இந்திய வானியலின் 27 நட்சத்திரங்கள்

குறிப்பிட்ட நாள்மீன் கூட்டம், அல்லது நட்சத்திரம் என்பது, இராசிச் சக்கரத்தை 27 சமபங்குகளாகப் பிரிக்கப்பட்ட பிரிவுகளைக் குறிக்கும். ஒவ்வொரு இராசி வீட்டையும் தமிழில் ஓரை என்பர். ஒரு நட்சத்திரம் என்பது பஞ்சாங்கத்தின் ஓர் உறுப்பாக வரும் போது, ஒரு குறிப்பிட்ட நேரத்தில் சந்திரன் நிற்கும் நாள்மீன்கூட்டப் பிரிவை (நட்சத்திரப் பிரிவை) இப் பெயர் குறிக்கிறது. எடுத்துக்காட்டாக ஒரு குறிப்பிட்ட நேரத்தில் சந்திரன் இராசிச் சக்கரத்தில் இரேவதி நட்சத்திரப் பிரிவில் இருந்தால் அந்த நேரத்துக்குரிய நட்சத்திரம் ரேவதி ஆகும். எனவே வானில் திங்கள் நிற்கும் நாள்மீன் கூட்டம், அப்பொழுதுக்கான நட்சத்திரம் என்பர்.

முழு இராசிச் சக்கரம் (360 பாகைகள்) 27 நட்சத்திரங்களாகப் பிரிக்கப்பட்டுள்ளதால் ஒரு நட்சத்திரப்பிரிவு 13.33 பாகை அளவுள்ளது. 13.33 பாகை என்பது 13^o, 20 பாகைத்துளி (நிமிடவளைவுகள்). (1 பாகை = 60 பாகைத்துளி (நிமிடவளைவுகள்)).

இந்துப் பஞ்சாங்கத்தின் ஐந்து கூறுகள் வாரம், திதி, கரணம், யோகம், நட்சத்திரம் என்பவை.

நமக்கு எல்லாம் தெரிந்த 27 நட்சத்திரங்களுக்கு மத்தியில் இருபத்தி எட்டாவதாக ஒரு நட்சத்திரம் உள்ளது என்கிறது ஜோதிட சாஸ்திரம். அது அபிஜித் நட்சத்திரம். உத்திராடத்திற்கும் திருவோணத்திற்கும் நடுவில் இடம் பெற்றிருக்கக்கூடிய சூட்சும நட்சத்திரம்தான் இந்த அபிஜித் நட்சத்திரம்.

பாதம்

புவியின் 360° சுற்றுவட்டப்பாதை 108 பாதங்களாகப் பிரிக்கப்பட்டுள்ளன. ஒவ்வொரு மாதமும் 9 பாதங்கள் அடங்கியவை. ஒவ்வொரு விண்மீனும் நான்கு பாதங்கள் கொண்டவை. அவை குறிப்பிட்ட நட்சத்திரத்தின் முதலாம் பாதம், இரண்டாம் பாதம், மூன்றாம் பாதம், நான்காம் பாதம் எனக் குறிப்பிடப் படுகின்றன.ஒவ்வொரு பாதமும் 3 பாகை, 20 பாகைத்துளிகள் (நிமிடவளைவுகள்). இதன் மூலம் இராசிச் சக்கரம் (ஓரை வட்டம்) 27 x 4 = 108 பாதங்களாக வகுக்கப்படுகின்றன. இதிலிருந்து இராசிச் சக்கரத்திலுள்ள 12 இராசிகள் (ஓரைகள்) ஒவ்வொன்றும் 9 பாதங்களை அல்லது 2-1/4 நட்சத்திரங்களைக்கொண்ட 30 பாகைகளை அடக்கியுள்ளது.

அட்டவணை

கீழேயுள்ள அட்டவணை நட்சத்திர அதிபதிகளையும், நட்சத்திரங்களையும், பாதங்களையும், அவற்றோடொத்த இராசிகளையும் சூரியன் அந்த இராசிகளில் உள்ள மாதங்களையும் காட்டுகின்றது.

