நீலகிரி சோலைக்கிளி

நீலகிரி சோலைக்கிளி
காப்பு நிலை
அருகிய இனம் (IUCN 3.1)
உயிரியல் வகைப்பாடு
திணை:	விலங்கு
Phylum:	முதுகுநாணி
வரிசை:	பசாரிபார்மிசு
குடும்பம்:	பழைய உலக ஈப்பிடிப்பான்
பேரினம்:	சோலிகோலா
இனம்:	ச. மேஜர்
இருசொற் பெயரீடு
ச மேஜர் (செர்டோன், 1844)
வேறு பெயர்கள்
பேனிகூரா மேஜர் போனிகூரா மேஜர் பிராக்கியாப்டெரிக்சு மேஜர் கெலென்னீ ரூபிவெந்திரிசு மையோமெலா மேஜர்

நீலகிரி சோலைக்கிளி [Nilgiri blue robin (Sholicola major)] அல்லது வடக்கத்தி சோலைசிட்டு என்பது பன்னாட்டு இயற்கைப் பாதுகாப்புச் சங்கத்தால் அருகிய இனம் [EN] என்று செம்பட்டியலில் இடப்பட்ட ஒரு அகணிய உயிரி ஆகும். சில வருடங்கள் முன்பு வரை Sholicola albiventris உடன் வேறுபடுத்தப்படாமல் ஓரினமாகவே கருதப்பட்டு வந்தது.

உடலமைப்பும் கள அடையாளங்களும்

• நன்கு வளர்ந்த சிட்டு, தூக்கணாங்குருவியை விட சற்று சிறியது, அதாவது 14 cm இருக்கும்.
• குண்டான உருவமும் நீளமான கால்களும் குட்டையான இறக்கையும் கொண்டது.
• அடர்நீல உடலும் வெள்ளை அடியும் அடர்காவி நிறத்தில் விலாப்பகுதியும் இருக்கும். கால்கள் இளஞ்சிவப்பு நிறம்.
• கருப்பு அலகு, கண்-அலகு இடைப்பகுதி கருமையாக இருக்கும்.

பெண்: சற்று வெளிரிய நிறத்துடன் காணப்படும்.

பரவல்

நீலமலையில் பாலக்காட்டுக் கணவாய்க்கு வடக்கேயுள்ள தென் கருநாடக, தென்மேற்குத் தமிழக சோலைக்காடுகளில் மட்டுமே காணப்படும் ஓரிட வாழ்வி.

வாழ்விடம்

சோலைக்காடுகளில் மரங்களின் கீழ்ப்பகுதிகள்; 900–2100 m உயரம் வரை இவற்றைக் காணலாம்.

உணவும் உணவு தேடும் முறையும்

உணவு பற்றி இன்னும் தெளிவாக அறியப்படவில்லை (பூச்சிகளாக இருக்கலாம்); தரையில் கிடக்கும் மரங்களுக்கு இடையில் உணவு தேடும்.

ஒரு நீலகிரி சோலைக்கிளி, குன்னூர்.

வெளி இணைப்புகள்

• Photographs பரணிடப்பட்டது 2010-11-14 at the வந்தவழி இயந்திரம்
• Videos and call recordings