த. கி. சௌதா

தர்பே கிருஷ்ணானந்தா சௌதா
பிறப்பு	1 ஜூன் 1938 கேரளம், இந்தியா
இறப்பு	19 ஜூன் 2019 (வயது 81) பெங்களூர், இந்தியா
தேசியம்	இந்தியர்
குடியுரிமை	இந்தியா
பிள்ளைகள்	சந்தீப் சௌதா பிரஜ்னா சௌதா

தர்பே கிருஷ்ணானந்தா சௌதா (Darbe Krishnananda Chowta) (1 ஜூன் 1938 - 19 ஜூன் 2019) ஓர் இந்தியத் தொழிலதிபரும், எழுத்தாளரும், கலைஞரும் மற்றும் நாடக ஆளுமையும் ஆவார்.இவர் இறக்கும் போது கர்நாடக சித்ரகலா பரிஷத்தின் பொதுச் செயலாளராக இருந்தார். இவர் இதற்கு முன்பும் இந்த அமைப்பில் பணியாற்றினார்.

சுயசரிதை

சௌதா, கேரளாவின் மஞ்சேஸ்வரம் அருகே உள்ள தர்பே மெய்யப்படவு என்ற இடத்தில் துளு மொழி பேசும் பந்த் குடும்பத்தில் பிறந்தார்.

மும்பை பல்கலைக்கழகத்தில் பொருளாதாரத்தில் முதுகலைப் படிப்பை முடித்த பிறகு, சௌதா தனது வாழ்க்கையின் பல ஆண்டுகளை கானா, நைஜீரியா மற்றும் இலண்டனில் கழித்தார். பின்னர் பெங்களூருக்குத் திரும்பி, ஏற்றுமதி உட்பட பல்வேறு வணிகத்தில் ஈடுபட்டார்.

இலக்கியம்

சௌதா ஆனந்த கிருஷ்ணா என்ற புனைப்பெயரில் எழுதினார். இவரது காரியவஜ்ஜெரென கதைக்குலு மற்றும் பிலிபதிகதாசு என்ற நாடகம் கர்நாடக அரசின் துலு சாகித்ய அகாடமியின் விருதுகளைப் பெற்றன. பட்டு பஜ்ஜேலு, தர்மெட்டிமாயே, உரி உஷ்ணதா மாயே மற்றும் மிட்டபைலு யமுனாக்கா ஆகியவையும் இவரது பிற படைப்புகள். இவருக்கு மங்களூர் பல்கலைக்கழகம் கௌரவ டாக்டர் பட்டம் வழங்கியது.

சொந்த வாழ்க்கை

சௌதாவுக்கு சந்தீப் சௌதா (ஒரு இசைக்கலைஞர்) மற்றும் பிரஜ்னா சௌதா (ஒரு இனவியலாளர்) என இரண்டு குழந்தைகள் இருக்கின்றனர்.

மேற்கோள்கள்

விக்கிமீடியா பொதுவகத்தில்,
த. கி. சௌதா
என்பதில் ஊடகங்கள் உள்ளன.