எமிரேட்சு பறப்பு 521

எமிரேட்சு பறப்பு 521
	A6-EMW, விபத்திற்குள்ளான வகை வானூர்தி, 2009 இல் துபாய் பன்னாட்டு வானூர்தி நிலையத்தில் எடுக்கப்பட்டது
விபத்து சுருக்கம்
நாள்	ஆகத்து 3 2016
சுருக்கம்	சக்கரங்களைப் பயன்படுத்தாது இறங்குதல், புலனாய்வில்
இடம்	துபாய் பன்னாட்டு வானூர்தி நிலையம்; துபாய், ஐக்கிய அரபு அமீரகம் ; முனையம் 3
பயணிகள்	282
ஊழியர்	18
காயமுற்றோர்	0
உயிரிழப்புகள்	0 (பயணிகளும் வானூர்திப் பணியாளர்களும்); 1 (தரையிலிருந்த தீயணைப்பாளர்)
தப்பியவர்கள்	300 (அனைத்துப் பயணிகளும் வானூர்திப் பணியாளர்களும்)
வானூர்தி வகை	போயிங் 777-31H
இயக்கம்	எமிரேட்சு
வானூர்தி பதிவு	A6-EMW
பறப்பு புறப்பாடு	திருவனந்தபுரம் பன்னாட்டு வானூர்தி நிலையம்; திருவனந்தபுரம், இந்தியா
சேருமிடம்	துபாய் பன்னாட்டு வானூர்தி நிலையம்; துபாய், ஐக்கிய அரபு அமீரகம்

எமிரேட்சு பறப்பு 521 (Emirates Flight 521) இந்தியாவின் திருவனந்தபுரத்திலிருந்து ஐக்கிய அரபு அமீரகத்தின் துபாய்க்கு முன்கூட்டியே பதிப்பித்த காலவட்டவணைப்படி பறக்கும் பன்னாட்டு பயணிகள் பறப்பாகும்.^[4] எமிரேட்சு வான்வழிச் சேவை நிறுவனம் இதனை போயிங் 777 வானூர்தி கொண்டு இயக்குகின்றது.^[5] ஆகத்து 3, 2016 அன்று 282 பயணிகளுடனும்^[6] 18 பணியாளர்களுடனும்^[7]துபாய் வானூர்தி நிலையத்தில் கிட்டத்தட்ட 12:45க்கு இறங்கும்போது மோதி விபத்திற்குள்ளானது.^[8]^[9] அனைத்துப் பயணிகளும் பணியாளர்களும் விபத்திலிருந்து தப்பினர்; 13 பேருக்கு சிறு காயங்கள் ஏற்பட்டதாக அறிவிக்கப்பட்டது. இதில் பத்து பேர் மருத்துவமனைக்குக் கொண்டு செல்லப்பட்டதாகவும் மூவருக்கு வானூர்தி நிலையத்திலேயே சிகிச்சை வழங்கப்பட்டதாகவும் அறிவிக்கப்பட்டது.^[10] இருப்பினும், மீட்பு நடவடிக்கைகளின்போது வானூர்திநிலைய தீயணைப்பாளர் ஒருவர் உயிரிழந்ததாகத் தெரிகின்றது.^[3]

வானூர்தியும் பணியாளர்களும்

விபத்திற்குள்ளான வானூர்தி 13 ஆண்டுகள் இயக்கத்திலிருந்த போயிங் 777-31H இரக வானூர்தியாகும்; இதன் பதிவு எண் A6-EMW, தயாரிப்பாளர் தொடர் எண் 434. இது தனது முதல் பறப்பை மார்ச் 7, 2003இல் மேற்கொண்டது. மார்ச் 28, 2003இல் எமிரேட்சுக்கு வழங்கப்பட்டது. இதில் இரு ரோல்சு-ராய்சு 892 பொறிகள் பொருத்தப்பட்டுள்ளன.^[11]

பயணிகளும் பணியாளர்களும்

நாடுவாரியாக பயணித்தோர்^[12]
நாடு	எண்
ஆத்திரேலியா	2
பொசுனியா எர்செகோவினா	1
பிரேசில்	2
குரோவாசியா	1
எகிப்து	1
செருமனி	2
இந்தியா	226
அயர்லாந்து	4
லெபனான்	1
மலேசியா	2
பிலிப்பீன்சு	1
சவூதி அரேபியா	6
தென்னாப்பிரிக்கா	1
சுவிட்சர்லாந்து	1
தாய்லாந்து	2
தூனிசியா	1
துருக்கி	5
ஐக்கிய அரபு அமீரகம்	11
ஐக்கிய இராச்சியம்	24
ஐக்கிய அமெரிக்கா	6
மொத்தம்	300