மோசே

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
மோசே
Rembrandt - Moses with the Ten Commandments - Google Art Project.jpg
மோசே பத்துக்கட்டளைகளுடன் - ரெம்பிரான்ட்
சுய தரவுகள்
பிறப்பு கோசேன், கீழ் எகிப்து
இறப்பு நேபோ மலை, மோவாப்

மோசே அல்லது மோயீசன் (எபிரேயம்: מֹשֶׁה‎, Modern Moshe Tiberian Mōšéh ISO 259-3 Moše ; அரபு மொழி: موسى Mūsā ) என்பவர் எபிரேய விவிலியம், திருக்குர்ஆன் மற்றும் பகாய் சமய நூல்களின் படி ஒரு இறைவாக்கினரும் சமயத்தலைவரும், சட்டம் அளித்தவரும் ஆவார். மரபுப்படி இவரே தோராவை எழுதியவராவார். ஆபிரகாமிய சமயங்களில் இவர் மிகவும் குறிக்கத்தக்கவராவார்.[1]

தொல்பொருளியளாலர்களிடையே விடுதலைப் பயணம் குறித்தும், மோசேயின் வரலாற்றுத்தன்மைக்குறித்தும் ஒத்தக்கருத்தில்லை.[2][3][4] பலர் இதனை வெண்கலக் காலத்தின் முடிவில் இசுரயேலர்களால் காணான் நாட்டில் இயற்றப்பட்ட புணைவுக்கதையாகக் கருதுகின்றனர்.

விடுதலைப் பயண நூலின் படி இவர் இசுரயேலர் எகிப்தில் அடிமைப்பட்டிருந்த போது பிறந்தவர். அக்காலச்சட்டப்படி குழந்தையினைக்கொல்ல மனம்வராத அதன் தான், அதனை ஒரு கூடயில் இட்டு நையில் நதியில் அனுப்பினார். கூடை எகிப்தின் அரசியால் கண்டெடுக்கப்பட்டு மோசே அவரின் தத்துப்பிள்ளையாக வளற்கப்பட்டார். ஒரு எகிப்தியனைக்கொன்றதர்காக மிதியான் நாட்டில் பதுங்கியிருந்த இவருடன் "எரியும் முட்செடி" வழியாக யாவே கடவுள் பேசி எகிப்தியரை விடுவிக்க இவரை அனுப்பிவத்ததாக நம்பப்படுகின்றது. மேலும் எகிப்தியரை விடுவித்து வரும் வழியில் சீனாய் மலையில் பத்துக் கட்டளைகள் கடவுளிடமிருந்துப்பெற்று இசுரயேலர்களுக்கு இவர் அளித்தார் எனவும் வாக்களிக்கப்பட்ட நாட்டினுள் நுழையாமலேயே இவர் இறந்தார் எனவும் விவிலியம் விவரிக்கின்றது. .

மோசேவும் பத்துக் கட்டளைகளின் கற்பலகைகளும்

பாரம்பரிய யூதமதத்தின் படி மோசேயின் காலம் கி.மு 1391–1271 வரை உள்ளதாக நம்பப்படுகின்றது;[5] 4ஆம் நூற்றாண்டினைச்சேர்ந்த புனித ஜெரோம் கி.மு 1592.[6] என்றும் 17ஆம் நூற்றாண்டினைச்சேர்ந்த உஷ்சர் கி.மு 1619 என்றும் இவரின் பிறப்பு ஆண்டினைக் கனிக்கின்றனர்.[7]

விவிலியத்தில் மோசே[தொகு]

கிறிஸ்தவ விவிலியத்தின் யாத்திராகமம் நூலில் மோசேயின் வரலாறு எழுதப்பட்டுள்ளது. இதன் படி மோசேயின் தந்தை அம்ராம் ஆவார் அவரது தாய் யோகெபேத் ஆவார். மோசே இஸ்ரவேலின் லேவி எனப்பட்ட குருத்துவ குலத்தில் பிறந்தார். மோசே இஸ்ரவேல் மக்களை எகிப்தில் அவர்களது அடிமை வாழ்விலிருந்து விடுவித்து பாலைவனமூடாக இஸ்ரவேல் மக்களை கானான் நாடு நோக்கி (தற்போதைய இஸ்ரவேல் பலஸ்தீன நாடுகள் உள்ள பிரதேசம்) வழிநடத்தி சென்றார். மேலும் வழியில் கடவுள் சீனாய் மலை மீது இறைவனது திருச்சட்டத்தை கொடுத்தார். இச்சட்டமே இயேசு வரும் வரைக்கும் மாற்றமின்றி பயன்படுத்தப்பட்ட சட்டமாகும். மோசே வாழ்ந்த காலம் பற்றிய கணக்கீடுகளின் படி மோசே கி.மு. 13-16ஆம் நூற்றாண்டுகளுக்கு இடையே வாழ்ந்ததாக கருதப்படுகிறது.

