காஞ்சிபுரம் மத்தள மாதவேசுவரர் கோயில்
| காஞ்சிபுரம் மத்தளமாதவேசம். | |
|---|---|
| பெயர் | |
| பெயர்: | காஞ்சிபுரம் மத்தளமாதவேசம். |
| அமைவிடம் | |
| ஊர்: | காஞ்சிபுரம் |
| மாவட்டம்: | காஞ்சிபுரம் |
| மாநிலம்: | தமிழ்நாடு |
| நாடு: |  இந்தியா |
| கோயில் தகவல்கள் | |
| மூலவர்: | மத்தள மாதவேஸ்வரர். |
காஞ்சிபுரம் மத்தள மாதவேசுவரர் கோயில் (மத்தளமாதவேசம்) என்றழைக்கும் இது, காஞ்சிபுரத்திலுள்ள சிவக் கோயில்களில் ஒன்றாகும். இச்சிவலிங்கம், காஞ்சி திருவேகம்பத்தின் முதல் பிராகர வடபாகத்தில் அமைந்துள்ளது. மேலும், திருமால் வழிப்பட்டதாக கருதப்படும் இக்கோயில் குறிப்புகள், காஞ்சி புராண படலத்துள் உட்கோயில்களாகச் சொல்லப்பட்டுள்ளது.[1]
தல சிறப்பு[தொகு]
மாதவராகிய திருமால், தில்லையில் திருநடனங்கண்ட காலத்தில் நந்தியாதியர்போல் தாமும் மத்தளம் முழக்கவேண்டும் என்று நடராசப்பெருமானை வேண்ட அவர் நீ வேண்டிய இதனை பெறவேண்டுவையாயின் காஞ்சிய்ன் கண் சிவலிங்கப் பிரதிட்டை செய்து இவ்வரம்பெற்று இங்கு வந்து மத்தளம் முழக்குவாய் என்று அருள அவ்வண்ணமே வந்து பூசித்தனர்.[2]
தல வரலாறு[தொகு]
தில்லைத் திருநடனம் கண்ட திருமால், இறைவனின் நடனத்திற்கு தான் மத்தளம் வாசிக்க வேண்டும் என்று விரும்பி இறைவனை வேண்டினார். இறைவனார் காஞ்சியை அடைந்து தம்மை வழிபடுமாறு பணித்தார். திருமாலும் காஞ்சியை அடைந்து மத்தள மாதவேசர் என்ற பெயரில் சிவலிங்கம் பிரதிட்டை செய்து வழிபட்டார். அப்போது இறைவன் தோன்றி காப்பு நடனமாடி அருள்புரிய திருமால் அந்நடனத்திற்கு மத்தளம் வாசித்து மகிழ்ந்தார் என்பது வரலாறாகும்.[3]
தல பதிகம்[தொகு]
- பாடல் மற்றும் பொழிப்புரை (மத்தள மாநவேச்சர வரலாறு) --காஞ்சிப் புராணம் | தழுவக் குழைந்த படலம் | மத்தள மாநவேச்சர வரலாறு | பாடல்: 291 முதல் - 299 முடிய | பக்கம்: 667 முதல் - 669 முடிய.[4]
அமைவிடம்[தொகு]
இந்தியாவின் தென்கடை மாநிலம் தமிழ்நாட்டிலுள்ள காஞ்சிபுரம் மாவட்டத்தின் தலைநகரான பெரிய காஞ்சிபுரம் எனப்படும் சிவகாஞ்சியின் காஞ்சி திருவேகம்பத்தின் உள்பிரகாரத்தில் ஆறுமுகர் சந்தியை அடுத்துள்ள மார்க்கண்டேய லிங்கத்திற்கு பக்கத்தில் உள்ள சிவலிங்கமே மத்தள மாதவேசம் ஆகும். மேலும், தமிழ்நாட்டின் தலைநகர் சென்னையிலிருந்து 75 கிலோமீட்டர் தொலைவிலுள்ள, காஞ்சிபுரம் பேருந்து நிலையத்திலிருந்து வடமேற்கில் ½ மைல் தூரமுள்ள காஞ்சி சங்கர மடத்தை கடந்து சற்று தூரம் சென்றால் திருவேகம்ப அகத்தில் மத்தள மாதவேசம் சிவலிங்கமாக தாபிக்கப்பட்டுள்ளது.[5]
போக்குவரத்து[தொகு]
- வான்வழி: வானூர்தி சேவை இல்லை; உலங்கு வானூர்தி மூலம் காஞ்சிபுரம் வந்தடைய, காஞ்சியிலிருந்து 3 கிலோமீட்டர் தொலைவிலுள்ள ஏனாத்தூர் ஸ்ரீ சங்கரா கலை மற்றும் அறிவியல் கல்லூரியின் அகத்திலுள்ள உலங்கூர்தி இறங்குதளத்தில் இறங்கி சீருந்து மூலம் இக்கோயிலை அடையலாம்.
- இரும்புத் தடம்: தொடருந்து மூலாமாக; தலைநகர் சென்னையிலிருந்து செங்கல்பட்டு மார்க்கமாகவும், திருப்பதியிலிருந்து அரக்கோணம் மார்க்கமாகவும், காஞ்சி தொடருந்து நிலையத்தை அடைந்து அங்கிருந்து 1 கிலோமீட்டர் தொலைவிலுள்ள இக்கோயிலை, சீருந்து மூலமாகவும், தானியுந்து மூலமாகவும் சென்றடையலாம்.
- சாலை வழி: பேருந்திலோ, அல்லது சீருந்துலோ, காஞ்சி வந்தடைய நான்கு திசையில் சாலை வழியுள்ளன; வடகிழக்கில், சென்னையிலிருந்து (75 கிலோமீட்டர்) திருப்பெரும்புதூர் வழியாகவும் ; தென்கிழக்கில், செங்கல்பட்டிலிருந்து (40 கிலோமீட்டர்) வாலாசாபாத் வழியாகவும் ; வடமேற்கில், விழுப்புரத்திலிருந்து (80 கிலோமீட்டர்) வந்தவாசி வழியாகவும்; தென்மேற்கில், பெங்களுரிலிருந்து (275 கிலோமீட்டர்) வேலூர் வழியாகவும் இக்கோயில் நகரை வந்தடையலாம்.[6]
மேற்கோள்கள்[தொகு]
- ↑ projectmadurai.org | காஞ்சிப் புராணம் | 61. தழுவக்குைழந்த படலம் (2023- 2449) | 2313 மத்தள மாதேவச்சர வரலாறு
- ↑ "palsuvai.ne | 13. மத்தளமாதவேஸ்வரர் | காஞ்சிபுர சிவலிங்கங்கள்". Archived from the original on 2016-06-29. பார்க்கப்பட்ட நாள் 2016-04-15.
- ↑ "shaivam.org | மத்தளமாதவேசம் | தல வரலாறு". Archived from the original on 2018-02-06. பார்க்கப்பட்ட நாள் 2016-04-15.
- ↑ tamilvu.org | காஞ்சிப் புராணம் | தழுவக் குழைந்த படலம் | மத்தள மாதவேச்சர வரலாறு | பாடல்: 291 - 299 | பக்கம்: 639 - 669
- ↑ dinaithal.com | மத்தளமாதவேசம்
- ↑ tripadvisor.in 15 temples in Kanchipuram
