இலா பட்நாயக்
இலா பட்நாயக் | |
|---|---|
| முதன்மை பொருளாதார ஆலோசகர், நிதி அமைச்சகம் (இந்தியா), நிதி அமைச்சகம் (இந்தியா) | |
| பதவியில் 1 மே 2014 – பிப்ரவரி 2017 | |
| பிரதமர் | நரேந்திர மோதி |
| முன்னையவர் | தீபக் தாசுகுப்தா |
| பின்னவர் | சஞ்சீவ் சன்யால் |
| தனிப்பட்ட விவரங்கள் | |
| பிறப்பு | புது தில்லி, இந்தியா |
| துணைவர் | அஜய் பட்நாயக் |
| பிள்ளைகள் | மேகா பட்நாயக், ஆய்சு பட்நாயக் |
| முன்னாள் கல்லூரி | தில்லி பல்கலைக்கழகம் (இளங்கலை) ஜவகர்லால் நேரு பல்கலைக்கழகம் (முதுகலை, முதுதத்துவமாணி) சர்ரே பல்கலைக்கழகம்- (முனைவர்) |
| வேலை | பொருளுதார நிபுணர் |
இலா பட்நாயக் (Ila Patnaik) ஓர் இந்தியப் பொருளாதார நிபுணர் ஆவார்.[1][2] இவர் இந்திய அரசின் முன்னாள் முதன்மை பொருளாதார ஆலோசகராக இருந்துள்ளார்.[3] இந்த நேரத்தில், இவர் இந்தியாவின் பொருளாதார ஆய்வறிக்கை, 2013-14 தயாரித்தார்.[4][5][6][7] பல இந்திய அரசாங்க குழுக்கள் மற்றும் பணிக்குழுக்களிலும் பங்களித்துள்ளார்.[8] 2014ஆம் ஆண்டில், நோபல் பரிசு பெற்ற அமர்த்தியா சென் மற்றும் ரிசர்வ் வங்கியின் முன்னாள் ஆளுநர்கள் ஒய். வி. ரெட்டி, ரகுராம் ராஜன் மற்றும் உர்ஜித் படேல் போன்றோருடன், இந்தியாவின் முதல் பத்து இடங்களுக்குள் இடம்பிடித்த ஒரே பெண் பொருளாதார வல்லுநர் இவராவார்.[9] தி இந்தியன் எக்சுபிரசு நாளிதழில் பொருளாதாரம் தொடர்பான வழக்கமான கட்டுரைகளையும் எழுதிவருகிறார்.[10]
இவர் தற்போது தேசிய பொது நிதி மற்றும் கொள்கை நிறுவனத்தின் பேராசிரியராக உள்ளார்.[3]
கல்வி[தொகு]
இலா பட்நாயக், தில்லி பல்கலைக்கழகத்தின் இந்துக் கல்லூரியில் (1985) பொருளாதாரத்தில் இளங்கலைப் பட்டம் பெற்றார். ஜவகர்லால் நேரு பல்கலைக்கழகத்தின் பொருளாதார ஆய்வுகள் மற்றும் திட்டமிடல் மையத்தில் (1987 மற்றும் 1989) தத்துவத்தில் முதுகலைப் பட்டத்துடன் பொருளாதாரத்தில் முதுகலைப் பட்டம் பெற்றார். இவர் இந்தியாவில் தனது இளங்கலை மற்றும் பட்டதாரி படிப்பைத் தொடர்ந்தபோது, தனது முனைவர் பட்ட ஆய்வினை ஐக்கிய இராச்சியத்தில் தொடர முடிவு செய்தார். மேலும் இவர் 1996-இல் சர்ரே பல்கலைக்கழகத்தில் பொருளாதாரத்தில் முனைவர் பட்டம் பெற்றார்.
பணி[தொகு]
இலா பட்நாயக் தி இந்தியன் எக்சுபிரசில் பொருளாதார ஆசிரியராக இருந்தார். பிசினஸ் ஸ்டாண்டர்டில் இரண்டு வாரக் கட்டுரையை எழுதியுள்ளார். மேக்ரோ டிராக், இந்தியப் பொருளாதாரத்தில் காலாண்டு புதுப்பிப்பு, 1997-2001 தொகுப்பாசிரியராகவும் பணியாற்றினார். மேலும், பட்நாயக் மூத்த பொருளாதார நிபுணர் மற்றும் தேசிய செயல்முறைப் பொருளியல் ஆய்வுக் குழுமற்றும் பன்னாட்டுப் பொருளாதார உறவுகளுக்கான இந்தியக் குழுவின் (1996 - 2002, 2004; 2002 - 2004 முறையே) மூத்த உறுப்பினராகவும் இருந்தார். இவர் 2007 முதல் 2009 வரை பட்நாயக்குடன் என்டிடிவியில் நிகழ்ச்சி ஒன்றை நடத்தினார். இப்போது இவர் இந்தியப் பொருளாதாரம் தொடர்பான வாராந்திர நிகழ்ச்சிகளில் தி பிரிண்ட்டில் பணிபுரிகிறார்.
விருதுகள்[தொகு]
பட்நாயக்கிற்கு வழங்கப்பட்ட பல விருதுகளில் "இளையோர் அறிவியல் அறிஞர் நிதியுதவி" (1978), "தேசிய திறமை தேடல் உதவித்தொகை" (1980), "இளையோர் ஆய்வு நிதியுதவி-பொருளியல்" (1987), மற்றும் "பொருளாதாரத்தில் முனைவர் பட்ட படிப்புக்கான இங்கிலாந்து-நேரு நூற்றாண்டு நிதியுதவி ஆகியவை அடங்கும் (1991).
மேற்கோள்கள்[தொகு]
- ↑ Mukherjee, Andy (2004-11-01). "Who Owns the Key to India's $120 Billion Kitty?: Andy Mukherjee". Bloomberg. பார்க்கப்பட்ட நாள் 2014-08-15.
- ↑ "Face The Budget: Chidambaram's tough task - IBNLive". Ibnlive.in.com. பார்க்கப்பட்ட நாள் 2014-08-15.
- ↑ 3.0 3.1 "NIPFP | Faculty".
- ↑ "FM Arun Jaitley tables Economic Survey: Highlights". 9 July 2014.
- ↑ "All the Arun Jaitley's mandarins". 28 June 2014.
- ↑ "India Delivers Economic Survey Ahead of Budget: Highlights". NDTV. 9 July 2014. https://www.ndtv.com/india-news/india-delivers-economic-survey-ahead-of-budget-highlights-585886. பார்த்த நாள்: 19 August 2018.
- ↑ "Highlights - Economic Survey calls for sharp fiscal correction". 9 July 2014. https://in.reuters.com/article/india-budget-economic-survey-highlights-idINKBN0FE0J920140709.
- ↑ http://www.finmin.nic.in/sites/default/files/SahooCommittee_ecbReport_20150225.pdf [bare URL PDF]
- ↑ "ie 100 Most Powerful Indians 2014: Top 10 economists". 13 March 2014.
- ↑ "Ila Patnaik". 18 January 2016.
வெளி இணைப்புகள்[தொகு]
| பன்னாட்டு | |
|---|---|
| தேசிய | |
