ஆசியக் கிண்ணம்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
ஆசியக் கிண்ணம்
Asia Cup
Acup.png
நிர்வாகி(கள்) ஆசியத் துடுப்பாட்டக் குழு
துடுப்பாட்ட வடிவம் ஒருநாள் பன்னாட்டுத் துடுப்பாட்டம்
முதலாவது போட்டி 1984
சுற்றுப் போட்டி வடிவம் பல வகை
மொத்த அணிகள் 6
தற்போதைய வெற்றியாளர் Flag of Sri Lanka.svg இலங்கை
அதிக தடவை வெற்றி பெற்றவர் Flag of Sri Lanka.svg இலங்கை,
Flag of India.svg இந்தியா
(ஒவ்வொன்றும் 4 தடவைகள்)
அதிகூடிய ஓட்டங்கள் இலங்கையின் கொடி சனத் ஜெயசூரிய (1209)
அதிகூடிய விக்கெட்டுகள் இலங்கையின் கொடி முத்தையா முரளிதரன் (27)

ஆசியக் கிண்ணம் (Asia Cup), என்பது ஒரு பன்னாட்டு துடுப்பாட்டச் சுற்றுப் போட்டியாகும். ஆசிய நாடுகளிடையே நல்லெண்ணத்தை வளர்த்தெடுப்பதற்காக 1983 ஆம் ஆண்டில் ஆசியத் துடுப்பாட்டக் குழு ஆரம்பிக்கப்பட்டது. ஆரம்பத்தில் இரண்டாண்டுகளுக்கு ஒரு முறை இச்சுற்றுப் போட்டியை நடத்தத் தீர்மானிக்கப்பட்டது. முதலாவது ஆசியக் கிண்ணம் 1984 இல் அமீரகத்தில் சார்ஜாவில் இடம்பெற்றது. ஆசியக் கிண்ணப் போட்டிகள் அனைத்தும் ஒருநாள் பன்னாட்டுத் துடுப்பாட்ட அந்தஸ்து பன்னாட்டு துடுப்பாட்டக் குழுவினரால் வழங்கப்பட்டது. இந்திய, மற்றும் இலங்கை அணிகள் இதுவரையில் (2008) நான்கு தடவைகள் ஆசியக் கிண்ணத்தைப் பெற்றன. இந்திய அணி இரண்டு தடவைகள் இச்சுற்றுப் போட்டிகளில் பங்கு பற்றவில்லை. 1986 இல் இலங்கை இனப்பிரச்சினையைக் காரணம் காட்டியும், 1993, மற்றும் 2000 ஆம் ஆண்டுகளில் பாகிஸ்தான் அரசுடன் அரசியல் பிரச்சினையைக் காரணம் காட்டியும் இந்திய அணி பங்கு பற்றவில்லை. இலங்கை அணி அனைத்துப் போட்டிகளிலும் பங்கு பற்றியது.

2008 ஆம் ஆண்டில் இருந்து இரண்டாண்டுகளுக்கு ஒரு முறை ஆசியக் கிண்ணப் போட்டிகள் இடம்பெறும் என ஆசியத் துடுப்ப்பாட்டக் குழு அறிவித்தது[1]

முதலாவது போட்டி, 1984[தொகு]

முதலாவது ஆசியக்கிண்ணத்துக்கான போட்டிகள் சார்ஜாவில் இடம்பெற்றன. பாகிஸ்தான், இந்தியா, மற்றும் இலங்கை அணிகள் பங்கு பற்றின. ஒவ்வொரு அணியும் ஒரு முறை எதிர் அணியுடன் மோதியது. முதலாவது ஆட்டம் பாகிஸ்தான் துடுப்பாட்ட அணிக்கும் இலங்கைத் துடுப்பாட்ட அணிக்கும் இடையில் இடம்பெற்றது. இந்திய அணி ஆசியக் கிண்ணத்தை வென்றது.

இரண்டாவது போட்டி, 1986[தொகு]

இரண்டாவது ஆசியக்கிண்ணப் போட்டிகள் இலங்கையில் இடம்பெற்றன. வங்காளதேசத் துடுப்பாட்ட அணி முதற் தடவையாக பங்குபற்றியது. இந்திய அணி பங்குபற்றவில்லை. இறுதிப் போட்டியில் இலங்கை அணி,,பாகிஸ்தான் அணியை வென்று ஆசியக் கிண்ணத்தைப் பெற்றுக் கொண்டது.

மூன்றாவது போட்டி, 1988[தொகு]

மூன்றாவது ஆசியக் கிண்ணப் போட்டிகள் வங்காள தேசத்தில் இடம்பெற்றன. நான்கு அணிகள் பங்கு பற்றிய இப்போட்டிகளில் இறுதிச் சுற்றில் இந்திய அணி இலங்கை அணியை 6 விக்கெட்டுகளால் வென்று ஆசியக்கிண்ணத்தைத் தனதாக்கியது.

