கப்பன் பூங்கா
| கப்பன் பூங்கா சிறீ சாமராசேந்திர பூங்கா | |
|---|---|
 | |
  Location in Bengaluru, India | |
| ஆள்கூறுகள்: 12°58′N 77°36′E / 12.97°N 77.6°E | |
| நாடு |  India |
| மாநிலம் | கருநாடகம் |
| மாவட்டம் | பெங்களூரு நகர்ப்புறம் |
| பெருநகரப் பகுதி | பெங்களூரு |
| நிறுவப்பட்டது | 1870 |
| தோற்றுவித்தவர் | சர் ஜான் மேடே [1] |
| பெயர்ச்சூட்டு | பத்தாம் சாமராச உடையார் |
| அரசு | |
| • நிர்வாகம் | தோட்டக்கலைத் துறை, கர்நாடக அரசு |
| பரப்பளவு | |
| • மொத்தம் | 1.2 km2 (0.5 sq mi) |
| மொழிகள் | |
| • அலுவல் | கன்னடம் |
| நேர வலயம் | இந்திய சீர் நேரம் (ஒசநே+5:30) |
| Pin Code | 560001 |
| இணையதளம் | http://www.horticulture.kar.nic.in/cubbon.htm |
சிறீ சாமராசேந்திர பூங்கா என்று அதிகாரப்பூர்வமாக அழைக்கப்படும் கப்பன் பார்க் (Cubbon Park) [2] என்பது பெங்களூரு நகரத்தின் முக்கிய அடையாளமான அதன் 'நுரையீரல்' பகுதியாக மத்திய நிர்வாக பகுதியில், (12.97 ° வடக்கிலும் 77.6 ° கிழக்கிலும்) அமைந்துள்ளது. இப்பூங்கா முதலில் 1870 ஆம் ஆண்டில் உருவாக்கப்பட்டது. ரிச்சர்ட் சாங்கி என்பவர் மைசூர் மாநிலத்தின் அப்போதைய பிரிட்டிசு தலைமை பொறியாளராக இருந்தபோது, இது 100 ஏக்கர் (0.40 கிமீ 2) பரப்பளவைக் கொண்டிருந்தது. பின்னர் விரிவாக்கம் நிகழ்ந்துள்ளது. இப்போது உள்ள பகுதி சுமார் 300 ஏக்கர் (1.2 கிமீ 2) என்பதாகும்.[3] இப்பூங்கா ஏராளமான தாவரங்களின், விலங்கினங்களின் பதிவுசெய்யப்பட்ட வரலாற்றைக் கொண்டுள்ளது. அதனுடன் ஏராளமான சுவாரஸ்யமும் மிக்க, அழகும் மிக்க கட்டிடங்களும் பிரபலமான நபர்களின் சிலைகளும் உள்ளன.[4]
1870 ஆம் ஆண்டில் மைசூரின் செயல் ஆணையரான சர் ஜான் மீட் என்பவரின் பெயரால் இந்த பொது பூங்கா முதன்முதலில் மீட்ஸ் பூங்கா என்று பெயரிடப்பட்டது. பின்னர் அந்தக் காலத்தின் மிக நீண்ட காலம் ஆணையாராக இருந்த சர் மார்க் கப்பனுக்குப் பிறகு கப்பன் பூங்கா என்று பெயர் மாற்றப்பட்டது. மைசூர் மாநிலத்தில் நான்காம் கிருட்டிணராச உடையார் ஆட்சியின் வெள்ளி விழாவை நினைவுகூரும் வகையில், 1927 இல், பூங்கா 19 நூற்றாண்டு ஆட்சியாளரான பத்தாம் சாமராச உடையார் நினைவாக (1868-94), மீண்டும் சிறீ சாமராசேந்திர பூங்கா எனப் பெயரிடப்பட்டது [5]
பூங்காவில் உள்ள இயற்கைச்சூழல், பாறை, மரங்களின் தடிமன், பாரிய மூங்கில், விரிவாக்கப்பட்ட புல்வெளி, பூச்செடிகள், அதன் எல்லைக்குள் உள்ள நினைவுச்சின்னங்களுடன் காண்போரைக் கவர்கின்றன. இது கர்நாடக அரசின் தோட்டக்கலைத் துறையால் நிர்வகிக்கப்படுகிறது. பூங்காவிற்குள் நன்கு அமைக்கப்பட்ட நடைபாதைகளில் நடக்க அதிகாலை நடைபயிற்சி செய்பவர்களும் அமைதியான இயற்கை சூழலில் தாவரங்களைப் படிக்கும் இயற்கை ஆர்வலர்களும் அடிக்கடி வருகின்றனர்.[5] பெங்களூரு நகரில் உள்ள இந்த பூங்காவிற்கு வருகை தரும் சுற்றுலாப் பயணிகள் இந்த நகரத்திற்கு 'தோட்டங்களின் நகரம்' என்று புனைபெயர் சூட்டியுள்ளனர்.[6]
