உலகப் பரவல் தொற்று

கட்டற்ற கலைக்களஞ்சியமான விக்கிபீடியாவில் இருந்து.

உலகப் பரவல் தொற்று (pandemic) என்பது, கண்டம், உலகம் போன்ற பெரும் பகுதியில் உள்ள மக்களைத் தாக்கும் கொள்ளை நோய்த் தொற்றைக் குறிக்கும்.

உலக சுகாதார நிறுவனத்தின் வரைவிலக்கணப்படி, "உலகப் பரவற் தொற்று" என்பதற்குப் பின்வரும் நிலைமைகள் தேவை.

• மக்களுக்குப் புதிதான நோய் உருவாதல்.
• கடுமையான நோய் உண்டாக்கும் தொற்று நோய்க் காரணிகள்.
• மனிதர்களிடையே நோய் இலகுவாகப் பரவுதல்.

பரந்த பகுதியில் இருப்பதாலோ, பெருமளவில் மக்கள் கொல்லப்படுவதாலோ மட்டும் ஒரு நோய் அல்லது ஒரு நிலைமை "உலகப் பரவல் தொற்று: ஆவதில்லை. இது ஒரு தொற்று நோயாக இருத்தலும் வேண்டும். எடுத்துக் காட்டாகப் பெருமளவில் மக்கள் இறப்பதற்குக் காரணமாகும் புற்றுநோய் "உலகப் பரவல் தொற்று" அல்ல.