நான்காவது போட்டி, 1990/91[தொகு]

நான்காவது ஆசியக் கிண்ணப் போட்டிகள் இந்தியாவில் இடம்பெற்றன. பாகிஸ்தான் அணி பகிஷ்கரித்தது. இறுதிப் போட்டியில் இந்திய அணி, இலங்கையை வென்று ஆசியக்கிண்ணத்தைத் தக்க வைத்துக் கொண்டது.

ஐந்தாவது போட்டி, 1995[தொகு]

ஐந்தாவது ஆசியப் போட்டிகள் சார்ஜாவில் இடம்பெற்றன. இறுதிப் போட்டியில் இந்திய அணி,இலங்கையை வென்று நான்காவது தடவையாக ஆசியக் கிண்ணத்தைப் பெற்றது.

ஆறாவது போட்டி, 1997[தொகு]

ஆறாவது ஆசியக் கிண்ணப் போட்டிகள் இலங்கையில் இடம்பெற்றன. இறுதிப் போட்டியில் இலங்கை அணி இந்தியாவை வென்றது.

ஏழாவது போட்டி, 2000[தொகு]

ஏழாவது ஆசியக் கிண்ணப் போட்டிகள் இரண்டாவது தடவையாக வங்காள தேசத்தில் நிகழ்ந்தன. இறுதிப் போட்டியில் பாகிஸ்தான் அணி இலங்கை அணியை வென்ற்று முதற் தட்டவையாக ஆசியக் கிண்ணத்தைப் பெற்றது.

எட்டாவது போட்டி, 2004[தொகு]

எட்டாவது ஆசியக் கிண்ணப் போட்டிகள் இலங்கையில் இடம்பெற்றன. இம்முறை ஐக்கிய அரபு அமீரகத் துடுப்பாட்ட அணி, ஹொங்கொங் துடுப்பாட்ட அணி ஆகியன முதன் முறையாக பங்கு பற்றின. இறுதிப் போட்டியில் இலங்கை அணி, இந்திய அணியை 25 ஓட்டங்களால் வென்று ஆசியக் கிண்ணத்தைப் பெற்றது.

ஒன்பதாவது போட்டி, 2008[தொகு]

ஒன்பதாவது போட்டிகள் பாகிஸ்தானில் இடம்பெற்றன. போட்டிகள் ஜூன் 24, 2008 இல் ஆரம்பித்து ஜூலை 6 இல் முடிவடைந்தன. இறுதிப் போட்டியில் இலங்கை அணி இந்தியாவை வென்று நான்காவது தடவையாக ஆசியக் கிண்ணத்தைப் பெற்றது.

பத்தாவது போட்டி, 2010[தொகு]

பத்தாவது போட்டிகள் இலங்கையில் இடம்பெற்றன. போட்டிகள் சூன் 15, 2010 இல் ஆரம்பித்து சூன் 24 இல் முடிவடைந்தன. இறுதிப் போட்டியில் இந்திய அணி இலங்கையை வென்று ஐந்தாவது தடவையாக ஆசியக் கிண்ணத்தைப் பெற்றது.

பதினோராவது போட்டி, 2012[தொகு]

பன்னிரண்டாவது போட்டி, 2014[தொகு]

வெற்றியாளர்கள்[தொகு]

ஆண்டு இடம் வெற்றியாளர் இரண்டாம் இடம்
1984 ஐக்கிய அரபு அமீரகத்தின் கொடி ஐக்கிய அரபு அமீரகம் Flag of India.svg இந்தியா Flag of Sri Lanka.svg இலங்கை
1986 இலங்கையின் கொடி இலங்கை Flag of Sri Lanka.svg இலங்கை Flag of Pakistan.svg பாகிஸ்தான்
1988 வங்காளதேசத்தின் கொடி வங்காள தேசம் Flag of India.svg இந்தியா Flag of Sri Lanka.svg இலங்கை
1990-91 இந்தியாவின் கொடி இந்தியா Flag of India.svg இந்தியா Flag of Sri Lanka.svg இலங்கை
1993 பாக்கித்தானின் கொடி பாகிஸ்தான் ரத்து
1995 ஐக்கிய அரபு அமீரகத்தின் கொடி ஐக்கிய அரபு அமீரகம் Flag of India.svg இந்தியா Flag of Sri Lanka.svg இலங்கை
1997 இலங்கையின் கொடி இலங்கை Flag of Sri Lanka.svg இலங்கை Flag of India.svg இந்தியா
2000 வங்காளதேசத்தின் கொடி வங்காள தேசம் Flag of Pakistan.svg பாகிஸ்தான் Flag of Sri Lanka.svg இலங்கை
2004 இலங்கையின் கொடி இலங்கை Flag of Sri Lanka.svg இலங்கை Flag of India.svg இந்தியா
2008 பாக்கித்தானின் கொடி பாகிஸ்தான் Flag of Sri Lanka.svg இலங்கை Flag of India.svg இந்தியா

மேற்கோள்கள்[தொகு]

  1. Asia Cup to be held biennially, from Cricinfo, retrieved 22 June 2006

வெளி இணைப்புகள்[தொகு]

"http://ta.wikipedia.org/w/index.php?title=ஆசியக்_கிண்ணம்&oldid=1623385" இருந்து மீள்விக்கப்பட்டது