மும்முறை

கட்டற்ற கலைக்களஞ்சியமான விக்கிப்பீடியாவில் இருந்து.

மும்முறை (hat-trick) என்பது ஒரு விளையாட்டில் மூன்று முறை படைத்த சாதனையையோ மூன்றாம் எண்ணை அடிப்படையாகக் கொண்ட சாதனையையோ குறிக்கும். [1] [2]

தோற்றம்[தொகு]

இந்த சொல் முதன்முதலில் 1858இல் துடுப்பாட்ட விளையாட்டில் தோன்றியது. எச்.எச். ஸ்டீபன்சன் என்ற வீரர் தொடர்ச்சியாக மூன்று வீச்சுகளில் மூன்று மட்டையாளர்களை வீழ்த்தினார். ரசிகர்கள் ஸ்டீபன்சனுக்காக சேர்த்து வைத்திருந்த பணத்தில் வாங்கிய தொப்பியை அவருக்கு வழங்கினர்.[3] இந்த சொல் 1865இல் முதல முறையாக அச்சில் பயன்படுத்தப்பட்டது. பிறகு காலப்போக்கில் ஹாக்கி, கால்பந்து கூட்டமைப்பு [upper-alpha 1], நீர்ப் பந்தாட்டம் மற்றும் எறிபந்தாட்டம் உள்ளிட்ட பல விளையாட்டுகளால் ஏற்றுக்கொள்ளப்பட்டது.

கால்பந்து கூட்டமைப்பு[தொகு]

ஒரு வீரர் மூன்று இலக்குகளை (தொடர்ச்சியாக இருக்க வேண்டிய அவசியமில்லை) அடிக்கும்போது, கால்பந்து கூட்டமைப்பில் மும்முறை நிகழ்கிறது. இரண்டு இலக்குகளை அடித்தால் அது இருமுறையாக அமைகிறது.[4] [5] மற்ற அதிகாரப்பூர்வப் பதிவு வைத்தல் விதிகளுடன் பொதுவாக இருப்பதற்காக பெனால்டி-கிக் இலக்குகள் கணக்கிடப்படுகின்றன. ஆனால் சமன்நீக்கி மோதலில் உள்ள இலக்குகள் அந்த எண்ணிக்கையிலிருந்து விலக்கப்படுகின்றன. [6] நாக் அவுட் கோப்பை போட்டியில் வழங்கப்படும் கூடுதல் நேரத்திலும் ஒரு வீரரின் மும்முறை கணக்கிடப்படலாம். விரைவாக மும்முறை அடிக்கப்பட்ட நேரம் 70 வினாடிகள் என்று பதிவாகியுள்ளது, இது 2013இல் ஞாயிறு லீக் ஆட்டத்தில் அலெக்ஸ் டோர் படைத்த சாதனையாகும். [7] இதற்கு முந்தைய 90 விநாடிகள் சாதனையை 28 நவம்பர் 1964 இல் ரோஸ் கவுண்டிக்காக விளையாடிய டாமி ரோஸ் நாயர்ன் கவுண்டிக்கு எதிராக நிகழ்தினார். [8]

துடுப்பாட்டம்[தொகு]

துடுப்பாட்டத்தில் ஒரு பந்துவீச்சாளர் மூன்று மட்டையாளர்களை தனது அடுத்தடுத்தத் தொடர் வீச்சுகளால் வீழ்த்தும்போது மும்முறை நிகழ்கிறது. மற்ற பந்துவீச்சாளர் வீச வேண்டிய நிறைவு மற்றும் எதிரணியின் ஆட்டப்பகுதி போன்ற காரணங்களால் வீச்சுகள் தடைபடலாம். ஆனால் அவை ஒரு போட்டியில் குறிப்பிட்ட பந்துவீச்சாளரின் தொடர்ச்சியான மூன்று வீச்சுகளாக இருக்க வேண்டும். அதில் ஓட்ட வீழ்த்தல்கள் எதுவும் கணக்கில் கொள்ளப்படாது.

