1680கள்

ஆயிரவாண்டுகள்:	2-ஆம் ஆயிரவாண்டு
நூற்றாண்டுகள்:	16-ஆம் நூற்றாண்டு - 17-ஆம் நூற்றாண்டு - 18-ஆம் நூற்றாண்டு
பத்தாண்டுகள்:	1650கள் 1660கள் 1670கள் - 1680கள் - 1690கள் 1700கள் 1710கள்
ஆண்டுகள்:	1680 1681 1682 1683 1684 1685 1686 1687 1688 1689

1680கள் என்றழைக்கப்படும் பத்தாண்டு காலம் 1680ஆம் ஆண்டு துவங்கி 1689-இல் முடிவடைந்தது.

நிகழ்வுகள்

1680

• மே - கிரக்கத்தோவா எரிமலை வெடித்தது.
• சூலை 8 - அமெரிக்காவில் சுழல் காற்று முதற் தடவையாக ஆவணப்படுத்தப்பட்டது. கேம்பிரிஜ், மாசசூசெட்ஸ் பகுதியில் ஒருவர் கொல்லப்பட்டார்.
• ஆகத்து 21 - எசுப்பானியரிடம் இருந்து சாந்தா பேயை புவேலோ பழங்குடியினர் கைப்பற்றினர்.
• நவம்பர் 14 - 1680 இன் பெரும் வால்வெள்ளி அவதானிக்கப்பட்டது.
• மக்காவுவில் முதலாவது போர்த்துக்கீச ஆளுநர் நியமிக்கப்பட்டார்.

1681

• சூலை 1 - தேசத்துரோகக் குற்றம் சாட்டப்பட்ட அயர்லாந்து, ஆர்மா நகர கத்தோலிக்க பேராயர் ஒலிவர் பிளங்கெட் இலண்டனில் தூக்கிலிடப்பட்டார். இவர் 1975 இல் புனிதராக அறிவிக்கப்பட்டார்.
• ஆகத்து - கண்டி சிறையில் இருந்து தப்பிய பிரித்தானியக் கப்பல் தளபதி ரொபர்ட் நொக்சு தனது கண்டி, வன்னி அனுபவங்களை An Historical Relation of the Island Ceylon என்ற நூலாக எழுதி வெளியிட்டார்.
• செப்டம்பர் 30 - ஸ்திராஸ்பூர்க் நகரம் பிரான்சுடன் இணைக்கப்பட்டது.
• அக்டோபர் 28 - இலண்டனில் பெண் ஒருவர் அரசியலில் ஈடுபட்டமைக்காக பொதுமக்கள் முன்னிலையில் சவுக்கடி வழங்கப்பட்டது.
• கடைசி டோடோ பறவை கொல்லப்பட்டது.

1682

• மே 6 - பிரான்சின் பதினான்காம் லூயி தனது நீதிமன்றத்தை வெர்சாயிக்கு மாற்றினார்.
• மே 7 - உருசியாவின் முதலாம் பீட்டரின் ஆட்சி அதிகாரபூர்வமாக ஆரம்பமானது.
• ஆகத்து 25 - இங்கிலாந்து எக்க்செட்டர் நகரில் சூனியக் காரர் என்ற குற்றச்சாட்டின் பேரில் மூன்று பெண்கள் தூக்கிலிடப்பட்டனர்.
• செப்டம்பர் - வால்வெள்ளி ஒன்று அவதானிக்கப்பட்டது. இது பின்னர் ஹேலியின் வால்வெள்ளி எனப் பெயரிடப்பட்டது.
• அக்டோபர் 27 - பென்சில்வேனியாவில் பிலடெல்பியா நகரம் நிர்மாணிக்கப்பட்டது.
• பிலிப்பு நேரியின் தொழுகைக் கூடம் ஒன்று கோவாவில் திறக்கப்பட்டது.
• இலங்கையில் தீய ஆவிகளை வழிபடுவதற்கும், அவை தொடர்பான பண்டிகைகளுக்கு டச்சு ஆளுனர் லோரன்சு வான் பில் தடை விதித்து, கடுமையான தண்டத்தை அறிவித்தார்.