அணுகல்[தொகு]
மகாத்மா காந்தி சாலை, கஸ்தூரிபா சாலை, அட்சன் வட்டம், அம்பேத்கர் வீதி ஆகியவற்றிலிருந்து இந்த பூங்காவை அணுகலாம். பூங்கா வழியாக இயங்கும் நகரக்குடிய சாலைகள் இலகுவான மோட்டார் வாகனங்களுக்கு மட்டுமே அனுமதிக்கப்படுகின்றன. பூங்காவின் அனைத்து இடங்களும் நடைபாதைகள் வழியாக அணுகப்படுகின்றன. இந்த பூங்கா எல்லா நேரங்களிலும் பொதுமக்களுக்கு திறந்திருக்கும். ஆனால் பூங்காவைச் சுற்றியுள்ள சாலைகள் ஒவ்வொரு நாளும் காலை 5:00 மணி முதல் இரவு 8:00 மணி வரை போக்குவரத்துக்கு மூடப்பட்டுள்ளன.[7]
தாவரவியல் சொத்துக்கள்[தொகு]
பூங்காவில் காணப்படும் பூர்வீகமிக்க சுமார் 68 வகைகளைச் சேர்ந்த 96 இனங்கள் என மொத்தம் 6000 தாவரங்கள் / மரங்களைக் கொண்டுள்ளன. பழமையான தாவர இனங்களும் பூங்காவில் காணப்படுகின்றன:[8] பலா மரம், கொன்றை, அத்தி, மகிழம் முதலியன. மேலும் மூங்கில், மலைச் சவுக்கு பெருவியன் மிளகு போன்றவை.
பூங்காவில் உள்ள சாலைகளை அலங்கரிக்கும் அலங்கார மரங்களில், பூக்கும் கவர்ச்சியான மரங்களில் மலைச் சவுக்கு (சில்வர் ஓக்) - ஆஸ்திரேலியாவிலிருந்து பெங்களூருக்கு அறிமுகப்படுத்தப்பட்ட முதல் மரமாகும்.[5] - மேலும் பூங்காவின் அனைத்துச் சாலைகளிலும் காணப்படும் செம்மயிற்கொன்றை மரம் உலகம் முழுவதும் பரவலாக பயிரிடப்படும் வெப்பமண்டல அலங்கார மரமாகும்.[9]
வரலாற்று கட்டிடங்களும் நினைவுச்சின்னங்களும்[தொகு]
கர்நாடக உயர்நீதிமன்றத்தின் மைய மண்டபத்திலிருந்து (அதாவது 18 அரசு அலுவலகங்கள்) முறையான தோட்டங்கள், சமச்சீராக வளர்ந்த வழித்தடங்களுடன், அருங்காட்சியக கட்டிடம் வரை நீண்டுள்ளது. மற்றொரு சுவாரஸ்யமான கலை அமைப்பு ஐயர் மாளிகை ஆகும். மத்திய நூலகம் ஒரு ரோஜா தோட்டத்தை முன்பக்கமாக கொண்டுள்ளது. மேலும் உலகின் மிக விரிவான பிரெய்லி புத்தகங்களின் தொகுப்பைக் கொண்டுள்ளது. 1) இந்திரா பிரியதர்ஷினி குழந்தைகள் நூலகம், 2) வெங்கடப்பா கலைக்கூடம், 3) மீன்வளம் (இந்தியாவில் இரண்டாவது பெரியதாகக் கூறப்படுகிறது), 4) ஒய்.எம்.சி.ஏ, 5) யுவானிகா மாநில இளைஞர் மையம், 6) செஞ்சுரி சங்கம், 7) பத்திரிக்கையாளர் சங்கம், 8) ஜவகர் பால பவனம், 9) டென்னிஸ் பெவிலியன், 10) சேசையா ஐயர் நினைவு மண்டபம் 11) ஒட்டாவா சாட்டார்.[5] விக்டோரியா மகாராணி (1906 இல் நிறுவப்பட்டது), ஏழாம் எட்வர்ட் (1919 இல் நிறுவப்பட்டது), தலைமைத் தளபதி சர் மார்க் கப்பன், சாமராசேந்திர உடையார் (1927 இல் நிறுவப்பட்டது) மற்றும் சர் கு. சேசாத்ரி ஐயர் (1913 இல் நிறுவப்பட்டது) போன்றவர்களின் சிலைகள் பூங்காவிற்குள் உள்ள வரலாற்று கட்டிடங்களுக்கு முன்னால் அமைந்துள்ளன.[5]