துடுப்பாட்டத்தில் மும்முறைகள் நிகழ்வது அரிது. மேலும் அது பந்துவீச்சாளர்களால் மதிப்புமிக்க சாதனையாகக் கருதப்படுகிறது. இதுவரை தேர்வுத் துடுப்பாட்ட வரலாற்றில் வெறும் 44 மும்முறைகள் மட்டுமே நிகழ்ந்துள்ளன. இந்த சாதனை முதன்முறையாக 1879 இல் இங்கிலாந்துக்கு எதிராக ஆஸ்திரேலியா வீரர் பிரெட் ஸ்போஃபோர்த் என்பவரால் நிகழ்த்தப்பட்டது. பிறகு 1912 ஆம் ஆண்டில், ஆஸ்திரேலியாவின் ஜிம்மி மேத்யூஸ் தென்னாப்பிரிக்காவுக்கு எதிரான ஒரு ஆட்டத்தில் இருமுறை இந்த சாதனையை நிகழ்த்தினார். இவரைத் தவிர ஆஸ்திரேலியாவின் ஹக் ட்ரம்பிள், பாகிஸ்தானின் வசீம் அக்ரம் மற்றும் இங்கிலாந்தின் ஸ்டூவர்ட் பிராட் ஆகிய வீரர்கள் மட்டுமே இச்சாதனையை இருமுறை நிகழ்த்தியுள்ளனர்.

ஒருநாள் பன்னாட்டுத் துடுப்பாட்டத்தில் 48 மும்முறைகள் நடந்துள்ளன. 1982ஆம் ஆண்டில் ஆஸ்திரேலியாவுக்கு எதிராக பாகிஸ்தான் வீரர் ஜலால்-உத்-தின் முதன்முறையாக இந்த சாதனையைப் படைத்தார். அண்மையில் இந்த சாதனையை 2019 உலகக் கோப்பையில் ஆஸ்திரேலியாவுக்கு எதிராக நியூசிலாந்தின் ட்ரெண்ட் போல்ட் நிகழ்த்தினார். .

பன்னாட்டுத் துடுப்பாட்டத்தில் ஒரே வடிவில் மூன்று மும்முறைகளை எடுத்த ஒரே பந்து வீச்சாளர் இலங்கையின் லசித் மலிங்கா மட்டுமே. மூன்று வீரர்கள் தங்கள் ஒருநாள் போட்டிகளில் குறைந்தது இரண்டு மும்முறைகளை எடுத்துள்ளனர்: அவர்கள் பாக்கிஸ்தானின் வசீம் அக்ரம் மற்றும் சக்லைன் முஷ்டாக், இலங்கையின் சமிந்த வாஸ். (எனவே அக்ரம் மொத்தம் நான்கு பன்னாட்டு மும்முறைகளைக் கொண்டுள்ளார்).

ஒருநாள் பன்னாட்டுத் துடுப்பாட்டத்தில் ஒரேயொரு முறை மட்டுமே நான்கு பந்துகளில் நான்கு மட்டையாளர்களை வீழ்த்திய நிகழ்வு நடந்துள்ளது, இந்தச் சாதனையை 2007 உலகக் கோப்பையில், தென்னாப்பிரிக்காவுக்கு எதிரான போட்டியில் லசித் மலிங்கா படைத்தார், இது முதல் தரத் துடுப்பாட்டத்தில் ஒருசில நேரங்களில் நிகழ்ந்துள்ளது. ஹாம்ப்ஷயரின் கெவன் ஜேம்ஸ் நான்கு பந்துகளில் நான்கு மட்டையாளர்களை வீழ்த்தி, 1996இல் இந்தியாவுக்கு எதிரான அதே கவுண்டி ஆட்டத்தில் நூறு அடித்தார். இந்த போட்டி குறித்த கிரிகின்ஃபோ அறிக்கை இது துடுப்பாட்டத்தில் தனித்துவமானதாக இருந்தது என்று குறிப்பிட்டது. [9] [10]

1999 இல் ஜிம்பாப்வேக்கு எதிரான போட்டியின் போது, ஒரு தேர்வுப் போட்டியில் தனது முதல் மூன்று பந்துவீச்சுகளில் மும்முறை வீழ்த்திய ஒரே பந்து வீச்சாளர் என்ற சாதனையை இலங்கையின் நுவான் சோய்சா படைத்தார். [11] 2006 ஆம் ஆண்டில், பாகிஸ்தானுக்கு எதிரான தேர்வுப் போட்டியின் முதல் நிறைவில் இந்தியாவின் இர்பான் பதான் மும்முறை சாதனை படைத்தார். பீட்டர் மரிட்ஸ்பர்க்கில் உள்ள சிட்டி ஓவலில் நடந்த 2003 ஐசிசி உலகக் கோப்பையில் வங்களாதேசத்துக்கு எதிரான போட்டியின் போது, ஒருநாள் போட்டிகளில் முதல் மூன்று பந்துகளில் மும்முறை சாதித்த ஒரே வீரர் என்ற சாதனையை சமிந்தா வாஸ் படைத்தார். அதே நிறைவின் ஐந்தாவது பந்தில் நான்காவது முறையாகவும் வீழ்த்தினார், எனினும் அவருக்கு இரட்டை மும்முறைக்கான வாய்ப்பு கிடைக்கவில்லை.

