சாமியா யூசுப் உமர்
| தனிநபர் தகவல் | |
|---|---|
| தேசியம் | சோமாலியர் |
| பிறப்பு | 25 மார்ச்சு 1991 முக்தீசூ, சோமாலியா[1] |
| இறப்பு | ஏப்ரல் 2012 (வயது 21) நடுநிலக் கடல் |
| விளையாட்டு | |
| விளையாட்டு | ஓட்டம் |
| நிகழ்வு(கள்) | 100 மீ, 200 மீ, 1500 மீட்டர் ஓட்டம் |
| சாதனைகளும் விருதுகளும் | |
| தனிப்பட்ட சாதனை(கள்) | 200 m – 32.16 (2008) [1] |
சாமியா யூசுப் உமர் அல்லது சாமியோ உமர் (Samia Yusuf Omar) (பிறப்பு: 1991 மார்ச் 25 - 2012 ஏப்ரல்) சோமாலியாவைச் சேர்ந்த இவர் ஓர் விரைவோட்ட வீரராவார். சீனாவின் பெய்ஜிங்கில் நடந்த 2008 கோடைகால ஒலிம்பிக்கில் தங்கள் நாட்டிற்காக போட்டியிட்ட இரண்டு சோமாலிய விளையாட்டு வீரர்களில் இவரும் ஒருவர். இவர் முக்தீசூ நகரத்தில்வளர்ந்தார், சோமாலிய உள்நாட்டுப் போரின்போது உள்ளூர் போராளி குழுக்களிடமிருந்து ஏற்பட்ட துன்புறுத்தல்களை அனுபவித்தபோதும் தீவிரப் பயிற்சியில் ஈடுபட்டார். ஒலிம்பிக்கில் இவரது கதை ஊடகங்களால் மறைக்கப்பட்டிருந்தது. மேலும் இவரது திறமை கூட்டத்தினரிடமிருந்து நல்ல வரவேற்பைப் பெற்றது.
விளையாட்டுகளைத் தொடர்ந்து, அல் சபாப் என்ற தீவிரவாதக் குழுவின் அச்சுறுத்தல்களைத் தொடர்ந்து இவர் தடகளத்திலிருந்து வெளியேறினார். இவர் ஒரு ஹிஸ்புல்-இசுலாம் அகதிகள் முகாமில் அடைக்கப்பட்டார். மேலும் 2012 கோடைகால ஒலிம்பிக்கில் போட்டியிடும் முயற்சியில், எத்தியோப்பியாவுக்கு எல்லை தாண்டி சென்று பயிற்சி பெற பாதுகாப்பான இடத்தைத் தேடினார். இவர் வடக்கே லிபியாவிற்கு சென்றார். அங்கு இவர் சில காலம் சிறையில் அடைக்கப்பட்டார். 2012 விளையாட்டுகளின் போது, மத்தியதரைக் கடலைக் கடந்து இத்தாலிக்குச் செல்ல முயன்றபோது இவர் லிபியா கடற்கரையில் மூழ்கி இறந்தது தெரியவந்தது.
ஆரம்ப கால வாழ்க்கை[தொகு]
இவர் சோமாலியாவில் 1991 மார்ச் 25 இல் பிறந்தார், [2] இவர், உமர் யூசுப், தகாபோ அலி என்ற இவரது பெற்றோருக்கு ஆறு குழந்தைகளில் மூத்தவர். இவரது தாயார் சோமாலியாவுக்குள் தேசிய அளவில் போட்டியிட்ட ஒரு விளையாட்டு வீரராவார். குடும்பம் நாட்டின் சிறுபான்மை இனத்தவர்களில் ஒருவரிடமிருந்து வந்தது.
