ரிது லலித்
ரிது லலித் ( Ritu Lalit: பிறப்பு 1964) ஓர் இந்திய புதின ஆசிரியர், சிறுகதை எழுத்தாளர் மற்றும் இந்தியாவின் பரிதாபாத்தில் பணியாற்றும் வலைப்பதிவரும் ஆவார். இவர் புனைகதைகளில் பெரும்பாலும் கற்பனை மற்றும் திகில் வகைகளை எழுதுவதில் குறிப்பிடத்தக்கவராக அறியப்படுகிறார். இவர் எழுதிய பள்ளியில் பயிலும் மூன்று நண்பர்களைப் பற்றிய கதையாக 'எ பவுல்ஃபுல் ஆஃப் பட்டர்ஃபிளைஸ்', ஒரு மிகுபுனைவு ஆகும். திகில் கதையாக 'ஹிலாவி' உள்ளது. சாகசக் கதையாக, இவர் எழுதிய 'சக்ரா:, குரோனிகல்ஸ் ஆஃப் தி விட்ச் வே', கதை சொல்லப்படுகிறது. ஒரு விவாகரத்து பெற்ற இளம் பெண் தன் குழந்தைகளை வளர்க்கும் குற்றப்புனைவு கதையாக 'ராங் பார் த ரைட் ரீசன்ஸ்' மற்றும் 'ஹிஸ் பாதர்ஸ் மிஸ்ட்ரெஸ்' போன்றவை உள்ளன. இவர் ஐந்து புத்தங்களை எழுதியுள்ளார்.[1][2]
ஆரம்ப வாழ்க்கை மற்றும் கல்வி[தொகு]
ரிது லலித் இந்தியாவின் தில்லியில் பிறந்து வளர்ந்தவர். இவரது தந்தை இந்திய அரசாங்கத்தில் மின் பொறியாளராக இருந்த காரணத்தினால் அடிக்கடி இடமாற்றம் செய்யப்பட்டார். எனவே இவர் பல்வேறு கேந்திரிய வித்யாலயாக்களில் தனது பள்ளிப்படிப்பைப் பெற்றார், மணிப்பூரின் இம்பாலில் உள்ள லாம்பெல்பட் கேந்திரிய வித்யாலயாவில் தேர்ச்சி பெற்றார். இவர் இளங்கலை ஆங்கில இலக்கியத்தில் (கௌரவங்கள்) கௌஹாத்தி பல்கலைக்கழகத்தில் தங்கப் பதக்கம் வென்றவர். மேலும், டெல்லி பல்கலைக்கழகத்தில் ஆங்கில இலக்கியத்தில் முதுகலைப் பட்டம் பெற்றார். இவர் வணிக நிர்வாகத்தில் முதுகலை பட்டயப் படிப்பிலும் பட்டம் பெற்றவர் ஆவார்.[3]
தொழில்[தொகு]
ரிது லலித் தனது முதல் நாவலான "எ பவுல்ஃபுல் ஆஃப் பட்டர்ஃபிளைஸ்" ஐ 2011 இல் வெளியிட்டார், அதைத் தொடர்ந்து, "ஹிலாவி" என்கிற ஒரு திகில் கதையை 2012 இல் வெளியிட்டார். இவரது முதல் நாவலுக்கு முன், பிரசாந்த் கர்ஹாடேயின் தொகுப்பான இரண்டு சிறுகதைத் தொகுப்புகள் சிற்றலைகள் 2009 இல் வெளியிடப்பட்டன. இதைத் தொடர்ந்து 2011 ஆம் ஆண்டில் இவரது முழு நீள நாவலான 'எ பவுல்ஃபுல் ஆஃப் பட்டர்ஃபிளைஸ்', குறுக்கெழுத்து புத்தக விருதுக்காக பட்டியலிடப்பட்டது. 2012 இல் பாப்புலர் பிரகாஷனால் வெளியிடப்பட்ட லலித்தின் இரண்டாவது புனைகதை மற்றும் திகில் படைப்பு "ஹிலாவி" ஆகும். இது புராணக்கதைகள் வெறும் கதைகள் அல்ல என்பதை ஆராய்கிறது. இவரது முதல் நாவலான 'எ பவுல்ஃபுல் ஆஃப் பட்டர்ஃபிளைஸ்' மற்றும் 'ஹிலாவி' ஆகியவற்றின் வெற்றிக்குப் பிறகு, பஞ்சதந்திரத்தின் கட்டுக்கதைகள் மற்றும் மனித உடலில் உள்ள ஆற்றல் சுழல்கள் பற்றிய வேதக் கருத்துகளால் ஈர்க்கப்பட்டு, இவர், தனது மூன்றாவது நாவலான சக்ரா: க்ரோனிகல்ஸ் ஆஃப் தி விட்ச் வேயை மே 2013 இல் வெளியிட்டார். 2014 ஆம் ஆண்டில், இவர் தனது நான்காவது நாவலான 'ஹிஸ் ஃபாதர்ஸ் மிஸ்ட்ரஸ்' ஐ, லிஃபை பப்ளிகேஷன்ஸ் மூலமாக வெளியிட்டார், மேலும் 2015 ஆம் ஆண்டில் 'ராங் ஃபார் தி ரைட் ரீசன்ஸ்' என்ற மற்றொரு நாவலை வெளியிட்டார்.[4]
இவரது சிறுகதைகள் மத்திய இடைநிலைக் கல்வி வாரியத்தின் (CBSE) பாடத்திட்டத்தின் 8 ஆம் வகுப்பு மற்றும் 12 ஆம் வகுப்பின் ஒரு பகுதியாக கற்பிக்கப்படுகின்றன. இவரது இரண்டு கதைகள் தேசிய கல்வி ஆராய்ச்சி மற்றும் பயிற்சி கவுன்சிலால் வெளியிடப்பட்டது. இவர் ஃபீனிக்ஸ் ரிது என்ற பெயரில் வலைப்பதிவு செய்து எழுதுகிறார்.[5][6][7][8]
குறிப்புகள்[தொகு]
- ↑ "Printpick". தி இந்து. 9 August 2011. http://www.thehindu.com/todays-paper/tp-features/tp-metroplus/article2338031.ece.
- ↑ "An Interview with Ritu Lalit!". 24 August 2013. http://themag.in/2013/08/an-interview-with-ritu-lalit/.
- ↑ "Interview with Ritu Lalit aka PhoenixRitu". BlogAdda. 9 April 2009. Archived from the original on 29 October 2016. பார்க்கப்பட்ட நாள் 10 October 2015.
- ↑ "An Author Interview of Ritu Lalit with Smart Indian Women". Smart India Women. 24 June 2015.
- ↑ "Wish to pen a book? Make a splash with blogging". The Indian Express. IANS. 8 September 2015. https://indianexpress.com/article/lifestyle/life-style/wish-to-pen-a-book-make-a-splash-with-blogging/.
- ↑ "Blogging takes a novel turn". 16 July 2012. https://phoenixritu.files.wordpress.com/2013/05/ht-live.jpg.
- ↑ "Chasing sunshine". https://phoenixritu.files.wordpress.com/2013/05/femina-1.jpg.
- ↑ "Letting Go: A Mother's Perspective". 4 May 2012. http://www.womensweb.in/articles/letting-go-indian-mother/.
