பொகவந்தலாவை

பொகவந்தலாவை
பொகவந்தலாவை
மாகாணம்  - மாவட்டம்	மத்திய மாகாணம்  - நுவரெலியா
அமைவிடம்	6.8000°N 80.6833°E / 6.8000; 80.6833
- கடல் மட்டத்திலிருந்து உயரம்	- 4970(அடி) 1514 மீட்டர்
கால வலயம்	இ.சீ.நே (ஒ.ச.நே + 05:30)
குறியீடுகள்  - அஞ்சல்  - தொலைபேசி  - வாகனம்	- 22060  - +  - CP

பொகவந்தலாவை இலங்கையின் மத்திய மாகாணத்தின் நுவரெலியா தேர்தல் மாவட்டத்தில் அமைந்துள்ள ஒரு நகரமாகும். இது அட்டன், பலாங்கொடை நகரங்களுடன் பெருந்தெருக்கள் மூலம் இணைக்கப்பட்டுள்ளது. இதன் அரசியல் நிர்வாகம் அம்பகமுவா வட்டார அவையால் மேற்கொள்ளப்படுகிறது. இது இந்தியத் தமிழர்கள் பெரும்பான்மையாக உள்ள ஒரு நகரமாகும். நகரம் அமைந்துள்ள பகவந்தலாவை பள்ளத்தாக்கு தேயிலைக்கு பெயர்பெற்ற பகுதியாகும். இங்கு வாழும் பெரும்பான்மையான மக்கள் தேயிலைத் துறை சார்ந்த தொழில்களில் ஈடுபட்டு வருகின்றனர்.

வசதிகள்

அடைவு

பொகவந்தலாவை நகரம் இலங்கை இரயில் வலையமைப்பால் இணைக்கப்பட்ட நகரமன்று. போக்குவரத்து பெருந்தெரு மூலமாகவே நடைபெறுகின்றது. பகவந்தலாவை நகரை அட்டனிலிருந்து நோர்வுட் வழியாகவும், பலாங்கொடையிலிருந்து பின்னவளை வழியாகவும் பேருந்து அல்லது தனியார் ஊர்திகள் மூலமாக அடையலாம்.

மருத்துவ வசதி

இங்கு இலங்கை அரசின் மாவட்ட வைத்தியசாலை அமைந்துள்ளது. தோட்டங்களுக்கான தனிப்பட்ட வைத்திய சாலைகளும் காணப்படுகின்றன.

கல்வி

இங்கு ஒரு சிங்கள மொழி பாடசாலையும் 3 தமிழ் மொழி மூல அரச பாடசாலைகள் அமைந்துள்ளன. உயர்தரம் வரையான பாடசாலைகள் இங்கு காணப்படுகின்றன.

ஆதாரங்கள்

புவியியல் அமைவு பற்றிய தகவல்கள்

town 6°47′N 80°40′E