இவரது தந்தையும், மாமாவும் அவர்கள் பணிபுரிந்த பக்காரா சந்தையில் ஏற்பட்ட ஒரு தாக்குதலைத் தொடர்ந்து கொல்லப்பட்டனர். அந்த நேரத்தில் இவர் எட்டாம் வகுப்பில் இருந்தார். பின்னர், தனது உடன்பிறந்தவர்களைக் கவனிப்பதற்காக பள்ளியை விட்டு வெளியேறினார். அதே நேரத்தில் இவரது தாயார் குடும்பத்திற்காக பொருட்களை விற்பனை செய்து வந்தார். [3] தாயின் ஊக்கத்தைத் தொடர்ந்து, இவர் ஓட்டப் பயிற்சியை தேர்வு செய்தார். [4] இவர் முக்தீசூ அரங்கத்தில் பயிற்சி எடுத்துக் கொண்டார். சோமாலிய உள்நாட்டுப் போரிலினால் ஏற்பட்ட பள்ளங்களால் நிரம்பிய இந்த அரங்கத்தில் சரளைக் கற்களைக் கொண்ட ஒரு ஓடும் பாதை இருந்தது. மைதானத்தில் ஓடாதபோது, இவர் முக்தீசு தெருக்களில் ஓடுவார். இதனால் முஸ்லிம் பெண்கள் விளையாட்டு நடவடிக்கைகளில் பங்கேற்க விரும்பாத உள்ளூர் போராளிகளிடமிருந்து துன்புறுத்தல்களை எதிர்கொண்டார்.
விளையாட்டுப் போட்டிகள்[தொகு]
ஏப்ரல் 2008இல், எத்தியோப்பியாவின் அடிஸ் அபாபாவில் நடந்த ஆப்பிரிக்கத் தடகளப் போட்டியில் கலந்து கொண்டு, இவர் கடைசியாக வந்தார். 2008 ஆம் ஆண்டு ஆகத்து 8 முதல் 24 வரை சீனாவின் பெய்ஜிங்கில் நடந்த கோடைகால ஒலிம்பிக்கில் 200 மீட்டரில் போட்டியிட சோமாலிய ஒலிம்பிக் அமைப்பால் இவர் தேர்ந்தெடுக்கப்பட்டார். அந்த நேரத்தில் இவரது இளம் வயது காரணமாகவும், இவர் ஒரு சிறுபான்மை இனத்தைச் சேர்ந்தவர் என்பதாலும் இந்த அழைப்பு எதிர்பாராதது என்று கூறினார்.
நிதி பற்றாக்குறை காரணமாக, இவர் சூடான் குழு நன்கொடையில் போட்டியிட்டார். இவருடன் ஜமேக்காவைச் சேர்ந்த தங்கப் பதக்கம் வென்ற வெரோனிகா காம்ப்பெல்-பிரவுன் என்பவரும் ஓடினார். இவர் மற்ற ஓட்டப்பந்தய வீரர்களை விட ஒன்பது வினாடிகள் குறைந்து, 32.16 நேரத்தில் தனது ஓட்டத்தை முடித்தார். [5] அரங்கத்தில் இருந்த கூட்டம் இவருக்கு ஒரு பெரிய அளவிலான ஆதரவைக் கொடுத்தது.
சோமாலிய பெண்ணின் கதை பந்தயத்திற்கு முன்னர் ஊடகங்களால் படமாக எடுக்கப்பட்டது. ஆனால் பின்னர் இவருக்கும் நேர்காணல் செய்பவர்களுக்கும் இடையிலான மொழித் தடையாலும், தன்னை விளம்பரப்படுத்துவதில் ஆர்வம் இல்லாததாலும் இவரது ஆர்வம் குறைந்தது.
ஒலிம்பிக்கிற்கு பிந்தை வாழ்க்கை[தொகு]
ஒலிம்பிக்கில் இவரது போட்டிக்கு சோமாலியாவில் சிறிய பாதுகாப்பு கிடைத்தது. கிழக்கு ஆப்பிரிக்க நேர மண்டலத்தின் நள்ளிரவில் இவரது ஓட்டம் நடந்தது. மேலும் உள்நாட்டில் தொலைக்காட்சியோ அல்லது வானொலியோ இவரது போட்டியை ஒலிபரப்பு செய்யவில்லை. அதுபோல, இவரது குடும்பத்தினர் யாரும் இவர் போட்டியிடுவதைப் பார்க்கவில்லை. அல் சபாப் என்ற போராளிக்குழுவுடன் மோதலால், இவர் அதிர்ச்சியடைந்தார். மேலும் தான் ஒரு விளையாட்டு வீரர் என்று மற்றவர்களிடம் கூறிக்கொள்ளவில்லை. 2009 திசம்பரில், இவரும் இவரது குடும்பத்தினரும் சுமார் 20 கிலோமீட்டர்கள் (12 mi) தூரத்தில் அமைந்துள்ள இசுலாமிய கிளர்ச்சிக் குழுவான ஹிஸ்புல்-இசுலாம் ஏற்பாடு செய்த இடப்பெயர்ச்சி முகாமில் வசித்து வந்தனர். இக்குழு முக்தீசுக்கு வெளியே. அல்-சபாப் அனைத்து பெண்களும் விளையாட்டுகளில் பங்கேற்கவோ அல்லது பார்க்கவோ தடை விதித்திருந்தனர். [3]
