கொடுகொட்டி (இசைக்கருவி)

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

கொடுகொட்டி என்பது தோற்கருவி வகை சார்ந்த தமிழர் இசைக்கருவிகளுள் ஒன்றாகும். இது ஒரு வகைப் பறை எனும் முழவுக்கருவியாகும். இதனைப் பற்றிய குறிப்புகள் சிலப்பதிகாரத்திலும் தேவாரத்திலும் உள்ளன. நாகசுரக் கச்சேரிகளிலும் இடம்பெறுகிறது.[1]

பிற பெயர்கள்[தொகு]

கிடுகிட்டி, கிடிகிட்டி,கிரிகிட்டி என வெவ்வேறுவிதமாக இந்த இசைக்கருவி அழைக்கப்பட்டுள்ளது[2].

அமைப்பு[தொகு]

இது இரு கருவிகள் இணைந்த இசைக்கருவி. அடியில் குறுகி, முகம் படர்ந்த இக்கருவிகள் இரண்டின் நடுப்புறமும் ஒன்றாகப் பிணைக்கப்பட்டிருக்கும்.[3]

பொய்க்கால் ஆட்டம், பூம்பூம் மாட்டுக்காரர்கள் உறுமியிசை, மாட்டுகலியாணக் கூத்து போன்றவற்றில் இக் கருவி இசைக்கப்படுகிறது.

கிடிகிட்டி வாத்தியக் கலைஞர்கள்[2][தொகு]

நாகப்பட்டணத்திற்கு அருகிலுள்ள கீழ்வேளுர் எனும் ஊரில் கேடிலியப்பர் எனும் கோயில் உள்ளது. இக்கோவிலின் வழிபாடுகளில் கிடிகிட்டி இசை முக்கிய இடம்பெற்றது. இதன்காரணமாக இவ்வூரில் கிடிகிட்டி வாத்தியக் கலைஞர்கள், தலைமுறைத் தலைமுறையாக வாழ்ந்து வந்துள்ளனர்.

சுப்பிரமணியப் பிள்ளை (1787 - 1846), சண்முகம் பிள்ளை (1835 - 1897), ராமையா பிள்ளை (1876 - 1955) எனும் தலைமுறைக் குடும்பக் கலைஞர்கள் குறிப்பிடத்தக்கோர். இவர்களுக்குப் பிறகு வந்த முத்துவீர் பிள்ளை, கோவிந்தராஜ பிள்ளை என்போருக்கு கிடிகிட்டி வாசிக்கத் தெரியும். எனினும், தவிலிசைக் கலைஞர்களாக இசைத் துறையில் இருக்கிறார்கள்.

கீவளூர் சுப்பராய பிள்ளை, பந்தணைநல்லூர் கோவிந்தபிள்ளை , தில்லையாடி ஸ்ரீநிவாச பிள்ளை ஆகியோர் வல்லுனர்களாக விளங்கியுள்ளனர்.

தேவாரத்தில் கொடுகொட்டி பற்றிய குறிப்புகள்[தொகு]

  • கொக்ரை, குழல், வீணை, கொடுகொட்டி-பக்கமேபகு வாயன பூதங்கள் ஒக்க ஆடல் உகந்து உடன் கூத்தராய்
  • குரவனார் கொடுகொட்டியும் கொக்கரை, விரவினார் பண்கெழுமிய வீணையும்;[4]
  • கொண்டபாணி கொடுகொட்டி தாளம் கைக் கொண்ட தொண்டரை[5]
  • கொடுகொட்டி கொட்டாவந்து;[6]
  • கொடுகொட்டி கொண்டது ஓர் கையான் தன்னை;[7]
  • குண்டைப் பூதம் கொடுகொட்டி கொட்டிக் குனித்துப் பாட;[8]
  • கொடுகொட்டி கையல குகையிற்கண்டேன்[9]
  • கொடுகொட்டி கொண்டு ஒரு கை [10]
  • கொடுகொட்டி கால் ஒர் கழலரோ;[11]
  • விட்டு இசைப்பன கொக்கரை கொடுகொட்டி தத்தளகம், கொட்டிப்பாடும் இத்துந்துமியொடு[12]

சான்றுகள்[தொகு]

  1. இரட்டை நாயன முறை
  2. 2.0 2.1 சுந்தரம், பி. எம். (டிசம்பர் 2013). மங்கல இசை மன்னர்கள். சென்னை: முத்துசுந்தரி பிரசுரம். பக். 373, 377. 
  3. வெ. நீலகண்டன். (2011). வாழ்விழந்து வரும் கிராமிய இசைக் கருவிகள். சென்னை: பிளக்கோல் பதிப்பகம்.
  4. நாவுக்கரசர் தேவாரம்,காளப்பகாட்டிருக்குருந்தொகை :1
  5. நாவுக்கரசர் தேவாரம், திருப்பாலைத்துறை:7
  6. நாவுக்கரசர், திரு ஆமாத்தூர்:6
  7. நாவுக்கரசர், திருவாரூர் தாண்டகம்:(6)-3
  8. நாவுக்கரசர்,திருவெண்காடு:5
  9. நாவுக்கரசர், திருத்தாண்டகம்:8
  10. சம்பந்தர், திருவலம்புரம்:2
  11. சுந்தரர், தேவாரம்:5
  12. சுந்தரர், திருமுருகன் பூண்டி

வெளியிணைப்புகள்[தொகு]

தொகு தமிழிசைக் கருவிகள்
தோல் கருவிகள் ஆகுளி | உறுமி | தவில் | பறை | மிருதங்கம் | மத்தளம் | பெரும்பறை | பஞ்சறை மேளம் | முரசு | தமுக்கு | பேரிகை | பம்பை | மண்மேளம் | கஞ்சிரா | ஐம்முக முழவம் | கொடுகொட்டி (அல்லது) கிடிகிட்டி
நரம்புக் கருவிகள் வீணை | யாழ் | தம்புரா | கோட்டு வாத்தியம்
காற்றுக் கருவிகள் கொம்பு | தாரை | நாதசுவரம் | புல்லாங்குழல் | சங்கு | மகுடி | முகவீணை| எக்காளம்
கஞ்சக் கருவிகள் தாளம் | சேகண்டி |
பிற கொன்னக்கோல் | கடம் |