கல்பாசு மீன்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
கல்பாசு மீன்
LabeoCalbasuDay.jpg
உயிரியல் வகைப்பாடு
திணை: விலங்கு
பிரிவு: மீன்கள்
வகுப்பு: அக்டினோட்டெரிகீயை
வரிசை: சைப்ரிபார்மிசு
குடும்பம்: சைப்ரினிடே
பேரினம்: லேபியோ
இனம்: லே. கல்பாசு
இருசொற் பெயரீடு
லேபியோ கல்பாசு
ஆமில்டன், 1822

லேபியோ கல்பாசு (Orangefin labeo) என்னும் மீன், கெண்டை மீன் குடும்பத்தினைச் சார்ந்த ஒரு சிற்றினமாகும். இது கேரளாவில் மலைப் பகுதிகளைத் தவிர இந்தியாவின் மற்ற பகுதிகளில் பரவலாகக் காணப்படுகிறது. இதன் உடல் சற்று கருநிறமாக இருப்பதனால் இம்மீன்கள் காக்கா மீன் என்று அழைக்கப்படுகிறது.

பரவல்[தொகு]

கல்பாசு மீன், பாக்கித்தான், இந்தியா, வங்காளதேசம், மியான்மர், நேபாளம், தாய்லாந்து மற்றும் தென்மேற்கு சீனாவில் காணப்படுகிறது. சீனாவிற்கு அறிமுகப்படுத்தப்பட்டதாக தெரிவிக்கப்பட்டுள்ளது[2]

உடல் அமைப்பு[தொகு]

இம்மீனின் தலை சிறியதாகவும், தட்டையாகவும் இருக்கும். தலையின் கீழாக முனைப்பகுதியில் வாய் அமைந்துள்ளது. உதடுகள் விளிம்புகளுடன் காணப்படுகிறது. உணர் இழைகள் கருநிறத்துடன் தெளிவாக காணப்படும். முதுகுபுறத் துடுப்பில் 12 முதல் 13 கிளைகளுடன் கூடிய துடுப்பு முற்கள் உள்ளன.[3]

உணவுப் பழக்கம்[தொகு]

கல்பாசு மீன்கள் நீரின் அடிமட்ட உணவுப் பழக்கம் உடையது. நத்தை, புழுக்கள் போன்ற விலங்கு உயிரிகளை உணவாக உட்கொள்ளும். மேலும் மடிந்த மக்கிய கரிமப் பொருட்களையும், பாசிகளையும் உணவாக உட்கொள்ளும். இதனால் இம்மீன்கள் அனைத்துண்ணிகள் என்று அழைக்கப்படுகிறது.

இனப்பெருக்கம்[தொகு]

இம்மீன்கள் அதிகபட்சமாக 75 செ.மீ. நீளம் வரை வளரக்கூடியது. வளர்ச்சியின் இரண்டாம் ஆண்டில் பால் முதிர்ச்சி அடைகிறது. மற்ற பெரிய வகை கெண்டைகளைப் போலவே இம்மீன்கள் இனப்பெருக்கம் செய்கின்றன.[4]

மேற்கோள்கள்[தொகு]

  1. Dahanukar, N. (2010). "Labeo calbasu". The IUCN Red List of Threatened Species: 2010: e.T166606A6245872. doi:10.2305/IUCN.UK.2010-4.RLTS.T166606A6245872.en. 
  2. Ma, X., X. Bangxi, W. Yindong and W. Mingxue, 2003. Intentionally introduced and transferred fishes in China's inland waters. Asian Fish. Sci. 16(3&4):279-290.
  3. Menon, A. G. K. (1999). Check list--fresh water fishes of India. Calcutta: The Survey. பன்னாட்டுத் தரப்புத்தக எண்:81-85874-15-8. இணையக் கணினி நூலக மையம்:44549585. https://www.worldcat.org/oclc/44549585. 
  4. ரெங்கராஜன், இரா.(2008), மீனின உயிரியல் மற்றும் நீரின வளர்ப்பு, சாரதா பதிப்பகம், சென்னை, ப. 89, 90.
"https://ta.wikipedia.org/w/index.php?title=கல்பாசு_மீன்&oldid=3454691" இருந்து மீள்விக்கப்பட்டது