மோசே ஒரே கடவுள் என்ற சித்தாந்தத்தை முதமுதலாக எடுத்து கூறியவராவார். இது கடவுள் மோசே மூலமாக கொடுத்த பத்து கட்டளைகளில் முதலாவதாகும். மோசே கிறிஸ்தவ,இஸ்லாம்,யூத,மற்றும் பஹாய் சயங்களில் ஒரு முக்கிய தீர்க்கதரிசியாக கொள்ளப்படுகிறார்.

பிறப்பும் குழந்தை பருவமும்[தொகு]

மோசே பறையிலிருந்து நீரை வரவைத்தல்

மோசே, இஸ்ரவேலர் எகிப்தில் பார்வோன் அரசனின் ஆட்சியில் அடிமைகளாக இருக்கும் போது ஒரு அடிமை பெற்றோருக்கு பிறந்தார். அச்சமயம் இஸ்ரவேலரின் சனத்தொகையை கட்டுப்படுத்தும் நோக்கில் பார்வோன் எகிப்தில் ஒரு சட்டத்தை பிறப்பித்திருந்தான். அதன் படி இஸ்ரவேலருக்கு பிறந்த சகல ஆண் குழந்தைகளும் நைல் நதியில் வீசி கொலை செய்யப்பட வேண்டும். விவிலியத்தில் இந்த பாராவோ யார் என குறிப்பிடப்படவில்லை. அனால் ஆய்வாளரின் கருத்துப்படி மூன்றாவது துட்டுமோஸ் (Thutmose III) அல்லது இரண்டாம் ரம்சீஸ் (Ramses II) என கருதப்படுகிறது.

மோசே பிறந்தவுடன் அவரது தாய், குழந்தை அழகுள்ளது எனக்கண்டு, குழந்தயை நதியிலெறிய மனதில்லாது ஆறுமாதம் வரை குழந்தையை வீட்டில் ஒளித்து வைத்தார். மேலும் குழந்தையை ஒளித்துவைக்கக்கூடாமல், ஒரு நாணற்பெட்டியை எடுத்து, அதற்குப் பிசினும் கீலும் பூசி, அதிலே பிள்ளையை கிடத்தி, நதியோரமாய் நாணலுக்குள்ளே வைத்தாள். குழந்தைக்கு என்ன நடக்கும் என்பதை அறியும்படி அதன் தமக்கை தூரத்திலே நின்றுகொண்டிருந்தாள். அப்பொழுது பார்வோனுடைய மகள் நதியில் நீராட வந்தாள் அவளுடைய தாதிகள் நதியோரத்தில் இருந்தார்கள். இளவரசி நாணலுக்குள்ளே இருக்கிற பெட்டியைக் கண்டு, தன் தாதியை அனுப்பி அதைக் கொண்டுவரும்படி செய்தாள். அதைத் திறந்தபோது பிள்ளையைக் கண்டாள் பிள்ளை அழுதது அவள் அதின்மேல் இரக்கமுற்று, இது அடிமைகளாக இருக்கும் இஸ்ரவேல் பிள்ளைகளில் ஒன்று என ஊகித்துக்கொண்டாள்.

அப்பொழுது இதை பாத்துக் கொண்டிருந்த குழந்தையின் தமக்கை பார்வோனின் மகளை நோக்கி: உமக்கு இந்தப் பிள்ளையை வளர்க்கும்படி இஸ்ரவேல் பெண்களில் பால்கொடுக்கிற ஒருத்தியை நான் போய் உம்மிடத்தில் அழைத்துக்கொண்டு வரட்டுமா? என்றாள். அதற்கு இளவரசி இணங்கவே அவள் போய் குழந்தையின் தாயையே அழைத்துக் கொண்டுவந்தாள். பின்னர் இளவரசி குழந்தயை அவளிடம் கொடுத்து குழந்தை பால் மறக்கும் வரை வளர்ர்கும் பொறுப்பை கொடுத்தார். அதற்காக சம்பளமும் கொடுத்தாள்.அப்படியே குழந்தை தன் சுய தயிடமே வளர்ந்தது. பிள்ளை பெரியவனானபோது, அவள் அதைப் பார்வோனுடைய மகளிடத்தில் கொண்டுபோய் விட்டாள். பார்வோனுடைய மகள் அவனை நீரிலிருந்து எடுத்தேன் என்று பொருள்படும்படி, குழந்தைக்கு மோசே என்று பெயரிட்டாள்.

