மீலாதுன் நபி

மிலாடி நபி ( அல்லது மிலாத்-உன்-நபி, ஆங்: Mawlid, அரபு மொழி: مَوْلِدُ النَبِيِّ‎ mawlidu n-nabiyyi, “நபிகளின் பிறந்தநாள்” அல்லது mawlid an-nabī, சிலநேரங்களில் ميلاد , மிலாட் என்பது இசுலாமிய நாட்காட்டியில் மூன்றாவது மாதமான ரபி அல்-அவ்வல் மாதத்தில் வருகின்ற முகமது நபி அவர்களின் பிறந்த நாளைக் கொண்டாடுவதாகும்.

மாலிட் என்ற சொல் உலகின் சில பகுதிகளில் ,எகிப்து போன்றவை, பிற வரலாற்றுச் சிறப்பு மிக்க சுஃபி பெரியோர்களின் பிறந்த நாள் கொண்ட்டாட்டங்களைக் குறிக்கவும் பயன்படுத்தப்படுகிறது.

பெயரியல்

மௌலிட் என்றச் சொல் பெற்றெடுத்தல், கருத்தருத்தல், வம்சாவளி என்ற பொருள்தருகின்ற அராபிய வேர்ச்சொல் (அரபு மொழி: ولد‎) இடமிருந்து பெறப்பட்டுள்ளது. தற்கால பயன்பாட்டில், இச்சொல் முகமது நபி பிறந்தநாளைக் குறிப்பதாகவே உள்ளது.

பண்டிகை நாள்

இசுலாமிய நாட்காட்டியில் மூன்றாவது மாதமான ரபி-அல்-அவ்வலில் இந்தப் பண்டிகை கொண்டாடப்படுகிறது. சியா இசுலாம்|சியாக்கள் தங்கள் ஆறாவது இமாம் ஜாஃபர் அல்-சாதிக்கின் பிறந்தநாளும் முகமது நபிகளின் பிறந்தநாளும் ஒன்றாக வருவதாக மாதத்தின் 17வது நாளில் கொண்டாடுகின்றனர். சுன்னி இசுலாம்|சுன்னிக்கள் இதனை மாதத்தின் பன்னிரண்டாம் நாள் கொண்டாடுகின்றனர். இசுலாமிய நாட்காட்டி ஓர் சந்திர நாட்காட்டியாதலால், கிரெகொரியின் நாட்காட்டியில் குறிப்பிட்ட நாள் ஒவ்வொரு ஆண்டும் மாறுபடும்.