கே. பாலாஜி

கே. பாலாஜி K. Balaji
பிறப்பு	கிருஷ்ணமாச்சாரி பாலாஜி (1934-06-24)24 சூன் 1934 சென்னை, (தமிழ்நாடு, இந்தியா)
இறப்பு	2 மே 2009(2009-05-02) (அகவை 74) சென்னை, தமிழ்நாடு, இந்தியா
தேசியம்	இந்தியர்
மற்ற பெயர்கள்	வில்லன் பாலாஜி
கல்வி	இளங்கலை இளங்கலைச் சட்டம்
பணி	திரைப்படத் தயாரிப்பாளர் நடிகர்
செயற்பாட்டுக் காலம்	1951–2009
அறியப்படுவது	பில்லா (1980)
பெற்றோர்	கிருஷ்ணமாச்சாரி ஜானகி தேவி
வாழ்க்கைத் துணை	ஆனந்தவல்லி (இற. 1996)
பிள்ளைகள்	சுரேஷ் பாலாஜி சுஜாதா சுசித்ரா மோகன்லால்
உறவினர்கள்	டி. ரங்காச்சாரி (தாத்தா) மோகன்லால் (மருமகன்) பிரணவ் மோகன்லால் (பேரன்) ராஜலட்சுமி பார்த்தசாரதி (உறவினர்) ஒய். ஜி. மகேந்திரன் (மருமகன்)

கே. பாலாஜி (K. Balaji, 24 சூன் 1934 – 2 மே 2009) பழம்பெரும் திரைப்பட நடிகரும் திரைப்படத் தயாரிப்பாளரும் ஆவார். கதாநாயகனாக, எதிரியாக, குணச்சித்திர நடிகராக தமிழ்த் திரையுலகில் கால் நூற்றாண்டுக்கு மேலாக நடித்து வந்தவர். படித்தால் மட்டும் போதுமா, பலே பாண்டியா உட்பட ஏராளமான தமிழ்ப் படங்களில் நடித்தவர். பல திரைப்படங்களை தயாரித்தும் இருக்கிறார்.

வாழ்க்கைக் குறிப்பு

பாலாஜியின் பூர்வீகம் கேரளா. தொடக்க காலத்தில் இவர் சென்னை கிண்டியில் இருந்த நரசுஸ் சுடூடியோவில், தயாரிப்பு நிர்வாகியாக பணியாற்றினார். 1953 ஆம் ஆண்டில் வெளிவந்த ஔவையார் என்ற படத்தில் முதன் முதலாக நடித்தார். அதைத்தொடர்ந்து, சகோதரி, பலே பாண்டியா, படித்தால் மட்டும் போதுமா ஆகிய படங்களில் துணை நடிகராக நடித்துப் பிரபலமானார். மனமுள்ள மறுதாரம் (1958) படத்தில் கதைத் தலைவனாக நடித்தார்.

படத் தயாரிப்பு

பாலாஜி தனது சுஜாதா சினி ஆர்ட்சு திரைப்படத் தயாரிப்பு நிறுவனம் மூலம் திரைப்படங்களைத் தயாரித்தார். ஜெமினி கணேசன் கதைத் தலைவனாக நடித்த அண்ணாவின் ஆசை என்ற படத்தை முதன் முதலாக சொந்தமாக தயாரித்தார். அதன்பிறகு சிவாஜி கணேசனை வைத்து தங்கை, என் தம்பி, திருடன், எங்கிருந்தோ வந்தாள், ராஜா, நீதி, என் மகன், உனக்காக நான், தீபம், தியாகம், நல்லதொரு குடும்பம் உள்பட 17 திரைப்படங்களை தயாரித்தார். சிவாஜியை வைத்து தொடர்ந்து அதிக படங்கள் தயாரித்த பட அதிபர் இவர்தான். இந்தி, தெலுங்கு, மலையாள படங்களை இவர் மறு தயாரிப்பு செய்து பல வெற்றிப் படங்களைக் கண்டவர். கமல், ரஜினிகாந்த் ஆகியோரை நடிக்க வைத்தும் வெற்றிப் படங்களை அளித்துள்ளார் பாலாஜி. மிகச் சிறந்த வகையில் குறித்த காலத்தில் படத்தை எடுத்து வெளியிடும் திறன் கொண்ட படத் தயாரிப்பாளராகவும் பாலாஜி திகழ்ந்தார்

பாலாஜியின் மனைவி பெயர் ஆனந்தவல்லி. இவர்களுக்கு சுரேஷ் பாலாஜி (கிரீடம் திரைப்படத்தைத் தயாரித்தவர்) என்ற மகனும், சுஜாதா, சுசித்ரா என்ற 2 மகள்களும் இருக்கிறார்கள். சுசித்ராவை பிரபல மலையாள நடிகர் மோகன்லால் மணந்து இருக்கிறார்.

