சாலொமோன்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
சாலொமோன் அரசர்
இஸ்ராயலின் அரசர்
Berruguete, Pedro - Salomon - c. 1500.jpg
பிறப்பிடம் எருசலேம்
இறந்த இடம் எருசலேம்
முன்னிருந்தவர் தாவீது
பின்வந்தவர் ரெகோபோவாம்
துணைவர் நாமா, பாரவோனின் மகள், ஏறக்குறைய 700 மனைவிமார்களும் 300 வைப்பாட்டிகளும்(1 அரசர்கள் 11:3)[1]
வாரிசுகள் ரெகபெயாம்
அரச குடும்பம் தாவீதின் வழி
தந்தை தாவீது
தாய் பத்சேபா

சாலொமோன் (ஆங்கிலம்: Solomon, எபிரேயம்: שְׁלֹמֹה(Shlomo), அரபு மொழி: سليمان‎ (Sulaymān), கிரேக்கம்: Σολομών (Solomōn)) யூதா பகுதியும் இசுரயேல் பகுதியும் ஒன்றிணைந்த நாட்டின் அரசராக ஆட்சிசெய்தவர்.

விவிலியக் குறிப்புகள்[தொகு]

1 அரசர்கள், 1 குறிப்பேடு,[2] என்னும் விவிலிய நூல்கள் சாலொமோனை ஒன்றிணைந்த யூதா-இசுரயேல் நாட்டின் அரசராக அடையாளம் காட்டுகின்றன. யூத சமய நூலாகிய தால்முத் சாலொமோனை 48 இறைவாக்கினருள் ஒருவராகக் கருதுகிறது.[3] சாலொமோன், தாவீது அரசருக்கும் பத்சபா என்னும் பெண்ணுக்கும் மகனாகப் பிறந்தவர்.[4] சாலொமோனின் தந்தை தாவீது வட பகுதியாகிய இசுரயேலையும் தென் பகுதியாகிய யூதாவையும் வலுவான அரசாக மாற்றினார். அவருக்கு முன் சவுல் இசுரயேலின் முதல் அரசராக இருந்தார். இவ்வாறு, சாலொமோன் ஒன்றிணைந்த அரசின் மூன்றாவது, மற்றும் கடைசி அரசர் ஆனார்.

சாலொமோனின் ஆட்சிக்குப் பின் வட நாடு இசுரயேல் என்றும், தென்னாடு யூதா என்றும் தனித்தனியாகப் பிரிந்தன.

குர்ஆன் சாலொமோனை முதன்மையான இறைவாக்கினராக சுலைமான் நபி கருதுகின்றது. சாலொமோனுடைய ஆட்சிக்காலம் ஏறக்குறைய கி.மு. 970 முதல் கி.மு. 931 வரையென கணிக்கப்படுகின்றது.

சாலொமோனின் சிறப்பு[தொகு]

சாலொமோன் தலைநகராகிய எருசலேமில் புகழ்மிக்க கோவிலைக் கட்டினார். இது "முதல் கோவில்" (First Temple) என்று அழைக்கப்படுகிறது.[4]. மேலும், விவிலியம் சாலொமோனைத் தலைசிறந்த ஞானி என்று சித்தரிக்கிறது. சாலொமோனின் அறிவுத்திறனையும் புகழையும் கேள்விப்பட்டு, சேபா நாட்டு அரசி அவரைச் சந்தித்து விலையுயர்ந்த பரிசுகளை வழங்கினார் (1 அரசர்கள் 10:1-13).

அரசர் சாலொமோனை சேபா அரசி சந்தித்தல். 17ஆம் நூற்றாண்டு ஓவியம். ஆன்ட்வெர்ப், ஒலாந்து.

சாலொமோனின் ஆட்சியின்போது புகழ்மிக்க பல கட்டடங்கள் எழுப்பப்பட்டன.

சாலொமோன் காலத்தில் நாட்டில் அமைதி நிலவியது. செல்வம் கொழித்தது. ஆயினும் விவிலியத்தின்படி, சாலொமோன் யாவே என்னும் உண்மைக் கடவுளின் வழிபாட்டை மறந்து, தம் மனைவியரின் தெய்வங்களை வழிபட்டார்; சிலைவழிபாட்டை ஆதரித்தார். இதனால் கடவுள் அவரைத் தண்டித்தார்.[5]

விவிலியக் குறிப்பு[தொகு]

சாலமோனுக்கு எழுநூறு அரசகுலப் பெண்கள் மனைவியராகவும் முந்நூறு பெண்கள் வைப்பாட்டிகளாகவும் இருந்தார்கள். அப்பெண்கள் அவரது இதயத்தைத் தவறான வழியில் திருப்பி விட்டார்கள்.

சாலமோன் முதுமை அடைந்தபோது, அவருடைய மனைவியர் அவர் இதயத்தை வேற்றுத் தெய்வங்களைப் பின்பற்றும்படி மாற்றிவிட்டனர். அதனால் அவர் உள்ளம் தம் தந்தை தாவீதின் உள்ளத்தைப் போல் கடவுளாகிய ஆண்டவருக்கு முற்றிலும் பணிந்திருக்கவில்லை. சாலமோன் சீதோனியரின் தேவதையான அஸ்தரேத்தையும் அம்மோனியரின் அருவருப்பான மில்க்கோமையும் வழிபடலானார். இவ்வாறு சாலமோன், ஆண்டவர் பார்வையில் தீயதெனப் பட்டதைச் செய்தார். தம் தந்தை தாவீது ஆண்டவரை முழுமையாகப் பின்பற்றியது போன்று அவர் செய்யவில்லை (1 அரசர்கள் 11:3-6)

சாலொமோனின் வாரிசு[தொகு]

சாலொமோனின் இறப்புக்குப் பிறகு அவருடைய மகன் ரெகபெயாம் ஆட்சி செய்தார் என்று விவிலியம் கூறுகிறது (1 அரசர்கள் 11:43).

உசாத்துணை[தொகு]

  1. "In Our Time With Melvyn Bragg: King Solomon". BBC Radio 4 (7 June 2012). பார்த்த நாள் 10 June 2012.
  2. http://www.jstor.org/pss/1517303
  3. Rashi to Megillah 14a
  4. 4.0 4.1 Barton, George A. "Temple of Solomon". Jewish Encyclopedia. New York, NY.: Funk & Wagnalls. 98–101. DOI:10.1038/2151043a0. Retrieved on 2007-05-15. 
  5. Peter J. Leithart, A House for My Name, 157, Canon Press, 2000. ISBN 978-1-885767-69-1
"http://ta.wikipedia.org/w/index.php?title=சாலொமோன்&oldid=1540740" இருந்து மீள்விக்கப்பட்டது