முதல் தரத் துடுப்பாட்டத்தில் ஒரே ஆட்டப்பகுதியில் இரண்டு மும்முறை சாதனையைப் படைத்த இரண்டு பந்து வீச்சாளர்கள் ஆல்பர்ட் ட்ராட் மற்றும் ஜோகிந்தர் ராவ் மட்டுமே. ட்ரட்டின் இரண்டு மும்முறைகளில் ஒன்று, 1907இல் லார்ட்சில் சோமர்செட்டுக்கு எதிராக மிடில்செக்ஸ்சுக்காக நான்கு பந்துகளில் நான்கு முறை வீழ்த்தினார்.

குறிப்பிட்ட சில மும்முறைகள் அசாதாரணமானவையாக உள்ளன. டிசம்பர் 2, 1988இல், ஆஸ்திரேலியாவுக்காக விளையாடிய மெர்வ் ஹியூஸ், கர்ட்லி ஆம்ப்ரோஸை தனது இறுதி நிறைவின் கடைசி பந்திலும், பேட்ரிக் பேட்டர்சனை தனது அடுத்த நிறைவின் முதல் பந்திலும் வெளியேற்றினார், இதன்மூலம் மேற்கிந்தியத் தீவுகளின் முதல் ஆட்டப்பகுதியை முடிவுக்குக் கொண்டுவந்தார். அதன் இரண்டாவது ஆட்டப்பகுதியின் முதல் நிறைவை வீச ஹியூஸ் திரும்பி வந்தபோது, அவர் கோர்டன் கிரீன்ஜை தனது முதல் பந்திலேயே வீழ்த்தினார், இவ்வாறு அவர் இரண்டு வெவ்வேறு ஆட்டப்பகுதிகளில் ஒரு மும்முறையை நிகழ்த்தினார். அத்துடன் தேர்வுத் துடுப்பாட்ட வரலாற்றில் மூன்று வெவ்வேறு நிறைவுகளில் மூன்று மட்டையாளர்களை வீழ்த்தி மும்முறை சாதித்த ஒரே வீரர் ஆனார்.

1844 ஆம் ஆண்டில், கென்ட்டுக்கு எதிராக "இங்கிலாந்து" அணிக்காக விளையாடிய பந்து வீச்சாளர் வில்லியம் கிளார்க், இரு ஆட்டப்பகுதிகளில் மும்முறை சாதித்தார். கென்ட் மட்டையாளர் ஜான் ஃபேக்கை இரண்டு முறை மும்முறையில் வெளியேற்றினார். ஃபேக் முதல் ஆட்டப்பகுதியில் 11 வது இடத்திலும், இரண்டாவது ஆட்டப்பகுதியில் 3 வது இடத்திலும் மட்டைவீசினார். இந்த நிகழ்வு முதல் தரத் துடுப்பாட்டத்தில் தனித்துவமானதாக நம்பப்படுகிறது. [12]

ஆஸ்திரேலிய வேகப்பந்து வீச்சாளர் பீட்டர் சிடில் 25 நவம்பர் 2010 அன்று இங்கிலாந்துக்கு எதிரான ஆஷஸ் டெஸ்ட் போட்டியில் மும்முறை எடுத்தார், அன்று சிடிலின் 26 வது பிறந்த நாளாகும். இந்த நிகழ்வு ஆஸ்திரேலிய கிரிக்கெட் கலாச்சாரத்தின் புகழ்பெற்ற பகுதியாக மாறியது, இது "தனது பிறந்தநாளில் சிடலின் மும்முறை" என்று அறியப்பட்டது.