2011 ஆம் ஆண்டில், இவர் உள்நாட்டுப் போரிலிருந்து அடிஸ் அபாபாவுக்குச் தனது குடும்பத்தை விட்டுத் தப்பிச் சென்றார். ஓரளவுக்கு ஐக்கிய இராச்சியத்தின் இலண்டனில் நடைபெறவுள்ள 2012 கோடைகால ஒலிம்பிக்கில் போட்டியிட வேண்டும் என்ற தனது கனவைத் தொடர்ந்தார். நடுத்தர தூர தடகள வீரரும், முன்னாள் ஒலிம்பியனுமான எசெது துராவுடன் பயிற்சியைத் தொடங்கவிருந்தார். இவர் கத்தார் நாட்டைச் சேர்ந்த பிரபல சோமாலிய தடகள பயிற்சியாளர் ஜமா ஏடன், ஒலிம்பிக் பதக்கம் வென்ற மொகமது சுலைமான் ஆகியோரால் பரிந்துரைக்கப்பட்டார். எத்தியோப்பிய ஒலிம்பிக் அமைப்பின் ஒப்புதல் கிடைத்தவுடன் நடுத்தர தூர எத்தியோப்பிய அணியுடன் பயிற்சி பெற அனுமதிக்கப்பட்டார். எத்தியோப்பிய அணி 1500 மீட்டரை 5 நிமிடங்களில் கடந்தால், இவர் 4:20 நிமிடத்தில் கடக்க வேண்டும் எனக் கூறப்பட்டது.
ஒலிம்பிக்கிலும் அதன் பின்னரும் இவரது கதையை வெளிக்கொணர்ந்த அல் ஜசீரா பத்திரிகையாளர் தெரசா குரூக்குடன் இவர் ஒரு நட்பை வளர்த்துக் கொண்டார். ஒரு பயிற்சியாளரைக் கண்டுபிடிக்கும் விருப்பத்தில், இவர் வடக்கே ஐரோப்பாவை நோக்கிச் சென்று, சூடானைக் கடந்து லிபியாவிற்குள் நுழைந்தார் என்று க்ரூக் பின்னர் தெரிவித்தார். உமரின் குடும்பமும் குரூக்க்கும் இவரைப் பற்றி பேச முயற்சித்தனர். மேலும் எத்தியோப்பியாவில் தங்குவதற்கு சோமாலிய ஒலிம்பிக் அமைப்பு ஒரு பயிற்சி முகாமை அமைக்கும் என்று நம்பினார்கள். அதற்கு பதிலாக, இவர் லிபியாவிற்குள் செல்ல கடத்தல்காரர்களுக்கு பணம் கொடுத்தார். அங்கு இவர் சில காலம் சிறையில் அடைக்கப்பட்டார். [6]
மரணம்[தொகு]
2012 ஆகத்து 19 அன்று, லிபியாவிலிருந்து இத்தாலிக்கு ஒரு படகில் சென்று கொண்டிருந்தபோது இவர் இறந்துவிட்டதாக கொரியேர் டெல்லா செரா என்ற பத்திரிக்கை தெரிவித்தது. இந்த தகவல் இவரது தோழரும் சக ஓட்டப்பந்தய வீரருமான அப்தி பிலிடமிருந்து வந்தது. மேலும் செய்தித்தாள் கூற்றை "நம்புவதற்கு கடினமாக இருந்தது". [7] 2012 கோடைகால ஒலிம்பிக்கின் போது கதை வெளிச்சத்திற்கு வந்தது. இவரது மரணம் அந்த ஆண்டின் தொடக்கத்தில் ஏப்ரல் மாதத்தில் நிகழ்ந்தது. [8]
ஆகத்து 21 அன்று, சோமாலியாவின் தேசிய ஒலிம்பிக் அமைப்பிடமிருந்து இவரது மரணம் உறுதிப்படுத்தப்பட்டதாக பிபிசி தெரிவித்தது. [9] எத்தியோப்பியாவில் உள்ள தனது வீட்டிலிருந்து இத்தாலியை அடைய முயன்றபோது இவர் லிபிய கடற்பரப்பில் இருந்து நீரில் மூழ்கியதை சோமாலியாவின் தடகள கூட்டமைப்பின் துணைத் தலைவர் காதிஜோ ஏடன் தாகிர் உறுதிப்படுத்தியதாக ஹஃபிங்டன் போஸ்ட் செய்தி வெளியிட்டுள்ளது. காதிஜோ மேலும் கூறுகையில், "இது ஒரு சோகமான மரணம். . . அவர் லண்டன் ஒலிம்பிக்கில் எங்களுக்கு மிகவும் பிடித்தவர் ". [10]