கிறுத்தவத்தில்[தொகு]

மோசே

மோசே பாறையை அடித்தல்
இறைவாக்கினர்
பிறப்பு கோசேன், கீழ் எகிப்து
இறப்பு நேபோ மலை, மோவாப்
ஏற்கும் சபை/சமயம் யூதம்
இசுலாம்
கிறித்தவம்
திருவிழா கிழக்கு மரபுவழி திருச்சபை மற்றும் கத்தோலிக்க திருச்சபையில்: செப்டம்பர் 4
சித்தரிக்கப்படும் வகை பத்துக்கட்டளைகளோடு


விடுதலைப்பயணம் விடுத்து பிற பழைய ஏற்பாடு நூல்கள் அனைத்தயும் விட மோசே புதிய ஏற்பாடு நூல்களில் அதிகம் குறிக்கப்படுகின்றார். கிறித்தவத்தில், இவர் இறை சட்டத்தின் அடையாளமாகக் கருதப்படுகின்றார். இது இயேசு கிறித்துவின் போதனைகளில் வெளிப்படுகின்றது. புதிய ஏற்பாட்டின் ஆசிரியர்கள் இயேசுவின் நற்செய்தியினை விளக்க இயேசுவின் செயல்களையும் மோசேயின் வார்த்தைகளையும் அடிக்கடி ஒப்புமை படுத்தியுள்ளனர். திருத்தூதர் பணிகள் 7:39–43, 51–53,இல் இசுரயேலரின் மூதாதையர் மோசேவுக்குக் கீழ்ப்படிய விரும்பாமல் அவரை உதறித் தள்ளியதும் கன்றுக்குட்டிச் சிலையைச் செய்து அதற்குப் பலி செலுத்தியதும் இயேசுவின் நற்செய்தியினை ஏற்கமறுப்பவரோடு ஒப்பிடப்படுகின்றது.

இயேசுவின் போதனைகள் பலவற்றிலும் மோசே இடம்பெற்றுள்ளார். யோவான் நற்செய்தி 3ஆம் அதிகாரத்தில், பரிசேயரும் யூதத் தலைவர்களுள் ஒருவருமான நிக்கதேமோடு உரையாடுகையில் "பாலைநிலத்தில் மோசேயால் பாம்பு உயர்த்தப்பட்டது போல மானிடமகனும் உயர்த்தப்பட வேண்டும். அப்போது அவரிடம் நம்பிக்கை கொள்ளும் அனைவரும் நிலைவாழ்வு பெறுவர். என்று குறிப்பிடுகின்றார்.

மத்தேயு நற்செய்தி 17, மாற்கு நற்செய்தி 9, மற்றும் லூக்கா நற்செய்தி 9, ஆகிய புதிய ஏற்ப்பாட்டு நூல்களில் இயேசு தோற்றம் மாறுதல் நிகழ்வில் எலியாவுடன் மோசேவும் இயேசுவோடு பேசுவதாக அமைந்துள்ளது. பிற்கால கிறித்தவர்கள் மோசேயின் வாழ்வோடும், இயேசுவின் வாழ்வோடும் பல ஒப்புமைகளைக்கண்டனர். இயேசுவின் பிறப்பின் போது நடந்த மாசில்லா குழந்தைகள் படுகொலையும் அதிலிருந்து இயேசு தப்பித்ததும், மோசேயின் பிறப்பின் போது குழந்தைகள் படுகொலையும் அதிலிருந்து மோசே தப்பித்ததும் ஒரு எடுத்துக்காட்டாகும்.

ஐக்கிய அமெரிக்க கீழவையில் உள்ள மோசேயின் புடைப்புச் சிற்பம்.

கிழக்கு மரபுவழி திருச்சபை, கத்தோலிக்க திருச்சபை மற்றும் லூதரனியத்தில் இவரின் விழா நாள் செப்டம்பர் 4 ஆகும்.[8] அர்மேனிய திருத்தூதர் திருச்சபையில் இவரின் விழா நாள் ஜூலை 30 ஆகும்.

