தசரா யானைகள்
.jpg)
தசரா யானைகள் ( Dasara elephants) மைசூரு தசரா திருவிழாவில் யானைகள் ஒரு அங்கம். விஜயதசமி நாளில் மைசூர் தசரா ஊர்வலத்தில் யானைகள் முக்கிய இடம்பிடித்துள்ளன. முன்னணி யானை சாமுண்டேசுவரி தேவியுடன் தங்க அம்பாரியை சுமந்து செல்கிறது. இது, 750 கிலோகிராம் எடை கொண்டது. மேலும் தங்கத்தால் ஆனது.
வருகை[தொகு]
தசரா பண்டிகைக்காக வருகின்ற யானைகள் குழுவாக மைசூர் நகருக்கு வரத் தொடங்குகின்றன. அவை, விழா தொடங்குவதற்கு ஒரு மாதத்திற்கு முன்பே மைசூருக்கு வந்து, இறுதி நாளில் தங்கள் அணிவகுப்புக்கான பயிற்சியை மேற்கொள்கின்றனர். யானைகளுடன் அந்தந்த காவலர்கள் அல்லது யானைப்பாகன்கள் உள்ளனர். யானைகள் வழக்கமாக லாரிகளில் கொண்டு வரப்பட்டு, நாகர்ஹோளே தேசிய பூங்காவிலிருந்து மைசூர் வரை 70 கிலோமீட்டர் தூரம் நடந்து சென்று வருகின்றன. கிராம மக்கள் தங்கள் நியமிக்கப்பட்ட மலையேற்ற பாதையில் புனித விலங்குகளை வாழ்த்துகிறார்கள். வனப்பகுதியில் இருந்து அன்சூரு தாலுகாவில் உள்ள வீராண ஹோசஹள்ளி வனச் சோதனைச் சாவடிக்கு ஒவ்வொரு பிரிவைச் சேர்ந்த யானைகள் வரும்போது, மாவட்ட அமைச்சர், மைசூரில் இருந்து ஏராளமான அதிகாரிகள், முக்கிய பிரமுகர்கள் மற்றும் அருகிலுள்ள கிராமங்களைச் சேர்ந்தவர்கள் வரவேற்கின்றனர். கிராம மக்கள் யானைகளை வரவேற்க நாட்டுப்புற நடனம் ஆடியும், மேளம் அடித்தும், பாடல்கள் பாடியும் ஆடுகிறார்கள். இது மைசூர் மகாராஜாக்களின் அரச மரபுக்கு ஏற்றதாக கருதப்படுகிறது.
அரச விருந்து[தொகு]
யானைகளுக்கு அந்தந்த முகாம்களில் இருக்கும் போது, கேழ்வரகு, குதிரைவாலி மற்றும் தீவனக் கிளைகளின் கலவையான ' கேழ்வரகுக் களி வழங்கப்படுகிறது. ஆனால் அவைகள் தசராவிற்கு தயாராகும் அரச நகரமான மைசூரில் அரச விருந்தினராக இருக்கும் போது, தசரா இறுதிப் போட்டி - ஜம்பூ சவாரி வரை 'அரச' உணவு பரிமாறப்படுகிறது. யானைகள் காலை மற்றும் மாலை வேளைகளில் உளுந்து, பச்சைப்பயறு, கோதுமை, புழுங்கல் அரிசி, வெங்காயம் மற்றும் காய்கறிகளை உண்ணும். பின்னர், வழக்கமான ஒத்திகையில் இருந்து திரும்பிய பிறகு, அவைகளின் உணவில் சுவை சேர்க்க அரிசி, நிலக்கடலை, தேங்காய், வெல்லம் மற்றும் கரும்பு