நடித்த திரைப்படங்கள்

ஆண்டு	திரைப்படம்	கதாபாத்திரம்	மொழி/குறிப்புகள்
1956	மாதர்குல மாணிக்கம்		தமிழ்
1958	அன்பு எங்கே	இராமு	தமிழ்
1959	உத்தமி பெற்ற இரத்தினம்	தமிழ்
1959	சகோதரி		தமிழ்
1960	எங்கள் செல்வி		தமிழ்
1960	மகாலட்சுமி		தமிழ்
1960	விடிவெள்ளி		தமிழ்
1960	புதிய பாதை		தமிழ்
1960	பார்த்திபன் கனவு		தமிழ்
1960	பாவை விளக்கு		தமிழ்
1961	நாகநந்தினி		தமிழ்
1961	கப்பலோட்டிய தமிழன்		தமிழ்
1961	மாமியாரும் ஒரு வீட்டு மருமகளே		தமிழ்
1961	தூய உள்ளம்		தமிழ்
1962	போலீஸ்காரன் மகள்		தமிழ்
1962	பலே பாண்டியா	இரவி	தமிழ்
1962	படித்தால் மட்டும் போதுமா	இராஜூ	தமிழ்
1962	எல்லோரும் வாழவேண்டும்		தமிழ்
1962	சுமைதாங்கி		தமிழ்
1963	ஆசை அலைகள்		தமிழ்
1963	ஏழை பங்காளன்		தமிழ்
1963	இருவர் உள்ளம்		தமிழ்
1964	என் கடமை		தமிழ்
1964	கறுப்புப் பணம்		தமிழ்
1964	ஆண்டவன் கட்டளை		தமிழ்
1964	ரிஷ்யசிங்கர்		தமிழ்
1964	ஸ்கூல் மாஸ்டர்	முரளி	மலையாளம்
1964	ஆட்டம் பாம்	கோச்சுராகவன் பிள்ளை	மலையாளம்
1965	அன்புக்கரங்கள்		தமிழ்
1965	வீர அபிமன்யு		தமிழ்
1965	வாழ்க்கைப் படகு	Kannabiram	தமிழ்
1965	காட்டு ராணி		தமிழ்
1966	அண்ணாவின் ஆசை		தமிழ்
1967	பட்டணத்தில் பூதம்		தமிழ்
1967	மாடிவீட்டு மாப்பிள்ளை		தமிழ்
1967	தங்கை		தமிழ்
1967	இருட்டின்டி ஆத்மாவு	சந்தரன்	மலையாளம்
1967	அதே கண்கள்	மருத்துவர்	தமிழ்
1968	லட்சுமி கல்யாணம்	இலட்சுமியின் கணவர்	தமிழ்
1968	ராகிணி		மலையாளம்
1968	என் தம்பி	விஸ்வம்	தமிழ்
1968	தில்லானா மோகனாம்பாள்		தமிழ்
1969	சாந்தி நிலையம்		தமிழ்
1969	திருடன்	ஜெகன்நாத்	தமிழ்
1969	குருதட்சணை		தமிழ்
1970	எங்க மாமா		தமிழ்
1970	எங்கிருந்தோ வந்தாள்		தமிழ்
1970	எதிர்காலம்		தமிழ்
1970	சொர்க்கம்		தமிழ்
1971	வெகுளிப் பெண்		தமிழ்
1972	வசந்த மாளிகை		தமிழ்
1972	கண்ணம்மா		தமிழ்
1972	தாய்க்கு ஒரு பிள்ளை		தமிழ்
1972	ராஜா		தமிழ்
1972	நீதி		தமிழ்
1974	என் மகன்	ஜெகதீஷ்	தமிழ்
1975	ஆயிரத்தில் ஒருத்தி	கோபி	தமிழ்
1975	சுவாமி ஐயப்பன்		மலையாளம்
1976	வாழ்வு என் பக்கம்	மூர்த்தி	தமிழ்
1978	தியாகம்		தமிழ்
1979	சுரக்சா'	மருத்துவர் சிவா	இந்தி
1979	அமர் தீப்	விருந்தினர் தோற்றம்	இந்தி
1980	பில்லா		தமிழ்
1980	ஜானி	காவல் அதிகாரி	தமிழ்
1981	தீ	ஜெகதீஷ்	தமிழ்
1981	சவால்	பாபா சேக்	தமிழ்
1983	ஜஸ்டிஸ் ராஜா		மலையாளம்
1983	சட்டம்		தமிழ்
1986	விடுதலை		தமிழ்

இறப்பு

2009, மே 2 மாலை 5 மணிக்கு உடல்நலக் குறைவு காரணமாக அப்பல்லோ மருத்துவமனையில் பாலாஜி இறந்தார். இறக்கும் போது இவருக்கு வயது 74.

உசாத்துணை

• நடிகர் பாலாஜி காலமானார்
• தயாரிப்பாளர், நடிகர் பாலாஜி மறைவு
• Sujatha Cine Arts Entering the second innings பரணிடப்பட்டது 2010-04-11 at the வந்தவழி இயந்திரம்