உயர்நீதி மன்றம்[தொகு]
கி.பி 1864 இல் பிரிட்டிசாரின் ஆட்சியின் போது கட்டப்பட்ட கர்நாடக உயர் நீதிமன்றம், ஒரு அடர் சிவப்பு நிறத்தில் கட்டப்பட்ட கல் கட்டிடமாகும். இது கோதிக் பாணி கட்டிடக்கலையில் கொறிந்திய நெடுவரிசைகளைக் கொண்ட இரண்டு மாடி கட்டிடம், பூங்காவின் நுழைவாயிலில் அமைந்துள்ளது. பொது அலுவலகங்கள் (கர்நாடக அரசின் செயலகம்) கி.பி 1868 முதல் கி.பி 1956 வரை இங்கு அமைந்திருந்தன. பின்னர் அவை அதற்கு எதிரே விதான சவுதாவுக்கு மாற்றப்பட்டன. இந்த கட்டிடம் இப்போது கர்நாடக உயர்நீதிமன்றத்திற்கு இடமளிக்கிறது. மத்திய மண்டபத்தில் சர் மார்க் கப்பனின் உருவப்படம் அலங்கரிக்கிறது. பரோன் மரோச்செட்டியி நிறுவிய கப்பனின் குதிரைச்சவாரி சிலை கட்டிடத்தின் பின்புறத்தில் அமைந்துள்ளது.[10][11]
அருங்காட்சியகம்[தொகு]
1876 ஆம் ஆண்டில் பூங்காவிற்குள் அமைந்துள்ள கர்னல் சாங்கி என்பவரால் கட்டப்பட்ட இந்தியாவின் மிகப் பழமையான ஒன்றான மாநில தொல்பொருள் அருங்காட்சியகம், உயர்நீதி மன்றத்திற்கு அதன் கட்டடக்கலை பாணியிலும் சாயலிலும் வடிவமைப்பில் ஒத்திருக்கிறது. அருங்காட்சியகத்தில் அசல் சேகரிப்பு மைசூர் அரசிதழாளர் பெஞ்சமின் எல். ரைஸுக்கு சொந்தமானது என்றாலும், மொகெஞ்சதாரோ காலத்தைச் சேர்ந்த தொல்பொருட்கள் அருங்காட்சியகத்தில் காட்சிக்கு வைக்கப்பட்டுள்ளன. அருங்காட்சியகத்தில் உள்ள கண்காட்சிகளில் விஜயநகரம், ஹளேபீடு கட்டிடக்கலை மாதிரிகள், பண்டைய நாணயங்கள், 5000 ஆண்டுகள் பழமையான கல் கல்வெட்டுகள் ஆகியவை அடங்கும்.[11][12]
சேசாத்ரி ஐயர் நினைவு மண்டபம்[தொகு]
1883 முதல் 1901 வரை மைசூர் மாநிலத்தின் திவானாக இருந்த சர் கு. சேசாத்ரி ஐயரின் நினைவாக 1915 ஆம் ஆண்டில் தசுக்கன். கொறிந்திய நெடுவரிசைகளுடன் உன்னதமான ஐரோப்பிய பாணியில் கட்டப்பட்ட சேசாத்ரி ஐயர் நினைவு மண்டபம் கட்டப்பட்டது. இதில் சேசாத்ரி நினைவு நூலகம் உள்ளது.[11] நினைவு கட்டிடம் பூங்காவின் நடுவில் அமைந்துள்ளது. பூங்காவின் பசுமையால் கட்டமைக்கப்பட்டு ரோஜா தோட்டத்தால் முன்பக்கம் சூழப்பட்டுள்ளது.[13] நூலகத்தின் பரப்பளவு 300 கி.மீ ஆகும். 2 மேலும் இது மாநில நூலக அதிகார சபையால் நிர்வகிக்கப்படும் கர்நாடக பொது நூலகங்கள் அமைப்பின் உச்சமாக செயல்படுகிறது. பெங்களூரு நகரில் அறிவு பரவலுக்கும் நூலக இயக்கத்தை மேம்படுத்துவதில் வழங்கப்பட்ட சிறப்பான சேவைகளுக்கும் ஆன பங்களிப்பை அங்கீகரிப்பதற்காக 2000 ஆம் ஆண்டில், நூலகத்திற்கு இந்தியாவின் சிறந்த மாநில மத்திய நூலகத்திற்கான இராசாராம் மோகன் ராய் நூலக அறக்கட்டளை விருது வழங்கப்பட்டது. குறிப்பாக கர்நாடக மாநிலத்தில். இந்த நூலகத்தில் தற்போது 2.65 லட்சம் புத்தகங்களின் தொகுப்பும், பிரெய்லி பகுதியும் உள்ளன.
