மலபார் மீது மைசூர் படையெடுப்பு
| மலபார் மீது மைசூர் படையெடுப்பு | |||||||||
|---|---|---|---|---|---|---|---|---|---|
| மைசூர் அரசின் விரிவாக்கம் ஆங்கிலேய-மைசூர்ப் போர்கள் பகுதி |
|||||||||
 திப்புசுல்தானின் கோட்டை, பாலக்காடு |
|||||||||
|
|||||||||
| பிரிவினர் | |||||||||
 மைசூர் கண்ணூரின் அலி ராஜா உள்ளூர் முஸ்லிம் சமூகம் | .svg){kind=small} பிரித்தானிய கிழக்கிந்திய நிறுவனம்கோழிக்கோடு நாடு |
||||||||
மலபார் மீது மைசூர் படையெடுப்பு (Mysorean invasion of Malabar) (1766 -1792) என்பது மைசூர் இராச்சியத்தின் நடைமுறை தலைவரான ஐதர் அலியின் கோழிக்கோடு நாட்டின் பிரதேசங்கள் உட்பட வடக்கு மலபார் (இப்போது கேரளா) மீதான இராணுவ படையெடுப்பாகும். ஆக்கிரமிப்பை முடித்த பின்னர், மலபாருக்கு தெற்கே அமைந்துள்ள கொச்சி இராச்சியம் மைசூர் துணை மாநிலமாக மாற்றப்பட்டது. மைசூர் படையெடுப்பு பிரித்தானிய கிழக்கிந்திய நிறுவனம் மலபாரின் பண்டைய நிலப்பிரபுத்துவாதிகள் மீதான தங்கள் பிடியை இறுக்குவதற்கும், திருவிதாங்கூரை மாற்றுவதற்கும் அதிக வாய்ப்புகளை வழங்கியது. [1]
18 ஆம் நூற்றாண்டில், இன்றைய கேரளாவின் அனைத்து குட்டி இராச்சியங்களும் திருவிதாங்கூர், கோழிக்கோடு (சாமோரியனகளால் ஆளப்பட்டன) மற்றும் கொச்சின் ஆகிய மூன்று பெரிய மாநிலங்களால் உள்வாங்கப்பட்டன அல்லது கீழ்ப்படுத்தப்பட்டன. உடையார் அரச குடும்பத்தால் பெயரிடப்பட்ட மைசூர் இராச்சியம், விஜயநகர பேரரசின் வீழ்ச்சிக்குப் பின்னர், மீண்டும் முகலாயப் பேரரசுக்குப் பிறகு இந்தியாவில் முக்கியத்துவம் பெற்றது. 1761 ஆம் ஆண்டில், ஐதர் அலி ஒரு சக்திவாய்ந்த மந்திரியைத் தூக்கியெறிந்து மைசூரில் அதிகாரத்தின் அனைத்து கட்டுப்பாடுகளையும் கைப்பற்றி மைசூர் இராச்சியத்தின் "நடைமுறை" தலைவரானார். பெத்தனூர் (இக்கேரி அல்லது கேலடி [2] ), சுந்தா, சேர மற்றும் கன்னரம் ஆகிய இராச்சியங்களைக் கைப்பற்றி அதன் விரிவாக்கத்தை நோக்கி அவர் தனது கவனத்தைத் திருப்பினார். 1766 ஆம் ஆண்டில், அவர் மலபாரில் இறங்கி, சிரக்கால் (முன்னாள் கோலத்துநாடு ), கடத்தநாடு, கோழிக்கோடு, வள்ளுவநாடு மற்றும் பாலக்காடு, கொச்சின் ஆகியவற்றை ஆக்கிரமித்து, 1766 முதல் 1790 வரை ஆண்டுதோறும் தனக்கு கப்பம் கட்ட வைத்தார்.