1683

• சூன் 12 - இங்கிலாந்தின் இரண்டாம் சார்லசு மன்னரைப் படுகொலை செய்யும் திட்டம் கண்டுபிடிக்கப்பட்டது.
• சூலை 14 - 140,000-பேரைக் கொண்ட உதுமானியப் படையினர் வியன்னா நகரை அடைந்து அதனைச் சுற்றி வளைத்தனர்.
• செப்டம்பர் 12 - வியன்னா நகரைக் கைப்பற்றியிருந்த உதுமானியரைக் கலைக்கும் நோக்கில் அங்கு 70,000 போலந்து, ஆஸ்திரியா, செருமானியப் படையினர் அங்கு ஊடுருவினர்.
• பிரித்தானியாவில் காட்டுப்பன்றிகள் அருகின.

1684

• மார்ச் - பிரித்தானியாவில் டிசம்பரில் ஆரம்பமான கடுமையான பனிக்காலம் முடிவுக்கு வந்தது. இக்காலத்தில் இலண்டனில் தேம்சு ஆறு உறைந்திருந்தது. கடள் கிட்டத்தட்ட 2 மைல் தூரம் உறைந்திருந்தது. இவ்வாறான கடுமையான பனிக்காலம் வடக்கு ஐரோப்பா முழுவதும் தீவிரமாக இருந்தது.
• சூலை 24 - மெக்சிகோ வளைகுடாவில் மிசிசிப்பி ஆற்றுப் பக்கமாக பிரெஞ்சுக் குடியேற்றத்தை ஆரம்பிக்கும் முகமாக ராபர்ட் டி லா சால் பிரான்சில் இருந்து மீண்டும் புறப்பட்டார்.
• அக்டோபர் 7 - சப்பானிய முதலமைச்சர் ஒட்டா மசத்தோசி படுகொலை செய்யப்பட்டார்.
• டிசம்பர் 10 - நியூட்டனின் கெப்லரின் இயக்க விதிகளுக்கான தீர்வுகள் எட்மண்டு ஏலியினால் அரச கழகத்தில் படிக்கப்பட்டது.
• டிசம்பர் - திபெத்து-லடாக்-முகலாயப் போர் (1679–84) முடிவுக்கு வந்தது.
• கான்டனில் தனது வணிக நிறுவனத்தை நிறுவ பிரித்தானிய கிழக்கிந்திய நிறுவனம் சீனாவின் அனுமதியைப் பெற்றது. ஐரோப்பாவில் தேநீர் ஒரு இறாத்தல் ஒரு சில்லிங்க்குக்கும் குறைவான விலையில் விற்கப்பட்டது.
• தென்னிந்தியாவில் இருந்த கிழக்கிந்தியக் கம்பனிப் பகுதிகள், சென்னை மாகாணம் என்ற பெயரில் ஒருங்கிணைக்கப்பட்டன.

1685

• பெப்ரவரி 6 - இங்கிலாந்தின் இரண்டாம் சார்லசுவின் (1630–1685) இறப்பை அடுத்து அவரது சகோதரர் யோர்க் இளவரசர் ஜேம்சு ஸ்டுவர்ட் இங்கிலாந்தின் இரண்டாம் யேம்சு என்ற பெயரில் இங்கிலாந்து, அயர்லாந்து இசுக்கொட்லாந்து அரசனாக முடி சூடினார்.
• மார்ச் - பிரெஞ்சுக் குடியேற்ற நாடுகளில் அடிமைகளை முழுமையாகப் பயன்படுத்த அனுமதிக்கும் சட்டத்தை பிரான்சின் பதினான்காம் லூயி அறிவித்தார்.
• மே 11 - இரண்டாம் ஜேம்சுவை இசுக்கொட்லாந்து திருச்சபையின் தலைவராக ஏற்க மறுத்த ஐவர் இசுக்கொட்லாந்தின் விக்டவுன் நகரில் தூக்கிலிடப்பட்டனர்.
• சூன் 11 - இங்கிலாந்தின் இரண்டாம் சார்லசுவின் சட்டபூர்வமான வாரிசான ஜேம்சு ஸ்கொட் தனது சிறிய தந்தை இரண்டாம் ஜேம்சுவுக்கு எதிராகக் கிளர்ச்சியில் ஈடுபடுத்த நெதர்லாந்தில் இருந்து படையினருடன் இங்கிலாந்து வந்து சேர்ந்தான்.
• சூன் 20 - ஜேம்சு ஸ்கொட் இங்கிலாந்தின் அரசனாகத் தன்னை அறிவித்தான்.
• சூலை 6 - இங்கிலாந்தின் இரண்டாம் ஜேம்சு மன்னனின் படைகள் கிளர்ச்சியில் ஈடுபட்ட இளவரசர் ஜேம்சு ஸ்கொட்டின் படைகளைத் தோற்கடித்து இளவரசரைச் சிறைப் பிடித்தனர்.
• சூலை 15 - இளவரசர் ஜேம்சு ஸ்கொட் இலண்டன் டவர் குன்றில் தலை துண்டிக்கப்பட்டு மரண தண்டனைக்குட்படுத்தப்பட்டார்.
• அக்டோபர் 18-அக்டோபர் 19 - பிரான்சின் பதினான்காம் லூயி சீர்திருத்தத் திருச்சபையை சட்டத்துக்குப் புறம்பானதென அறிவித்தார்.
• யோசப் வாசு அடிகளார் கோவாவில் பிலிப்பு நேரி வணக்கத்தலத்தில் சேர்ந்தார்.

