பிலாகி

ஆள்கூறுகள்: 16°20′50″N 075°37′05″E / 16.34722°N 75.61806°E / 16.34722; 75.61806
கட்டற்ற கலைக்களஞ்சியமான விக்கிப்பீடியாவில் இருந்து.
பிலாகி
பில்கி
நகரம்
பிலாகி is located in கருநாடகம்
பிலாகி
பிலாகி
கர்நாடகாவில் அமைவிடம்
ஆள்கூறுகள்: 16°20′50″N 075°37′05″E / 16.34722°N 75.61806°E / 16.34722; 75.61806
நாடு இந்தியா
மாநிலம்கருநாடகம்
மாவட்டம்பாகல்கோட்
பரப்பளவு
 • மொத்தம்4.50 km2 (1.74 sq mi)
ஏற்றம்564 m (1,850 ft)
மக்கள்தொகை (2001)
 • மொத்தம்15,454
 • அடர்த்தி3,434.22/km2 (8,894.6/sq mi)
மொழிகள்
 • அலுவல்கன்னடம்
நேர வலயம்இந்திய சீர் நேரம் (ஒசநே+5:30)
அஞ்சல் குறியீட்டு எண்587 116
தொலைபேசி இணைப்புக் குறியீடு08425
ஐ.எஸ்.ஓ 3166 குறியீடுஐஎன்-கேஏ
வாகனப் பதிவுகேஏ 29
இணையதளம்karnataka.gov.in

பிலாகி (Bilagi) என்பது இந்தியாவின் கர்நாடகாவின் பாகல்கோட் மாவட்டத்திலுள்ள ஒரு பேரூராட்சி நகரமும், வட்டமும் ஆகும். இது பாகல்கோட் மாவட்டத் தலைமையகத்திலிருந்து 19.5 கிமீ தொலைவில் இருக்கிறது. இங்கிருக்கும் மக்களின் முக்கிய தொழில் விவசாயம். பெரும்பாலான விவசாயிகள் கரும்பு பயிரிடுகின்றனர்.

வரலாறு[தொகு]

இந்த ஊரில் ஹசன் டோங்ரி என்ற தர்கா உள்ளது. இங்கு மொகரம் பண்டிகை சிறப்பாக கொண்டாடப்படுகிறது. நகருக்குத் தெற்கே ஒரு கிமீ தொலைவில் மலைகளால் சூழப்பட்ட சித்தேஸ்வரர் கோவில் உள்ளது. கோயிலின் அடிச்சுவற்றில் 1695-96ஆம் ஆண்டு கல்வெட்டு உள்ளது. இது வஜிர் ஹைதர் கானின் துணை அதிகாரியான கந்தேராவ் திம்மாஜியால் கிழக்கு வாசல் கட்டப்பட்டதை பதிவு செய்கிறது.

நிலவியல்[தொகு]

பில்கி நகரம் 16°20′50″N 075°37′05″E / 16.34722°N 75.61806°E / 16.34722; 75.61806இல் அமைந்துள்ளது. இது சராசரியாக 509 மீட்டர்கள் (1669 அடி) உயரத்தில் உள்ளது.

இது 782 சதுர கிலோமீட்டர் (301.9 ச.மை) பரப்பளவில் 16°-03′ முதல் 16°-32′ வடக்கு அட்சரேகை மற்றும் 75°-73′ முதல் 76°-49′ கிழக்கு தீர்க்கரேகை வரை அமைந்துள்ளது. வடக்கே பீசப்பூர் மாவட்டத்தின் விஜயபுரா வட்டம், மேற்கில் முதோல் வட்டம், தெற்கிலும் தென்கிழக்கிலும் பாகல்கோட், வடக்கே ஜமகண்டி ஆகியவை இதன் எல்லைகளாக உள்ளது. கிருஷ்ணா நீர்த்தேக்கம் இதன் வடக்கு எல்லையாக அமைகிறது. இந்த இடத்திற்கு அருகில் தேசிய நெடுஞ்சாலை 52 (இந்தியா) செல்கிறது.

மக்கள் தொகை[தொகு]

2001 இந்திய மக்கள் தொகை கணக்கெடுப்பின்படி, பிலாகி நகரத்தின் மக்கள் தொகை 15,464 ஆகும்.[1] மக்கள் தொகையில் ஆண்கள் 50%, பெண்கள் 50%. பிலாகியின் சராசரி கல்வியறிவு விகிதம் 58%. இது தேசிய சராசரியான 59.5% ஐ விடக் குறைவு. இதில் ஆண்களின் கல்வியறிவு 66% எனவும், பெண்களின் கல்வியறிவு 49% எனவும் உள்ளது. மக்கள் தொகையில் 16% பேர் 6 வயதுக்குட்பட்டவர்கள்.

வட்டத்தின் பிரிவுகள்[தொகு]

பிலாகியின் தலைமையக நகரத்தைத் தவிர, பிலாகி வட்டத்தில் இருபது கிராம ஊராட்சி கிராமங்கள் உள்ளன. அவை ஒன்று முதல் ஏழு துணை கிராமங்களை நிர்வகிக்கின்றன.[2]

கலாச்சாரம்[தொகு]

நகரத்திற்கு வடக்கே அரேட்டினா பாவி ('ஆறு காளை கிணறு') என்கிற ஒரே கல்லால் மூடப்பட்ட குளம் அல்லது கிணறு உள்ளது. கிணற்றின் உள்ளே சிவனுக்கு கோயில் உள்ளது; இருப்பினும், இலிங்கம் உடைந்து காணப்படுகிறது.[3] எனவே வழிபாடு எதுவும் நடைபெறுவதில்லை. கிணற்றின் சுவர்களில் கன்னடம், பாரசீக மொழிகளில் கல்வெட்டுகள் உள்ளன. அவை 1708இல் அதன் கட்டுமானத்தைப் பதிவு செய்கின்றன [3] கன்னட கல்வெட்டு கார்க்ய-கோத்ராவின் விசாஜி மகாதேவ பண்டிட்காவைப் பற்றி கூறுகிறது.[4]

குறிப்பிடத்தக்கவர்கள்[தொகு]

சான்றுகள்[தொகு]

  1. "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. பார்க்கப்பட்ட நாள் 2008-11-01.
  2. "Reports of National Panchayat Directory: Village Panchayat Names of Bilagi, Bagalkot, Karnataka". Ministry of Panchayati Raj, Government of India. Archived from the original on 13 November 2011. பார்க்கப்பட்ட நாள் 12 February 2013.
  3. 3.0 3.1 "Bagalkot District Profile: Bilagi". Bagalkot District Administration. Archived from the original on 4 January 2012.
  4. "South Indian Inscriptions Volume 15: Bombay-Karnataka Miscellaneous: Inscriptions 724–726". The Indian Analyst.

வெளி இணைப்புகள்[தொகு]

"https://ta.wikipedia.org/w/index.php?title=பிலாகி&oldid=3806414" இலிருந்து மீள்விக்கப்பட்டது