பெய்ஜிங் டாக்ஜின் பன்னாட்டு வானூர்தி நிலையம்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
பெய்ஜிங் டாக்ஜின் பன்னாட்டு வானூர்தி நிலையம்
北京大兴国际机场
ஐஏடிஏ: PKXஐசிஏஓ: ZBAD
சுருக்கமான விபரம்
வானூர்தி நிலைய வகை பொது
சேவை புரிவது பெய்ஜிங்
Beijing-Tianjin-Hebei region (Megalopolis)
அமைவிடம் டாக்ஸிங், பெய்ஜிங் & குவாங்யாங், லாங்ஃபாங் (ஏபெய்)
உயரம் AMSL 98 ft / 30 m
ஆள்கூறுகள் 39°30′33″N 116°24′38″E / 39.50917°N 116.41056°E / 39.50917; 116.41056ஆள்கூறுகள்: 39°30′33″N 116°24′38″E / 39.50917°N 116.41056°E / 39.50917; 116.41056
இணையத்தளம் www.bdia.com.cn
ஓடுபாதைகள்
திசை நீளம் மேற்பரப்பு
மீ அடி
01L/19R 3,400 11,155 பைஞ்சுதை
17L/35R 3,800 12,467 பைஞ்சுதை
17R/35L 3,800 12,467 பைஞ்சுதை
11L/29R 3,800 12,467 பைஞ்சுதை
Source: http://news.carnoc.com/list/479/479279.html
பெய்ஜிங் டாக்ஜின் பன்னாட்டு வானூர்தி நிலையம்
நவீன சீனம் 北京大兴国际机场
பண்டைய சீனம் 北京大興國際機場
சீனா சதர்ன் ஏர்லைன்சுக்கு சொந்தமான ஒரு ஏர்பஸ் ஏ380-800 புறப்படுகிறது (13 மே, 2019).
சீன ஈஸ்டர்ன் ஏர்லைன்சின் உள்நுழை கவுண்டர்கள்

பெய்ஜிங் டாக்ஜிங் சர்வதேச விமான நிலையம் (Beijing Daxing International Airport) என்பது சீனாவின், ஏபெய் மாகாணத்தில் , பெய்ஜிங் மற்றும் லாங்பாங்கின் எல்லையில் அமைந்துள்ள ஒரு வானூர்தி நிலையமாகும். இது பெய்ஜிங்கின் இரண்டாவது பன்னாட்டு வானூர்தி நிலையம் ஆகும். [1] இந்த வானூர்தி நிலையத்தின் பெயர் 2018 செப்டம்பர் 14, அன்று அறிவிக்கப்பட்டது. இதற்கு " கடல் விண்மீன் " என்று செல்லப்பெயர் சூட்டப்பட்டுள்ளது. [2] இந்த வானூர்தி நிலையத்தின் பரப்பளவு 1,000,000 m2 (11,000,000 sq ft) க்கும் அதிகமாகும். இதனால் இது உலகின் மிகப்பெரிய வானூர்தி நிலையம் என்றப் பெயரைப் பெற்றுள்ளது. உலகிலேயே மிக நீண்ட ஒற்றை முனைய வானூர்தி நிலையம் என்ற பெயரையும் இது பெற்றுள்ளது. [3] இங்கு ஏழு ஓடுபாதைகள் அமைக்கப்பட்டுள்ளன. இதனால் ஓரே நேரத்தில் இரண்டு விமானங்கள் புறப்படவும், இரண்டு விமானங்கள் தரையிறங்கவும் முடியும். வானூர்தி நிலையத்தில் நெரிசலைத் தவிர்க்க இரண்டு தளங்களைக் கொண்ட புறப்பாடு, வருகைக் கதவுகள் இங்கு அமைக்கப்பட்டுள்ளன. ஆண்டுக்கு ஒரு கோடி பயணிகள் இந்த வானூர்தி நிலையத்தைப் பயன்படுத்துவார்கள் என்று எதிர்பார்க்கப்படுகிறது. இதன் பணிகள் 2019 ஜூன் 30 அன்று நிறைவடைந்தது. விமான நிலையத்திற்கான தொடக்க விழா செப்டம்பர் 25, 2019 அன்று நடைபெற்றது, [4] விமான நிலையம் செப்டம்பர் 26, 2019 அன்று பொதுமக்களுக்கு திறக்கப்பட்டது. [5] முதல் வணிக விமானம் செப்டம்பர் 26, 2019 அன்று 10:12 (UTC + 8) இல் பெய்ஜிங் டாக்ஜிங்கில் தரையிறங்கியது. [6]