எண்.	நட்சத்திர அதிபதி	தமிழ் நட்சத்திரப் பெயர்	சமஸ்கிருதத்தில்/ஆங்கிலத்தில் நட்சத்திரம்	நட்சத்திர பாதம்	இராசிக்கான தமிழ் மாதம்	தமிழ் ராசி	சமஸ்கிருதத்தில் ராசி	ஆங்கிலத்தில் ஒலிபெயர்ப்பு ராசி	ஆங்கிலத்தில் ராசி
1	கேது	அச்சுவினி (அஸ்வினி)	Ashvini	1, 2, 3, 4	சித்திரை (Chaitra)	மேழம்	மேஷம்	Meṣa (मेष)	Aries (April–May)
2	சுக்கிரன்	பரணி	Bharani	1, 2, 3, 4
3	சூரியன்	கிருத்திகை (கார்த்திகை)	Krittika / Karthikai	1
				2, 3, 4	வைகாசி (Vaishakha)	விடை	ரிஷபம்	Vṛṣabha (वृषभ) (Rishaba)	Taurus (May-June)
4	சந்திரன்	ரோகிணி	Rohini	1, 2, 3, 4
5	செவ்வாய்	மிருகசீரிடம்	Mrigashira	1, 2
				3, 4	ஆனி (Jyeshtha)	ஆடவை	மிதுனம்	Mithuna (मिथुन)	Gemini (June-July)
6	இராகு	திருவாதிரை	Ardra / Thiruvathirai	1, 2, 3, 4
7	குரு	புனர்பூசம்	Punarvasu/ Punarpoosam	1, 2, 3
				4	ஆடி (Ashadha)	கடகம்	கடகம்	Karkaṭa (कर्क)	Cancer (July-Aug)
8	சனி	பூசம்	Pushya / Pusam	1, 2, 3, 4
9	புதன்	ஆயிலியம்	Ashlesha/ Ayilyam	1, 2, 3, 4
10	கேது	மகம்	Magha / Magam	1, 2, 3, 4	ஆவணி (Shravana)	சிங்கம்	சிம்மம்	Simha (सिंह)	Leo (Aug-Sep)
11	சுக்கிரன்	பூரம்	Purva Phalguni / Pubba / Puram	1, 2, 3, 4
12	சூரியன்	உத்தரம்	Uttara Palkuni / Uthram	1
				2, 3, 4	புரட்டாதி (Bhadrapada)	கன்னி	கன்னி	Kanya (कन्या)	Virgo (Sep-Oct)
13	சந்திரன்	அஸ்தம் (அத்தம்)	Hasta / Hastham	1, 2, 3, 4
14	செவ்வாய்	சித்திரை	Chitta / Chitra	1, 2
				3, 4	ஐப்பசி (Ashvin)	துலை	துலாம்	Tulā (तुला)	Libra (Oct-Nov)
15	இராகு	சுவாதி (சோதி)	Swati / Svathi	1, 2, 3, 4
16	குரு	விசாகம்	Vishakha / Visakam	1, 2, 3
				4	கார்த்திகை (Karthikai)	நளி	விருச்சிகம்	Vrishchika (वृश्चिक) (Vṛścika)	Scorpio (Nov-Dec)
17	சனி	அனுசம்	Anuradha / Anusham	1, 2, 3, 4
18	புதன்	கேட்டை	Jyeshtha / Kettai	1, 2, 3, 4
19	கேது	மூலம்	Mula / Moolam	1, 2, 3, 4	மார்கழி (Mārgaśīrṣa)	தனுசு	தனுசு	Dhanus (धनुष)	Saggitarius (Dec-Jan)
20	சுக்கிரன்	பூராடம்	Purvashada / Pooradam	1, 2, 3, 4
21	சூரியன்	உத்திராடம்	Uttara Ashadha/ Uttaradam	1
				2, 3, 4	தை (Pausha)	சுறவம்	மகரம்	Makara (मकर)	Capricorn (Jan-Feb)
22	சந்திரன்	திருவோணம்	Shravana / Thiruvonam	1, 2, 3, 4
23	செவ்வாய்	அவிட்டம்	Dhanishtha / Avittam	1, 2
				3, 4	மாசி (Magha)	கும்பம்	கும்பம்	Kumbha (कुंभ)	Aquarius (Feb-Mar)
24	இராகு	சதயம்	Satabhisha / Sadayam	1, 2, 3, 4
25	குரு	பூரட்டாதி	Purva Bhadrapada / Poorattathi	1, 2, 3
				4	பங்குனி (Phālguna)	மீனம்	மீனம்	Meena (मीन) (Mīna)	Pisces (Mar-Apr)
26	சனி	உத்திரட்டாதி	Uttara Bhadrapada/ Uthirattathi	1, 2, 3, 4
27	புதன்	ரேவதி	Revati	1, 2, 3, 4

இந்திய வானியலின் 27 நட்சத்திரங்கள்: ராசி, நட்சத்திரம், நட்சத்திர பாதம், நட்சத்திர அதிபதி, நட்சத்திரப்புல்லி விளக்கப்படம்

தமிழ் பெயர்கள்

அசுவனி முதல் ரேவதி வரையான 27 தமிழ் நட்சத்திரங்களின் வடிவங்கள் புரவி, அடுப்பு, ஆரல், சக்கரம், மான்தலை, மூதிரை, கழை, காற்குளம், கட்செவி, கொடுநுகம், கணை, உத்தரம், கை, அறுவை, விளக்கு, முறம், பனை, துளங்கொளி, குருகு, உடைகுளம், கடைக்குளம், முக்கோல், காக்கை, செக்கு, நாழி, முரசு, தோணி ஆகும் என்று தேவநேயப் பாவாணர் கூறுகிறார்.