கொச்சினுக்கு தெற்கே உள்ள பிரித்தானிய நட்பு நாடான [3] திருவிதாங்கூரை தோற்கடிக்க ஐதர் அலி எடுத்த முயற்சி 1767 இல் தோல்வியடைந்தது, 1789-1790ல் அவரது மகன் திப்பு சுல்தானின் இரண்டாவது முயற்சியும் முழுமையடையாமல் போனது. மேலும், திப்பு சுல்தான் திருவாங்கூர் இராச்சியத்தைத் தாக்கி மூன்றாம் ஆங்கிலேய-மைசூர் போரின் வடிவத்தில் பிரித்தானிய படையெடுப்பைத் தூண்டினார். ஆகவே, மைசூரின் முஸ்லிம் அதிகாரத்திற்கு சேராமல் இருந்த கேரளாவின் ஒரே ஒரு பகுதி திருவிதாங்கூர் மட்டுமே. [4]
சிறீரங்கப்பட்டின (1792) உடன்படிக்கையின் மூலம், திப்பு மலபார் உள்ளிட்ட தனது பிராந்தியங்களில் பாதியை ஆங்கில கிழக்கிந்திய நிறுவனத்திற்கும், அவர்களது கூட்டாளிகளுக்கு வழங்கினார் . மேலும், 33 மில்லியன் ரூபாய் இழப்பீடாக செலுத்தினார் . 1801 வாக்கில், ரிச்சர்டு வெல்லசுலி பிரபுவால் சூரிலிருந்து கைப்பற்றப்பட்ட கர்நாடகப் பகுதிகளுடன் மலபாரையும் இணைத்து சென்னை மாகாணமாக உருவாக்காக்கப்பட்டது. திருவிதாங்கூரைப் பாதுகாப்பதற்காக யுத்தம் மேற்கொள்ளப்பட்டது என்ற காரணத்தைக்கூறி மூன்றாம் ஆங்கிலேய-மைசூர் போரின் முழு செலவையும் வழ்ங்குமாறு கிழ்க்கிந்திய நிறுவனம் திருவிதாங்கூரைக் கேட்டுக் கொண்டது. 1795 ஆம் ஆண்டின் புதிய ஒப்பந்தம் திருவிதாங்கூரை ஆங்கில கிழக்கிந்திய நிறுவனத்தின் நட்பு மற்றும் கூட்டாளி என்ற நிலையிலிருந்து பாதுகாக்கப்பட்ட நட்பு நாடாகக் குறைக்கப்பட்டது. மேலும், நிறுவனம் நாட்டின் கருப்பு மிளகு வர்த்தகத்தில் ஏகபோக உரிமையைக் கோரியது. [1]
மலபாரில் வெளி படைகள்
[தொகு]1732 ஆம் ஆண்டில் அரக்கலின் அழைப்பின் பேரில் கனரா படைகள் வடக்கு மலபார் மீது படையெடுத்தன. கோபாலாஜியின் தலைமையின் கீழ், 30000 வலிமையான கனரா வீரர்கள், வடக்கு கோலத்துநாட்டில் உள்ள இளவரசர் குஞ்ஞி அம்புவின் கோட்டைகளை எளிதில் கடந்து சென்றனர். 1734 இன் ஆரம்பத்தில் கனரா வீரர்கள் குடாலி மற்றும் தர்மபட்டனம் ஆகியவற்றைக் கைப்பற்றினர். 1736 வாக்கில், கனரா இராணுவம் ஆங்கில கிழக்கிந்திய நிறுவனத்தின் உதவியுடன் வடக்கு மலபார் முழுவதிலும் இருந்து விரட்டப்பட்டது. [5]
பெத்தனூர் இராச்சியத்தின் நாயக்கர்கள் (கேளடி, இக்கேரி நாயக் இராச்சியம்) 1737 இல் கோலத்துநாடு மீது மற்றொரு தாக்குதலைத் திட்டமிட்டனர். கோலத்துநாட்டின் வடக்கு எல்லையை மடாயில் நிர்ணயித்த கனராவுடன் சமாதான ஒப்பந்தத்தில் கையெழுத்திட இளவரசர் குன்ஹி அம்பு ஒப்புக்கொண்டார். தெல்லிச்சேரியின் ஆங்கில காரணிகள் பெடனூர் நாயக் உடன் தங்கள் சொந்த ஒப்பந்தத்தில் கையெழுத்திட்டன, இது கனரா மற்றும் கோலத்துநாடு இடையே எதிர்கால மோதல்கள் ஏற்பட்டால் மலபாரில் ஆங்கில வர்த்தக சலுகைகளின் ஒருமைப்பாட்டை உறுதிப்படுத்தியது. [5]
மேலும் காண்க
[தொகு]மேற்கோள்கள்
[தொகு]- ↑ 1.0 1.1 "Archived copy". Archived from the original on 9 October 2012. பார்க்கப்பட்ட நாள் 2014-06-08.
{{cite web}}: CS1 maint: archived copy as title (link) - ↑ Kingdom of Bednur
- ↑ "Tippu Sultan." Encyclopædia Britannica. Encyclopædia Britannica Online. Encyclopædia Britannica Inc., 2011. Web. 22 November 2011.
- ↑ Journal of Indian history, Volume 55 By University of Allahabad. Dept. of Modern Indian History, University of Kerala. Dept. of History, University of Travancore, University of Kerala. pp.144
- ↑ 5.0 5.1 Lectures on Enthurdogy by A. Krishna Ayer Calcutta, 1925