கோவாலா

கட்டற்ற கலைக்களஞ்சியமான விக்கிபீடியாவில் இருந்து.

கோவாலா Koala[1]
காப்பு நிலை
அருகும்தருவாயில் உள்ளவை (IUCN) [2]
உயிரியல் வகைப்பாடு
திணை: (இராச்சியம்) விலங்கினம் தொகுதி: Chordata வகுப்பு பாலூட்டி உள்வகுப்பு: Marsupialia வரிசை: Diprotodontia துணைவரிசை: Vombatiformes குடும்பம்: Phascolarctidae பேரினம்: Phascolarctos இனம்: P. cinereus
இருசொற்பெயர்
Phascolarctos cinereus (Georg August Goldfuss, 1817)

கோவாலா (Koala) என்பது அவுஸ்திரேலியாவில் மட்டுமே காணக்கூடிய பாலூட்டி வகையைச் சேர்ந்த ஒரு மிருகம் ஆகும். இது அவுஸ்திரேலிய நாட்டின் ஒரு முக்கியமான அடையாளச் சின்னமாகக் கருதப்படுகிறது.

பொருளடக்கம் 1 பெயர்க் காரணம் 2 காணப்படும் இடங்கள் 3 அமைப்பு 4 உணவு 5 அழிந்து வரும் இனம் 6 மேற்கோள்கள் 7 வெளி இணைப்புகள்

[தொகு] பெயர்க் காரணம்

கோவாலா என்பது ஆஸ்திரேலிய ஆதிவாசிகளின் ஒரு சொல் ஆகும். தாருக் மொழியில் "கூலா" (gula) என அழைக்கப்பட்ட்ட்து^[3]. "தண்ணீர் (தேவை) இல்லை" என்பது இதன் பொருள். அதாவது, கோவாலாக்கள் தண்ணீர் குடிப்பதில்லை. தமக்குத் தேவையான நீரை தாம் வசிக்கும் யூக்கலிப்ரஸ் (eucalyptus) மரங்களின் இலைகளிலிருந்தே பெறுகின்றன.

முதலில் ஆங்கிலக் குடியேறிகள் இவற்றைக் "கோவாலாக் கரடி" எனவே அழைத்தனர்^[4]. குரங்குக் கரடி, "மரக் கரடி" என்ற பல்வேறு பெயர்களிலும் இவை அழைக்கப்பட்டன^[3].

அறிவியல் பெயரான "பாஸ்கொலார்க்டஸ்" (Phascolarctos) கிரேக்க மொழியில் இருந்து பெறப்பட்டது (phaskolos "அடைப்பம்", arktos "கரடி"). கோவாலாக்களின் வகை இலத்தீன் மொழியில் cinereus, அதாவது "சாம்பல்-நிறம்"^[5].

[தொகு] காணப்படும் இடங்கள்

இவை அவுஸ்திரேலியாவில் குயின்ஸ்லாந்து, வடக்கு நியூ சவுத் வேல்ஸ், விக்ரோறியா, தெற்கு அவுஸ்திரேலியா மாநிலங்களில் பெருமளவு காணப்படுகின்றன.

[தொகு] அமைப்பு

இதன் முரடான பாதங்களும் கால்களில் உள்ள கூரிய நகங்களும் மரங்களைப் பிடித்து ஏறுவதற்கு உதவுகின்றன. கோவாலா உடம்பில் சாம்பல் நிற வழுவழுப்பான உரோமங்களையும், அகன்ற காதுகளையும், பெரிய மூக்கையும் கொண்டிருக்கிறது.

[தொகு] உணவு

கோவாலாவின் பிரதான உணவு யூக்கலிப்ரஸ் இலைகளாகும். இந்த மரங்களிலேயே அவை வசிக்கின்றன. கோவாலா இந்த இலைகளையும் தெரிவு செய்தே சாப்பிடுகிறது. அவுஸ்திரேலியாவிலுள்ள 600 வகையான யூக்கலிப்ரஸ் மரங்களில் 50 வகையான மரங்களின் இலைகளைத் தான் கோவாலாக்கள் சாப்பிடுகின்றன. இந்த இலைகளில் 50 சதவீதம் நீரும், 5 சதவீத மாச்சத்தும், சீனியும் (சர்க்கரை) உண்டு. இந்த இலைகளால் கிடைக்கும் குறைந்த சக்தியை 19 மணித்தியாலம் நித்திரை கொள்வதன்மூலம் பயன்படுத்துகின்றன.

[தொகு] அழிந்து வரும் இனம்

உலகில் அழிந்துவரும் இனங்களில் இதுவும் ஒன்றாகும். குடியிருப்புகளுக்காகவும், பயிர்ச்செய்கை, பண்ணைத்தொழில் போன்றவற்றுக்காகவும் கோவாலாவின் வசிக்கும் நிலங்கள் அழிக்கப் படுவதால் இவற்றின் தொகை குறைந்து வருகிறது.

[தொகு] மேற்கோள்கள்

1. ↑ Groves, Colin (16 November 2005). Wilson, D. E., and Reeder, D. M. (eds). ed. Mammal Species of the World (3rd edition ed.). Johns Hopkins University Press. பக். 43. ISBN 0-801-88221-4. http://www.bucknell.edu/msw3/browse.asp?id=11000005. 
2. ↑ Australasian Marsupial & Monotreme Specialist Group (1996). Koala. 2006 ஐயுசிஎன் செம்பட்டியல். ஐயுசிஎன் 2006. தரவிறக்கப்பட்டது 2006-05-09.
3. ↑ ^{3.0 3.1} Dixon, R.M.W.; Moore, Bruce; Ramson, W. S.; Thomas, Mandy (2006). Australian Aboriginal Words in English: Their Origin and Meaning (2nd ed. ed.). South Melbourne: Oxford University Press. ISBN 0-19-554073-5. 
4. ↑ Leitner, Gerhard; Sieloff, Inke (1998). Aboriginal words and concepts in Australian English. World Englishes 17 (2): 153–169.
5. ↑ Kidd, D.A. (1973). Collins Latin Gem Dictionary. London: Collins. பக். 53. ISBN 0-00-458641-7. 

[தொகு] வெளி இணைப்புகள்

• பிரிஸ்பேனில் கோவாலா சரணாலயம் - செல்லியின் பதிவு (தமிழில்)
• koala.net (ஆங்கிலத்தில்)