செம்மயிற்கொன்றை
| செம்மயிற்கொன்றை | |
|---|---|
| |
| ஃபுளோரிடாவில் உள்ள பூக்கள் நிறைந்த மரம் | |
| உயிரியல் வகைப்பாடு | |
| திணை: | |
| தரப்படுத்தப்படாத: | |
| தரப்படுத்தப்படாத: | |
| தரப்படுத்தப்படாத: | Rosids
|
| வரிசை: | Fabales
|
| குடும்பம்: | Cesalpiniaceae
|
| பேரினம்: | Delonix
|
| இனம்: | D. regia
|
| இருசொற் பெயரீடு | |
| Delonix regia (போச். ex ஃகூக்.) ர. | |
செம்மயிர்க்கொன்றை (Delonix regia) வெப்பவலயப் பகுதிகளைச் சேர்ந்த ஒரு பூக்கும் தாவரமாகும். இது, மயிர்க்கொன்றை, மயிற்கொன்றை, மேமாதப்பூ மரம் எனப் பல பெயர்களிலும் அழைக்கப்பட்டு வருகின்றது. அமெரிக்காவில் இம் மரத்தை அறிமுகப்படுத்திய பிலிப்பே டி லாங்வில்லியேர்ஸ் டி பொயின்சி (Phillippe de Longvilliers de Poincy) என்பவரின் பெயரில் இதனை ஆங்கிலத்தில் ரோயல் பொயின்சியானா என அழைப்பதுண்டு.
இதன் கடும் பச்சை நிற இலைகளும் அவற்றின் பின்னணியில் கொத்துக் கொத்தாகப் பூத்துக் குலுங்கி ஒளிரும் செம்மஞ்சள் நிறப் பூக்களும் இம் மரத்துக்கு மிகுந்த கவர்ச்சியை வழங்குகின்றன. இதனால் இம்மரம் உலகின் அழகிய மரங்களில் ஒன்றாகக் கருதப்படுகின்றது.[1][2][3]
செம்மயிற்கொன்றை மரம், மடகாஸ்கர் தீவைத் தாயகமாகக் கொண்டது. இங்கே இது மேற்கு மலகாசிக் காட்டுப் பகுதிகளில் காணப்படுகின்றது. காட்டுப் பகுதிகளைப் பொறுத்தவரை இது அழியும் ஆபத்து கொண்ட மரமாகக் கருதப்பட்டாலும், பிற பகுதிகளில் இது பெருமளவில் அலங்காரத் தாவரமாக வளர்க்கப்படுகின்றது. இதன் அழகியற் பெறுமானத்தையும் விட இது பயனுள்ள ஒரு நிழல் மரமும் ஆகும். இது ஏறத்தாழ 5 மீட்டர் உயரமே வளர்வதும், அடர்ந்த இலைகளைக் கொண்ட மேற்பகுதி குடை போல் பரந்து காணப்படுவதும் இதற்குக் காரணமாகும். இம்மரம், தெளிவான வறண்ட பருவ காலத்தைக் கொண்ட பகுதிகளில் வறட்சியின் போது இலைகளை உதிர்த்துவிடினும், ஏனைய இடங்களில் இது நிலைத்த பசுமையான மரமாகவே உள்ளது.
இவற்றையும் பார்க்கவும்
[தொகு]மேற்கோள்கள்
[தொகு]- ↑ 1.0 1.1 Rivers, M. (2014). "Delonix regia". IUCN Red List of Threatened Species 2014: e.T32947A2828337. doi:10.2305/IUCN.UK.2014-1.RLTS.T32947A2828337.en. https://www.iucnredlist.org/species/32947/2828337. பார்த்த நாள்: 12 November 2021.
- ↑ "Delonix regia (Hook.) Raf. — The Plant List". theplantlist.org.
- ↑ Burke, Don (1 November 2005). The complete Burke's backyard: the ultimate book of fact sheets. Murdoch Books. p. 269. பன்னாட்டுத் தரப்புத்தக எண் 978-1-74045-739-2. பார்க்கப்பட்ட நாள் 9 March 2011.