வெப்பக் கொண்மை

பொருளின் பண்புகள்
வெப்பக் கொண்மை	$c=\frac{T}{N}\left(\frac{\partial S}{\partial T}\right)$
அமுக்குமை	$\beta=-\frac{1}{V}\left(\frac{\partial V}{\partial p}\right)$
வெப்ப நீண்மை	$\alpha=\frac{1}{V}\left(\frac{\partial V}{\partial T}\right)$

வெப்பக் கொண்மை (Heat capacity) அல்லது வெப்பக் கொள்ளளவு என்பது குறித்த நிறை உள்ள பொருளுக்கு எவ்வளவு வெப்ப ஆற்றலைத் தந்தால் அப்பொருளின் வெப்பநிலை குறித்த அளவினால் உயரும் என்பதைக் குறிக்கும் ஓர் அடிப்படையான பண்பு, அதே வேளை தன்வெப்பக்கொள்ளளவு (specific heat capacity) அல்லது தன்வெப்பக்கொண்மை என்பது ஓரலகு நிறையுடைய பொருளின் வெப்பநிலையை ஓரலகினால் உயர்த்த தேவையான வெப்ப ஆற்றலின் அளவினைக் குறிக்கும். இப் பண்பு 18 ஆவது நூற்றாண்டில் வாழ்ந்த சுகாட்லாந்து இயற்பியலாளர் சோசப் பிளாக் (Joseph Black) (1728-1799) என்பவரின் ஆய்வுகளின் வழி உணர்ந்த ஒன்று.

அதிக வெப்பக்கொண்மை உள்ள பொருளின் வெப்பநிலையைக் குறித்த அளவினால் உயர்த்த அதிக வெப்பம் தேவைப்படும். 25 செல்சியசு வெப்பநிலையில் உள்ள ஒரு கிலோகிராம் எடையுள்ள நீரை ஒரு பாகை கெல்வின் அளவு வெப்பநிலையைக் கூட்ட தேவைப்படும் வெப்ப ஆற்றல் 4.1813 கிலோஜூல் ஆகும். ஆகவே நீரின் தன்வெப்பக்கொண்மை 4.1813 கிஜூ/(கிகி.கெ). ஆனால் ஒரு கிலோகிராம் எடையுள்ள தங்கத்தை (25 செல்சியசு), ஒரு பாகை கெல்வின் அளவு வெப்பநிலை உயர்த்தத் தேவைப்படும் வெப்ப அளவு 0.1291 மட்டுமே. ஆகவே தங்கத்தின் தன்வெப்பக்கொண்மை நீரின் தன்வெப்பக்கொண்மையை விடக் குறைவு.

வெப்பக்கொண்மையை குறித்த எடையுள்ள பொருளை அடிப்படையாகக் கொண்டு அளப்பதைப் போலவே ஒரு குறிப்பிட்ட கொள்ளளவு அல்லது கனவளவு உள்ள பொருளுக்கு என அறிவதும் வழக்கம். இதனை நிலைகொள்ளளவு வெப்பக்கொண்மை (c _v) என்றும், அதே போல ஒரு குறிப்பிட்ட மூலக்கூறு எடை அல்லது சேர்ம எடை கொண்ட அளவுக்கு (மோல் அளவுக்கு) என்றும் அளப்பதுண்டு. இதனை மோல் வெப்பக் கொண்மை என்று கூறுவர். இப்படி ஒரு மோலுக்கான வெப்பக் கொண்மையை அறியும் பொழுது பெரும்பாலும் எல்லாப் பொருளும் டியூலாங்-பெட்டிட் விதி வரையறை செய்த 25 கிஜூ/(மோல். கெ) அளவுக்குள்தான் இருக்கின்றன. ஆனால் அமோனியா, கார்பன்-டை-ஆக்சைடு போன்ற ஒருசில வளிமப் பொருட்களுக்கு கூடுதலான மோல் வெப்பக்கொண்மை உள்ளன. சில பொருட்களின் வெப்பக் கொண்மைகள் கீழ்க்காணும் அட்டவணையில் கொடுக்கப்பட்டுள்ளன.

