகும்.

வெஸ்ட்மின்ஸ்டர் மக்களாட்சி முறைமையைப் பயன்படுத்தும் நாடுகளைப் போலவே மலேசியாவிலும் மக்களவைத் தலைவர் எனும் வழக்குச்சொல் பயன்படுத்தப்படுகின்றது.

பொது

மலேசிய மக்களவையின் அமர்வுகளை கூட்டுவதற்கும்; விவாதங்களுக்கு ஏற்பாடு செய்வதற்கும்; மனுக்கள், மசோதாக்கள் மற்றும் திருத்தங்கள் ஆகியவற்றின் ஏற்புத் தன்மையை ஆய்வு செய்வதற்கும்; இவர் பொறுப்பு வகிக்கின்றார். மக்களவைத் தலைவர் இல்லாத காலத்தில், அவர்களின் பிரதிநிதிகளில் ஒருவர் பொறுப்பு வகிப்பார்.

தற்போதைய மலேசிய மக்களவையின் தலைவர் டத்தோ ஜொகாரி அப்துல். இவர் 19 டிசம்பர் 2022 அன்று, 15-ஆவது மக்களவையில், நாடாளுமன்ற மக்களவை உறுப்பினர்களால் தேர்ந்தெடுக்கப்பட்டார்.

செயல்பாடுகள்

மக்களவையின் அமர்வு; மக்களவை எப்போது திறக்கப்பட வேண்டும்; மற்றும் மூடப்பட வேண்டும் என்பதை மக்களவையின் தலைவர் தீர்மானிக்கிறார்; தேவைப்பட்டால் மக்களவையை சிறிது காலத்திற்கு இடைநிறுத்தம் செய்வதற்கு அனுமதி அளிக்கப்படுகிறது. மலேசிய அரசியலமைப்பு மற்றும் மக்களவையின் நிலையியல் கட்டளைகளுக்கு உரிய மரியாதை வழங்கப்படுவதை உறுதி செய்வதற்கும் பொறுப்பானவர் ஆவார்.

• மக்களவை உறுப்பினர்களை ஒழுங்குபடுத்துதல்;
• ஓர் அமர்வின் போது யார் பேசலாம் என்பதை தீர்மானித்தல்;
• மக்களவை கூடும் போது குறைந்தபட்ச எண்ணிக்கையிலான உறுப்பினர்கள் உள்ளனரா என சரிபார்ப்பது;
• மக்களவை வாக்கெடுப்பில் சமநிலை ஏற்படும் போது மட்டுமே அவர் வாக்களிப்பது;
• கேள்வி நேரத்தின் போது துணைக் கேள்விகளை எழுப்புவதற்கு வரம்புகளை விதிப்பது;
• கேள்வி நேரத்தின் போது வேறு கேள்விகளை தாக்கல் செய்வதைக் கட்டுப்படுத்துவது;

போன்ற அதிகாரங்கள் மக்களவைத் தலைவருக்கு உள்ளது.

மேலும் காண்க

• மக்களவை (மலேசியா)
• மலேசிய நாடாளுமன்றம்
• மலேசிய இந்திய நாடாளுமன்ற உறுப்பினர்கள்