கொண்டை வைரி
| கொண்டை வைரி | |
|---|---|
| |
| வளர்ந்த ஆண் | |
உயிரியல் வகைப்பாடு 
| |
| திணை: | விலங்கு
|
| தொகுதி: | |
| வரிசை: | |
| குடும்பம்: | |
| பேரினம்: | |
| இனம்: | A. trivirgatus
|
| இருசொற் பெயரீடு | |
| Accipiter trivirgatus (Temminck, 1824) | |
| |
| காணப்படும் பகுதி மஞ்சள்: சாத்தியமான வாழிடம். | |
கொண்டை வைரி ( Accipiter trivirgatus ) என்பது வெப்பமண்டல ஆசியாவில் காணப்படும் ஒரு கொன்றுண்ணிப் பறவையாகும். இது கழுகுகள், பஸார்ட்ஸ் (அல்லது பியூட்டியோஸ்), பூனைப் பருந்து போன்ற பிற கொன்றுண்ணிப் பறவைகளுடன் தொடர்புடையது. இதனால் இது பாறுக் குடும்பத்தில் வைக்கப்படுகிறது.[2]
விளக்கம்[தொகு]
இந்தக் கொன்றுண்ணி சிறிய அகன்ற இறக்கைகளையும், நீண்ட வாலையும் கொண்டுள்ளது. இந்த இரண்டும் மரங்கள் வழியாக இயங்குவதற்கான ஒரு இசைவாக்கம் ஆகும். இது 30-46 செ.மீ நீளம் கொண்டது. பெண் பறவை ஆணை விட பெரியது. இதன் தலையில் ஒரு கொண்டையைப் பெற்றிருக்கும். இந்தக் கொண்டை இதை தனித்து அடையாளம் காண உதவுகிறது. இது இதன் உறவினரான சின்ன வல்லூறுவில் ( A. virgatus ) இருந்து வேறுபாடுத்தும் ஒரு சிறந்த அடையாளம் ஆகும்.[2]
ஆணுக்கு உச்சந்தலை அடர் பழுப்பு நிறத்திலும், தலையின் பக்கங்கள் சாம்பல் நிறத்திலும், தொண்டையில் கோடுகளும் இருக்கும். வெண்மையான உடலின் கீழ் பகுதியில் மார்பில் செம்பழுப்புக் கீற்றுகளும், வயிற்றில் குறுக்குக் கோடுகளும் காணப்படும். வளர்ந்த பெண் பறவைக்கு பழுப்பு நிற தலை மற்றும் பழுப்பு நிற கோடுகளும், கீற்றுகளும் உள்ளன.[2]
வரம்பும், சூழலியலும்[தொகு]
கொண்டை வைரி தெற்கு ஆசியாவில், இந்தியா மற்றும் இலங்கையிலிருந்து தெற்கு சீனா, இந்தோனேசியா, தைவான் மற்றும் பிலிப்பீன்சு வரை இனப்பெருக்கம் செய்கிறது. இது முதன்மையாக ஒரு தாழ்நிலப் பறவை, மேலும் ஆண்டு முழுவதும் காணப்படும். மேட்டுநில வாழ்விடங்களில் கூட இது குளிர்காலங்களில் வசிக்கிறது. உதாரணமாக பூட்டானின் இமயமலை அடிவாரத்தில் அல்லது இந்தியாவின் தேராதூன் மாவட்டத்தில் உள்ள சால் ( ஷோரியா ரோபஸ்டா ) காடுகளில் காணப்படுகிறது. அதன் எல்லையின் வடக்கு முனையில் உள்ள நிலங்களில், இது பொதுவாக மிகவும் அரிதானது. முக்கியமாக இது வெப்பமண்டல மற்றும் சூடான துணை வெப்பமண்டல பகுதிகளுக்கு மட்டுமேயான பறவை ஆகும்.[3] மலேசியா மற்றும் சிங்கப்பூரில் இந்த பறவை இனம் நகர்ப்புறப் பகுதிகளின் வாழ்க்கைக்கு ஏற்றதாக இருப்பதற்கான சான்றுகள் அதிகரித்து வருகின்றன.[4]
இது தன் உறவுப் பறவைகளைப் போலவே, வனப்பகுதியில் உள்ள பறவைகள், பாலூட்டிகள், ஊர்வனவற்றை வேட்டையாடுகிறது. மரத்தில் குச்சிகளைக் கொண்டு கூடு கட்டி இரண்டு அல்லது மூன்று முட்டைகளை இடும்.[2]
இஸ்க்னோசெரன் பேன் டிஜீரியெல்லா ஸ்டோரி இந்தப் பறவையின் ஒட்டுண்ணி ஆகும். இது வேறு எந்த ஓம்புயிர் இனங்களிலிருந்தும் இதுவரை அறியப்படவில்லை. மறுபுறம், குரோடாயா ஃபுல்வோஃபாசியாட்டா, ஒரு ஆம்பிலிசரன் பேன், கொண்டை வல்லூரை ஓம்புயிராக மாற்றுகிறது. இது புவியில் ஹோலார்டிக் (புவியின் வடபகுதி) முழுவதும் வேட்டையாடி பறவைகளில் பரவலாகக் காணப்படுகிறது.[5]
ஆங்காங்கில், ஏ. ட்ரிவிர்கேடஸ் பறவையானது வன காட்டுயிர் பாதுகாப்பு விதி 170 இன் கீழ் பாதுகாக்கப்பட்ட இனமாகும் . இது காம் ஷான் நாட்டு பூங்காவில் காணப்படுகிறது.
வகைபிரித்தல்[தொகு]
கொண்டை வைரியில் பின்வரும் அங்கீகரிக்கப்பட்ட கிளையினங்கள் உள்ளன:[6]
- ஏ.டி. இண்டிகஸ் (ஹாட்சன், 1836)
- ஏ.டி. ஃபார்மோசே - மேயர், 1949
- ஏ.டி. தீபகற்பம் - கோயல்ஸ், 1949
- ஏ.டி. லேயார்டி (விஸ்லர், 1936)
- ஏ.டி. ட்ரிவிர்கேடஸ் (டெம்மின்க், 1824)
- ஏ.டி. நியாசென்சிஸ் - மேயர், 1949
- ஏ.டி. ஜாவானிகஸ் - மேயர், 1949
- ஏ.டி. மைக்ரோஸ்டிக்டஸ் - மேயர், 1949
- ஏ.டி. பலவானஸ் - மேயர், 1949
- ஏ.டி. காஸ்ட்ரோய் - மானுவல் & கில்லியார்ட், 1952
- ஏ.டி. எக்சிடியூம்ஸ் - மேயர், 1945
அடிக்குறிப்புகள்[தொகு]
- ↑ BirdLife International (2016). "Accipiter trivirgatus". IUCN Red List of Threatened Species 2016: e.T22695462A93510676. doi:10.2305/IUCN.UK.2016-3.RLTS.T22695462A93510676.en. https://www.iucnredlist.org/species/22695462/93510676. பார்த்த நாள்: 12 November 2021.
- ↑ 2.0 2.1 2.2 2.3 Grimmett et al. (1999)
- ↑ Grimmett et al. (1999), Inskipp et al. (2000), Singh (2002)
- ↑ Shepherd (2018)
- ↑ Elbel & Price (1973), Dalgleish (2003)
- ↑ Gill F, D Donsker & P Rasmussen (Eds). 2020.