இந்த வானூர் நிலையம் தியனன்மென் சதுக்கத்திற்கு தெற்கே 46 கிலோமீட்டர்கள் (29 mi) தொலைவிலும், டவுன்டவுன் லாங்பாங்கிற்கு மேற்கே 26 கிலோமீட்டர்கள் (16 mi) தொலைவிலும் , சியோங்கான் புதிய பகுதிக்கு வடகிழக்கில் 50 கிலோமீட்டர்கள் (31 mi) தொலைவிலும், பெய்ஜிங் தலைநகர் சர்வதேச விமான நிலையத்தின் தெற்கே 65 கிலோமீட்டர்கள் (40 mi) தொலைவிலும் உள்ளது. இங்கிருந்து பெய்ஜிங், தியான்ஜின் மற்றும் ஏபெய்க்கு பயண சேவை செய்யப்படும் என்று எதிர்பார்க்கப்படுகிறது. [7] இது ஸ்கைடீம் கூட்டணி வானூர்தி நிறுவனங்களுக்கும் சில ஒன்வொர்ல்ட் உறுப்பி நிறுவனங்களுக்கும் மையமாக செயல்படுகிறது, அதே நேரத்தில் இசுடார் அலையன்சு உறுப்பினர் வானூர்திகள் பெய்ஜிங் தலைநகர் பன்னாட்டு விமான நிலையத்தை மையமாக கொண்டிருக்கும் ( லாட் போலிஷ் ஏர்லைன்ஸ் தவிர, இது டாக்ஸிங்கிற்கும் சேவை செய்யும்). 2016 ஆம் ஆண்டில் பெய்ஜிங் தலைநகர் பன்னாட்டு வானூர்தி நிலையத்தின் பயணிகள் இருக்கை திறனில் 10% பங்கைக் கொண்டிருந்த்து ஹைனான் ஏர்லைன்ஸ். ஆனால் எந்தவொரு பெரிய வானூர்தி நிறுவனக் கூட்டணியிலும் இது இல்லை. [8]

கிட்டத்தட்ட ஐந்து ஆண்டுகளில் இந்த வானூர்தி நிலையம் கட்டி முடிக்கப்பட்டது. இதைக்கட்ட சி.என் ¥ 80 பில்லியன் (அமெரிக்க $ 11.4 பில்லியன்) செலவிடப்பட்டது. [9] [10] இதில் உள்ள முனையம் 700,000 m2 (7,500,000 sq ft) பரப்பளவில் உள்ளது. இந்த வானூர்தி நிலையம் 47 km2 (18 sq mi) நிலப் பரப்பளவு கொண்டுள்ளது. இது இஸ்தான்புல் விமான நிலையத்தின் பிரதான முனையத்திற்குப் அடுத்து[11] உலகின் இரண்டாவது மிகப்பெரிய ஒற்றை-கட்டிட விமான நிலைய முனையமாக திகழ்கிறது. [12] [13] [14]

குறிப்புகள்[தொகு]

  1. "CRI: Beijing Builds World's Biggest Airport due to Necessity". CRI.
  2. Jiang, Steven (September 18, 2019). "Beijing's new mega-airport ready to open".
  3. Taylor, Alan. "Photos: The World's Largest Airport-Terminal Building - The Atlantic" (en).
  4. {{cite web}} வார்ப்புருவை பயன்படுத்துகையில் title = , url = என்பவற்றைக் கட்டாயம் குறிப்பிடவேண்டும்."" (2019-09-25).
  5. {{cite web}} வார்ப்புருவை பயன்படுத்துகையில் title = , url = என்பவற்றைக் கட்டாயம் குறிப்பிடவேண்டும்."".
  6. {{cite web}} வார்ப்புருவை பயன்படுத்துகையில் title = , url = என்பவற்றைக் கட்டாயம் குறிப்பிடவேண்டும்."" (2019-09-26).
  7. "Mail Online: China plans third airport for Beijing which will outstrip Heathrow as the world's busiest". 2011-09-14. http://www.dailymail.co.uk/news/article-2037385/Daxing-Airport-Beijings-3rd-airport-outstrip-Heathrow-worlds-busiest.html. 
  8. "Beijing's New Daxing Airport Stokes Rivalries and Confusion" (December 6, 2017). மூல முகவரியிலிருந்து September 25, 2019 அன்று பரணிடப்பட்டது.
  9. {{cite web}} வார்ப்புருவை பயன்படுத்துகையில் title = , url = என்பவற்றைக் கட்டாயம் குறிப்பிடவேண்டும்."" (2019-09-22). ""总投资近800亿元的北京新机场工程可行性研究报告获批""
  10. "Beijing's Giant New Airport Helps China Rival U.S. in the Skies" (2019-09-25). "Beijing Daxing International Airport, an 80 billion yuan ($11.2 billion) starfish-shaped structure"
  11. https://plus.google.com/+travelandleisure/posts.+"Istanbul's New Airport Is Vying to Become the World's Biggest" (en).
  12. Pinghui, Zhuang (25 September 2019). "Beijing Daxing airport – world's largest terminal – takes flight".
  13. "China opens Daxing International Airport, a mega-hub with world's biggest terminal" (en-US).
  14. Coffey, Helen (25 September 2019). "World's Largest Airport Terminal Opens in Beijing".