1686

• சூலை - மேற்கு செருமனியின் பாலத்தினேத்து தொகுதியில் ஆக்சுபூர்கு கூட்டணி பிரான்சின் பதினான்காம் லூயி மன்னரின் முயற்சியில் உருவானது. இக்கூட்டமைப்பில் புனித உரோமைப் பேரரசு, நெதர்லாந்து, சுவீடன், எசுப்பானியா, பவேரியா, சாக்சனி, பாலத்தினேத்து ஆகியவை உறுப்பு நாடுகளாகும்.
• சூலை 17 - இங்கிலாந்தின் இரண்டாம் யேம்சு மன்னர் இங்கிலாந்தின் கோமறை (privy) மன்றத்திற்கு நான்கு ரோமன் கத்தோலிக்கர்களை நியமித்தார்.
• சூலை 22 - நியூயார்க் நகரம், ஆல்பெனி (நியூ யோர்க் மாநிலம்) ஆகியவற்றுக்கு நகர அங்கீகாரம் வழங்கப்பட்டது.
• உருசியா, சாக்சனி, பிராவியா ஆகியன உதுமானியத் துருக்கியப் பேரரசுக்கு எதிரான போரில் இணைந்தன. ஆஸ்திரியா தலைமையிலான படைகள் உதுமானியர் வசமிருந்த அங்கேரியை ஊடுருவி புடாபெஸ்ட் நகர் நோக்கி சென்றனர்.
• திருவனந்தபுரம் பத்மநாபசாமி கோயில் தீப்பிடித்து அழிந்தது.

1687

• மார்ச் 19 - பிரெஞ்சு நாடுகாண் பயணி இராபர்ட் கவலியர் மிசிசிப்பி ஆற்றைத் தேடிப் போகும் போது அவரது ஆட்களால் படுகொலை செய்யப்பட்டார்.
• ஏப்ரல் 4 - இங்கிலாந்தின் இரண்டாம் யேம்சு ரோமன் கத்தோலிக்கர், மற்றும் சீர்திருத்த எதிர்ப்பாளர்கள் மீது விதிக்கப்பட்டிருந்த சமயத் தடைகளை நீக்கினார்.
• சூலை 5 – நியூட்டனின் பிரின்சிப்பா மாத்தமாட்டிக்கா நூல் இலண்டன் அரச கழகத்தால் வெளியிடப்பட்டது. இந்நூலில் அவர் ஈர்ப்பு விதி, விசையியல் மற்றும் ஒலியின் விரைவு போன்றவற்றை விளக்கினார்.
• ஆகத்து 12 - உதுமானியத் துருக்கிப் படைகளுக்கும் ஆத்திரியாவுக்கும் இடையில் இடம்பெற்ற போரின் முடிவில் அங்கேரியின் பெரும் பகுதியை ஆத்திரியா கைப்பற்றியது.
• செப்டம்பர் 28 - கிரேக்கத்தின் பழங்காலக் கட்டிடம் பார்த்தினன் குண்டுவெடிப்பில் சேதமடைந்தது.
• இலங்கையின் கண்டிப் பேரரசின் ஆட்சி இரண்டாம் ராஜசிங்கனிடமிருந்து இரண்டாம் விமலதர்ம சூரியனிடம் கைமாறியது.
• யோசப் வாசு அடிகளார் கோவாவில் இருந்து பிச்சைக்கார வேடத்தில் யாழ்ப்பாணம், சில்லாலை என்ற ஊருக்கு வந்து சேர்ந்தார்.