இழப்பக் கவனிப்பாளர் அல்லாத மற்றொரு வீரர் பிடிபடுதலில் மும்முறை எடுத்ததாகப் பதிவு செய்யப்பட்ட இரண்டு நிகழ்வுகள் மட்டுமே உள்ளன, இவை இரண்டும் பந்து வீச்சாளருக்கும் மும்முறை சாதனைகளாக அமைந்திருந்தன: ஜி.ஜே.தாம்சன், 2014 இல் எட்ஜ்பாஸ்டனில் வார்விக்ஷயருக்கு எதிராக நார்தன்ட்ஸ் அணிக்காக ( ஆல் ஆஃப் எஸ்.ஜி. ஸ்மித்), மற்றும் ட்ரெண்ட் பிரிட்ஜில் 2018 இல் நோட்ஸுக்கு எதிராக சோமர்செட்டுக்கான மார்கஸ் ட்ரெஸ்கோதிக் (ஆல் ஆஃப் கிரெய்க் ஓவர்டன் ). சுவாரஸ்யமாக, ட்ரெஸ்கோதிக் - ஒரு மட்டையாளராக மிகவும் பிரபலமானவர் (ஒரு பகுதிநேரப் பந்து வீச்சாளர் மட்டுமே). எனினும் அவர் ஒரு பந்து வீச்சாளராக மும்முறை எடுத்தார், அதுவும் 1995இல் இளம் ஆஸ்திரேலிய வீரர்களுகக்கு எதிராக எடுத்தார்.

தொடர்ச்சியாக இரண்டு பந்துகளில் இரண்டு மட்டையாளர்களை வீழ்த்துவது சில நேரங்களில் இருமுறை அல்லது (பொதுவாக அடுத்த பந்து வீசப்படும் வரை) மும்முறையில் இருப்பது என்று அழைக்கப்படுகிறது. ஆஸ்திரேலியாவில், நான்கு தொடர் பந்துகளில் செய்யப்படும் நான்கு வீழ்த்தல்களை சில நேரங்களில் இரட்டை மும்முறை என்று குறிப்பிடப்படுகின்றனர். இது மூன்றுக்கு-மூன்று என்று இருமுறை தொகுப்பதால் இவ்வாறு அழைக்கப்படுகிறது. (அதாவது வீழ்த்தல்கள் 1,2, 3 அல்லது வீழ்த்தல்கள் 2,3, 4 ). [13] [14]

குறிப்புகள்[தொகு]

  1. ↑ Association football is called soccer in the US.

மேற்கோள்கள்[தொகு]

  1. ↑ hat trick dictionary.cambridge.org
  2. ↑ hat trick ldoceonline.com
  3. ↑ Extended Oxford English Dictionary 1999 Edition : "It came into use after HH Stephenson took three wickets in three balls for the all-England eleven against the twenty-two of Hallam at the Hyde Park ground, Sheffield in 1858. A collection was held for Stephenson (as was customary for outstanding feats by professionals) and he was presented with a cap or hat bought with the proceeds."
  4. ↑ Soccer Definitions & Slang Terms பரணிடப்பட்டது 2018-09-15 at the வந்தவழி இயந்திரம் soccer-training-info.com
  5. ↑ "Brace" means two of a kind or a pair of something Harper Collins
  6. ↑ Kicks from the penalty mark (aka penalty shootout) are not part of the match. IFAB (July 2009). "Laws of the Game 2009/2010" (PDF). Zürich: FIFA. p. 130. Archived from the original (PDF) on 11 ஏப்ரல் 2012. பார்க்கப்பட்ட நாள் 9 April 2010. {{cite web}}: Check date values in: |archive-date= (help)
  7. ↑ Steve White (3 May 2013). "Sunday league footballer scores hat-trick in record-breaking 70 seconds". mirror. பார்க்கப்பட்ட நாள் 6 July 2015.
  8. ↑ "Fastest time to score a hat-trick, Football". Guinness World Records. பார்க்கப்பட்ட நாள் 18 August 2011.
  9. ↑ "Hampshire v Indians, Match Report". CricInfo. பார்க்கப்பட்ட நாள் 11 April 2007.
  10. ↑ "Hampshire v Indians at Southampton, 29 June-1 July 1996". CricInfo. பார்க்கப்பட்ட நாள் 11 April 2007.
  11. ↑ "Cricket: Zoysa performs opening hat-trick". London: The Independent. 27 November 1999. https://www.independent.co.uk/sport/cricket-zoysa-performs-opening-hattrick-1129030.html. பார்த்த நாள்: 14 November 2012. 
  12. ↑ "Stirling's gold, and the not-so-roaring forties". CricInfo. 21 September 2010. பார்க்கப்பட்ட நாள் 21 September 2010.
  13. ↑ "Proteas escape after Malinga double hat-trick". ABC News (in ஆஸ்திரேலிய ஆங்கிலம்). 2007-03-29. பார்க்கப்பட்ட நாள் 2019-01-06.
  14. ↑ "DOUBLE 'HAT TRICK' TO SCHOOLBOY". 1953-02-28. http://nla.gov.au/nla.news-article118406676. 
"https://ta.wikipedia.org/w/index.php?title=மும்முறை&oldid=3779565" இலிருந்து மீள்விக்கப்பட்டது