இவரது மரணம் குறித்த சரியான விவரங்கள் இறுதியில் வெளிச்சத்துக்கு வந்தன; மத்தியதரைக் கடலைக் கடந்து இத்தாலியை அடைவதற்கான முயற்சியில் 70 பேருடன் ஒரு நிரம்பிய படகில் ஏறினார். படகு பாதுகாப்பு படையினரிடமிருந்து மறைந்து லிபியா கடற்கரையில் சிக்கிக்கொண்டது. உதவி வழங்க ஒரு இத்தாலிய கடற்படைக் கப்பல் வந்தபோது, அது அகதிகளுக்கு பக்கவாட்டில் கயிறுகளை வீசியது. மக்கள் கயிறுகளைப் பிடிக்க முயன்றபோது ஏற்பட்ட குழப்பத்தில், உமர் கடலில் தள்ளப்பட்டார். அங்கிருந்த சாட்சிகள் சிறிது நேரம் இவர் தண்ணீரில் மிதந்துக் கொண்டிருப்பதைக் கண்டனர். ஆனால் இறுதியில் நீரில் மூழ்கினார். [11]
குறிப்புகள்[தொகு]
- ↑ 1.0 1.1 Samia Omar. sports-reference.com
- ↑ "Samiya Yuusf Omar". International Association of Athletics Federations. பார்க்கப்பட்ட நாள் 15 October 2016.
- ↑ 3.0 3.1 Krug, Teresa (20 August 2012). "Somali inspiration battles against the odds". Al Jazeera. http://www.aljazeera.com/sport/2011/05/2011513103418320619.html. பார்த்த நாள்: 15 October 2016.
- ↑ "Against the Odds: Samiya Yuusf Omar". BBC News. 21 July 2008. http://news.bbc.co.uk/1/hi/world/africa/7492967.stm. பார்த்த நாள்: 15 October 2016.
- ↑ "200 Metres – W". தடகள விளையாட்டுக் கூட்டமைப்புகளின் பன்னாட்டுச் சங்கம். Archived from the original on 21 August 2008. பார்க்கப்பட்ட நாள் 2008-08-21.
- ↑ Brundu, Rina (19 August 2012). "A Rosebud Exclusive: Samia Yusuf Omar's Italian dream. An interview with Teresa Krug of Al Jazeera". Rosebud.
- ↑ "Samia, l'atleta somala di Pechino 2008 morta su un barcone per raggiungere l'Italia" (in Italian). Corriere della Sera. 19 August 2012. http://www.corriere.it/cronache/12_agosto_19/samia-barcone-atleta-somala-pechino-2008_bf87e0be-e9d8-11e1-aca7-3ef3e0bba9b5.shtml?refresh_ce-cp. பார்த்த நாள்: 15 October 2016.
- ↑ "Grieving for Somali Olympian Samia Omar". Al-Jazeera. 27 August 2012. http://www.aljazeera.com/sport/olympics/2012/08/2012826142635318631.html. பார்த்த நாள்: 15 October 2016.
- ↑ "Somalia Olympic runner 'drowns trying to reach Europe'". BBC News. 21 August 2012. https://www.bbc.co.uk/news/world-africa-19323535. பார்த்த நாள்: 15 October 2016.
- ↑ "Samia Yusuf Omar Dead: Somalia Track Star Drowned In Boat Accident Ahead Of London Olympics". The Huffington Post. 21 August 2012. http://www.huffingtonpost.com/2012/08/21/somali-olympics-samia-yusuf-omar-death_n_1817780.html. பார்த்த நாள்: 15 October 2016.
- ↑ Krug, Teresa (3 August 2016). "The story of Samia Omar, the Olympic runner who drowned in the Med". The Guardian. https://www.theguardian.com/world/2016/aug/03/the-story-of-samia-omar-the-olympic-runner-who-drowned-in-the-med. பார்த்த நாள்: 15 October 2016.