ஆகியவை கலந்து தரப்படுகிறது. இந்த உணவு ஒரு நாளைக்கு இரண்டு முறை வழங்கப்படுகிறது. ஆலமர இலைகள் போன்ற கிளைத் தீவனங்களும் கிடைக்கும். ஜம்போக்களுக்கு உணவு பரிமாறும் போது கூடுதல் கவனம் செலுத்தப்படுகிறது. யானைகளின் உடல் ஆரோக்கியத்தை மேம்படுத்த அதிக கலோரி மற்றும் புரதம் நிறைந்த உணவுகள் வழங்கப்படுகின்றன. அவைகள் ஊர்வலத்தில் அதிக எடையை சுமக்கின்றன. அதற்கு வலிமை தேவை. அதனால் அவைகளுக்கு வளமான உணவு அளிக்கப்படுகிறது. காலையில் பரிமாறப்படும் உணவில் சுவைக்காக சுத்தமான வெண்ணெய் கலந்திருக்கும். சத்தான உணவைத் தவிர, உயிர்ச்சத்து மருந்துகளும் உட்செலுத்தப்படுகின்றன, இதனால் உணவு சமநிலைப்படுத்தப்படுகிறது. ஒரு யானை காடுகளில் ஒரு நாளைக்கு 400 கிலோ தீவனத்தை உண்ணும். மைசூரில் அவைகளுக்கு வழங்கப்படும் உணவில் அதிக கலோரிகள் உள்ளன மேலும், இது, காட்டில் சாப்பிடுவதை விட அளவில் அதிகம்.
யானைகளைத் தேர்ந்தெடுப்பது[தொகு]
தசரா யானைகள் கெத்தா நடவடிக்கை மூலம் யானைப் பயிற்சியாளர்களால் பிடிக்கப்படுவது வழக்கம். உடையார் ஆட்சியின் போது, இவ்வாறு பிடிபட்ட யானைகள் வலிமை, ஆளுமை மற்றும் பண்புக்காக திறந்தவெளியில் பரிசோதிக்கப்பட்டன. யானைகளின் நடையழகு, மயக்கும் பலவீனங்கள், முக கவர்ச்சி ஆகியவை தேர்வுக்குக் கருதப்பட்ட சில காரணிகளாகும். பின்னர் தேர்வு செய்யப்பட்ட யானைகளுக்கு திருவிழாவிற்கான பயிற்சி அளிக்கப்பட்டது. ராஜாவே பயிற்சியை மேற்பார்வையிடுவார் என்று கூறப்படுகிறது. சில சமயங்களில் கைவிடப்பட்ட இளம் யானைகளுக்கும் தசரா பயிற்சி அளிக்கப்படுகிறது.
உறைவிடம்[தொகு]
ஆண்டு முழுவதும் யானைகளின் தங்குமிடம் பொதுவாக அவற்றின் பயிற்சி முகாம்கள் மற்றும் சுற்றியுள்ள தேசிய பூங்காக்கள் ஆகும். துபாரே, ஹெப்பல்லா, மூர்கல், கல்லல்லா, நாகரஹோளே, வீரனஹோசஹள்ளி, மெட்டிகுப்பே, சுங்கடகட்டே, பந்திப்பூர், மூலேஹோல், கே.குடி மற்றும் பீமேஸ்வரி ஆகிய இடங்களில் உள்ள பிரத்யேக முகாம்களில் 70 பழக்கப்பட்ட யானைகள் உள்ளன. சுமார் 240 யானைப்பாகன்கள் மற்றும் காவடிகள் இந்த யானைகளின் தேவைகளை கவனித்து அவற்றுடன் ஒரு பிணைப்பை வளர்த்துக் கொள்கின்றனர்.