1688

• மார்ச் - வில்லியம் டாம்ப்பியர் என்பவர் கிறிஸ்துமசு தீவுக்கு சென்ற முதலாவது நபராகப் பதிவு செய்து கொண்டார்.
• மார்ச் 1 - இங்கிலாந்தின் பங்காய் நகரம் தீயில் அழிந்தது.
• மே 4 - இங்கிலாந்தின் இரண்டாம் யேம்சு கத்தோலிக்கர்களுக்கு எதிரான சட்டங்களை இடைநிறுத்தம் செய்யும் சட்டமூலத்தை அனைத்து ஆங்கிலிக்க போதனை மேடைகளிலும் படிக்கப்பட வேண்டுமெனக் கட்டளையிட்டார். இங்கிலாந்து திருச்சபை இதற்குக் கடும் எதிர்ப்பைத் தெரிவித்தது. சூன் 8 ஆம் நாள் கான்டர்பரி பேராயர் வில்லியம் சான்குரொப்ட் இலண்டன் கோபுரத்தில் சிறை வைக்கப்பட்டார்.
• சூலை - பெத்ராச்சா புரட்சி ஒன்றின் மூலம் அயூத்தியாவின் அரசனானான்.
• நவம்பர் 11 - மூன்றாம் வில்லியம் இங்கிலாந்தைக் கைப்பற்றும் நோக்குடன் நெதர்லாந்தில் இருந்து புறப்பட்டான்.
• நவம்பர் 15 - இங்கிலாந்தின் இரண்டாம் யேம்சுக்கு எதிரான புரட்சி ஆரம்பமானது. 15,000 டச்சுக் கூலிப் படைகளுடன் மூன்றாம் வில்லியம் டோர்பே நகரை வந்தடைந்தான். தனக்கு நாட்டைக் கைப்பற்றும் எண்ணம் இல்லை எனக் கூறிய வில்லியம், சீர்திருத்தத் திருச்சபையினரைக் காக்கவே தாம் வந்ததாகத் தெரிவித்தான்.
• நவம்பர் 19 - மூன்றாம் வில்லியம் எக்செட்டர் நகரைக் கைப்பற்றினான்.
• நவம்பர் 23 - 1,500 பழமைவாதிகள் முதலாம் பீட்டரின் முற்றுகையில் இருந்து ஒனேகா ஏரியில் அமைந்திருந்த தமது மதத்தலத்தைக் காப்பதற்காக தீக்குளித்து மாண்டனர்.
• நவம்பர் 26 - மூன்றாம் வில்லியம் இங்கிலாந்து சென்றதை அறிந்த பிரான்சின் பதினான்காம் லூயி மன்னன் நெதர்லாந்துக்கு எதிராகப் போரை அறிவித்தார்.
• டிசம்பர் 11 - தனது படையினர் வெளியேறியதைத் தொடர்ந்து, இங்கிலாந்தின் இரண்டாம் யேம்சு பிரான்சுக்குத் தப்பியோட எத்தனித்தார்.
• டிசம்பர் 18 - மூன்றாம் வில்லியம் இலண்டன் நகரைச் சென்றடைந்தான்.
• சென்னை மாநகராட்சி தொடங்கப்பட்டது.
• ஒல்லாந்தர் கால இலங்கையின் யாழ்ப்பாணப் பட்டணத்தில் 180,000 பேர் திருமுழுக்குப் பெற்ற கிறித்தவர்கள் உள்ளனர் என பிலிப்பசு பால்டியசு தனது குறிப்பொன்றில் தெரிவித்தார்.

