காலி மும்மொழிக் கல்வெட்டு

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
இலங்கையின் கொழும்பு தேசிய நூதனசாலையில் காட்சிக்கு வைக்கப்பட்டுள்ள காலி மும்மொழி கல்வெட்டு - திசம்பர் 2011.

காலி மும்மொழிக் கல்வெட்டு (Galle Trilingual Inscription) இலங்கையின் காலியில் சீனக் கடற்படைத்தளபதி செங் கே இத்தீவிற்கு இரண்டாம் முறை வந்ததின் நினைவாக 1409 ஆண்டில் சீன, தமிழ், பாரசீகம் ஆகிய மூன்று மொழிகளில் எழுதப்பட்ட கற்றூண் கல்வெட்டு ஆகும். இந்த உரையில் சீனத் தளபதியாலும் பிறராலும் சிவனொளிபாத மலையின் மீதான அல்லாஹ், தமிழர் கடவுளாம் தேனாவரை நாயனார் மற்றும் புத்தர் கோவில்களுக்குக் கொடுக்கப்பட்ட நன்கொடைகள் விவரிக்கப்பட்டுள்ளன. உலகம் வணிக நோக்குடன் அமைதியான இடமாகத் திகழ இந்துக் கடவுளரை கடற்த்தளபதி வேண்டிக் கொண்டார்.[1] இக்கல்வெட்டு காலியில் 1911இல் கண்டெடுக்கப்பட்டு தற்போது கொழும்பு தேசிய அருங்காட்சியகத்தில் காட்சிப்படுத்தப்பட்டுள்ளது.

1409இல் தனது மூன்றாவது முறையான பயணத்தில் செங் கே சீனாவிலிருந்து புறப்படும்போதே இலங்கையில் எழுப்ப திட்டமிட்டிருந்த பன்மொழி கல்வெட்டை தன்னுடன் கொணர்ந்தான். இந்த நாள் பெப்ரவரி 15, 1409 ஆகும்; இக்கல்வெட்டு நாஞ்சிங்கில் பொறிக்கப்பட்டுள்ளது. சீனமொழியிலான உரை கௌதம புத்தரை போற்றுவதோடு அவருக்கு அளிக்கப்பட்ட தாராளமான நன்கொடையை விவரிக்கிறது.

இக்கல்வெட்டினை எஸ். எச். தோம்லின் என்ற பொறியாளர் 1911இல் கண்டெடுத்தார். இலங்கை நூதனசாலையில் உள்ளதைப் போலவே தற்கால நகலொன்று நாஞ்சிங்கின் புதையல் படகுத்துறை பூங்காவில் நிறுவப்பட்டுள்ளது.

வழங்கல்கள்[தொகு]

காலி கல்வெட்டு (தற்கால நகல்), கீழ்ப் பாதி.

1,000 தங்கக் காசுகள்; 5,000 வெள்ளிக் காசுகள்; 50 பூந்தையலிடப்பட்ட பட்டு தொகுதி பல வண்ணங்களில்; 50 பட்டு டபெட்டா, பல வண்ணங்களில்; 4 சோடிகள் ஆபரண பதாகைகள், தங்க பூந்தையலிட்ட பன்னிறமுள்ள பட்டு- 2 சோடிகள் சிவப்பில், ஒரு சோடி மஞ்சளில், ஒரு சோடி கருப்பில்; 5 பழங்கால பித்தளை ஊதுபத்தி தாங்கிகள்; 5 சோடி பழங்கால பித்தளை மலர் சட்டிகள் - லாக்குவரில் தங்க வடிவங்களுடனும் தங்க நிறுத்தங்களுடனும்; 5 மஞ்சள் பித்தளை விளக்குகள் லாக்குவரில் தங்க வடிவங்களுடனும் தங்க நிறுத்தங்களுடனும்; சிவப்பு நிறத்தில் 5 ஊதுபத்தி கிண்ணங்கள் லாக்குவரில் தங்க வடிவங்களுடனும் தங்க நிறுத்தங்களுடனும்; 6 சோடி தங்கத் தாமரை மலர்கள்; 2,500 அலகுகள் நறுமண எண்ணெய்; 10 சோடி மெழுகு வத்திகள்; 10 தூப கட்டிகள்.

மேற்சான்றுகள்[தொகு]

  1. Robert D. Kaplan. (2010) Monsoon: The Indian Ocean and the Future of American Power

மேலும் அறிய[தொகு]

வெளி இணைப்புகள்[தொகு]