மொர்மனியத்தில்[தொகு]

மற்ற கிறுத்தவ பிரிவுகளைவிடவும் பின்னாள் புனிதர் இயக்க மரபினை சேர்ந்த மொர்மனியத்தில் பல கூடுதல் நம்பிக்கைகள் உள்ளன. இவர்கள் விவிலிய விவரிப்பினை ஏற்றாலும், அதோடு, மோசே இறக்காமல் விண்ணகம் சென்றதாகவும் நம்புகின்றனர். மோசேயின் புத்தகங்கள் என்னும் நூலையும் தங்களின் புனித நூலாகக்கருதுகின்றனர்.[9] இந்த நூலை பிற கிறித்தவ பிரிவினர் திருமுறையாக ஏற்பதில்லை.[10]

இரண்டாம் யோசப்பு இசுமித்து மற்றும் ஆலிவர் கௌடரி ஏப்ரல் 3, 1836 அன்று மோசே மகிமையில் அவர்களுக்கு காட்சியளித்ததாகவும் அவர்களிடம் பூமியின் நான்கு பாகங்களில் உள்ள இசுரயேலரினை கூட்டிச்சேர்க்கவும், மற்றும் வடக்கு நிலத்தில் வாழும் பத்து பழங்குடியினரை வழிநடத்தவும் சாவிகளை அவர்களிடம் அளித்ததாக கூறியுள்ளனர்.[11]

இசுலாமில்[தொகு]

திருக்குர்ஆன் அதிகமுறை குறிப்பிடப்பட்டுள்ள நபர் மோசே ஆவார். நபிமார்கள் அனைவரிலும் இவரின் வாழ்வே அதிகம் சித்தரிக்கப்படுள்ளது.[12][13] மொத்தமாக 502 முறை இவர் குறிப்பிடப்பட்டுள்ளார்.

பகாய் சமயத்தில்[தொகு]

பகாய் சமயத்தில் மோசே கடவுளின் தூராக கருதப்படுகின்றார்.[14] மோசேக்கு இச்சமயத்தாரால் கொடுக்கப்படும் ஒரு அடைமொழி கடவுளோடு உரையாடுபவர் என்பது ஆகும்.[15] பகாவுல்லாவின் வெளிப்படுத்துதலுக்கு மோசே வழிவகுத்தார் என இவர்கள் நம்புகின்றனர்.[16]

இதையும் பார்க்கவும்[தொகு]

உசாத்துணை[தொகு]

  1. வார்ப்புரு:Bibleref
  2. "Princeton University Press Press Reviews, retrieved 6th June 2009". Press.princeton.edu (2011-11-06). பார்த்த நாள் 2012-04-03.
  3. The Quest for the Historical Israel: Debating Archeology and the History of Early Israel, 2007, Society of Biblical Literature, Atlanta, ISBN 978-1-58983-277-0.
  4. John Van Seters, "The life of Moses", ISBN 90-390-0112-X
  5. Seder Olam Rabbah[Full citation needed]
  6. ஜெரோமின் Chronicon (4th century)
  7. Annals of the World, 1658
  8. Great Synaxaristes: (கிரேக்கம்) Ὁ Προφήτης Μωϋσῆς. 4 Σεπτεμβρίου. ΜΕΓΑΣ ΣΥΝΑΞΑΡΙΣΤΗΣ.
  9. "About Mormons". About Mormons. பார்த்த நாள் 2010-03-02.
  10. "The Book of Moses". Lightplanet.com. பார்த்த நாள் 2010-03-02.
  11. The Doctrine and Covenants 110:11
  12. Annabel Keeler, "Moses from a Muslim Perspective", in: Solomon, Norman; Harries, Richard; Winter, Tim (eds.), Abraham's children: Jews, Christians, and Muslims in conversation, by . T&T Clark Publ. (2005), pp. 55 - 66.
  13. திருக்குர்ஆன் 28:7
  14. Historical Context of the Bábi and Bahá'í Faiths
  15. Paradise and Paradigm: Key Symbols in Persian Christianity and the Baháí̕ Faith, Christopher Buck - 1999
  16. The Bahá'í: The Religious Construction of a Global Identity - Page 256, Michael McMullen - 2000

"http://ta.wikipedia.org/w/index.php?title=மோசே&oldid=1667219" இருந்து மீள்விக்கப்பட்டது