1689

• சனவரி 11 - 1688 முடிவில் நாட்டை விட்டுத் தப்பி ஓடிய இங்கிலாந்தின் இரண்டாம் யேம்சு மன்னரின் முடியுரிமை குறித்து இங்கிலாந்து நாடாளுமன்றம் விவாதித்தது. பெப்ரவரி 8 இல் இதற்கான முடிவு எட்டப்பட்டது.
• பெப்ரவரி 13 - மூன்றாம் வில்லியம், இரண்டாம் மேரி ஆகியோர் இங்கிலாந்து, இசுக்கொட்லாந்து, அயர்லாந்து ஆகியவற்றின் ஆட்சியாளர்களாக அறிவிக்கப்பட்டனர்.
• மார்ச் 22 - பதவியில் இருந்து அகற்றப்பட்ட இங்கிலாந்தின் இரண்டாம் யேம்சு மன்னர் 6,000 பிரெஞ்சுப் படையினருடன் ஆட்சியை மீண்டும் கைப்பற்றும் நோக்குடன் கத்தோலிக்கர் பெரும்பான்மையாக வாழும் அயர்லாந்து வந்தான். ஆனாலும், பெரும்பாலான கத்தோலிக்கர்கள் அவனை பிரான்சின் பதினான்காம் லூயி மன்னரின் கையாள் எனக் கருதி அவனுக்கு உதவி செய்ய மறுத்து விட்டனர்.
• ஏப்ரல் 11 - மூன்றாம் வில்லியம், இரண்டாம் மேரி இலண்டனில் அரசனாகவும், அரசியாகவும் முடி சூடினர்.
• ஏப்ரல் 18 - இங்கிலாந்தின் இரண்டாம் யேம்சு அயர்லாந்தின் டெரி நகரை அடைந்து சரணடைய அனுமதி கேட்டான். ஆனாலும், சீர்திருத்தவாதிகள் அதற்கு ஒப்புக் கொள்ளவில்லை.
• மே 24 - இங்கிலாந்தில் அரசியல்சட்ட முடியாட்சி ஏற்படுத்தப்பட்டது.
• யாழ்ப்பாணப் பட்டணத்தின் டச்சுத் தளபதியாக புளோரிசு புளொம் நியமிக்கப்பட்டார்.
• பிரித்தானிய கிழக்கிந்திய நிறுவனம் வலிமை மிக்க படைபலத்துடன் வங்காளம், மதராஸ், பம்பாய் போன்ற பரந்த மாகாணங்களை நிர்வாக மாவட்டங்களாக அறிவித்தது.

வேறு நிகவுகள்

• கரிபியனில் டோர்ட்டுகா தீவைச் சுற்றி இடம்பெற்று வந்த கடற்கொள்ளைகளை முடிவுக்குக் கொண்டு வர பிரான்சுக்கும் இங்கிலாந்துக்கும் இடையில் உடன்பாடு எட்டப்பட்டது. (1684)
• சீன இராணுவத்தினர் அல்பாசின் என்ற இடத்தில் ரஷ்யப் படைகளைத் தாக்கினர். இந்நிகழ்வை அடுத்து இரு நாடுகளுக்கும் இடையில் ஒப்ப்ந்தம் ஏற்பட்டது. (1685)

உலகத் தலைவர்கள்

• டென்மார்க்கின் ஐந்தாம் கிறிஸ்டியன் மன்னன் (1670 - 1699)
• டென்மார்க்கின் நான்காம் பிரெடெரிக் மன்னன் (1699 - 1730)
• இங்கிலாந்து மற்றும் ஸ்கொட்லாந்து மன்னன் இரண்டாம் சார்ல்ஸ் (1660 - 1685)
• இங்கிலாந்து மற்றும் ஸ்கொட்லாந்து மன்னன் இரண்டாம் ஜேம்ஸ் (1685 - 1688).
• இங்கிலாந்து மற்றும் ஸ்கொட்லாந்து அரசி இரண்டாம் மேரி (1689 - 1694)
• இங்கிலாந்து மற்றும் ஸ்கொட்லாந்து மன்னன் மூன்றாம் வில்லியம் (1689 - 1702)
• பிரான்ஸ் மன்னன் பதினான்காம் லூயி (1643 - 1715)
• ரோம் மன்னன் முதலாம் லெப்போல்ட் (1658 - 1705)
• ரஷ்யாவின் சார் ஐந்தாம் ஐவன் (1682 - 1696)
• ரஷ்யாவின் முதலாம் பீட்டர் (1682 - 1725)
• ஸ்பெயின் மன்னன் இரண்டாம் சார்ல்ஸ் (1665 - 1700)
• சுவீடன் மன்னன் பதினோராம் சார்ல்ஸ் (1660 - 1697)
• முகலாயப் பேரரசு மன்னன் அவுரங்கசீப் (1658 - 1707)
• முகலாயப் பேரரசன் அவுரங்கசீப்
• மரதப் பேரரசர்கள்
  • ராஜாராம் சத்திரபதி (1689 - 1700)