வடமொழி சொற்களுக்கு தமிழ் பொருள்

நட்சத்திரங்கள்	பொருள்
அசுவினி	குதிரைத்தலை
பரணி	தாங்கிப்பிடிப்பது
கிருத்திகை	வெட்டுவது
உரோகிணி	சிவப்பானது
மிருகசீரிடம்	மான் தலை
திருவாதிரை	ஈரமானது
புனர்பூசம்	திரும்ப கிடைத்த ஒளி
பூசம்	வளம் பெருக்குவது
ஆயில்யம்	தழுவிக்கொள்வது
மகம்	மகத்தானது
பூரம்	பாராட்டத் தகுந்தது
உத்திரம்	சிறப்பானது
அசுதம்	கை
சித்திரை	ஒளி வீசுவது
சுவாதி	சுதந்தரமானது
விசாகம்	பிளவுபட்டது
அனுடம்	வெற்றி
கேட்டை	மூத்தது
மூலம்	வேர்
பூராடம்	முந்தைய வெற்றி
உத்திராடம்	பிந்தைய வெற்றி
திருவோணம்	படிப்பறிவு உடையது, காது
அவிட்டம்	பணக்காரன்
சதயம்	நூறு மருத்துவர்கள்
பூரட்டாதி	முன் மங்கள பாதம்
உத்திரட்டாதி	பின் மங்கள பாதம்
இரேவதி	செல்வம் மிகுந்தது

இராசி அதிபதி

ஒவ்வொரு இராசிக்கும் அதனை இயக்கம் கிரகங்கள் இராசி அதிபதி ஆவார்கள் (இராகு கேது தவிர)

எண்.	இராசி	கிரகங்கள்
1	மேசம், விருச்சிகம்	செவ்வாய்
2	மிதுனம், கன்னி	புதன்
3	தனுசு, மீனம்	குரு
4	இரிடபம், துலாம்	சுக்கிரன்
5	மகரம், கும்பம்	சனி
6	சிம்மம்	சூரியன்
7	கடகம்	சந்திரன்

நட்சத்திர அதிபதி அட்டவணை

எண்.	அதிபதி	நட்சத்திரங்கள்
1	கேது	அசுவினி, மகம், மூலம்
2	சுக்ரன்	பரணி, பூரம், பூராடம்
3	சூரியன்	கார்த்திகை, உத்திரம், உத்திராடம்
4	சந்திரன்	உரோகிணி, அத்தம், திருவோணம்
5	செவ்வாய்	மிருகசீரிடம், சித்திர, அவிட்டம்
6	இராகு	திருவாதிரை, சுவாதி, சதயம்
7	குரு	புனர்பூசம், விசாகம், பூரட்டாதி
8	சனி	பூசம், அனுடம், உத்திரட்டாதி
9	புதன்	ஆயில்யம், கேட்டை, ரேவதி

நட்சத்திர அதிபதிகள்

எண்.	நட்சத்திரங்கள்	அதிபதிகள்
1	அசுவினி	கேது
2	பரணி	சுக்கிரன்
3	கிருத்திகை	சூரியன்
4	உரோகிணி	சந்திரன்
5	மிருகசீரிடம்	செவ்வாய்
6	திருவாதிரை	இராகு
7	புனர்பூசம்	குரு(வியாழன்)
8	பூசம்	சனி
9	ஆயில்யம்	புதன்
10	மகம்	கேது
11	பூரம்	சுக்கிரன்
12	உத்திரம்	சூரியன்
13	அசுதம்	சந்திரன்
14	சித்திரை	செவ்வாய்
15	சுவாதி	இராகு
16	விசாகம்	குரு(வியாழன்)
17	அனுடம்	சனி
18	கேட்டை	புதன்
19	மூலம்	கேது
20	பூராடம்	சுக்கிரன்
21	உத்திராடம்	சூரியன்
22	திருவோணம்	சந்திரன்
23	அவிட்டம்	செவ்வாய்
24	சதயம்	இராகு
25	பூரட்டாதி	குரு(வியாழன்)
26	உத்திரட்டாதி	சனி
27	இரேவதி	புதன்

மேலும் காண்க

• இராசி, திதி
• கரணம், யோகம்
• இராசிச் சக்கரம், தமிழ் மாதங்கள்
• பஞ்சாங்கம், தமிழ்ப் புத்தாண்டு
• கொல்ல ஆண்டு, அறுபது ஆண்டுகள்