யானைகள்[தொகு]
இந்த யானைகள் கன்னடத்தில் பெயரிடப்பட்டுள்ளன. இவை பொதுவாக இந்துக் கடவுள்கள் மற்றும் வரலாற்று நபர்களின் பெயர்களைக் கொண்டுள்ளன. யானைகள் துரோணரும் பலராமரும் மொத்தமாக 30 ஆண்டுகளாக தங்க அம்பாரியில் உள்ள சாமுண்டேசுவரி தேவியின் சிலையை சுமந்தனர். 1998 ஆம் ஆண்டு நாகரஹோளே தேசியப் பூங்காவில் துரோணர் யானைக்கு மின்சாரம் தாக்கியதை அடுத்து பலராமன் அந்தப் பொறுப்பை ஏற்றுக்கொண்டது. பலராமனுக்கு 13 ஆண்டுகளுக்குப் பிறகு ஓய்வு அளிக்கப்பட்டுள்ளது. 52 வயதான அர்ச்சுனன் அக்டோபர் 24, 2012 அன்று மைசூரில் நடந்த தசரா விழாவில் ஜம்பூ சவாரி ஊர்வலத்தின் போது பலராமனுக்குப் பதிலாக தங்க அம்பாரியை எடுத்துச் சென்றது. இந்நிகழ்ச்சியில் பரதா, காந்தி, காயத்திரி, கோகிலா, ஸ்ரீராமன், அபிமன்யு, கஜேந்திரா, பிலிகிரிரங்கா, விக்ரம், வரலட்சுமி, சரோஜினி ஆகிய யானைகள் பங்கேற்றன.
சர்ச்சை[தொகு]
தசரா ஊர்வலம் அதன் சர்ச்சைக்குரிய யானைகளைப் பயன்படுத்துவதை நிறுத்துமாறு ஆர்வலர்கள் மற்றும் பிரச்சாரகர்களிடமிருந்து அதிக அழுத்தத்தை எதிர்கொண்டது. ஊர்வலம் செல்லும் யானைகளும், 'மாவுத்தன்கள்' என்று அழைக்கப்படும் அவற்றின் கையாளுபவர்களும், பல ஆண்டுகளாக பல அதிர்ச்சிகரமான சம்பவங்களால் இறந்துள்ளனர். [1] [2] [3] [4]
2018 ஆம் ஆண்டில், யானைகளின் பயிற்சி மைதானத்தில் இருந்து கசிந்த காட்சிகள் யானை துன்பத்தில் தள்ளாடுவதைக் காட்டியது. சர்வதேச பத்திரிகைகள் இந்தக் காணொளியை "இதயத்தை உடைக்கும்" என்று முத்திரை குத்தியது. மேலும் யானைகள் தசரா ஊர்வலத்தில் பங்கேற்பதற்காக இரண்டு மாதங்கள் "கடுமையான பயிற்சியை" எப்படி மேற்கொள்ள இயலும் என்றும் தெரிவித்தது. [5]
சான்றுகள்[தொகு]
- ↑ "Untimely death of Mahout Shankara: Elephant Gajendra not to participate in this year’s Dasara" (in en-US). 2018-08-19. https://starofmysore.com/untimely-death-of-mahout-shankara-elephant-gajendra-not-to-participate-in-this-years-dasara/.
- ↑ "'Rowdy' Ranga: Elephant who roamed Karnataka forests dies in tragic mishap". http://www.newindianexpress.com/galleries/nation/2018/oct/09/rowdy-ranga-elephant-who-roamed-karnataka-forests-dies-in-tragic-mishap-101812.html.
- ↑ "Two mahouts killed due to elephant’s liquor aversion in Karnataka?". http://www.newindianexpress.com/states/karnataka/2017/may/06/two-mahouts-killed-due-to-elephants-liquor-aversion-in-karnataka-1601627.html.
- ↑ "Here is all you need to know about the Dasara elephants". https://newsable.asianetnews.com/karnataka/everything-you-want-to-know-about-the-dasara-elephants.
- ↑ "Elephant Swaying in Distress Shows Exploitation Must End" (in en-US). 2018-10-17. https://www.petaindia.com/blog/elephant-swaying-in-distress/.
வெளி இணைப்புகள்[தொகு]
- Mysoresamachar பரணிடப்பட்டது 2018-05-12 at the வந்தவழி இயந்திரம்
- Potpuri
- Hindu News