இரிச்சர்ட் பாட்டியே

  இரிச்சர்டு பாட்டியே (பிறப்புஃ அக்டோபர் 19,1969) ஒரு அண்டவியல் கோட்பாட்டு இயற்பியலாளரும் முன்னாள் முதல் தர கிரிக்கெட் வீரரும் ஆவார். அவர் தற்போது மான்செசுட்.டர் பல்கலைக்கழகத்தில் அண்டவியல் பேராசிரியராக உள்ளார். 2015 முதல் யோதிரெல் வங்கி வானியற்பியல் மையத்தில் இணை இயக்குநராக (அறிவியல்) இருந்து வருகிறார்.

கல்வியும் தொழிலும்

பாட்டியே 19 அக்டோபர் 1969 அன்று அடர்சுபீல்டு யார்க்சயரில் பிறந்தார். அவரது இளங்கலை பட்டம் கேம்பிரிட்ஜ் டிரினிட்டி கல்லூரியில் கணிதத்தில் பெறப்பட்டது , அங்கு அவர் 1991 இல் முதல் வகுப்பு தகைமை இளங்கலை கலை பட்டமும் 1992 இல் கணிதத்தில் உயர் ஆய்வு சான்றிதழும் பெற்றார். பின்னர் பால் செலார்டு மேற்பார்வையில் பயன்பாட்டுக் கணிதம், கோட்பாட்டு இயற்பியல் துறையில் முனைவர் பட்டம் பெற்றார். 1995 ஆம் ஆண்டில் " சரக் கதிர்வீச்சு ஊடாட்டங்களும் மற்றும் கட்டுப்பாடுகளும் " குறித்த தனது ஆய்வறிக்கையை தருவதற்கு முன்பு 1994 ஆம் ஆண்டில் முதுகலை பட்டம் பெற்றார். கேம்பிரிட்ஜில் இருந்தபோது , 1995 ஆம் ஆண்டில் கேம்பிரிட்ஜ் பல்கலைக்கழக துடுப்பாட்டக் குழுவிற்காக எட்டு முதல் தர போட்டிகளில் விளையாடினார் , 32.58 சராசரியாக 391 ரன்கள் எடுத்தார்.

தனது முனைவர் பட்டத்தின் முடிவில் இவர் 1995 இல் டிரினிட்டி கல்லூரியில் ஒரு ஆராய்ச்சி உதவித்தொகைக்கு தேர்ந்தெடுக்கப்பட்டார் , மேலும் இவர் ஒரு PPARC முதுமுனைவர் உதவித்தொகையையும் பெற்றார். இம்பீரியல் கல்லூரியில் 2 ஆண்டுகள் முதுகலை பட்டமும் , அதைத் தொடர்ந்து 4 ஆண்டுகள் DAMTP இல் முதுமுனைவர் பட்டமும் பெற்றார். 1999 ஆம் ஆண்டில் PPARC உயர் ஆராய்ச்சி உதவித்தொகையைப் பெற்றார். செப்டம்பர் 2001 இல் அவர் மான்செஸ்டர் இயற்பியல், வானியல் பல்கலைக்கழகத்தில் விரிவுரையாளராகச் சென்றார் , அங்கு அவர் யோதிரெல் வங்கி ஆய்வகத்தில் 2007 இல் ஆலன் தூரிங்கு கட்டிடத்திற்குச் செல்லும் வரை இருந்தார். 2005 ஆம் ஆண்டில் மூத்த விரிவுரையாளராகவும் , 2008 ஆம் ஆண்டில் ஒரு உயர் விரிவுரையாளராககவும் , 2012 ஆம் ஆண்டில் அண்டவியல் பேராசிரியராகவும் ஆனார்.

ஆராய்ச்சி

அவரது ஆராய்ச்சி இருண்ட பொருளின் தோற்றம், அண்ட உப்புதல், துகள் இயற்பியல், சரக் கோட்பாடு இவற்றின் இணைப்புகள் ஆகியவற்றில் கவனம் செலுத்துகிறது , இது அண்ட நுண்ணலைப் பின்னணி, புடவிப் பேரியல் கட்டமைப்பை நோக்குவதன் மூலம். அவர் இடத்தியல் குறைபாடுகள் மற்றும் சாலிட்டான்கள் குறித்தும் பணியாற்றுகிறார். அவர் மீச்சிறு அணி, பிளாங்க் ஒத்துழைப்புகளில் உறுப்பினராக இருந்தார்.

மேலும் காண்க

• List of Cambridge University Cricket Club players