வீணை

வீணை வீணை
நரம்பிசைக்கருவி
வகைப்பாடு	நரம்பு இசைக்கருவி
தொடர்புள்ள கருவிகள்
யாழ், உருத்திர வீணை, சரசுவதி வீணை, மகாநாடக வீணை, விசித்திர வீணை, கோட்டு வாத்தியம், சித்தார், தம்புரா

வீணை (veena) ஒரு நரம்பு இசைக் கருவி. மிக அழகிய இசைக்கருவியான இது மிகவும் பிரபலம் வாய்ந்தது. இந்திய இசையின் பல நுட்பங்களையும், தத்துவங்களையும் இந்தக் கருவியின் மூலம் தெளிவாக வெளிப்படுத்தலாம்.

வரலாறு

பண்டைக்காலம் தொட்டு வீணை வாசிக்கப்பட்டு வந்தாலும், கி.பி. 17-நூற்றாண்டில்தான் அது தற்போதைய உருவத்தை அடைந்தது. தஞ்சையை ஆண்ட ரகுநாதர் மன்னரின் காலத்தில் இது நிகழ்ந்தது.

வீணையின் பாகங்கள்

குடம், மேற்பலகை, தண்டி, மாடச்சட்டம், சுரைக்காய், பிரடைகள், யாழிமுகம், மேளச்சட்டம், மெழுகுச்சட்டம், 24 மெட்டுக்கள், குதிரைகள், லங்கர், நாகபாசம் ஆகியவை வீணையின் பாகங்களாகும்.

வீணையின் அமைப்பு

வீணை மீட்டு கருவிகளின் வகையைச் சேர்ந்தது. வீணையில் 3-1/2 ஸ்தாயிகள் வாசிக்கலாம். 4 தந்திகள் வாசிப்பதற்கும், 3 தந்திகள் சுருதிக்காகவும் தாளத்திற்காகவும் அமைந்துள்ளன. பலா மரத்தினால் வீணை செய்யப்படுகின்றது.

தண்டியின் ஒரு பக்கத்தில் குடமும், மற்றொரு பக்கத்தில் யாளி முகமும் இணைக்கப்பட்டிருக்கும். தண்டி, குடப்பக்கத்தில் சற்றுப் பருத்தும், யாளி முனைப் பக்கத்தில் சற்றுச் சிறுத்தும் இருக்கும். தண்டியின் இரு பக்கங்களிலும் மெழுகுச் சட்டங்கள் உண்டு. அவைகளின் மேல் 2 ஸ்தாயிகளைத் தழுவிய 24 மெட்டுக்கள் மெழுகினாற் செய்யப்பட்டிருக்கும்.

யாளி முகத்திற்கு அருகிலிருக்கும் சுரைக்காய் ஒரு தாங்கியாகவும், ஒலிபெருக்கும் சாதனமாகவும் பயன்படுகின்றது. 4 வாசிப்புத் தந்திகள் லங்கர்களின் நுனியிலுள்ள வளையங்களில் முடியப்பட்டு, குதிரையின் மேலும், மெட்டுக்களின் மேலும் சென்று பிரடைகளில் பிணைக்கப்பட்டிருக்கும்.

நாகபாசத்தில் சுற்றப்பட்டிருக்கும் லங்கர்களின் மேல் உள்ள சிறுவளையங்கள் சுருதியைச் செம்மையாக சேர்ப்பதற்குப் பயன்படும். வளையங்களி நாகபாசப் பக்கமாகத் தள்ளினால் சுருதி அதிகரிக்கும். யாளியின் பக்கம் தள்ளினால் சுருதி குறைவடையும். மேலும், பிரடைகளை யாளி முகப்பக்கம் தள்ளினால் சுருதி குறைவடையும்.

தஞ்சாவூர் வீணையில் குடத்தின் வெளிப்புறத்தில் 24 நாபுக்கள் கீறப்பட்டிருக்கும். ஒரே மரத்துண்டிலிருந்து தண்டியும் குடமும் குடைந்து செய்யப்பட்டுள்ள வீணைக்கு ஏகாந்த வீணை' என்று பெயர். வீணை குடத்தின் மேல் பலவகைகளில் பல ஒலித்துளைகள் வட்டவடிவமாகப் போடப்படிருக்கும்.

• 
  சரசுவீணை
• 
  சுருதிகளை மாற்றுபவை
• 
  மீட்டும் பகுதி
• 
  ஏகண்டம்-வீணைக்குடம்

வாசிப்புத் தந்திகள்

• சாரணி (ச)
• பஞ்சமம் (ப)
• மந்தரம் (ச)
• அநுமந்தரம் (ப)

தாள-சுருதித் தந்திகள்

• பக்கசாரணி (ச)
• பக்கபஞ்சமம் (ப)
• ஹெச்சு சாரணி (ச்)

வாசிக்கும் முறை

வலது கையின் ஆள்காட்டி விரலும் நடுவிரலும் கம்பிகளை மீட்டுவதற்கும், இடது கையின் ஆள்காட்டி விரலும் நடுவிரலும் வாசிப்பதற்கும் பயன்படுத்தப்படுகின்றன. தாள-சுருதித் தந்திகள் வலதுகை சுண்டுவிரலால் மீட்டப்படும். தந்திகளை மீட்டுவதற்காக சிலர் விரல்களில் நெளி அல்லது மீட்டி எனப்படும் சுற்றுக் கம்பிகளை அணிந்து கொண்டு மீட்டுவர். நகங்களால் மீட்டுவதும் உண்டு. வீணையை மீட்டுபவர் தன்னுடைய வலது கையில் மீட்டுகோளை அணிந்து மீட்டு கம்பிகளை இடது கையால் அழுத்தி, கீழ் தண்டிலுள்ள மீட்டு கம்பிகளை வலது கையால் மீட்டுவார்.

தரையில் அமர்ந்து மடியில் வைத்து வலது தொடையால் தாங்கிக்கொண்டு வீணை மீட்டப்படும்.

வீணை வகைகள்

• 
  உருத்திரவீணை
• 
  விசித்திர வீணை
• 
  நவசித்திரவீணை
• 
  மோகன் வீணை
• 
  சாத்வீக வீணை
• 
  அன்சவீணை

பலவகையான வீணைகள் உள்ளன. அவற்றுட் சில:

• சரசுவதி வீணை
• உருத்திர வீணை
• விசித்திர வீணை
• மகாநாடக வீணை
• ஏகாந்த வீணை (ஒரே மரத்தால் செய்யப்பட்ட வீணை)

வீணைக்கு உகந்த பக்கவாத்தியங்கள்

• தம்புரா
• தவில்

புகழ் பெற்ற வீணை இசைக் கலைஞர்கள்

வீணை தனம்மாள்

• காரைக்குடி சாம்பசிவ ஐயர்
• வீணை சிட்டிபாபு
• எஸ். பாலச்சந்தர்
• வீணை தனம்மாள்
• வீணை காயத்ரி
• ஆர். பிச்சுமணி ஐயர்
• ஈமணி சங்கர சாஸ்திரி

மேலும் காண்க

• கிதார்
• சிதார்
• மின் கிதார்
• பிளமேன்கோ கிதார்
• சந்தூர்
• செம்மிசை கிதார்
• சைவத் திருமுறைகளில் குறிப்பிடப்படும் இசைக்கருவிகள்

வெளி இணைப்புகள்

• நல்லதோர் வீணை செய்தே
• Mastering the king of instruments - உருத்திர வீணை குறித்த சில தகவல்கள்