ஜம்மு-பாரமுல்லா இருப்புப் பாதை
| ஜம்மு-ஸ்ரீநகர்-பாரமுல்லா இருப்புப் பாதை | |||
|---|---|---|---|
 ஜம்மு காஷ்மீர் இருப்புப் பாதையின் வரைபடம் | |||
| கண்ணோட்டம் | |||
| உரிமையாளர் | இந்திய இரயில்வே | ||
| வட்டாரம் | ஜம்மு காஷ்மீர் | ||
| முனையங்கள் | |||
| சேவை | |||
| செய்குநர்(கள்) | வடக்கு இரயில்வே | ||
| தொழில்நுட்பம் | |||
| வழித்தட நீளம் | 356 கி.மீ. | ||
| தண்டவாளங்களின் எண்ணிக்கை | 1 | ||
| தட அளவி | அகலப் பாதை | ||
| மிக உயர்ந்த நிலைமுகம் | 327–1,590 m (1,073–5,217 அடி) | ||
| |||
ஜம்மு-ஸ்ரீநகர்-பாரமுல்லா இருப்புப் பாதை (Jammu–Srinagar–Baramulla railway line)[1] இந்தியாவின் ஜம்மு காஷ்மீர் பகுதியில் அமைந்த காஷ்மீர் பள்ளத்தாக்கில் உள்ள பாரமுல்லா - ஸ்ரீநகர் பகுதிகளை, ஜம்முவுடன் இணைக்கும் 356 கி.மீ. நீளம் கொண்ட இருப்புப் பாதை, ரூபாய் 10,000 கோடி மதிப்பில் அமைக்கும் திட்டம் 2002-ஆம் ஆண்டு முதல் செயல்படுகிறது.[2][3] இந்த இருப்புப் பாதை அமைக்கும் திட்டம் முழுவதும் முடிவடைந்த பிறகு புதுதில்லியிலிருந்து - ஸ்ரீநகரை 14 மணி நேர பயண நேரத்தில் அடையலாம்.
தற்போது ஜம்மு-வைஷ்ணதேவி கோயில்-உதம்பூரை இணைக்கும் இருப்புப் பாதை அமைக்கும் பணிகள் முடிவடைந்து தொடருந்துகள் இயக்கப்படுகிறது.[4] கற்றா நகரத்திலிருந்து, பனிஹால் வரையிலான 67 கி.மீ. நீளத்திற்கு இருப்புப் பாதைகள் அமைக்கும் பணிகள் 2019-இல் முடிவடைந்துள்ளது.[5] 2011-இல் இந்த இருப்புப் பாதைத் திட்டம் குப்வாரா வரை நீட்டிக்கத் திட்டமிடப்பட்டுள்ளது.[6] மேலும் ஜம்முவின் இராம்பன் மாவட்டத்தில் உள்ள பனிஹால்-காசிகுண்ட்-அனந்தநாக்-ஸ்ரீநகர், பட்காம் மற்றும் பாரமுல்லா நகரங்களை இணைக்கும் இருப்புப் பாதை பணிகள் முடிவடைந்து தொடருந்துகள் இயக்கப்படுகிறது.[7][8] இதில் விடுபட்ட வைஷ்ணதேவி-பனிஹால் நகரங்களை இணைக்கும் பணிகள் 2021-இல் முடிவடையும்.[9] மேலும் இந்த இருப்புப் பாதை அமைக்கும் திட்டம் குப்வாரா வரை நீட்டிக்கத் திட்டமிடப்பட்டுள்ளது.[6]
இருப்புப் பாதையின் தொலைவை குறைக்க வேண்டி, இமயமலையின் பிர் பாஞ்சல் மலைத்தொடரில் பல இடங்களில் மலையைக் குடைந்து சுரங்கங்கள் அமைக்கப்படுகிறது. அவைகளில் ஒன்று 12 கி.மீ. நீளம் கொண்ட பீர் பாஞ்சால் சுரங்க இருப்புப்பாதை ஆகும்.
தொடருந்து சுரங்கப்பாதைகளும், மேம்பாலங்களும்
[தொகு]இருப்புப் பாதை அமைக்க 100 கி.மீ. நீளத்திற்கு, 27 மேம்பாலங்கள், 37 சுரங்கப்பாதைகள் அமைக்கப்படுகிறது. அவைகளில் நீளமான சுரங்கப் பாதை 11,215 மீட்டர் நீளம் கொண்ட பீர் பாஞ்சால் சுரங்க இருப்புப்பாதை ஆகும்.[3] .[10] மேலும் செனாப் ஆற்றின் மீது 1,178 அடி உயரத்தில், 2156 அடி அகலத்தில், உலகத்தின் மிக உயரமான செனாப் இருப்புப் பாதை மேம்பாலம் கட்டிமுடிக்கும் தருவாயில் உள்ளது.[11][12]
ஜம்மு-ஸ்ரீநகர்-பாரமுல்லா இருப்புப் பாதையில் 30 தொடருந்து நிலையங்கள் அமைக்கப்படுகிறது. இவ்வழித்தடத்தில் நாள் ஒன்றுக்கு 10-12 தொடருந்துகள் இயக்கத் திட்டமிடப்பட்டுள்ளது.
ஜம்மு - பாரமுல்லா இருப்புப் பாதை முழுமையாக அமைக்கும் திட்டம் 2021-இல் முடிக்கத் திட்டமிடப்பட்டுள்ளது.[13]
இதனையும் காண்க
[தொகு]- பீர் பாஞ்சால் சுரங்க இருப்புப்பாதை
- செனாப் பாலம்
- ஜவகர் குகை
- செனானி-நஷ்ரி சுரங்கச்சாலை
- பனிஹால்-காசிகுண்ட் சுரங்கச்சாலை
- சோஜி லா சுரங்கச்சாலை
மேற்கோள்கள்
[தொகு]- ↑ "Jammu-Baramulla line". Railway Technology.
- ↑ Jammu-Udhampur-Srinagar-Baramulla Rail Links
- ↑ 3.0 3.1 Harish Kunwar. "Train-Link for J & K Prosperity". Press Release, Press Information Bureau, Government of India, dated 2008-10-16. Retrieved 25 November 2008.
- ↑ Jammu - Katra Trains
- ↑ 67 km of Katra-Banihal railway line completed
- ↑ 6.0 6.1 https://www.hindustantimes.com/india-news/credit-war-in-kashmir-after-centre-approves-railway-link/story-jcraISRn4F9xvbd16SQy6M.html
- ↑ Baramulla Railway Timetable
- ↑ Srinagar Railway Staion Time Table
- ↑ Railway line linking Kashmir with rest of India may become functional by 2021
- ↑ "Salient Design Features of the Chenab and Anji Khad bridges" (PDF). Official webpage of the Konkan Railway Corporation Limited. Archived from the original (PDF) on 8 December 2003. Retrieved 14 August 2008.
- ↑ Chenab Rail Bridge
- ↑ Construction on Iconic Chenab Rail Bridge Stops, Kashmir Rail Link Project Delayed Further
- ↑ Railway line linking Kashmir with rest of India may become functional by 2021