பொருள்	பொருளின் இயல்நிலை	தன்வெப்பக்கொண்மை cp அல்லது cm kJ kg−1 K−1	நிலையழுத்த மோல் வெப்பக்கொண்மை Cp,m J mol−1 K−1	நிலைகொள்ளளவு மோல் வெப்பக்கொண்மை Cv,m J mol−1 K−1	கொள்ளளவு வெப்பக்கொண்மை J cm−3 K−1
காற்றுமண்டல காற்று (கடல் மட்டம், உலர்ந்த, 0 °C)	வளிமம்	1.0035	29.07	20.7643	0.001297
காற்று (வழக்கமான அறை நிலைகளில்A)	வளிமம்	1.012	29.19	20.85
அலுமினியம்	திண்மம்	0.897	24.2		2.422
அமோனியா	திரவம்	4.700	80.08		3.263
விலங்கு (மற்றும் மனித) இழையம்	கலவை	3.5	-		3.7*
அந்திமணி	திண்மம்	0.207	25.2		1.386
ஆர்கன்	வளிமம்	0.5203	20.7862	12.4717
ஆர்சனிக்	திண்மம்	0.328	24.6		1.878
பெரிலியம்	திண்மம்	1.82	16.4		3.367
பிசுமத்	திண்மம்	0.123	25.7		1.20
செம்பு	திண்மம்	0.385	24.47		3.45
கார்பன் டை ஆக்சைட்டு CO2	வளிமம்	0.839*	36.94	28.46
வைரம்	திண்மம்	0.5091	6.115		1.782
எதனோல்	திரவம்	2.44	112		1.925
காசலின்	திரவம்	2.22	228		1.64
கண்ணாடி	திண்மம்	0.84
தங்கம்	திண்மம்	0.1291	25.42		2.492
கருங்கல்	திண்மம்	0.790			2.17
காரீயம்	திண்மம்	0.710	8.53		1.534
ஈலியம்	வளிமம்	5.1932	20.7862	12.4717
ஐதரசன்	வளிமம்	14.30	28.82
ஐதரசன் சல்பைட்டு H2S	வளிமம்	1.015*	34.60
இரும்பு	திண்மம்	0.450	25.1		3.537
ஈயம்	திண்மம்	0.127	26.4		1.44
லித்தியம்	திண்மம்	3.58	24.8		1.912
மக்னீசியம்	திண்மம்	1.02	24.9		1.773
பாதரசம்	திரவம்	0.1395	27.98		1.888
நைதரசன்	வளிமம்	1.040	29.12	20.8
நியான்	வளிமம்	1.0301	20.7862	12.4717
ஒக்சிசன்	வளிமம்	0.918	29.38
பரவின் மெழுகு	திண்மம்	2.5	900		2.325
சீலிக்கா (fused)	திண்மம்	0.703	42.2		1.547
வெள்ளி	திண்மம்	0.233	24.9		2.44
தங்குதன்	திண்மம்	0.134	24.8		2.58
யுரேனியம்	திண்மம்	0.116	27.7		2.216
நீர் (ஆவி)	வளிமம் (100 °C)	2.080	37.47	28.03
நீர்	திரவம் (25 °C)	4.1813	75.327	74.53	4.186
நீர் (பனிக்கட்டி)	திண்மம் (-10 °C)	2.050	38.09		1.938
துத்த நாகம்	திண்மம்	0.387	25.2		2.76
All measurements are at 25 °C unless otherwise noted. Notable minima and maxima are shown in maroon.

ஒரு பொருளில் உள்ள அணுத்தொடர்களின் அதிர்வெண் இயல்புகளைக் கொண்டு டிபை என்பவர் வெவ்வேறு வெப்பநிலைகளில் வெப்பக் கொண்மை எவ்வாறு மாறும் என்பது குறித்து டிபை விதி என்னும் ஒரு கருத்தியக் கொள்கையைத் தந்தார். ஐன்ஸ்டைன் இந்த டிபை விதியைவிட நெருக்கமான திருந்திய கருத்தியக் கொள்கை ஒன்றை வழங்கினார்.