பாதுகாப்பு சட்டம், 1979[தொகு]
பூங்காவின் தனித்துவத்தை பாதுகாக்க கர்நாடக அரசு 1979 இல், கர்நாடக அரசு பூங்கா (பாதுகாப்பு) சட்டம், 1975,[14] என்பதை இயற்றியது.
விழிப்புணர்வு பிரச்சாரம்[தொகு]
இந்தியாவின் சுற்றுச்சூழல் கல்வி மையம், 2006 ஆம் ஆண்டில், பூங்காவில் ஒரு சிற்றேட்டை உருவாக்கும் திட்டத்தை மேற்கொண்டதுடன், பூங்காவை ஆராய்வதற்கு இளைஞர்களுக்கு பல நடவடிக்கைகளில் ஈடுபட ஏற்பாடு செய்யப்பட்டுள்ளது. தோட்டக்கலைத் திணைக்களம், வேளாண் நோக்கம் ஆகியவற்றின் கூட்டு முயற்சியாக இந்த சிற்றேடு வெளிவந்துள்ளது. இது உலகெங்கிலும் மிகவும் தனித்துவமானது. இது ஒரு சுவாரஸ்யமான பகுதி அல்லது உலகில் தோட்டமாக இருந்தது
சர் மார்க் கப்பனை கௌரவித்தல்[தொகு]
1947 இல் இந்தியச் சுதந்திரத்திற்குப் பின்னர் பெரிதும் புறக்கணிக்கப்பட்ட மார்க் கப்பன், பிற பிரிட்டிசு நிர்வாகிகள் செய்த முன்னோடிப் பணிகளை ஏராளமான மக்கள் மெதுவாக ஒப்புக் கொள்ளத் தொடங்கினர். 2013 ஆகத்து 23, அன்று, கப்பன் பூங்கா நடைபயிற்சிச் சங்கத்தின் வழக்கறிஞர் எஸ்.உமேஷ் என்பவரால் 1947 க்குப் பிறகு முதன்முறையாக மார்க் கப்பனின் சிலைக்கு மாலை அணிவிக்கப்பட்டது. சர் மார்க் கப்பனின் 238வது பிறந்த நாளைக் குறிக்கும் விதமாக இந்த நிகழ்வு நடைபெற்றது. இதற்காக கர்நாடக உயர்நீதிமன்றத்திலிருந்து சிறப்பு அனுமதி பெறப்பட்டது. மேலும் காவலர் பாதுகாப்பும் வழங்கப்பட்டது. பெங்களூரு, மைசூருவின் பிரதான கட்டிடக் கலைஞர்களில் ஒருவராக மார்க் புகழ் பெற்றார். எவ்வாறாயினும், இந்த நடவடிக்கையை ஹட்சன் நினைவு தேவாலாயத்திற்கு அருகிலுள்ள கல்லறை நினைவுச்சின்னத்தை அழித்ததற்காக வட்டாள் நாகராஜ் என்பவர் எதிர்த்தார். ஆனாலும், பெங்களூருவுக்கு கப்பன் அளித்த பங்களிப்பு மறுக்க முடியாததால், அவரை கௌரவிக்கும் அவர்களின் நடவடிக்கையை சங்கம் பாதுகாத்தது. கப்பன் பார்க் 1927 ஆம் ஆண்டில் சிறீ சாமராசேந்திர பூங்கா என மறுபெயரிடப்பட்டது. ஆனால் இந்த பெயர் ஒருபோதும் பிரபலமடையவில்லை. மக்கள் அதை தொடர்ந்து கப்பன் பூங்கா என்றே அழைத்தனர்.[15]
புகைப்படக் காட்சி[தொகு]
-
கப்பன் பூங்கா -
சர் கு. சேசாத்ரி ஐயரின் சிலை -
இயற்கை ஓவியம் @ கப்பன் பூங்கா -
கப்பன் பூங்காவில் மூங்கிலும் பிற மரங்களும் -
பூங்காவிற்குள் வழிகளும் சாலைகளும் -
பூங்காவில் காணப்படும் மரங்கள் -
சாலையில் நடப்பட்டுள்ள மரங்கள் -
பூங்காவில் காணப்படும் மரங்கள் -
கப்பன் பூங்காவில் காணப்படும் மரங்கள் -
சில்வர் ஓக் மரம் -
செம்மயிற்கொன்றை மரம் -
கப்பன் பூங்காச் சாலை -
கப்பன் பூங்காவிற்கு அருகிலுள்ள விக்டோரியா மகாராணியின் சிலை -
கப்பன் பூங்காவில் மிகுதியாகக் காணப்படும் செம்மயிற்கொன்றை மலர் -
பெங்களூரின் வரலாற்றுக் கட்டிடங்களில் இக்கட்டமும் ஒன்று இது இப்பூங்காவில் அமைந்துள்ளது. -
பெங்களூரு, கப்பன் பூங்காவிலிருக்கும் புனித மார்க்சு தேவாலயம் -
புனித மார்க்சு தேவாலயம், பேண்ட் ஸ்டாண்ட், பெங்களூர் (1870). ஆல்பர்ட் தாமஸ் எழுதிய வைபார்ட் தொகுப்பின் 'பெங்களூரில் காட்சிகள்' -
பெங்களூரு சர் மார்க் கப்பனின் சிலை திறப்பு விழா. இல்லஸ்ட்ரேட்டட் லண்டன் நியூஸ், 5 மே 1866 -
கப்பன் பூங்கா, பெங்களூரு (1890). கர்சன் சேகரிப்பின் 'மைசூர் தொகுப்பின் நினைவு பரிசு' -
கப்பன் பூங்காவில் உள்ள சேசாத்ரி ஐயர் நினைவு நூலகம் (முன்பக்கம்) -
கப்பன் பூங்காவில் உள்ள சேசாத்ரி ஐயர் நினைவு நூலகம் (பின்பக்கம்)
-
கப்பன் பூங்காவில் உள்ள சேசாத்ரி ஐயர் நினைவு நூலகம் (பின்பக்கம்)
.jpg)
._%27Views_in_Bangalore%27,_of_the_Vibart_Collection,_by_Albert_Thomas.jpg)
._Curzon_Collection%27s_%27Souvenir_of_Mysore_Album%27.jpg)
குறிப்புகள்[தொகு]
- ↑ "Archived copy". Archived from the original on 10 May 2015. பார்க்கப்பட்ட நாள் 20 January 2018.
{{cite web}}: CS1 maint: archived copy as title (link) - ↑ "Archived copy". Archived from the original on 10 May 2015. பார்க்கப்பட்ட நாள் 20 January 2018.
{{cite web}}: CS1 maint: archived copy as title (link) - ↑ "Bangalore Tourist Attractions". Archived from the original on 2017-08-29. பார்க்கப்பட்ட நாள் 2020-07-11.
- ↑ "Cubbon Park". Archived from the original on 2017-09-15. பார்க்கப்பட்ட நாள் 2020-07-11.
- ↑ 5.0 5.1 5.2 5.3 5.4 http://www.horticulture.kar.nic.in/ பரணிடப்பட்டது 2017-08-20 at the வந்தவழி இயந்திரம் Gardens Cubbon Park
- ↑ Cubbon Park
- ↑ The Cubbon Park
- ↑ "The Cubbon Park". Archived from the original on 2008-11-06. பார்க்கப்பட்ட நாள் 2008-10-12.
- ↑ The wandering Gulmohar tree பரணிடப்பட்டது 20 மே 2011 at the வந்தவழி இயந்திரம்
- ↑ Attara Kacheri
- ↑ 11.0 11.1 11.2 http://www.bangaloreindia.org.uk/tourist-attractions/attara-kacheri.html Attara Kacheri (High Court)
- ↑ Cubbon Park பரணிடப்பட்டது 19 செப்டெம்பர் 2008 at the வந்தவழி இயந்திரம்
- ↑ http://www.horizonsunlimited.com/country/india/bangalore About Bangalore
- ↑ "Archived copy". Archived from the original on 13 November 2008. பார்க்கப்பட்ட நாள் 2008-10-04.
{{cite web}}: CS1 maint: archived copy as title (link) The Karnataka Government Parks (Preservation) Act, 1975 - ↑ Harshitha, Samyuktha (26 August 2013). "What is in a statue". Suttha Muttha. பார்க்கப்பட்ட நாள் 5 February 2015.
வெளி இணைப்புகள்[தொகு]
- the Cubbon Park பரணிடப்பட்டது 2017-08-20 at the வந்தவழி இயந்திரம்
- Deccan Herald : "He sure did make a mark!" on Cubbon Park history
- Cubbon GamiFYI'd : "Play treasure hunt using mobile" பரணிடப்பட்டது 2020-07-11 at the வந்தவழி இயந்திரம் on Events in Cubbon Park